Factory 99

營業中

休息中

2023年工作天既第一餐lunch，緊係要食好野啦☺️Factory 99係幾年前返緊第一份工個時同事介紹我食😂餐廳裝修行復古風，不過我食完一次後就無開，係最近先重開返，既然重開返緊係要去幫襯下，坦白講其實我已經唔記得呢間餐廳好無食😂不過我無太多印象應該係正正常常既🤔.香煎肉眼牛扒(紐西蘭穀飼） $108可以選擇配飯/意粉或薯條，同事揀左配薯條，薯條份量都幾多而且炸得香脆，牛扒叫左五分熟唔會太overcook肉質都幾腍而且好大塊份量十足.BBQ醬燒豬肋骨 $78可以選擇配飯/意粉或薯條，豬肋骨份量大都幾多肉，燒汁唔會太酸🤔之前係將軍澳食過一間豬肋骨既汁係偏酸，呢個價錢真係好抵食

之前8月個時聽到factory 99要結業真係好唔開心 因為我地間唔中lunch time都會去幫襯架 因為覺得佢價錢親聞又幾好食 想食西餐就一定簡佢冇錯啦 🧐點知同事同我講佢回歸啦 真係好開心 一於試下先 睇下有冇番以前個水準 🥳✌🏻人流同以前一樣都好多人 餐牌選擇仲比以前多左 我就叫左個焗芝士豬扒飯 不過依家lunch set係冇餐湯供應 只有餐飲 黎到既時候真係香噴噴 好多汁同好多芝士 好吸引 想讚既係佢係炒飯底 絕唔馬虎 佢地既豬扒真係好食過出面好多 好有質感味道又可口 等我下次再試下其他野先☺️👍🏻

早3年前在觀塘番工， 都有時會上去食早餐， 數月前因疫情結業， 最後一日未去今幫襯🥺。昨日衰多手， 唔小心搵觀塘西餐廳( 雖然我一前覺得呢間嘢你食早餐同午餐嘅東南亞餐廳因為我成日記住個咖哩牛肋條) ， 見倒可以訂位， 🤔咩料咩， 結業仲可以訂位。今日放假， 一於我睇下， 上到去， 門口變左白色， 入到去同之前一樣， 收銀姐姐( 或者妹妹) 都係果個. 😆 真係開番， 10:50 問一句仲有冇早餐， 答:有。 豬扒早餐多士走牛油😆， 好親切嘅order, 姐姐問做咩咁耐唔來， 11月已經開番啦。 豬扒早餐來講依然好好食， 有沙律菜正， 飲埋柸跟餐熱咖啡冇得輸( 凍飲係唔洗加錢嘅🤫) 。Anyway, 好開心食倒失去嘅早餐， 感恩😆。

觀塘真係有幾多特色餐廳，今次搵到呢間Factory 99, 行樓梯上去既時候已經見到好多唔同既裝飾佈置入到餐廳帶點英倫風，簡約得黎又幾岩打卡Lunch time有set lunch供應、價錢都唔算貴我同朋友就叫左個香煎肉眼朳同BBQ醬豬肋骨！上菜既時候真係嚇左一跳，估唔到咁大份！個肉眼朳肉質好腍，肉味都幾香，$108黎講性價比超高，另外個薯條好脆卜卜，好正呀！BBQ醬豬肋骨個醬汁好香，都好多肉！餐廳破例比我地轉薯仔沙律，個沙律都好好味呀！套餐仲會配埋餐飲，真係抵食夾大件！

呢度lunchtime真係非常之多人，成日都要早小小去。不過裡面都好多位嘅，而且每次套餐都幾吸引咖。今次同朋友食咗兩個餐，一個係豬手。雖然幅相影得好似唔係咁大隻，但係其實實質好鬼大件，而且配埋啲粗薯條，真係好飽肚。另一個係焗豬扒飯，豬扒都好鬼大件，而且芝士上邊好香口啊！

