Dream Cafe (已結業)

今次介紹的餐廳是在朗豪坊附近的”Dream Café”。八點多去到餐廳並不多人，有很多位置可以選擇，座位鬆動，不需要在很迫的位置進食。餐廳掛著一些水晶燈，燈光柔和，讓人覺得很舒服，另外餐廳內的牆是玻璃，令人看上去餐廳很大，不會有很迫的感覺，另外還有一些畫和一個時鐘放在餐廳內裝飾，整體裝修有一種復古的感覺。 餐廳有二人套餐和一人晚市套餐，由於想食黑松露龍蝦意大利飯，但是普通的晚市套餐並沒有黑松露龍蝦意大利飯，所以和朋友選擇二人套餐.另外選擇了炭燒美國極黑豬鞍配胡麻醬，本來想試試炭燒安格斯肉眼扒，但是去到的時候已售完，提提大家這款安格斯肉眼扒和黑松露龍蝦意大利飯都是限量供應，所以太晚去有機會已經賣完。黑松露龍蝦意大利飯中有不少的龍蝦，飯和忌廉汁的比例剛好，飯不會太乾也不會太濕，而且有香草和黑松露混在飯里，氣味很香，再配上龍蝦的味道，令人非常意外，雖然看起來很平凡，但是味道卻很豐富，但是分量不太夠，兩個人吃未必足夠。另外炭燒美國極黑豬鞍配胡麻醬的賣相非常吸引，有沙律和薯角伴碟，薯角炸的很脆，主角黑猪鞍非常厚，煎得剛好，不會很難咬，單吃不沾胡麻醬也很美味，不會有冰鮮的味道，配上胡麻醬有另一種味

雖然年紀大左，但兩公婆都依然會拍拖睇電影撐枱腳，保持心境年輕！我地平時喜歡早d出去，睇完戲至食飯，咁就可以一邊食飯，一邊來個睇戲後感分享會！呢日係朗豪坊睇完戲，朗豪坊餐廳都好多人要等位，於是我地去左格離既朗晴坊食飯，老公揀左呢間cafe食西餐！我地簡簡單單嗌左兩個晚餐！鱈魚餐，可配飯，意粉，薯菜，佢揀左飯，鱈魚有d鯹同唔滑，但個汁甜甜地，以惹味，好下飯。 牛扒揀左配意粉，黑椒汁惹味，牛扒係薄身的，有牛味，都幾鮮嫩，而且都幾大塊，係抵食既！

依度係朗豪坊UA戲院隔離，超易揾啦。環境都舒服，今日同姐妹飯聚，都係希望坐得耐d啦。無趕我地二人套餐有沙律 餐湯 A+B菜，兩杯$28既飲杯，其他補差價，仲有想食焦糖蛋可以另加$15。餐湯係雜菜湯。想食d涼口野，叫沙律。Salad係黑醋汁雜菜。細細地，一人一碟。菜有紫椰菜 蕃茄 其他幾款，新鮮。黑松露龍蝦意大利飯，份量夠我兩女仔。好細心去殻，賣相唔特出，都有好幾舊。龍蝦肉幾彈口，都有點肉嫁。意大利飯超creamy，好正個飯。有黑松露同香草點聚，飯好香，之後有紫洋蔥爽爽地。無咁咸更好！炭燒羊扒配蜜糖紫蘇汁有兩大件 薯角 沙律。沙律好清新好適合食完油脂重的羊扒。羊扒好香嫩既，有羊汁血水，嘻嘻。淨食外，點蜜糖紫蘇汁更甜美。Lemon tea (hot)正正常常。Double chocolate (ice)，似M記朱古力加濃款，有cream on top，奶味d。我地坐左一晚，服務ok，又無趕我地，哈哈，坐好耐。走行幾分鐘就MTR啦。

