Express Bar by Lassana (宏利金融中心) (已結業)

今日食完LUNCH後經過呢間 “Express bar by Lassana”, 同事一見到出左兩個新的4.5寸Mousse Cake (HKD138), 就話要買黎試下. 於是我地就買左 “Caramel Mousse Cake” 返公司留待TEA TIME 的時候食.蛋糕的外層由一層薄薄的焦糖包住, 上層用朱古力脆片和焦糖果仁脆片做裝飾, 底層就用了朱古力脆粒, 外形賣相十分吸引, 而且仲好香焦糖味~一刀切開蛋糕, 原來裡面是白色比較硬身的慕絲, 質感好似布甸咁. 食落口感好香滑, 味道清淡, 而我個人覺得很香奶味. 白色的慕絲裡面包住有幾粒半圓形軟軟地的焦糖, 以及包住一層薄薄的咖啡味海棉蛋糕. 軟軟地的半圓形焦糖食落味道比較甜, 而海棉蛋糕食落就有非常香濃的咖啡味. 蛋糕的最底層古力脆粒咬落脆卜卜. 食呢款蛋糕我就建議要一啖食齊所有唔同的材料, 口感層次會非常豐富, 而且味道會中和返, 不會太甜太膩. 提醒: 買左呢款蛋糕之後要盡快放入雪櫃, 否則外層的焦糖會好快溶.

信義爸生日今年就唔揀個梗有一間係你左近既蛋糕啦試下新野啦~其實係滿足下信義妹想試，又可以搵個借口食~~~哈哈哈就揀咗CARAMEL MOUSSE CAKE $138但大家如果有興趣試的話記得要早幾日打去訂呀~一打開盒就已經有濃濃的焦糖味撲鼻這個蛋糕的好處係好企身切開唔會搞到爛曬層次分明最外層是淡淡焦糖外膜包著整個蛋糕這層不太甜到白色那層就似法式燉蛋的味道甜絲絲的~~但沒有焦糖的味，有蛋的香味，所以相對淡一點半圓見到的就有濃烈的拖肥糖味愛拖肥之人就一定會愛上到尾二深色的是濃濃的咖啡啫喱正正可以同拖肥的甜做成一個強烈的對比最底層的蛋糕有少少咖啡脆脆不會太甜如果幾層一齊食就可以帶來多種甜苦滑軟的口感同味覺享受蛋糕4.5寸一家幾口作為飯後甜品份量剛剛好唔駛驚食淨搵位雪啦~~~哈哈

飲咖啡要加焦糖 食甜品要㨂焦糖燉蛋咁食蛋糕呢？當然都要㨂焦糖口味啦！老友話佢公司樓下嘅express bar by lassana最近推出左一款焦糖蛋糕 趁今晚得閒拿拿林衝去買個試下先😌😌😌單睇外層 已經感受到焦糖嘅威力薄薄嘅焦糖包住整個蛋糕 上面有朱古力片加上味道似拖肥糖嘅脆片底部則以朱古力脆粒作點綴😍😍😍返到屋企立即切開黎食 層次非常分明 焦糖包住嘅係比較硬身嘅慕絲甜甜的 口感有啲似燉蛋 非常香滑中間半圓形的係似啫喱嘅焦糖😍最底部係有咖啡味嘅蛋糕 香濃之餘微微帶苦 一齊食口感層次非常豐富 只係略嫌咖啡蛋糕分量太少 食得多有點膩不過焦糖嘅粉絲們絕對不能錯過 勁好食👍🏼

✿╮❤╭✿✿雜感女生 好味日記✿˚*•✰。Express Bar by Lassana．一試愛上。✰•*˚✿✿舌尖上的觀塘✿✿❤餓底飯聚❤❤朋友知道我愛吃法國的味道特別推薦我到觀塘一試Express Bar by Lassana的出品看到小店門口已有多人排隊，估到出品應該有一定水準想不到一個小小的Caramel Mousse Cake ($138)已經令我一試愛上Express Bar by Lassana賣相簡約優雅的4.5吋Caramel Mousse Cake以朱古力片、捲條及果仁脆脆作裝飾賣相是一種看得出的幼滑入口有布甸的質感，亦有焦糖燉蛋的味道內裡是多層次的味道，焦糖、拖肥、蛋香、咖啡底層的脆餅底，口感卜卜脆，帶朱古力與果仁的香氣吃一口就是想再來一口味道好極！舌尖上的法國令我回味在法國的日子！從此愛上了Express Bar by Lassana！ 

