Flames (鴻圖道)

營業中

休息中

今晚是同小鮮肉老公慶祝記念日的日子。黑松露蘑菇扁意粉這道意粉的香氣撲鼻而來,黑松露的醇厚與蘑菇的鮮嫩完美融合。麵條的質地恰到好處,不軟爛也不過於硬實,令人印象深刻。整體而言,這款意粉為我帶來了難忘的味蕾體驗。下次一定再嚟食。蟹肉巴馬臣芝士蕃茄忌廉汁通粉這款通粉色澤誘人,蟹肉鮮甜可口,巴馬臣芝士的鹹香恰到好處,蕃茄忌廉汁為整個口感增添了絲滑的質地。通粉的烹調程度剛好,口感富有彈性。每一口都令人想再吃下去,難怪會成為這家餐廳的熱門菜品。下次一定要再來品嘗。夏威夷薄餅這款夏威夷薄餅色澤誘人,鳳梨的甜美與火腿的鹹香相互輝映,融洽協調。餅皮厚度適中,對比支撐足夠,相信未來會再次光臨品嘗。

放工約咗朋友去一間高質嘅西餐廳食飯兼吹吹水，呢間Flames有好幾間分店，是晚嚟咗鴻圖道分店。七點多來到全場滿座，今晚天氣咁熱，出面都坐咗幾多人，就知道佢有幾受歡迎啦😊我哋坐咗門口隔離一張二人枱，店員好快送上水同埋餐牌，揀下食咩好先。⭐10安士肉眼扒配忌廉薯蓉朋友話想食牛扒，就揀咗呢個10安士嘅肉眼扒，伴碟仲有忌廉薯蓉😊牛扒要五成熟，上枱時真係啱啱好，食落有炭香，牛味唔錯喎，仲有碗又香又滑嘅忌廉薯蓉添😋⭐炸魚薯條配他他醬自己點就炸魚薯條，炸魚超大條，魚肉厚身又嫩滑，炸魚同薯條都係啱啱炸起，又香又脆，個他他醬仲超好味呀🤤⭐Cranberry juice 食咗咁多炸嘢，叫返杯酸酸地嘅小紅莓汁飲下先😆店員斟水好勤快，幾乎個水杯一吉咗就有人嚟斟返滿，哈哈。

之前lunch試過喺海濱匯嗰間分店食，覺得都唔錯，所以今次就帶屋企人嚟食好西啦🤪一入到去個環境真係好唔錯，舒服得嚟裝修又幾有質感😍連帶啲Staff嘅服務都好周到好貼心帶屋企人去食嘢，最緊要就一定係要坐得舒服 食得開心😌🥢紅酒燴牛面肉草菇扁意粉通常牛面肉都好腍，而且見佢係廚師推介👨🏻‍🍳就決定咗嗌呢個扁意粉一上到枱又以貌取人地覺得一定好食🤣🤣🤣食落去果然唔止睇得，都真心好食🤤因為佢個意粉好掛到汁，而且佢個牛面肉好腍，量亦唔少一啖接一啖咁停唔到口🤭🤭🥢海鮮香草茄醬薄餅個Pizza一上到枱就知一定好食🤣因為你睇得出佢係手工製作，一放上枱離遠都feel到佢熱辣辣 仲要拉到絲🧀食落去果然餅皮好鬆軟👍🏻🥢自家製甜品 百香果朱古力慕絲蛋糕其實本身係嗌咗佢嗰個Yogurt cheesecake，但係原來佢已經賣晒，就轉咗呢個慕絲蛋糕🍰本身都有啲驚佢會好甜，但係食完之後反而仲覺得無之前咁飽🤣🤣因為佢有百香果喺度酸酸甜甜，加埋其實佢中間嗰層係慕絲，但係最底嗰層係類似Brownie，有三層嘅配搭，真係幾好食，而且唔會好漏☺️呢間絕對會encore👍🏻👍🏻👍🏻

