Flame at Towngas Avenue (已結業)

因為買熱水爐既關係，送左$300現金劵flame 餐廳享用。見到佢餐牌就如大部分食評家所講， 無券唔會黎，都係既，一個意大利飯加埋一都$200！ 太貴了，不是什麼高級餐廳吧！先上餐包，暖暖的，牛油一搽即溶，正呀！我地叫左卡邦尼寬帶麵，正呀，係估唔咁正， 麵身剛好沒有過硬，汁好味，仲有一片炸過既煙肉係上面！仲叫左野菌燴飯，都好足料，意大利飯沒有過硬，汁都剛好仲叫左隻燒春雞，睇住佢即整嫁， 蒜香汁都好入味！讚！食評好多人話佢唔好食，真係要幫佢平反，其實幾好味呀！係價錢稍貴左少少，用左coupon,埋單$300左右！

重要的事情要第一時間說！無煤氣cash coupon真！係！唔！好！黎！ 不可一不可再。成餐飯CP值奇低，味道同質量係百幾蚊既菜式係呢家餐廳索價三百幾。例如下面碟海鮮意大利飯，味道非常一般，醬汁偏淡飯偏硬，青口都有幾粒但真係好細隻，而且有沙。飯份量反而幾多，啱呀為填飽你個肚呀嘛另外，屋企人叫左魚同羊架，兩個都係main, 加飯意粉薯菜都要加錢再配。佢地分別加左cheese risotto同薯蓉，原來只係一個飯碗仔裝住一pat飯同用粉開的薯蓉，又唔係好食，真心失望

這個應該要預左吃環境的了，雖然景只能說0k！1）mussels, 沒什麼技術活可言，但是他們硬是把白汁做成了白醬🤐2）意大利飯，估計是上海師傅做的，一看就是上海菜飯的樣，絕對貪便宜，沒用意大利米來煮！😤3）意大利麵，整個煮到快爛了！吃意大利麵的精髓就是中間有一點點嚼劲！4）西班牙豬扒，是唯一可以的！厚豬扒唔易煮，容易過火，「鞋」左，呢個切開中間仲有小小粉！服務員好似好趕住做下一round,未食哂，已經過來收🙄Towngas居然仲開班教煮菜，😧😧🙄🙄4個菜，埋單$900+，這個質素，真心唔抵

Totally disappointed on food quality, wasted my family lunch.Ordered Egg benedict, tasteless hollandaise sauce with very little beacon. Medium rare rib eye turned out to be dry inside without moist.

價錢貴食物質素及食材差。We ordered the 3-4 people dinner set, but the portion is only enough for three people. The ingredients used were of poor quality. The price is expensive considering the poor quality and the small portion of food you get. Do not order the roast chicken because all they do is reheat the chicken steak and gravy and then drizzle in front of you. A disappointing experience.

早前收到優惠通知，兩大送小或老優惠，依家兩老+兩大不到一千蚊埋單，食個1月1日新年lunch buffet，確實係好抵。但這裡是吃味道而不是吃種類，煙三文魚同Ham是自助餐的基本吧，簡單的胡麻醬蕃茄過份吃肉後倍感清新。燒火雞純粹應一應節，肉「鞋」口又無味道可言。羊同牛肉好嫩，配簿荷啫喱同芥末帶出滋味。多款顏色馬卡龍有味道之分，可媲美出面賣廿幾蚊的，味道當然是偏甜啦。焦糖布丁同燉蛋有冷熱之分，都分不清楚，只知充滿吉士味，香滑又好味，賣相亦頗精緻。

好難得先係openrice 訂到位黎食呢間！如果唔係有煤氣公司送既coupon，真心未必會揀呢間食......入正題，7點前黎到餐廳門口，都好多人等緊入座，大多數係網上預約左位置，如果你有機會去，要記得預約窗口位，個view幾好架！因為係平日，所以見唔到openrice睇到既全日餐單（只適用於週末），而且侍應講，早前既1人dinner set都已經取消，set dinner只有4-5人set可選擇。Menus上可選擇既唔多，最終點左兩份頭盤，一份pasta，一份main course再加個薯條，兩人食買單8百幾，接受範圍內啦。

My daddy got some coupons for this restaurant so I went there with them. The view was spectacular! We could see pretty much the Victoria harbour. Garden salad:The veggies were fresh and crunchy. They put Italian dressing with it so it was a bit sour. Lobster soup:I found it quite fishy but my daddy said it was alright. It was creamy and tasted good.Flame breakfast luxury:My favourite sort of breakfast. This is actually quite big for a girl. Everything was double up, I had to share it with my mu

