Factory 99

營業中

休息中

古典風 #Factory99🪘🕰#觀塘每次去觀塘食嘢都覺得好似玩緊尋寶遊戲 🤪 事緣觀塘一帶好多工廠大廈 翻修完做食堂都另有一番風味今次店舖特色就係地方夠大 坐落好舒服 😌裝修有啲似懷舊既農場定酒莊咁好似番到80年代既美國🇺🇸咁 是日order🗣🔸黑松露焗薯條🍟$66薯條通常都唔會難食 一上碟拉cheese 🤤 大滿足‼️🔸Dinner set 大虎蝦拼豬鞍架不過不失 扒類唔算突出🌟評分：3/5

以前一星期至少都嚟一次，但轉咗工之後，已經好多年無嚟factory 99 食嘢啦。今日經開呢頭，都有啲掛住啲嘢食。但唔知係咪期望越大失望越大，水準已經唔似以前🥲面包烘得好脆但羅宋湯好淡 得個酸字生果沙律-以為個底全部都係生果 ，點知底係生菜仲多過生果😅個蜆肉意粉最好食，如果咸多少少 🤏🏼就岩岩好啦

(o´罒`o)Factory 99•呢間factory 99討論度都幾高，裝修好特別好有古典風，但食評就好壞參半，今次趁有人請就嚟試吓(*≧ω≦)！•🐮《香煎美國黑安格斯肉眼牛扒(12oz)》($239) 7/10所有dinner set都包咗前菜、餐湯、餐飲同甜品，餐包成舊磚咁係for兩個人食的~上菜嗰陣暖暖地(˶‾᷄ ⁻̫ ‾᷅˵)牛扒五成熟切落生過五成ಥ_ಥ不過肉質幾嫩亦都好重牛肉味(*≧ω≦)！薯條熱辣辣好脆！但小妹覺得唔夠鹽可以再重口味啲～•🐮《酥皮焗紐西蘭威靈頓牛柳配紅酒汁》($210) 7/10酥皮焗得勁鬆化，不過就鹹咗少少ಠ_ಠ肉眼牛扒好厚身好大塊，切開酥皮威靈頓牛柳好嫩啖啖肉勁好食！仲有好多薯菜，不過小妹覺得啲菜太濕浸淋咗個酥皮ಥ_ಥ～而且啲菜個樣好衰，破壞咗成個觀感ಥ_ಥ！•🥚《焦糖燉蛋》7.5/10焦糖燉蛋好好食！不過個面留咗啲未燒到嘅糖(＞人＜;)成個樣同味道都不錯！•٩(ˊᗜˋ*)و✧*｡📍 Factory 99 (觀塘)觀塘巧明街99號巧明工廠大廈1樓A室•💰人均消費：$200-$300•#foodie小妹_觀塘 #觀塘 #西餐 #hkfoodie #factor

聽朋友講呢間Factory 99係觀塘區都非常出名，所以lunch time嘅時候就特登同同事嚟呢度試吓佢到底係咪真係咁好食！我叫咗一個豬扒意粉，佢午餐係包一個餐湯，我就叫咗羅宋湯，酸酸甜甜有啲菜入邊，味道正常。至於個豬扒意粉，豬扒嘅size係非常之大，差唔多大過塊面，仲要唔係薄，食到非常之飽。🙀🙀豬扒嘅肉質正常調味適中，但加咗燒汁之後就偏鹹，如果個汁冇咁鹹就會好啲。意粉質地軟硬度適中；側邊佢有啲炒過嘅翠玉瓜，都算新鮮，同埋營養都均衡啲。👍🏻

經常同同事黎呢間食lunch, 幾年了，價錢貴左係正常，但個人覺得食物質素係差左，味道普通茶餐廳不過不失。今日叫左個美國厚切煎豬扒。首先，個人認為塊豬扒唔係厚切，可能食店同本人對厚切既定義唔同，呢方面本人覺得係有落差。另外，令我失望既，個人覺得似乎係水煮左再淋啲汁上去，個人目測無香煎表徵⋯😔以上評價係個人意見。

多年後再係觀塘區做野，呢間鋪仍在，仲好多人，同事唔去食話D野食凍… 唔信邪今日一戰，個塊豬扒堅係室溫咁….. 薯條又係，近骨位既肉仲要生既… 冇下次…………………….冇下次

中午路經觀塘，見到一間幾有特色嘅餐廳～樓梯沿路都有好多外國風既poster同裝飾餐廳內嘅佈置都幾有情調！可惜有啲俾佢嘅食物賣相嚇到⋯煎三文魚配薯菜蛋黃醬未免太多了吧⋯幾乎覆蓋了整塊三文魚⋯薯條都唔使另外點醬了⋯有點鹹呢～本身想點鮮蝦雜果沙律但鮮蝦無貨，所以用三文魚代替有哈密瓜、菠蘿、蘋果、橙等等嘅生果仲有青瓜車厘茄，非常健康！可惜嘅係⋯沙律醬又太多了⋯熱量都幾高同膩（哭）餐湯有紅白湯兩款揀，味道正常的～

