Flame at Towngas Avenue (已結業)

由於換了煤氣爐，得到幾百蚊現金劵，可於Flame – Towngas Avenue用餐或者買蛋糕，又有口福了。快快找個日子，去吃頓午餐，把手上的現金劵幹掉，否則以我咁大頭蝦的性格，只會放到過期。今次記得帶相機，不過為什麼開不了機呢? 唔係壞機呀? 唉，原來係冇電 (前一晚拿了粒電去叉，冇放番入去)，真係樣衰到爆，唯有用手機頂住檔。然而，經過少許後期加工，相片出來的效果又唔太差喎！這兒是半自助餐形式，主菜四揀一，頭盤和甜品自已出外面Buffet Counter搞掂，價錢介乎$128 - $178，另加一，算是合理。出去瞄幾眼，頭盤的選擇頗為有限，大部份都是沙律，同埋Cold Cut。幸而，水準還是可以，沙律菜大都新鮮爽脆，帶點醋的微酸，很是開胃；蘋果西芹沙律則爽脆清新；火腿軟熟之餘，仍帶點肉香。麵包籃的幾款麵包，因為我要留肚吃其他食物，所以只淺嚐了些少，不過拿上手，均是凍冰冰的，沒啥吸引，不吃也沒有大損失。是日的餐湯，為青瓜忌廉湯，若不喜歡的話，可另加二十個大洋轉龍蝦湯或者黑菌濃湯，我則回去最基本的去。湯幾香，而且是熱的，唔錯，最討厭溫溫吞吞的，我不介意再多點青瓜味。我的主菜是春雞，用上

餐廳是十分舒適的，檯與檯的空間度十足。窗外景色亦醉人。全晚亮點要數這個。我的生日蛋糕來了，當侍應棒來的時候，我還差點要他退回去，我的生日未還未到呢…原來這都是朋友們的心思，替我預祝生日。火焰雪山外面係蛋白，入面係雪糕同威化餅呢。侍應替你即場點火，夠驚喜啊…謝謝朋友的一頓飯

別期望過高@TOWNGAS FLAME尖沙咀廣東道33號中港城第1座平台1號之前家人買了一堆廚房用品, 有近5位數所以有$300 現金COUPON回贈睇完鴨鴨後就來輕鬆吃個SEMI LUNCH BUFFET上了扶手電梯, 就看了寛闊的天地感覺寧靜又舒適的環境,也沒有自由行污染的角落!!!!這層沒有商舖, 就只有FLAME 同另一邊是上堂同售廚具的地方是日MUNU~價錢都不超過$200每桌;37C DISTILLED WATER一支先來一木台一籃麵包麵包仍是微暖的,有先加熱有牛油香草,但味道好淡個人認為淡牛油會無意中用多了因沒鹹味會間接令人塗多了, 不是太健康紅菜頭忌廉湯紅菜頭本是很甜很多湯汁的蔬菜加入了忌廉帶粉紅的顏色美極可是入口很淡, 沒有紅菜頭的甜也沒什麼鹹味,令人不禁懷疑忘了下鹽嗎湯打得很滑就是了, 沒有渣的前菜也是任拿的有火腿, SALAD, 個MUSHROOM SALAD 太油不過SALAD DRESSING很多款, 當中醋汁淋在沙律上開胃又刺激食慾煙三文魚BAGELBAGEL 煙勒, 因BAGEL沒有加油同蛋是很健康的麵包, 慢慢會吃出麵粉的原始淡香煙三文魚帶木香, 厚身肥

煤氣公司做蛋糕？不知就裡的我，只是對棉花糖向來有點情意結，所以這次煤氣餐廳出蛋糕團購，而且大力吹捧棉花糖；那好！就跟你會一下。一個個蛋糕陳放在雪櫃中，沒有很誘人，但也不過不失吧。倒是夜裡的這店子也夠寂寥……找了個位置品嚐，嗯，人口只有二，但一磅蛋糕最後都被我們吞沒了！棉花糖朱古力慕絲蛋糕那光澤的朱古力面層，本該是吸引人的，但為啥表面卻雛巴巴的？再說，不是金粉的配襯，其餘配料的佈置就顯得有點寒酸了……匙羹一勺之下，哇，強調是為比利時朱古力的表層一點不馬虎，厚厚的一層少說也有三、四毫米，甜入心頭。那慕絲糕身亦挺鬆軟的，不錯；海棉蛋糕餅底也夠入味，就是朱古力口味，來一個上下夾攻味蕾，好。最初，我們還以為所謂的棉花糖只是表層的那兩顆，但原來內有乾坤！由第一顆棉花糖出現開始，每一口都成了歷奇！吃一半後，你就更容易看到一顆顆棉花糖的出現；有夠像牙齒呢！至於表層的草莓跟藍莓，你就不要抱太多期望了！由於蛋糕甜，水果不怎甜就變得酸了……所以還是有美中不足。這餐廳主賣西餐的，我們這次只試了蛋糕，有機會或可考慮試試鹹點啦～