星期一開始打電話訂座直到星期四先打得通電話，其實再早一星期前已打過幾次。。諗住肯定係好好食所以一直線路繁忙。。結果呢有點失望我要咗一個是日餐湯，露荀湯，幾好唔錯男友要咗龍蝦湯，佢嗰個都ok，到主菜，佢要咗個5成熟羊架，我點咗個雞胸。唔知係咪漏單，隔離兩枱遲過我哋到都有得食，我哋都未有，叫個侍應跟進，然後好快就有得食，不過。。。唔熱嘅。。。。個雞胸似係剛剛烘過下就出，唔熱。。。仲有中間有少少雪味本來個雞啲肉質口感唔錯的，估計漏單隨意出了男友個羊架我無試，因為我唔食羊，佢話味道ok都幾好，不過又係唔夠熱，微暖最後個甜品，蕉糖香蕉慕絲蛋糕，可能我同男友職業關係，要求比較亮，都係蛋糕師同甜品師，我哋都覺得麻麻地。。。。埋單$446

同事之前買了煤氣爐送左4張$100現金券，畀我同老公去享用，肉醬闊通粉走芝士(要就老公)，通粉夠淋又入味，醬汁調較恰當，令人回味無窮嘅味道。海陸拼盤有肉眼同大蝦，兩人分享份量剛好，七成熟肉眼肉汁四射，肉嫩口感好，燒大蝦啖啖肉，有一特別配菜，切了上半截連皮焗嘅蒜頭，上面直插條Rosemary，好香，第一次嘅新食法，焗至淋身蒜肉蒜味唔太濃，而且帶點甜，特別的感覺，整體兩款菜式都好好味，不過如無coupon的話確實有點貴($400coupon幫補，最後埋單只付了$200)。

之前買左煤氣爐有$400coupon，所以同阿媽book左黎食。黎到見到餐牌，得4人餐同普通散叫Menu，無左我喺其他食評見到既188 set dinner。咁無計，惟有散叫野食。不過… 價錢上我可以去另一間比較好啲，最後叫左2 main 1 drink。叫完野食就黎左兩個包，幾香。不過老人家食唔到，因都幾韌。之後黎左壺果茶，飲落陣果香味都幾易入口，帶有少少果酸味。然後到Risotto，個飯比較淡，不過香味ok。最後到焗三文魚柳，呢個算係好味，但係可能焗得耐左少少，雖然仲有油，不過入面稍為有啲乾。隔離嗰個係薯蓉，真係好"蓉"以為係杰湯黎，不過都好味。

因為早排屋企換左熱水爐，煤氣公司送左D Coupon，一於去試下呢間野啦!我地叫左兩個Dishes，一個係卡邦尼意粉，一個係海鮮燴飯。首先黎既係餐包，但就有D硬，味道還好。跟著就係主菜啦!卡邦尼上面隻蛋真係好吸引，最岩呃like haha，個汁好濃，好開胃又唔會太膩。同時黎既仲有海鮮燴飯，個汁就偏淡口，與卡邦尼相比就略為遜色，汁比較多，但香味又唔係好出，賣相都唔錯既。最後我地仲叫左個心太軟做甜品，成晚最好味可能係個心太軟啦，外脆內軟，口感唔錯!個雪糕則比較甜，所以如果心太軟朱古力味再濃D會更好。總括而言，煤氣公司呢個回饋算幾有心啦，可以用coupon黎食，可能補好少好少既錢就可以食到咁多好野，但係食物質素有待提高，因為如果係自己咁樣比錢黎食，我會覺得有D唔值!附上好想坐既海景位相片兩張，因為冇得book，要早D黎先有，所以望相止渴啦haha

煤氣公司送咗四張飲食餐券，無上限，每次可以用晒。今日專登去尖沙咀食午餐，望住海景，無敵我點左一份肉眼扒配紅酒，先上麵包及湯，湯很少，兩啖飲完然後主菜出場，賣相靚，肉眼夠淋，但肉味不夠。最後上餐飲，凍鮮奶咖啡。結帳了，用咗兩張餐飲券，嘩，世上真的有免費午餐吖，多謝煤氣公司。

先要稱讚一下員工的服務態度，細心，有禮。去之前睇完食評，都冇咩期望。有$400coupon就試下啦。但食物方面真的劣得誇張！食物質素完全跟不上價錢！有coupon都覺得曬錢！當日叫了二個$188 set dinner, 龍脷柳 和 青豆煙肉意大利飯. 另外，一個$158火炎雪山。Set dinner個蕃茄湯係ok既，但主菜垃圾。用低級雪藏龍脷柳，青豆係罐頭青豆，仲要勁少煙肉。成個餐，成本$50都唔洗火炎雪山，好睇唔好食。食左4份一已經唔想食。就算計埋佢個風景都唔值呢個價。完！

唔係幾明煤氣公司點解送coupon,上黎openrice check check都知價錢極貴，夜晚黎食會比凸好多，所以決定食午餐，一點後會開始多人，所以訂了十二點。基本上午餐每個都要一百以上，steak$138就選steak,由於400蚊coupon就快到期，又唔想再黎多次食凸，兩個人唯有加野飲同甜品用盡佢啦。牛柳七成熟，還可以，唔會太乾，但有點肥。咖啡真的麻麻，mocha,半價都要廿幾蚊，好細杯，去pacific coffee飲好過，凍latte,自己加糖加奶點加都味道都差一點點。眼見枱枱都主要係用coupon。最後30蚊加埋cheese cake,無咩特別，中規中矩，唔係要用盡coupon其實唔會加。