Flame at Towngas Avenue (已結業)

相信大家都多數黎得都可能係因為有優惠卷， 黎到就點左海鮮飯同prime steak $398 本身都有睇過d評價唔算話好好 但見有海景又係尖沙咀都覺得想試試必需講 呢個餐包係終極難食 好乾又無味又硬呢個prime steak 好好味 好juicy 可能一黎扒都唔便 同埋牛易整d? 但如果黎食野朋友 得會suggest 佢地食扒唔好點飯hahaha 海鮮飯又係一個字 dry .....無咩汁 飯超硬 肉無咩味.....平時我都好小覺得野食難食 但呢個同包真係。。。

之前屋企買左煤氣爐，所以送左$600coupon用。咁岩平日放假，所以揀左同屋企人食lunch。佢個位置係中港城，唔太容易揾到。係尖沙咀A1出口出都行左大約10分鐘。之前已經Book 左枱，原來佢有outdoor...依家既天氣涼涼地應該幾舒服。不過我黎到已經Full 哂😓咁唯有坐入面啦，不過都幾焗好似無開冷氣咁。2 Course 118 -前菜 + main course 如果加甜品就加左三十蚊我地今次揀左肉眼扒配砵酒汁 （+$30）落左Order之黎送左麵包黎，暖暖地，外脆內軟頭盤- 無咩特別到main course - 肉眼扒我叫左3成熟，其實睇過之前既食評都無咩期望。本人只係好驚佢會over cook... 好彩剛剛好，仲唔會有血水同無太多肥膏！ 只係略嫌淡左少少.... 佢配菜有秋葵炸薯仔最後仲有coffee/Tea 呢間真係係我想像中咁差Service亦都唔錯下次試下佢既High Tea 先

收到煤氣公司的$300優惠券，打算來這裡試試，雖然都見到不少劣評，不過見到有些食家的評價不錯。最後都來試試美食和看看海景。海鮮燴飯: 這道菜的味道不太濃烈，覺得略嫌清淡了一點。蝦肉煮得頗嫩滑，而元貝的烹調時間剛剛好，不會太老。除此之外，完全沒有任何特色可言。烤肉拼盤(肉眼扒，羊扒，豬肉腸) : 雖然我們已經要求牛肉五成熟，但是肉質仍有些韌，而且還有筋，不太容易吃。羊扒和豬肉腸的味道都中規中矩。一句而言，這個拼盤售價差不多要$400，真的不值得！不如去牛第尾餐廳或者花園餐廳食個平民價的雜扒套餐更好。有個疑問… … 這間餐廳是否要客人“慢食”，若果不是，那麼為甚麼在食完一道燴飯後，足足等了至少25分鐘，還要三催四請才上另一道菜！整體的食物質素是極度對不起它的價錢！！如果不是有煤氣公司的$300優惠券，才不會去這裡食。說實話，即使下次再有優惠券，我會毫不猶豫地拒絕再來這間餐廳食東西!!!!!

其實食物係ok既，不過服務唔太貼心order左餐之後，餐廳會換返適合既餐具其實幾貼心，不過需要配合返良好既服務態度。我又覺得waiter唔係差態度，不過先後幾次係換餐具，上菜同收碟既時候，waiter都“duck"埋黎。第一次當佢係背後過黎我睇唔到，第二次我明明影緊食物相佢都係咁....其實等一等或者講聲就咩事都無好！講返食物，餐包熱辣辣，較硬身，好香麵包味，好正！兩道菜$118再加一,主菜轉牛/羊要加$30肉眼扒配紅酒汁牛扒叫左五成熟，幾香牛味，肉質嫩滑。配菜都做得幾好，秋葵幾特別。朱古力慕絲蛋糕，比較甜，慕絲好香滑。所以其實話，食物真係ok既。

係尖沙咀想搵一間可以望到海景而價錢大眾化嘅餐廳真係少之又少，經過連日來向朋友查詢，終於搵到呢一間有得望海又平嘅餐廳嚕!當日去到發覺太大風，怕同行嘅小朋友會感親，所以最後決定放棄海景入室內吾知係咪午市關係餐牌選擇少，但種類都數多; 有得据扒、有兩 三款意粉、有燴飯，有漢堡，又有甜品小朋友吾捱得肚餓，一坐低就拿拿臨落order第一碟上場係 “名氣”牛肉漢堡其實我本人對漢堡係冇咩好感，甚至可以話見到menu有都吾會叫嗰啲。但因為今日家姐要求就決定試下佢Oooooomg，真係意想不到嘅好味!!!!!!!!!!佢完全令我對漢堡改觀從來未食過一個牛肉漢堡係甘juicy。真係要用juicy黎形容佢，牛肉嘅汁係甜嫁! 係甜嫁! 係甜嫁! 肉質好嫩、吾“鞋”、基本我係同家姐爭食如果你係女仔都需要擔心自己食吾哂，一啖接一啖相當容易KO反而到第二碟就開始失望。意大利野菌燴飯我諗大家睇到碟飯係白色，正如佢嘅顏色，真係吾夠味需要澄清;我吾係一個追求重口味嘅人，正正常常有味道我都覺得OK，但呢碟飯同食白飯係無咩分別! 吾推介第三碟墨汁意粉應該係我食過最難食，真係一啲味都無墨汁好假，無海鮮味，好淡色但海鮮好足料，蝦

