Espresso Alchemy (海港城港威商場)

營業中

休息中

嗰日同朋友行到攰，經過海港城知道有間新開嘅cafe就行咗過嚟坐吓Cafe店面好開揚，如果想寧靜傾吓計可能就唔係太適合但總算坐得好舒服嘅我自己就點咗一個French Toast with French Berries & Salted Caramel 🍞🍇🍒🍓$69Toast本身配咗雲呢拿雪糕，基本設定啦多士本身煎得好香口好香蛋味，但略嫌有少少乾。最鐘意係個salted caramel，好濃郁完全唔hea，仲隱約有啲咸味，店員仲講明話係佢哋每日自己煮，好欣賞！另外配咗一杯 Honey Earl Grey Latte🥛$45我期待嘅係，蜂蜜配上伯爵茶嘅香味，飲完暖笠笠但好可惜，聞落好香，飲落只有少少茶味，完全冇蜂蜜味有少少失望呢間餐廳喺海港城嘅價位嚟講算係好划算，行到攰嚟食件cake都ok架！

原先打算去尖沙咀apple取貨，可惜去到冇開門，於是就去左對面港威商場食個午餐，呢間新餐廳既裝修非常吸晴，設計時尚，有圓拱形打卡位。自家製香草牛肉漢堡伴黑松露沙律醬漢堡包外脆內軟，自家製香草牛肉非常juicy，肉質亦好腍，還有超大塊芝士、蕃茄和生菜，再配埋美味既黑松露沙律醬，非常惹味。西多士伴鮮漿果雪糕配楓糖漿或自家製焦糖醬一般既西多士係搽花生醬，而呢度係搽果醬，感覺新鮮，西多士炸到外脆內軟，外面仲可以選楓糖漿或焦糖醬。Ice Mint Chocolate 薄荷味清香，朱古力味香濃。果香紅茶 帶有水果香味既紅茶，而且壺同杯既設計非常特別。

Espresso Alchemy 開到嚟海港城梗係要來試吓啦。拱門位仲係打卡熱點，好靚呀Large Mocha 朱古力同咖啡嘅比例啱啱好，有大杯就夠我飲Double Espresso 有分fruity / nutty ,揀左nutty 比較香濃 Large Flat white 香滑嘅牛奶配埋香濃嘅咖啡味鍾意奶嘅朋友值得一試香煎虎蝦配蘆筍辣蕃茄汁意粉三隻大虎蝦，好彈牙有蝦味，而且蝦腸處理得好乾淨，配埋我最鍾意嘅蕃茄汁，辣味不重，只係輕輕點綴青醬雞排沙律呢個沙律真係好抵食，而且肉質柔軟唔鞋，加上青醬酸酸甜甜好開胃牛角包好香牛油味，酥皮好鬆化，仔仔至愛All day Breakfast夠晒大份，煙肉煎到脆卜卜，炒蛋好滑，仲有德國豬肉腸，薯仔粒同埋野菌，仲配埋牛角包仲有好多其他食物，飲品都想試，下次要再嚟

今日去左海港城行街, 無意中見到有間咖啡店, 坐底左望下餐牌, 除左有咖啡飲,仲有飯有意粉, 咁就順便食埋午餐. 呢度環境非常好, 空間寬敞, 屬於商場裡面既開放空間, 唔會悶焗, 令人感覺好舒服.自家製香草牛肉漢堡伴黑松露沙律醬自家製牛肉味濃, 配埋大量蔬菜, 黑松露味道唔會搶左牛肉既鮮味, 加上沙律醬同番茄洋蔥, 味道好夾!香煎虎蝦配蘆筍辣番茄汁意粉虎蝦好大隻, 肉質爽甜鮮味, 意粉軟硬度適中, 蘆筍都好新鮮, 帶少少青甜Iced Mint Chocolate呢杯係Alchemy’s Feature Drinks, 濃朱古力配上青新薄荷味, 飲一啖已有清涼感覺!