朗豪坊食肆都差唔多食勻晒，就去咗隔離商場朗晴坊度見到有間cafe就入咗去試可能時間尚早，唔使等位就可以入場，座位都幾闊，環境尚算可以，同男友每人叫咗個set dinner食，我就點左個挪威煙三文魚意大利麵，男朋友就點左個香煎帶子配黑松露野菌闊條麵，在點左兩個小息其中嘅款叫韓式炸雞鎚同楓糖黑椒焗雞翼Set dinner有前菜，我同男友一個揀咗白湯一個揀咗沙律，送到你個湯都幾龍尾，沙律就比較清淡，如果加多啲沙律醬就好啦到主菜嚟啦挪威煙三文魚意大利麵，三文魚夠新鮮配搭意大利麵又唔會覺得肥膩，十分適合女士食用至於男友嘅香煎帶子配黑松露野菌闊條麵，男友啊帶子好鮮嫩，食到新鮮嘅感覺，但就略為煎得唔夠香口，如果再煎來少少就會更好韓式炸雞取好香脆，醬料都好辣，很嘢味，食完主菜都可以食到，值得推介至於楓糖黑椒焗雞翼，雞翼外表香脆，蜜糖味好濃，皮又夠滑，食落口有汁，是今次最鍾意食的一款飲品叫咗兩杯普通嘢，一杯凍奶茶一杯熱奶茶，同出邊飲嘅冇乜分別所以都唔會特別寫啦

Cafe 的位置方便，就在朗豪坊地下電影售票處的旁邊。套餐選擇頗多，我點了二人餐的 A1 和 B4，而價錢也很親民。沙律材料新鮮和豐富，質素不錯。黑松露龍蝦意大利飯賣相雖然不算吸睛，但味道十分好！意大利飯相當 creamy 和 al dente，每粒飯都有濃郁的醬汁，而且有雪白的龍蝦肉。炭燒12安士美國安格斯肉眼扒配黑松露汁大大塊，牛扒有點筋，不過頗有肉味和肉汁，性價比算高。套餐包 $28 內的飲品，補差價點了柑桔柚子沙冰和士多啤梨梳打。柑桔柚子沙冰酸甜，充滿柚子碎粒，非常出色！Cafe 的環境舒適，相當好坐。

今日睇完戲就黎近近地的 Dream Cafe食晚餐！餐廳係朗睛坊5樓，入面裝修都幾有格調！叫左個Dinner Set同嗌左啲小食，是日餐湯係西蘭花忌廉湯飲個湯暖下胃，都幾濃西蘭花味另點GE餐前小食，蒜香炒露荀雜菌炒完GE露荀都好鮮嫩帕爾瑪芝士蒜蓉包，有成六舊咁多，新鮮焗起又熱又脆，非常惹味小食送酒一流，叫左Set加$28有杯細GE Asahi套餐主菜揀左B餐 香煎帶子配黑松露野菌闊條麵帶子厚肉鮮甜闊條麵煮得軟硬適中，不錯CAFE黎講真係平靚正兼食物質素GOOD

時日拍拖拖去人流密集嘅旺角朗豪坊睇戲，美食雲集要揾食唔難，難在要等食，間間都排長龍等餐帽。但其實就喺隔離朗晴坊就有成幢美食大廈任你揀包你唔洗排，今次我們揀咗位於5樓嘅DREAM CAFE,餐廳環境中等唔算大，少於10張枱，簡單裝修，燈光氛暗，都有啲浪漫我們點咗4份SET DINNER, 點解4份？無錯因為4人拍拖，晚餐可選沙律或餐湯，主菜同包杯價值$28飲品什菜沙律(簡單食材，爽口清甜嘅沙律菜配上黑醋)，忌廉什菌湯(重量什菌，味道濃郁，口感柔滑，但如果能夠熱啲會更好)香煎帶子配黑松露濶條麵，味道較淡，麵質軟硬適中，帶子有倆隻。燒鱈魚配秘製汁同白飯，鱈魚比想像嘅份量少，勝在火喉好，岩岩熟肉質嫩滑，秘製汁亦惹味非常與鱈魚好夾熱檸茶比較茶餐廳FEEL,但如果想飲其他嘢都可以加錢轉食飽去睇戲，時間岩岩好