一直都知Flames有幾間分店, 之前試過黃埔,鰂魚涌分店. 質素都好好. 今次去開觀塘 就試下佢呢間分店, 呢間個門面好靚. 裝修好特別, 用嘅燈有少少暗制做左種高級浪漫感覺 , 餐廳樓底高空間感大, 環境非常舒適好CHILL. Parma Pizza ($168) - 手工pizza， 烤焗得軟硬度口感剛好， 配料用新鮮火箭菜加巴馬火腿芝士， 好惹味。 Truffle Fries ( $58)　- 薯條香脆份量多。 加上新鮮黒松露味道更上一層。 Chicken Caesar ($118) - 雞肉好嫩滑， 配上新鮮沙律菜好醒胃。 Mango Tango Smoothie ($78) - 勁香滑, 綿綿口感. 超正, 下次一定ENCORE。

觀塘 Flames

漫步在觀塘，好奇心驅使著我進入其中一家西餐廳，迎面而來的是愉悅的氛圍和滿座的客人。更令人驚喜的是，還有舒適的露天座位，讓空間充滿了自在的氣息。毫不猶豫地，我選擇在這裡享受一頓下午茶。
黑松露薯條
這份薯條份量十足，散發出濃郁的黑松露香氣。厚切的薯條，外酥內軟，完美地融合了黑松露的香氣和粒狀調味料，每一口都充滿了咸香的滋味，讓人無法停止。
意式辣肉腸薄餅
這款薄餅上面鋪滿了意式辣肉腸醬、辣薩拉米腸、俄勒岡菜、馬札諾蕃茄和瑪斯卡彭芝士。薄餅的大小超出了我的想像，每一口都充滿了濃郁的芝士味道。餅皮鬆軟熟透，辣肉腸醬微辣的味道令人回味無窮。
蟹肉巴馬臣芝士蕃茄忌廉汁通粉
這道通粉真的是我強烈推薦的一道菜。從未品嚐過如此濃郁的蟹肉通粉，而且蕃茄忌廉汁帶著酸甜的滋味，非常開胃。
香草紅酒汁燴牛面肉配忌廉薯蓉烤蔬菜 $268
這道菜以香草紅酒汁燴煮的牛面肉為主，搭配濃郁的忌廉薯蓉和烤蔬菜。牛面肉煮得極為軟嫩，完全吸收了紅酒汁的美味，帶有微微的酒香。忌廉薯蓉口感濃郁順滑，味道令人滿意，只可惜份量稍少。烤蔬菜則散發出忌廉的香氣，整體而言，這道菜還是相當不錯的。

晚餐時間到了，約好姐妹吃西餐聚聚，當然要選擇自己喜歡的頭號西餐餐廳🍴——Flames🥰這裏算是我在香港🇭🇰最認可和喜歡的西餐廳，主要這裡的氛圍很chill很舒適，美食也是正宗的西式口味，平日還可以在這裡happy hour。Flames 有幾家分店，這次到觀塘鴻圖道，環境和服務同樣棒棒的。點了pizza🍕, pasta 🍝 ，甜品🍮Parma ham pizza 🍕 是我的最愛,每次來都會點這款，喜歡每塊薄餅都有parma ham還有滿滿的芝士粉撒在上面，吃起來特別過癮滿足😌紅酒🍷燴牛面肉草菇扁意粉也是特別出名的一款意粉，喜歡吃牛肉的可以吃吃這款，牛面肉特別嫩滑，意粉彈牙好吃。必吃的還有這裡每天不同的蛋糕🍰今天是熱情果芝士🧀蛋糕🍰，超級喜歡這款口味。來這裡也少不了喝幾杯，啤酒🍻紅酒🍷也是最愛，辛勞一天工作，好好吃飯喝酒真的是樂事。