個日係附近同屋企人食野慶祝媽味生日 聽朋友推介個頭附近有間蛋糕吾錯既店 仲有新推出既一個cake 我就係早2日訂左蛋糕 個日早左出發 諗住去拎個蛋糕俾個驚喜媽咪 因為食飯食7點幾 食飯同依間蛋糕店位置幾近 甘我就訂左7點去拎蛋糕去到發現係一棟商業大廈 甘我大概諗到間蛋糕店係點 而去到門口已經發覺無乜人 應該係office hour完左但蛋糕店營業時間去到7點半 一路行過去見到com左啲布 但負責人都等埋我依個客 真係衷心感激我揀左既口味係焦糖慕絲蛋糕 Caramel Mousse Cake$138 4.5吋既蛋糕岩晒我地一行4人 食完晚飯再share就perfect啦賣相都不錯 有層焦糖漿係面 嗜甜既我睇見就流晒口水 仲有圍邊既果仁碎 可以平衡下甜度一切開發現都幾有層次最驚喜莫過於有一層咖啡啫喱 吾會由頭甜到落尾 另外依間店賣咖啡都出名 所以依層咖啡啫喱都好濃郁 好香咖啡味 而最底層既係蛋糕 質地硬身啲 同慕絲既軟滑形成對比 口感相當吾錯 中間既慕絲微微焦糖味但吾會好甜 圍邊既果仁碎增加口感如果下次再去個附近食野一定會再買佢既蛋糕 生日放肆一次 食甜啲吾過份姐

經過附近喜愛的咖啡店好多次都想試試它的蛋糕，終於有機會了！一個比較喜歡簡單而對生活有質素的好朋友生日，我就選擇了一個Carmel Mousse Cake 給她一個驚喜！ 大約4.5吋蛋糕, 面上有朱古力片,朱古力捲條及果仁脆脆作裝飾，簡單又優雅的賣相相當吸引 !質感幼滑，入口似焦糖燉蛋，沾着濃濃的拖肥卻帶點蛋香味，中間一層的軟蛋糕為夾心，再加上微微的咖啡味道，幾種不同味道在舌頭打轉！口感一流。

蛋糕好多人都鐘意，特別是好食又好睇的更令人心動。Book左Express Bar by Lassana 的白朱古力薄荷慕絲蛋糕，在觀塘宏利金融中心，原來行去地鐵都幾遠，不過朋友話值得。比较少有薄荷味的蛋糕，見到個樣完全想像不到會有薄荷味，鮮紅的外面配上白色的朱古力小花令人有點唔使得食。切開見到有几層，原來外面是薄薄一層朱古力，有D薄荷味，中間慕絲好滑，一層草莓醬酸酸的，一起食減少了甜味，食多D都唔會膩。下面的餅底好松脆，好香牛油味。不知不覺已經食左半只蛋糕，好睇的蛋糕令人唔使得食，好食的蛋糕又令人食唔停口，真是好矛盾。這間仲有款焦糖朱古力蛋糕下次一定要買來試下

曾經於Spade by Lassanaa鼇cafe吃過一個好好吃既酥皮多士盒, 從此就對這家雪糕店念念不忘。然後最近在公司附近看到與他屬同品牌的另一個副線蛋糕店, Express Bar by Lassana, 就決定好要在此買朋友生日的蛋糕喇!要買原個蛋糕, 切記要預早訂, 我是於三日前下單的。White Chocolate Mint Mousse Cake $138選擇這個蛋糕的原因無疑是被它紅底白色小雛菊的亮麗外表所吸引, 而且蛋糕尺寸為4.5吋, 亦十分適合我們幾個幾個小女生飯後享用。不過令我驚奇的是, 在那惹艷外表之下的, 竟然是清新甜美的白朱古力簿荷味! 令我十分期待!在朋友家晚飯過後, 終於遞到女主角去洗手間的機會, 立刻拿出準備已久的蛋糕, 嬌俏的外表加上我特意準備的小蠟燭, 太可愛了吧!誰知... 遂支遂支蠟燭點亮的時間比我們想像中要長得多! 而且這個可愛的小蠟燭被點燃後燒得「極。度。旺。盛」!! 燒到連蠟都滴在蛋糕上了...好吧好吧, 忘記蠟燭。 切開後的蛋糕層次分明, 有白朱古力簿荷慕絲, 亦有一層厚厚的草莓果醬 (終究明白為什麼整個蛋糕外表以紅色為主)。紅色外層