地點不太方便，但環境舒適～因為屋企人俾咗$300coupon,所以同男朋友黎試下，價錢偏貴，食物一般～服務態度尚可接受，但上菜速度太慢～食完頭盤等了很久才上主菜⋯

同事給我coupon就去試。星期六訂位一早滿了，於是同朋友6:30到等walkin，時間早唔洗等位即入。我地二人叫了一個什扒二人份，再叫一個墨汁意粉。什扒無論是主菜羊架、安格斯牛、洋腸，配菜烤蒜、薯仔、粟米都係好好味連芥茉醬都好美味。佢比嘅水非一般餐廳用嘅水，原樽大玻璃瓶上，完全無臭味，感覺好clean（雖然唔知是否refill，至少唔係用冰唔係用檸檬去除水喉味）如果唔大食這份扒二人吃都已足夠，但我倆見有coupon不如試多個意粉，朋友鍾意個墨汁意粉（但我個人就不太喜歡這黑黑的感覺，所以無影相）。我試咗少少，比想像中嘅墨汁良好，不過太飽了，食剩少少，做咗大嘥鬼如果無折扣，其實都唔平，呢餐正價六七百，不過就好好味，環境唔會好嘈，可以細細聲傾計

早前有朋友贈我2張100元coupon, 所以就約左個網友來這間餐廳試試。Coupon上寫敬請訂位，我計劃星期日去，所以星期五晚已致電過去，但對方說已訂滿，建議我當晚8點後walk in.幸好walk in時，現場完全唔爆。我見到餐廳的陳設好似一個廚房，而侍應用來幫客人翻熱醬汁的車也放上了towngas的雙頭煮食爐。我們order了鮮蝦魷魚辣茄醬墨汁寬條麵及美國黑豚扒。黑豚扒味道都OK，但寬條麵的我地只食到茄醬酸味...

上星期同朋友們去咗煤氣中心開嘅呢間西餐廳食lunch。我地本身都唔知原來有呢間餐廳，係朋友買煤氣爐送咗coupon所以先嚟。不過要早一星期book枱，唔知係本身成日full booking定要用coupon嘅關係。朋友叫咗all day breakfast,牛扒,我同男友就叫咗黑松露意大利飯同埋卡邦尼闊條麵。牛扒、意大利飯同闊條麵味道都唔錯，不過原價都幾貴。下次可能特別日子先會再嚟。

之前買媒氣爐，媒氣公司附送了現金卷，還細心介紹夠食lunch set、外賣帶走三文魚或蛋糕。家人一致讚同食蛋糕，所以一次換了兩個，味道估唔到幾好味。朱古力慕絲蛋糕 $130，看似好細個，但都夠5-6人食，賣相唔算好吸引，可可粉有點潮氣了，但食落又冇咩事。好軟身易切，個唔到甘幼滑，朱古力味濃厚且不太甜，有可可甘苦味，輕盈軟滑，餅底是朱古力蛋糕，都幾鬆軟但乾了點。藍莓芝士蛋糕 $170，都切到5-6份，圓面積算大，應該有6吋，但好薄身不厚，原來幾膩，所以份量其實都剛好了。芝士蛋糕是紐約芝士蛋糕的扎實質感，慢慢在口中溶化開，好滑溜且芝味濃郁，幸有酸酸甜甜的藍莓醬，除了有新鮮果肉，更有藍莓醬的杰身果醬，味道剛好中和蛋糕的膩。不過餅底的牛油頗多，而且過甜。

因為有多餐飲券係手, 所以先會去媒氣餐廳食早餐.其實來之前已經睇左食評, 大多數都係同我一樣有餐飲券係手先來啦..至於食物就係話好一般, 應該係無券都不會再幫襯. 星期六早上專程來點食個早餐啦. 估唔到11點多來都已經不斷有人入座. 我地因為無訂位, 所以都只能有45分鐘左右用餐啦. 餐廳都幾大幾舒服, 不過我坐既位置好似有一陣怪味咁. 我地點左2個早餐, 煙三文魚egg benedict, 另外點左個蘋果肉桂多士. 講個egg benedict賣相都知道幾唔吸引, 個荷蘭汁好稀又無味, 更好個水煮蛋都有蛋黃汁..味道真係只屬一般 再來既蘋果肉桂多士個樣就較吸引, 但味道都一樣唔出色. 無肉桂香蘋果亦好似無味咁, 多士偏硬身. 飲品我就無影不過都係麻麻, 友人點左泡沫咖啡; 我就點左齋咖啡, 但二杯都無咩咖啡香, 就似飲緊杯即溶咖啡. 同之前的食評一樣, 如果無餐飲券真係唔會來試. 地址:尖沙咀廣東道33號中港城第1座平台1號