Factory 99重開後第一次支持水準返返黎喎！午後餐廳仍然光亮餐廳地方寬敞即使多人用膳感覺一啲都唔焗促歐陸式裝修有懷舊感幾有特色午市餐牌中上價錢我都期待有好味道果然無令我失望👍99招牌漢堡包呢個漢堡拍得住高級餐廳出品包體鬆軟溫熱有略煎過👍安格斯牛肉漢堡扒好有肉汁入口鬆軟，滿口肉香感覺好豐富🥰🥰薯條都無hea我熱辣辣意式茄醬芝士焗雞扒大份到男仔食都一定飽雞扒大大塊入口滑嫩👍意粉明顯係分開煮得但效果都唔錯唔會話好淋有返口感另外配個醬係黑椒汁同意粉幾夾跟餐熱飲有啲特別野熱蜂蜜茉莉花茶香甜得黎真係有茉莉花清香唔錯！觀塘友又多一個開飯熱點了！

聽人講餐廳係重新開業，之前嚟開觀塘依邊都未食過，今日就去試吓啦😋餐廳位於工廈入面，需要行樓梯上去，燈飾佈置充滿復古風📺，坐位相當闊落，坐得舒服，枱上仲放上蠟燭燈增加情調🕯️我地各自點左一個Set dinner 🍽️ 包前菜、餐湯🥣、新鮮餐包🥖、主菜同埋甜品🍮前菜餐廳提供左沙律🥗，份量岩岩好配埋油醋酸酸地幾開胃而餐包暖笠笠一切開啲香味即刻湧出嚟，即刻同朋友一人一半分享，茶牛油食又得，點餐湯食又得👍扒帶子龍蝦汁闊麵🦞💦闊麵相當彈牙，食落比眼望落去多醬汁，龍蝦味幾出，而扒子煎得岩岩好，彈牙之餘仲好鮮甜蟹肉野菌黑松露醬忌廉意大利飯🦀食之前先將頂頂嘅蟹肉絲同意大利飯撈勻，口感Creamy，雜菌增加咬口，味道濃厚最後當然唔少得甜品啦，焦糖燉蛋🍮焦糖厚度岩岩好，唔會太厚又唔會太薄，用匙羹輕輕力一卜就裂開，燉蛋口感滑溜味道微甜，配埋焦糖碎岩岩好整體來講，環境格調同食物質素都唔錯👍仲要免收加一💰🤩搵日再試埋午餐先，聽講都係大大份好抵食

觀塘一向多唔同嘅餐廳，星期六去到呢度搵到間環境好大嘅餐廳，好多座位，唔怕冇位！餐廳裝修都幾有古典歐式風味，感覺舒服😌午市套餐價錢親民，而且選擇都幾多，我哋每人揀咗一個餐。▶️香煎肉眼牛扒（紐西蘭穀飼）$108可配白飯/意粉/ 薯條，我揀咗配薯條牛扒揀咗七成熟。薯條份量多，而且炸得非常香脆，又夠金黃，連埋茄汁好好食。牛扒好大件，分量十足，揀七成熟剛剛好，洋蒽燒汁好香。抵食！▶️99特式焗石班$68新鮮焗起熱辣辣，石斑肉質夠腍滑。配上芝士白汁，不期然食多咗好多飯。飯仲係炒飯底，而且飯量好多一定夠飽！轉餐 +$5揀咗熱蜂蜜蜜桃烏龍茶及桂花烏龍冷泡茶。熱蜂蜜夠滋潤，有蜜桃烏龍茶香。桂花烏龍冷泡又另一風味。

這是我第一次寫食評，十分值得寫。這幾個月在官塘實在難找到同一性價比高的餐廳。聽朋友講Factory 99重開，有點驚喜，當然第一時間再去幫趁。當日好興奮拾級而上，步入餐廳後裝修、氣氛依然，光猛咗，見到很多熟悉的面孔，連第一代嘅廚都回巢👍寒暄一番後當然要點餐啦，果然昔日原本的味道返晒黎，這兩星期幾乎日日都去，食過A-H 餐，食物質素、味道比前提升了不少。昨晚更同朋友慶祝生日，分別點了肉眼扒、T骨扒、鮮果三文魚沙律、羊架⋯⋯招牌甜品焦糖燉蛋。很開心😁好滿足😋

從前的食味道返晒嚟～聽說第一手老板回來重整Factory 99，於是今日同事生日就一齊去品嘗：肉眼牛扒大大塊，多汁肉嫩配自製蜂蜜咸柑桔👍香煎魚柳，魚肉鮮味嫩滑 配蜂蜜桂花烏龍茶99招牌漢堡包（安格斯牛肉）必食🍔BBQ燒雞（法國進口）🥂款式多多～令我回味無窮……