𝕋𝕊𝕋 尖沙咀 • 𝔼𝕤𝕡𝕣𝕖𝕤𝕤𝕠 𝔸𝕝𝕔𝕙𝕖𝕞𝕪 ☕️📍尖沙咀廣東道𝟛-𝟚𝟟號海港城港威商場地下𝔾𝟙𝟘𝟜號舖🔍尖沙咀、荃灣➰🔸 烤雞菠蘿漢堡配檸檬乳酪醬 $𝟷𝟶𝟻 🐓🍔漢堡包鬆脆軟熟，烤雞皮脆肉嫩，配菜有蕃茄、生菜，而菠蘿令整體好juicy好加分!! 伴以焦香的薯仔粒，好特別🥔🔸青醬雞肉忌廉長通粉 $𝟿𝟻🥗以脂肪較少的雞胸肉入饌，而且份量好多，青醬忌廉好重手，食到後期較膩😹 可考慮轉沙律，間中健康下都幾好👀▫️西多士伴雪糕配鹹味焦糖醬$𝟼𝟿 🍓🫐🥪新店限定！法式西多士可配楓糖漿，但個人較推介鹹味焦糖醬，可中和雪糕的甜度。西多士蛋香濃郁，口感濕潤，中間夾有士多啤梨果醬，確實不錯😻▪️泡沫咖啡 $𝟺𝟹 ☕️ 店主是擁有專業認可資格的杯測師，將不同產地和品種的咖啡豆評級，故咖啡的品質有保證👍🏼

今次係再訪, 有時出tst 想飲啡食d 野就會諗起呢因為環境都大, 幾好坐. 我自己最鐘意靠窗邊座位, 好isolated 一個個卡座咁幾好上次食過青醬雞意粉好食, 今次order 左個smoked salmon risotto. 雖然煙三文魚味道唔錯, 不過覺得佢risotto 太腍. 而味道都係上次青醬更好食呢.仲有就係烤雞菠蘿漢堡配檸檬乳酪醬, burger 超大個足料. 雞肉都幾腍唔會乾, 仲有新鮮生菜, 包亦有烘熱過. 加埋甜甜菠蘿幾好食, 不過個檸檬乳酪醬比較少唔太食到. 一邊嘅焗薯有用香草醃過幾香選左杯sparking black, espresso 加左lime soda , 飲落超清爽, lime 清香加埋espresso 幾好飲另外朋友選左mocha, 拉花好細膩放好耐都咁靚, 帶好出可可香味, 可可太香反而有點蓋過coffee 味不過係好飲嘅

Espresso Alchemy在海港城的新分店 裝修風格挺有心思 簡約舒服☺️【Pesto Chicken, Mozzarella Cheese & Tomato Panini HKD69 】有驚喜! 青醬烤雞胸很出色 雞胸肉質很嫩有肉汁 調味也恰到好處😋加上熱溶芝士和蕃茄 做為下午茶好滿足！【Earl Grey Chocolate HKD41】飲品方面都有不少特色飲品 伯爵茶x朱古力的組合個人挺喜歡 朱古力中滲出淡淡的伯爵茶香 不會過於甜膩😚 【French Toast w/ Fresh Berries & Ice Cream HKD69】西多士就比較普通～

之前已經食過一次佢哋超高質嘅雞扒沙律最近佢哋喺海港城開咗新分店 所以又去咗一次🤪〰️青醬雞扒沙律 ($79)今次佢覺得佢嘅份量又多咗雞扒嘅份量同之前食嘅一樣 但今次連沙律都好多🤭雞扒同樣嫩滑 非常大塊之餘仲好厚切真係好想問佢嘅秘方 究竟點樣煮到咁好食🤭佢哋嘅雞扒沙律暫時仲係我心目中嘅NO1🤪性價比好高之餘 健康又高質 真係冇得挑剔🤣〰️鮮奶咖啡Latte ($38-regular)〰️宇治抹茶鮮奶 ($43-large)另外仲叫咗杯咖啡同抹茶鮮奶佢哋仲可以(+$2)轉燕麥奶 飲落抹茶好濃郁 而且甜度啱啱好 很可以!呢個係朋友嘅青醬雞扒長通粉，調味其實同青醬雞扒沙律一樣，兩個都好好食！佢哋嘅嘢食同飲品都真係好高質 真心推介🤤❤️