Express出了兩款新蛋糕即刻試下見到poster個賣相幾吸引4.5寸白朱古力薄荷同焦糖慕思$138 最後試左個白朱古力 姐係紅色個款因為薄荷好似特別D現實同相都好一致薄薄的紅色糖霜面入面白朱古力慕思幾滑唔太甜 加埋薄荷個味幾特別個餅底脆脆地 但愈食愈甜可能我個人唔鐘意太甜入面都幾層次分明一食食左四分一個都唔太膩下次可能會試埋個焦糖一開始驚大甜無試但食左個白朱古力又唔太甜岩岩好可能焦糖都會幾好味

踏入春天，一整個星期天陰陰落雨，仲要冒雨返工，真不是味兒 為了舒緩沉悶的工作，在附近的咖啡店見到有2款新推出的法式蛋糕，於2日前特地訂了一個法式焦糖慕絲蛋糕 (Caramel Mousse Cake $138)作為下午茶，希望令苦中帶來一點甜 一打開包裝盒，4.5吋蛋糕的表面以朱古力片及nuts脆脆作裝飾，簡單又美觀的賣相相當吸引 蛋糕的質感creamy幼滑，焦糖味道一點兒也不澀，還有些像拖肥味，中間一層的軟蛋糕為夾心，再加上甘濃的咖啡味道，能減低甜膩之餘還增添味蕾的層次感 果然沒有令我失望，一班同事都話yummy ar

香港人既忙碌有時都幾可悲,連食個午餐都要quick,有時都諗係香港社會既問題定係香港人既問題？我都真係好羨慕外國人既生活態度 今日一場接一場連Lunch都差D無得食,1點左右係觀塘Manulife做完野,下一場趕住過海本身諗住吾食,咁岩見到間Coffee Shop 叫Express Bar By Lassana放曬沙律同D三文治係到幾吸引,過左去望望,店員推介我新出既焗薯,一向有D選擇困難症既我今次一於吾糾結是但解決左個lunch先。 焗薯用白色外賣紙盒裝,比我個時feel到好夠熱,佢地menu都有數款配料可以揀,我要左芝士同吞拿魚($42)，拎完拿拿霖上私家車行人! 我係一個薯迷,之前米芝蓮個間叄薯我食過認真吾好食,super sandwich 個D都還好,但我想講express bar呢個係我食過最好食既!打開已經覺得靚過其他,一叉落去仲出煙架!!薯仔吾會話好淋,岩岩好,薯仔有D味吾淡,配料都幾多!個皮仲脆脆地~食曬成個都吾滯 ,佢地有個Set係有埋野飲同沙律都係$68!其實佢地D沙律睇落好正,只可惜有D飽,下次再路經Manulife我會試下! P.s 佢地有賣三文治同其他麵包,睇

今天我的老闆呀Paul 生日，我很開心地有這樣一個聰明的老闆，所以想送一個特別的生日蛋糕，秘書小姐很細心想到Express by Lassana 出了兩款法式蛋糕!有兩款都是新出的，一個是白朱古力薄荷慕絲凍餅，另外一款是焦糖朱古力慕絲蛋糕!因為有三位同事去了旅行，我們祇有四人，剛好4.5的蛋糕最適合不過了!所以二話不說，選了最漂亮的白朱古力薄荷慕絲凍餅拿回去!老闆打開了很心花怒放，他說這蛋糕很精緻，我們馬上唱生日歌!老闆切完蛋糕，我馬上好了一口! 感覺又香又軟又滑!大家也嘩了一声!不是太甜，但蛋糕有着濃濃的白朱力薄荷味真的很清香!而紅色的夾心没想到一層一層地把白朱古隔開，真的很細緻，就是草莓的微微的酸，尤如春天來臨的氣息!夜吃下去發現底部的曲奇餅一点也没有比下去，很香很脆!薄荷原來和白朱古力慕絲是好朋友，真的互相配合，而且3位男同事說不太甜，所以也吃光光了!原來這個白朱古薄荷慕絲凍餅，入得廚房，出得廳堂，真的又睇得，又食得，內外兼備的法式蛋糕!