餐廳喺工廈入邊，所以地方都特別大，我喺呢度食晚餐質素都幾高但係價錢亦唔算太貴，今次揀咗香煎美國安格斯肉眼牛扒＄239同埋酥皮焗紐西蘭威靈頓牛柳配紅酒汁$210，呢個價錢唔使+1 ，仲包左前菜、餐湯、餐飲及甜品，羅宋湯好足料仲配埋餐包，肉眼牛扒好大塊仲配薯蓉，切開個酥皮見到威靈頓牛柳好嫩，仲配埋薯條添，下面仲有蔬菜墊底，甜品係焦糖燉蛋，如果佢上面多啲焦糖就好啦，因為呢個價錢喺出邊係冇可能食到咁高質嘅肉眼牛扒同埋威靈頓牛柳，呢度真係超值

本身同事想去附近食另外一間午餐，點知裝修，見到好多人行入呢一間舖頭，咁就一於即興試吓啦！佢哋地方都幾大，服務員都比較有善，我哋三個人lunch諗住share一齊食，就決定了肉眼扒意粉、魚柳漢堡配薯條、蒜蓉汁豬扒飯，冇諗過肉眼扒有驚喜肉質鮮嫩，又夠Juice，咁抵嘅價錢有咁嘅質素，真係唔錯! 魚柳漢堡嘅魚柳多肉嫩滑，唔會似一般出邊炸到硬骨骨至於蒜蓉汁豬扒，肉質都好柔嫩，並且配有唔少嘅配菜，絕對性價比高！

平時係觀塘返工 呢間一直都係我既首選 平民價錢享受到高質素既西餐 佢既牛肉漢堡拼炸薯條 真係好好好味 牛肉十分juicy 唔會乾爭爭咁 而薯條每次都係新鮮熱辣 令到我食到停唔到口 仲有杯咖啡沖得好好飲 比較偏重奶味 岩哂我口味

呢間餐廳係觀塘工廠區都有，平時lunch都好多人幫襯😁Lunch menu都幾多choice, 而且價錢一啲都唔貴，係平民價嘅西餐廳，仲要份量好多！真係好抵食🔻香煎美國厚切豬扒配洋蔥燒汁 (HK $61)上菜嘅時候一睇就覺得好大碟😂塊豬排🥩仲大過塊面😂😂個餐可以配白飯🍚/意粉🍝/薯條🍟，跟餐仲送餐湯同餐飲，食完超飽！佢塊豬扒好厚，真係切到手軟😆😆係略嫌啲意粉比較乾，多啲汁會比較好😛

唔係觀塘地膽又喺觀塘返左冇耐都係同事帶我嚟我先知發現觀塘都幾多嘢食今次第二次嚟食都係食返同樣嘅嘢牛扒薯條但好神奇地我同另外兩位同事塊牛扒都係半份好韌 半份好冧薯條都係冧 但又熱 好矛盾我杯熱檸蜜仲有條不知名嘅草搞笑～

平時黎親都係食lunch，選擇多得黎都幾抵食。原來早餐都唔差，都唔少人食，而且又係親民價錢，合理質素叫左個英式早餐，有多士、腸、煙肉、炒蛋、雜菌同茄汁豆，少少沙律$45既all day breakfast黎講係幾抵，出面閒閒地都要$70以上。所以呢度份量算多，而且味道唔差，起碼多士烘完係熱同脆既，係個沙律有少少hea，不過呢個價錢可接受啦～如果有埋薯餅就更加perfect！加杯咖啡就好滿足，份量都足以飽到晏晝。

係觀塘返工既朋友仔都應該體會過放lunch搵食係幾咁麻煩既事情，因為真係太多人集中係個頭返工，搞到次次出去吃都用咗唔少時間用咗黎排隊，變相得番好少時間去享受個 lunch。factory99位於一間工廠大廈一樓，由於係工廠大廈所以佢裡面係非常大有大量的坐位，令到等位時間縮短唔少，加上佈置都幾靚，枱係厚木相當不錯。我今次叫咗個 lunch set牛肉漢堡配薯條，講真個薯條真係麻麻地，同outback差太遠，個包就好唔錯，D牛肉好足料好夠牛味，醬汁又好味，你仲可以要求佢換個包做香草包，不另加費用，餐湯羅宋湯好濃味，仲包餐飲，凍飲不另加費，埋單無加一，算係好抵食，推介大家去吃下

✅ 黑椒汁牛扒配飯 (HK$90)牛扒大過塊面🙊黑椒汁味濃 肥膏唔多~冇咩筋! 90蚊真係算係咁 😌✅US 牛扒漢堡配薯條 (HK$75)兩塊包太"林" 如果係烘底應該好好多~ 但中間個牛肉配濃烈既芝士磨菇汁真係好香🤤 不過相對樓上既牛扒飯就因為塊包失色左😂😂每個lunch set 配餸一碗湯(紅白中湯任揀) 又有野飲😆😂係出左名性價比高既平民西餐廳😍屹立不倒😂由五年前岩岩出黎做個陣出job 成日食~ 食到今時今日👍👍😆😆