又嚟到假日周圍搵食時間今日要去觀塘拎野所以係度兜下見到呢個幾多人幫襯裝修都幾靚Flames特盛早餐$158好豐富既all day，洋蔥炒香過既蘑菇、煙肉兩大塊、雞肉腸兩條、蕃茄、炒蛋、酸種包自從係墨爾本食包酸種包後，徹底愛上呢度既酸種包都唔錯～熱熱地幾煙韌蘑菇除左夾雜洋蔥都好香牛油味，朋友都好鍾意炒蛋好滑～仲有d流心蕃茄熱熱地幾甜雞肉腸同煙肉都唔錯新鮮黑松露蘑菇薄餅$168一上枱已經聞到好香黑松露味每塊pizza都有一大片新鮮黑松露個餅底幾鍾意好軟熟熱辣辣～咬落去好多芝士拉晒絲兩個人食兩塊，另外兩塊要打包😂因為仲要留肚食甜品飲品：凍檸茶＆加$18既凍咖啡咖啡味香濃回甘，剩係落奶已經好正。甜品：加左$35要自家製甜品有兩款，小朋友先選擇～我地梗係各一啦芝士蛋糕：好輕盈餅底甜甜地，芝士酸酸地，加埋酸酸甜甜～自己食晒一件都唔會膩～另一款係唔記得咩手指餅賣相好靚蝴蝶酥好吸睛Cream入面有唔同既水果，士多啤梨、藍莓、紅莓、熱情果等。座位好舒服，我地坐高凳望晒成個環境～店員們親切有禮～食物都好有質素

一到每個Weekend～總是想找一家西餐舒舒服服食個brunch放鬆一下♥️這樣才有放假的感覺～Relax下嘛😌今次去咗呢一間位於觀塘嘅Flames~之前見到佢哋嘅餐廳環境有超高樓底！環境舒適很可以～食物望落都好Okay～終於都去咗試，果然係唔錯啊👍🏻週末brunch之選☑️-🍕意式辣肉腸薄餅 / $168(Nduja Pizza)-🍝燒大蝦三文魚籽龍蝦汁扁意粉 / $158(King Prawn Linguine)-🍟黑松露薯條 / $58(Truffle fries)-🍹可樂&凍檸茶 / 以上主菜價錢各附送一杯drink非常推薦大蝦扁意粉🥹～龍蝦醬汁很好吃！超級多三文魚籽🧡Pizza點了我最喜愛的意式辣肉腸🍕如果Pizza可以再烤得脆口一點會更加好吃呢～室內環境是很寬敞，但餐廳裡的二人桌子面積偏細小⋯食物碟頭又偏大，上齊食物的時候吃起來時有點不就手⋯這個可以改善下就更加好了。💵以上二人份埋單$422（連加一），人均約$211～

這間餐廳門面很很漂亮，因此吸引了我們內進用餐。這家餐廳有兩個入口，一面是向街，另一面是向商場。內在裝潢也很時尚，打卡很一流。我們叫了一個all day breakfast, 可是這份餐的賣相很不吸引，味道也沒有太突出可以評價的地方。擺盤也不是太吸引⋯ 反正就不值那個價錢。大部份侍應都很Nice

今晚同朋友去完觀塘行街，就去左Flames食西餐，一來環境座位舒適，最緊要係可以慢慢食同傾下計。🌟 雜菜湯足料蔬菜慢煮熬製而成，香濃幼滑， 十分開胃。🌟 慢煮雞胸凱撒沙律沙律菜十分之新鮮，爽甜可口，雞胸肉煮得剛剛好👍🏻散發著清甜的雞肉味，份量足。🌟 10安士肉眼扒配忌廉薯蓉牛扒唔算大，但肉質軟腍，鮮嫩多汁，搭配濃郁的香草蕃茄辣肉腸醬，口感豐富，十分惹味💗食材新鮮，烹飪用心，整體味道都不錯。眼見餐廳好多人叫Pizza，份量十分之大，好吸引，下次一定要嚟試吓。

🍊 餐廳名稱：Flames (鴻圖道) (觀塘)🐝 味道：8/10環境：8/10整體分數：8/10💰人均：$250+———————————————————二次到訪嘅人氣餐廳，格調性價比同區無得輸！Aloha Pizza 💰178偷偷地話俾大家知，小編好喜歡有菠蘿嘅pizza！薄批令到整體香香脆脆，芝士拉絲真係見到都好有食欲！Beef Cheek Linguine 💰148牛面頰肉軟爛容易入口，醬汁既中又西式。FFC💰88招牌小食炸雞份量都幾多，新鮮炸起熱辣辣好好味。🗺️ 觀塘鴻圖道51號Two Sky Parc地下1號舖 🔍#Flavorfortday觀塘🚆 觀塘站A2出口，步行約10分鐘