因為有張200元的 coupon，在10/31到期，所以要食埋佢，埋單計埋加一，再扣埋200元coupon，要再補120元，在現場所見，差不多9成人都係用coupons食嘢，我諗冇coupons的話，佢應該冇咁full，其實食物質素係ok嘅，你話係咪勁好食嗰隻呢小妹就就一般啦，同埋其實睇住個menu，諗住係食lunch，但又唔知揀咩好咁！

家姐俾咗$400 coupon 我，就嚟到期，唔用就嘥咗。打去訂枱唔係好明佢講乜，大概意思係話頭輪 booking full 咗，要食可以 8:00 後 walk in. 因為 last order 到 10:30結果我地真係8:00 walk in, 剛好上輪埋單了，等執好枱就入座了。 menu 選擇唔太多，還好，但樣樣都有啲，啱哂我呢啲選擇困難症患者。 我地決定散叫，因為set dinner 得兩款。。。都唔啱食。我地叫咗個 steak, 加 mushroom risotto, 加杯 芒果+菠蘿奶昔 (個名叫 minions, 幾得意), 塊牛扒幾好食，男友話覺得好食過 outback. Rissotto 個味都 ok, 不過個人覺得啲米濕咗啲，有啲糊口。杯 minions 果味香，但淡口咗啲。。。口感好似沙冰咁講返個環境，好在已經深秋，又有大風機吹住，但係如果係夏天。。。應該超熱。環境夠開揚，不俗。而且要讚讚個帶位，其實喺坐低不久佢有問我地入面冷氣位有枱駛唔駛轉返入去(我地無要求過架), 你知啦，而家好多餐廳都懶得幫你轉枱架嘛。最後，為咗令個晚餐更完滿，我地叫咗兩個甜品： cre

今天有朋友約了我到這間煤氣公司的餐廳用餐，這是因為她之前家中購買了煤氣爐。。所以煤氣公司送贈了六張各一百元的用餐券給她。。。所以她便找了我和另一位朋友，一共三人。。。到這間煤氣餐廳用餐 其實之前我們也看了openrice食評的評價不算太高。。而且看到食物的分量也好像是很細份。。所以事前我們也擔心究竟好不好吃和吃得夠不夠飽等等的問題 。。但今次我們卻有一點點喜出望外的感覺，因為其實沒有想像中的那麼差。。。我們也覺得是一間不錯的西餐廳。。只是價錢的確有點兒貴。。但是這個用餐位置其實十分美好。。。如果大家做一點訂枱的話，其實是可以坐窗口位。。可以遠眺灣仔，中環那邊的夜景。。。而且會更可以看到美麗的幻彩詠香江等等 所以我覺得這個價錢其實是合理的但我覺得這餐廳的位置有點兒難找。。。這是位於中港城平台的那一層。。當我們到了平台的時候。。。其實我們也看不到餐廳的位置，所以我們也問了保安。。。他們指引了我們方向。。。可以清楚看到餐廳其實是分為露天部分和室內部分部分。。。如坐露天位置會清楚看到維港夜景。。仲可吹吹海風。。。但是在這個炎熱的天氣，我們也是選擇了在室內的冷氣部分在室內的座位也是十分多。。。我

今日又放下午假，因有 coupon 所以㨂咗黎呢度食。 唔洗多講，相信大家有留意呢間嘅食評都知 coupon 來源😅前幾天book定位，唔想無位兼要等。 點三來到，即入。 看看餐牌，唔錯吖！ 我哋都㨂兩道菜-$118，如果三道菜就有甜品-$148。我要鴨胸，女友要 carbonara，加廿蚊可轉龍蝦湯，緊係叫女友要啦，一向咁鐘意，加上今次有 coupon，底！湯到，是日餐湯係甘筍湯，好味！夠熱，我至鐘意😋 龍蝦湯都好味呀，不過好似無我個碗咁夠熱😛 個包包ok啦，可以烘熱就更理想😅主菜到喇，好靚呀。。。我個鴨胸！仲好香，配黑醋汁好夾，好好味😋 女友個carbonara 都不弱！ 幾香，賣相正常，食落都好香，味道啱啱好喎，唔太咸又夠香😊餐茶要咖啡，但太濃味，但又唔係咖啡香味，可能係係咖啡豆問題。。。我哋兩個都唔太鍾意🙄總括來講，呢度都唔錯，set lunch有咁嘅水準都唔算貴！ 至於服務都正常，無特別好又無特別差。 環境就係一般啦，枱與枱之間嘅空唔算濶，因一坐低都覺得幾嘈，有戶外位，但都覺放得密咗少少。有一樣嘢希望佢哋會改善吓，見放係枱面嘅水樽蓋唔太乾淨，可能係膠嘅關係都有少少黑霉出現咗。