今日和老婆,外父和外母往觀塘Factory 99食晚餐,我們點了香煎美國安格斯肉眼牛扒,香煎美國朱斧頭扒,卡邦尼忌廉意粉和炸鱈魚柳併薯條,晚餐有餐湯南瓜湯,南瓜湯南瓜味濃,前菜有面包和多士,食落軟綿香脆,香煎美國安格斯肉眼牛扒有12安士,牛扒肉味香濃,配上燒汁口感豐富,薯條炸得金黄香脆,配菜有車厘茄,西蘭花和粟米仔,食落新鮮爽口,整份牛扒食落美味,口感豐富,香煎美國朱斧頭扒肉質鮮嫩,食落有油花,啖啖肉,卡邦尼忌廉意粉忌廉味濃,意粉爽口而不油膩,炸鱈魚柳併薯條鱈魚柳炸得金黃,肉質鮮嫩,佐酒一流,餐飲我點了凍奶茶,茶味香濃奶味香滑,最後甜品有法式焦糖布甸,布甸食落香滑,焦糖甜度適中,餐廳座位闊落舒適,很有工業風,食物美味,份量十足,適合家庭聚會好地方

普遍著制服員工一切正常，但著便服員工十分無禮貌，客人一開口落單該員工就即時催促客人，加上大力把物件掉到客人枱面，又破口大罵其他員工，造成食客不安，食物質素正常。

對上一次到Factory 99用餐是幾年前，午餐的味道仍然記憶猶新，最近有天在觀塘完成工作後，突然想起這家店，查了一下，發現有下午茶，便馬上到這店用餐。到達店舖是差不多快五時，進店後便問職員還有沒有下午茶，他們說仍可供應，我便叫了一份蕃茄焗雞扒飯。當店員把焗飯送到枱面時，這份量嚇我一驚，大得可以兩人一起分享。然而，對我而言，整個焗飯的味道較為淡，尤其是雞扒。若雞扒可以先醃一下再去焗，味道定會更好。但這一大份焗飯也只是$50 ，包一杯飲料。作為early dinner，CP值也不低了。值得一題的是員工的服務態度都很好，當他們發現我等了約15分鐘後焗飯仍未送到枱上，便主動提我追單，這是現今少數餐廳的職員可做到的。希望下次有時間時，可在到此餐廳吃其他套餐。

朋友生日慶生，今次訂左FACTORY 99 食西餐。上次來已經很多年前，當時很多人，今次來到可能因為疫情關係坐得疏落左不少，而且晚餐時間都仲有好多位。咁樣可以靜靜地咁傾下計，反而舒服好多。今次叫了2款SET DINNER + 沙拉。跟餐頭盤有香草包，非常好食，好濃的香草味同埋個包暖暖地好軟。海鮮忌廉湯，好濃的忌廉和洋蔥味，內有好多海鮮材料，例如有蝦仔、蜆肉，仲有D蔬菜薯仔。係好飲的。另外加的煙三文魚鮮果沙拉，個沙拉上面有D杏仁片，整個係正。生果有蘋果同菠蘿，菠蘿十分甜。沙拉菜都很新鮮，煙三文質素正常。呢個龍蝦忌廉意粉好似係限量供應，龍蝦有膏，意粉用菇和忌廉炒，好香同RICH。唔記得係咩魚柳配薯菜，條魚煎得非常好食。最後來了個焦糖燉蛋，香甜幼滑，100分。

⋆⁺₊⋆.Fᴀᴄᴛᴏʀʏ99.…一入到去覺得裝修幾特別～係走偏向復古嘅風格！而且都幾大間୧( "̮ )୨✧ᐦ̤..吉列魚蛋沙律/ $49 / 🥨🥨🥨性價比幾高嘅早餐～～呢個配搭同埋咁大份，一般都需要$7x左右🤣味道唔係話好特別但就對得住個價錢～～.三文魚芝士奄列+沙律/ $55 / 🥨🥨🥨係煙三文魚加芝士再加蛋～呢個組合食完超級飽~o(〃'▽'〃)o但係個人覺得稍為偏鹹左少少啦～...［滿分5個🥨］....⌫ Factory 99 (觀塘)觀塘巧明街99號巧明工廠大廈1樓A室.#觀塘咔嚓#早餐咔嚓.