已經好耐冇嚟過中港城, 都唔知呢度有間煤氣開的餐廳, 淨係知有船搭, 朋友約食飯, 選咗呢間餐廳, 跟住嚟到先知呢度環境咁正, 對住個大海食飯, 又望到兩岸, 但餐廳入面反而乜都睇唔到, 因為燈光昏暗, 非常有情調.................每一枱都會有一籃麵包, 唔知如果唔夠食, 有冇得REFILL呢 不過一場嚟到, 冇理由食麵包食飽個肚架嘛~~ 所以每一都係食一件就算..........麵包雖然唔算好香, 但塗咗牛油之後, 就會香好多, 可能D牛油有香草掛 食完麵包之後, 就食正餐喇~~ 我地5個人, 叫咗1個SET DINNER再散叫幾樣嘢, 而佢應該係即叫即整, 因為每樣餸都等好耐, 尤其是條魚................ 沙律我都唔知佢叫咩沙律, 淨係知有菜+蛋, D菜好新鮮, 好爽口, 而D蛋仲係溏心蛋, 應該再落咗D橄欖油+醋, 拌勻食之後非常開胃................ 香煎鵝肝伴蘋果鵝肝煎得好香, 面層好脆口, 但內裡仲好嫩滑, 而蘋果一D都唔似蘋果, 浸完糖水之後似罐頭水蜜桃,.......... 三文魚忌廉湯由於太多嘢食, 完全忽略咗呢個湯,

Lunch Semi-Buffet的自助沙律絶不馬虎, 最愛那沙律醋.是日餐湯西蘭花忌廉湯 ~ 我很少會讚西湯的, 但這次真的OK, 用的碟也很特別.1. 烤嫩雞柳 $148 ~ 薄薄的兩塊, 與平時在西餐廳食的厚切截然不同, 唔知更以為的煎薯仔餅.2. 豚肉$158 ~ 雖然chief推介是七成熟, 但心理上礙於是豬的原因, 我order了八成, 程度剛滿我心意, 餐飲的咖啡OK, 但朱古力很差, 我並沒有落糖但也很甜.

很久沒有一大班朋友外出食西餐，於是揀左Towngas 試，結果，我們都帶著一顆超傷的心和極重的怨氣去會周公！我們一行九人星期五到尖沙咀的Towngas Avenue 分店享用十週年開心"Fun 享" 套餐，但此行我們極度失望！當晚，幾經辛苦完成了這個超難食的"Fun 享" 套餐之後，我們帶著怨憤再轉戰韓燒！有幾難食？首先是特飲：沒有酒精那款是西瓜汁，是淡而無味的西瓜汁！像是用西瓜皮白色部份榨汁一樣！三個沙律: 沙律應該不會難食的，但Towngas 也可以成功地令其中一款唔好食，勁！用醋做沙律汁最安全不過，但她偏偏加個蜜糖，甜到你蝕牙 @@"！沙律內還有些你吃完也不知是雪梨過是沙葛的東西！兩個意粉: 算是全場最可以接受的，但份量絕對不夠十人享用！羊肉串：只有四串大概共8小丁的羊肉，送上時待應說很燙的，提醒我們要小心！但他所言並不準確！羊的中心部份還是凍的！牛：完全唔問顧客要幾成熟，求其整medium rare，基本待客之道也不懂！燒乳豬：將無論賣相和味度的恐怖程度都推至全餐極點！！！看看圖中的豬頭，我從未見過如此恐怖的賣相，有牙、鬚根兼反白眼的賣相比Man vs Wild 吃的野味還要恐

今日同老細係中港城開完會，係樓下見到呢間餐廳，比個無敵大海境吸引住，就決定試下啦!我地要左2個Lunch Semi-Buffet， 主菜要左一個煙肉茄醬粉同龍脷柳。 前菜和甜品就要自己出去buffet bar攞。 buffet bar 有好多款沙律菜，仲有唔少火腿肉腸之類同甜品。 沙律菜食落好新鮮， 好爽。dressing既選擇都好不少 。 返埋位d湯同麵包都黎左， 黑菌濃湯好香, 好creamy。 因為d黑菌都唔少， 所以無論入口定嗅落d味好濃。主菜都到啦，我個份長通粉個面放左唔少cheese，蕃茄醬味唔太酸，夏天食都幾開胃。 另外條魚都唔錯，煎得幾香。底下用甜蕃薯蓉做伴菜，幾特別，味道好甜。食完order埋餐飲就即刻去攞甜品，建議大家一定要試cheesecake，好好食，好濃芝士味之餘仲好軟滑。佢blueberry cheesecake啲blueberry jam唔太甜，仲有d blueberry果肉，再加一杯意大利咖啡!!