週末半天工作日，中午放工後迎接好假期要食餐好嘅，同事建議去觀塘鴻圖道的「Flames」，原來這裏有個 Weekend Menu 好有水準！Brunch🍽️:SMOKED SALMON EGGS BENEDICT煙三文魚班尼迪蛋呢間嘅Benedict好好味，一切落去就有流心蛋配埋煙三文魚仲有醬汁，一啲都唔膩，真係好鍾意！Pizza🍕:BLACK TRUFFLE MUSHROOM新鮮黑松露蘑菇薄餅聽聞這裏最出名就是手工Pizza,咁就一定要試吓！以黑松露蘑菇做餡料，但價錢佢一啲都唔貴，好有質素，唔怪之得好多枱都叫咗呢個Pizza食！每個餐已包飲品及仲可以+$15配是日餐湯，+$35升級自家製甜品。今日就有香濃嘅南瓜湯及乳酪芝士餅，味道不錯！

之前我都已經食過鴻圖道分店的Flames,放工就係附近太方便,而且食物質素高價錢合理,所以再決定二訪🫶🏻一入到去..嚇親😧估唔到平日夜晚餐廳竟然坐滿曬人,座無虛席,可見餐廳的深受歡迎程度。同埋當晚好多人生日,播生日歌都3-4次😆成晚感覺好令人開心～🍝King Prawn Linguine粉嫩大蝦鋪在意粉上,每一條意粉都沾🈵海鮮醬汁,濃郁香醇🍕Parma Pizza Pizza底配左新鮮多汁的番茄醬料,再加上醪醬香氣四溢,帶少少🤏鹹香巴馬火腿,火腿鹹味同🍕餅底一齊食,中和返,成件事好match..味道唔錯!🥗Chicken Caesar雞肉切成薄片,加羅馬生菜,再加上特製的凱撒醬汁,整個口感層次豐富正常水準味～

放假一個人冇乜嘢做，醒起好耐都冇去觀塘，得閒就去行一行 ❤️ 喺呢度搵到呢間有得食 Egg Benedict 就去試下 🤓🔸沙律有雞胸肉、沙律菜、蕃茄仔同青瓜粒，撈咗麻醬 🥰 雞胸肉一啲都唔鞋 👍🏻 調味啱啱好唔會話好淡，其餘蔬果好新鮮！🔸煙三文魚班尼迪蛋個底嘅麵包係 sourdough，嗰邊烤到好脆！中間係煙三文魚，淡淡嘅煙熏味唔會太搶 fo，加埋上面嘅 Egg Benedict 同埋荷蘭醬，成個感覺好 balance 👌🏻 隔離嘅沙律菜係落意大利黑醋，酸酸哋好解膩 😋🔸蘋果汁有幾款果汁可以揀，問店員邊隻好飲 🫣 最後揀咗蘋果汁 🍎🔸乳酪芝士蛋糕好好食阿 😍 就咁食已經好好食，仲有百香果醬同士多啤梨醬伴碟，可以點住嚟食轉換一下口味～對上一次食 Egg Benedict 已經係幾年前嘅事，今次特登嚟食果然冇失望 😆

晚餐時刻到訪 餐廳好有氣氛 環境好舒適 食物味道不錯🫶🏻▫️ 意式辣肉腸薄餅 ($158)內有意大利辣肉腸醬、辣沙樂美腸、俄勒岡菜、型馬札諾蕃茄及馬酥里拉芝士 pizza size比相像中大🍕薄餅充滿芝士 食落餅皮軟熟 辣肉腸醬有少少辣 幾惹味！▪️新鮮黑松露蘑菇扁意粉 ($138)超多醬汁同蘑菇 份量好足🥰每條意粉都可以沾上醬汁 好creamy 黑松露味濃郁▫️黑松露醬條 ($58)薯條好脆身香口 面頭灑上黑松露粒 食落黑松露味則不太出 ▪️Mango Tanto Smoothie ($78)芒果味出 帶點雲呢拿味 甜度適中😋