通常嚟呢度都係飲咖啡為主，今日特登嚟食午餐。揀咗牛肉漢堡包🍔牛肉漢堡包好厚肉，大大份！兩個人一齊食就剛剛好。另外叫咗卡邦尼意粉🍝意粉份量都幾多，而且個汁夠creamy 。鍾意佢啲煙肉半肥瘦，好夠香；而且仲有唔少芝士粉。咖啡叫咗熱朱古力咖啡☕️朱古力味夠重，咖啡味都好香。另一杯飲品叫咗cappuccino, 鍾意佢咖啡味夠，飲完好醒神。期待已久嘅french toast, 賣相靚！新鮮整起，揀咗caramel 糖漿，仲配有朱古力雪糕～相當邪惡！

第一次食Espresso Alchemy 係荃灣，當時覺得性價比高，尖沙咀應該有2間，今日就去左海港城。Café 係cheesecake factory 隔離 我記得之前係八天堂（賣忌廉包）Café 用左開放式設計，酒紅色佈局加雲石枱 少少懷舊得黎又帶點高貴，當日去到都要排一陣隊 證明係食肆林立既商場，人氣都唔低! 靠門口的位置有一大片對著外面既落地玻璃可以見到街道既人同車，係café 既重點~ 青醬烤雞意大利三文治意想不到青醬其實唔難食，意大利包烤至鬆脆，表面的網紋烤印令賣相加分不少烤雞再加上中間夾層有蕃茄，餡料充足，雞肉算嫩但如果半溶車打芝士再多D， 層次感就會豐富D 更吸引 Cappuccino 有普通和大杯裝之分，自己加左HK$2 轉左oat milk，味道濃醇帶麥香，口感幼滑 烤雞菠蘿漢堡配檸檬乳酪醬識食一定食呢個Burger! 叠得高高的漢堡 Size 比我想像中大 ，仲夾住2塊雞扒雞扒煎得香脆，皮脆肉嫩加埋菠蘿，蕃茄同生菜，咬落勁Juicy 而且味道酸酸甜甜好開胃~伴碟係Roasted Potato 香口得黎口感軟綿。美中不足係成個漢堡比較容易分離，難免要分開食～

今日去左行海港城，黎到港威商場地下，見到原來Espresso Alchemy開左新分店!lunch hour接近全場滿座，要等一陣先有位~青醬雞排沙律見到唔少人都推薦呢款沙律，雞排肉質柔嫩鮮美，口感細膩爽滑，好有驚喜!加入青醬更為清新可口，伴碟有份量頗多既沙律菜，新鮮爽脆，淋上醬汁酸甜又開胃。香煎虎蝦配蘆筍辣蕃茄汁意粉辣蕃茄汁辣度適中，開胃惹味，大大隻虎蝦肥厚爽嫩，肉質紮實，蘆筍軟嫩豐厚，意粉彈牙有嚼勁!Latte味道濃醇，口感滑順，啖啖細緻香醇，充滿咖啡香氣。鮮奶朱古力可可味十足，香濃幼滑。