上星期係觀塘上完堂後, 經過Express Bar By Lassana, 見到佢地推出咗兩款新的蛋糕, 「白朱古力薄荷慕絲凍餅」及「焦糖朱古力慕絲蛋糕」, 我自己一直都好鍾意食慕絲, 尤其是朱古力, 但見到這個是用白朱古力慕絲整成, 我自己真係較為少食, 覺得幾特別, 決定先試下白朱古力薄荷慕絲凍餅.打開蛋糕盒, 見到個蛋糕.蛋糕有4.5吋, 不算好大個, 但也足夠兩三個人食用.整個蛋糕外層也是粉紅色, 色彩繽紛奪目, 女士見到一定鍾意.我第一時間切開蛋糕.內裡全是白朱古力整成的慕絲, 而在中間有一層紅色的夾心.我就切了一件試下味道.我本身食偏甜的, 也有點擔心白朱古力慕絲會太甜, 但我試咗這個慕絲後, 擔心一掃而空, 甜度適中, 慕絲又夠細滑.而中間紅色的夾心入口時感覺酸酸地, 原來是草苺醬, 這樣可以中和一下慕絲的甜.食食下又發現有淡淡的薄荷清香, 可以話多重口感.而最底層是帶點微脆的餅底.這個蛋糕味道和質感也不錯, 下次有機會要試埋另一款.

早兩天看了友人食評，知道原來 Express Bar 剛推出咗兩款全新法式蛋糕，味道分別為「焦糖朱古力慕絲蛋糕」及「白朱古力薄荷慕絲凍餅」。知道小妹子對味道帶點甘澀的焦糖朱古力，向來興趣不大，反而鍾情甜膩的白朱古力，所以趁這天開迷你生日會，特意為她帶來了這個賣相嬌艷欲滴的 White Chocolate Mint Mousse Cake ($138)。其實個慕絲凍餅 size 不大，只有 4.5 吋，很適合小家庭或兩口子甜蜜分享。未吃前先欣賞吓個蛋糕，鮮紅冶艷的餅面綴以幾朵白色小花，旁邊放了數顆士多啤梨，不過最令人一見傾心的，還是頂頭用作裝飾的威化紙蝴蝶，造型既迫真又夠曬繽紛奪目，非常吸睛，用來作為生日蛋糕送給女生，肯定會令她喜上眉梢。切開一試，內裡的白朱古力慕絲，口感非常細滑，水準的確唔錯，不過就稍嫌甜度過於搶鏡，吃起來有點兒膩口。幸好細嚼下，蛋糕夾層漸漸散發出陣陣草莓的微酸和薄荷的清香，可稍微中和白朱古力慕絲的甜膩感，配上 crispy 脆口的曲奇餅底，整體味道不俗。不過個人覺得，薄荷口味始終唔夠大眾化，未必人人受落，反而建議在夾層中加入啖啖清新的青檸，相信會令個蛋糕食味更佳。

不知怎的，小澄B好喜歡小狗。真狗喜歡，玩具狗也一樣喜歡!清明回鄉，叔父養的兩隻小黑狗，被她玩得「哀鴻遍野」。家中兩隻玩具狗，小黑和小白，是她寶貝寵兒。吃蛋糕，她也要帶上她的玩伴。紅粉斐斐的白朱古力薄荷慕絲蛋糕$138，飾以鮮紅欲滴的士多啤梨、小巧脫俗粉紅白色小花，以及青綠色的薄荷葉，充滿了活力和生命，頗有春天的感覺!切開一看，底層乃香脆可口且富牛油香氣的曲奇餅底，其餘全是香軟細滑的白朱古力慕絲蛋糕。吃一少件，感覺有點兒甜膩。幸而，蛋糕中間有一少層入口酸香，且滲出幽幽薄荷香氣的夾層，可稍稍中和甜膩之感。小魔怪，急不及待地示範何謂「狗仔式吃蛋糕」。她先用舌頭舔著蛋糕上的忌廉小花，繼而，一口咬下蛋糕。及後，只見她面容扭曲地，吐出夾著薄荷葉的蛋糕。哈哈，味道獨特的薄荷，始終得不得小孩的芳心!