今晚一行五人黎左呢間食飯，慶祝朋友生日。頭盤叫左兩個salad，一個香橙沙葛合桃菠菜沙律，一個凱撒沙律。香橙沙律好fresh，個啲一塊塊既沙葛都好fresh，好爽脆，仲有唔少合桃。凱撒沙律都唔錯，最欣賞個塊波浪形既芝士，好有心思，好靚。另外仲有盤antipasto，份量比想像中多，有五六款小吃，味道都唔錯。 之後到個西班牙豪華豚，侍應好好心咁幫我地分左5份。啲肉好嫩，個皮好脆。加埋個香桃醬仲好食啲。而另外個兩個意粉都幾好。要左個大份量既香草硯肉意粉，好多硯肉，個汁好creamy，唔“溜”，裏面仲有d辣椒絲令個味道更加有層次。另外個托斯卡豬肉腸牛肝菌意粉都好足料，牛肝菌都幾鮮甜。 甜品叫左個火焰雪山，但我地興奮過頭未來得切影相，侍應點火時我地睇到定晒型! 下次有機會一定要影番. 好在個味都幾好，d蛋白燒到個面脆脆地，暖暖地，加埋裏面d雪糕，一冷一熱，好特別! 之後忍唔住再加多個豆腐奶凍同菠蘿芭菲香脆。豆腐奶凍好滑，仲有伴碟既黃梅，甜甜地。 菠蘿芭菲好靚，上面放左啲椰子薄片好脆，好濃椰子香味，同菠蘿味雪糕好夾，成個甜品都充滿熱帶feel，好適合夏天食。

今天跟另外一班朋友，一行五人再來到吃晚餐，被安排坐在窗邊，這兩天天氣多煙霞，空氣污染指數極高。幸好，晚上的維港景色都不算太差。先點了一個沙律，糖心蛋配鯷魚香草牛油炒野菌，雜菜沙律，$138，新鮮的沙律菜加上檻欖黑醋汁，開胃之選，但糖心蛋熟了一點。而炒野菌份量較少，味道亦平平，只帶少許牛油味，比較普通的沙律。意大利小食併盤，$298，一次過能品嚐多種豐富小食，有Parma Ham，沙美腸，煙吞拿魚，蕃茄水牛芝士，魷魚及檻欖。我最愛蕃茄水牛芝士，水牛芝士外滑，中間帶點半溶狀態，很好吃。另外是set dinner的頭盤，煎鵝肝，外帶微脆而內嫩，不算十分肥美，但帶豐腴的油香，伴焦糖蘋果吃更減少一份油膩，整體都算不錯。主菜點了意式香草鹽焗原條海鱸魚配香草醬，$288，待應把海鱸魚端上後在我們面前打開鱸魚上厚厚的一層海鹽。魚肉鮮嫩而不失彈性，帶微咸，但不太吃到香草味，魚很大條，五人最後都未能清掉，吃剩了一點。優惠期間，點海鱸魚更送意粉一客，我們選了燒魷魚墨魚汁米形粉。黑黑的墨魚汁米形粉，有點像黑糯米，但其實口感像意粉，口感都幾特別，濃烈的墨魚汁，但又不太咸，好味。而跟餐的主菜是燒羊鞍，羊鞍點了七成

見有magazine 介紹中港城開左間 towngas 餐廳﹐禮拜六晚唔知食咩﹐就去試下。中港城一向無人行﹐多人但係80%係搭船既﹐無人o黎行街﹐但係個海景當然係正既﹐所以都有dd 期待。今日有d 飽﹐所以只係叫左d 野share﹐有salad, 青口﹐千層面﹐同闊面。青口唔錯﹐料用得幾好﹐雖然細細地但係處理得幾好。南瓜湯有d 南瓜肉﹐同傳統煮法唔同﹐但係幾好飲。千層面係茄子蕃茄一齊煮既﹐我覺得一般﹐樣都唔太好。闊面味道淡﹐橄檻油過少﹐好乾。。。。地方尚算舒服﹐但係唔夠寬淌﹐可以整得有特色d﹐ 同好好利用海景。。。。最後comment 係﹐ 唔知點解﹐總覺得d servers 唔夠professional﹐ 未至於黑面﹐但有d 木口木面。Around HKD $300 per person, 我覺得有其他選擇。

一行 12 人聚餐，正苦惱應選擇邊間餐廳，發現Flame @ Towngas Avenue 在中港城開新店，第一時間去幫襯！我地 order 左好多野，不過唔可以 upload 哂所有相上o黎。 比較鍾意既食物有：Antipasto，包羅萬有，ham，salami，tuna，olive，等等，一個好o既 starter！Black Truffle Risotto with Wild Mushrooms，味道非常香濃的 Risotto！Bucatini Tossed with Tomato, Baby Spinach and Forest Mushroom，少少辣，有咬口，好味！Grilled Australian Lamb Rack，嫩，入味，不過如果生少少重正。主 dinning area 有十幾張檯，點點燭光，最o岩情侶撐檯腳！另外有間 private party room，開 party 唔怕嘈襯人，我地 12 人o岩o岩好！餐廳對出有個 patio，雖然海景未算無敵，不過有一個咁既 view ，無論食野或飲野都寧舍開胃！一次過可以滿足三個願望，加上食物及服務都很好，有機會一定再