近排愛上了Espresso Alchemy的型格咖啡餐廳，一到放假就忍不住前往，飲番杯咖啡，再嚐嚐其輕食，放假鬆鬆就係咁簡單。餐廳以開放式的設計，以酒紅色的玄關設計，給人耳目一新的感覺。Baileys Chocolate 以朱古力加入Baileys，入口香甜而不膩，更帶有微微的酒香，令人一試難忘。Alchemy 全日早餐全日早餐非常豐富：煙肉、薯仔粒、車厘茄、香腸、磨菇、哈蜜瓜、牛肉包，更可自選炒蛋/太陽蛋。其中薯仔粒加入醬料後，入口微辣，非常惹味；牛角包🥐外層香脆，口感輕盈，層次豐富。西多士伴鮮漿果雪糕配楓糖漿 香噴噴的西多士加上楓糖漿，真是飯後必點的甜品。輕輕切開已聞到其蛋香，一食之下，發現內層夾著士多啤梨🍓果jam，口感酸酸甜甜，令人愛不惜手。

行街見到開咗新分店，一於試吓！Baileys Chocolate ($68)將Baileys同朱古力融合埋一齊，香甜又易入口，每一啖都結集咗甜酒嘅醇厚同朱古力嘅濃郁，口感香濃順滑。烤雞菠蘿漢堡配檸檬乳酪醬 ($105)烤雞香口，漢堡內有大量蔬菜，新鮮爽脆，加埋檸檬乳酪醬酸酸哋，味道清新開胃。西多士伴鮮漿果雪糕配楓糖漿或自家製焦糖醬 ($69)西多士色澤金黃，好厚身。外層酥脆而內層鬆軟，麵包之間搽咗果醬，加埋香甜嘅自家製焦糖醬，入口酸酸甜甜，甜而不膩。

HAPPY FRIDAY約左閏蜜食下午茶，今次揀左Espresso Alchemy，位於尖沙咀港威商場地下，半自助形式，環境寬敞舒適，到收銀處落單付費後會有專人送餐。牛油果多士配沙律多士烘得香脆可口，切片牛油果夾雜爽甜車厘茄，口感層次豐富細膩!伴碟沙律菜份量極多，爽脆清甜，灑上香脆合桃碎，嚼勁十足。厚切意大利煙肉配卡邦尼意粉煙肉厚切細滑軟嫩，醃得入味，口感一流，卡邦尼意粉加入蛋汁拌勻，入口充滿蛋香，夾雜芝士鹹香，層次豐富，意粉彈牙香滑，味道濃郁，有嚼勁。Flat White心型拉花圖案吸晴，咖啡濃醇，牛奶絲滑，飲落順口。This Town Needs Beer估唔到咖啡店有Heroes Beer!充滿麥芽香，味道豐富，有淡淡果味。

以海港城/港威商場內的餐廳來說, 這間餐廳價錢算是平易近人, 食物味道也不錯. 餐廳面積分為兩邊, 一邊近廚房/收銀處, 而另一邊面積較大, 不過食物由廚房送到餐桌上要經過一個商場開放式路程才到達, 而送餐過程中食物沒有任何蓋子蓋住, 我覺得這點可以改善一下😅排隊入座後, 選定食物前往收銀處落單&付款, 換來一個送餐號碼牌, 返回座位等待食物送到厚切煙肉配卡邦尼意粉粗粗的意大利粉, 厚厚的煙肉條, 醬汁偏油, 味道不似預期虎蝦車厘茄意大利飯這個意大利飯味道有驚喜, 新鮮蕃茄醬汁, 虎蝦彈牙, 味道醒胃蜜糖伯爵茶鮮奶&本期精選單品咖啡-輕輕的蜜糖味, 有伯爵茶味, 淡淡的鮮奶味, 三種味道融為一體, 味道不過不失. 不過我略嫌飲品溫度不夠熱-本期精選單品咖啡, 每兩週更換一款味道, 餐廳亦有印出該兩週咖啡豆的簡介卡另外, 我眼見鄰枱客人的食物頗為吸引, 已經決定下次再次光臨時會點沙律, 西多士&有拉花圖案的熱咖啡品嚐😬