同朋友係朗豪坊睇戲前，係附近揾食，近近地係格離大廈既上樓cafe醫肚~menu有散點，有二人餐，一人餐，我地一人揀左一個set dinner，有餐湯有主菜有飲品，一百蚊左右一個人~沙律簡簡單單以黑醋調味，酸酸甜甜，清新開胃~香煎帶子配黑松露野菌闊條麵 $98帶子肉厚，都幾大粒，岩岩好熟肉質嫩，麵條軟硬適中，陣陣黑松露香~西班牙黑毛豬火腿意大利飯 $108黑毛豬心腿份量多，咸香十足，意大利飯有濃濃既芝士香~跟餐可以揀熱熱茶/奶茶~牆上有可愛手繪公仔~~

旺角朗晴坊嘅呢間dream cafe喺朗豪坊隔離 行完街去食就啱曬 原來呢間嘢都好多三五知己約埋一齊嚟食 不過今晚我就一條友嚟呢度食晚餐黑椒蜜糖雞翼 蜜糖味好出 加上成個喼碟都係滿滿嘅蜜糖好豐富 加落去有黑椒嘅味道 既雞翼一齊食好夾 雞翼炸到好脆唔會好油膩 秘製醬汁配香煎鱈魚柳 鱈魚柳唔係間間西餐都有得食 而且價錢買到好貴 呢間餐廳佢有做晚餐 配埋餐湯同嘢飲 厚切鱈魚柳好厚接近一吋 而且亦都大大塊配上秘製醬汁 醬汁偏甜帶有少少豉油味好食 鱈魚柳超濃魚油香 而且鮮味十足 再加上薯角去唔係用炸 而係煎嘅方式 在點上秘製汁同出面食嘅薯角感覺完全唔同 配菜用番茄醬煮成嘅雜菜 加埋一齊食好清新可以一消油利感 餐湯係南瓜忌廉湯 煮得好creamy而且南瓜味好重 跟餐加錢就可以轉特飲 我就飲咗焦糖朱古力 佢焦糖同朱古力味都拿捏得好好 兩樣未都互相配合 唔會話好搶 甜品就叫咗terimisu 佢係較正宗嘅做法 餅底係原條手指餅 再淋上天terminus醬上面 加埋可可粉 食落好重㗎啡味

再來Dream Cafe，餐廳的地點方便，食物味道好，而且價錢商宜，所以這裡是十分值得到訪的。我們點了兩份套餐及甜品。前菜我們分別點了沙律及餐湯。而主食分別是挪威三文魚意大利麵 $82及炭燒美國極黑豬鞍配胡麻醬 $168。意大利麵的分量不多，但味道很好。而豬鞍多汁、可口。肉質不會鞋，很嫩滑。如此嫩滑、多汁的厚豬鞍，正正是教人再三回味的味道。加配的焦糖燉蛋 $15，香脆的焦糖加上細滑的燉蛋，是我一貫喜歡的甜品。飲品方下，我們選了檸檬紅茶及柚子蜜 +4，味道正常。整體而言，這餐廳值得再來！

今日同女友去咗旺角行吓商場影下燈飾，行完朗豪坊影完靚相覺得肚餓就一定要去撐吓枱腳先啦，朗豪坊食肆都差唔多食勻晒，就去咗隔離商場朗晴坊度見到有間cafe就入咗去試可能時間尚早，唔使等位就可以入場，座位都幾闊，環境尚算可以，同男友每人叫咗個set dinner食，我就點左個挪威煙三文魚意大利麵，男朋友就點左個香煎帶子配黑松露野菌闊條麵，在點左兩個小息其中嘅款叫韓式炸雞鎚同楓糖黑椒焗雞翼Set dinner有前菜，我同男友一個揀咗白湯一個揀咗沙律，送到你個湯都幾龍尾，沙律就比較清淡，如果加多啲沙律醬就好啦到主菜嚟啦挪威煙三文魚意大利麵，三文魚夠新鮮配搭意大利麵又唔會覺得肥膩，十分適合女士食用至於男友嘅香煎帶子配黑松露野菌闊條麵，男友啊帶子好鮮嫩，食到新鮮嘅感覺，但就略為煎得唔夠香口，如果再煎來少少就會更好韓式炸雞取好香脆，醬料都好辣，很嘢味，食完主菜都可以食到，值得推介至於楓糖黑椒焗雞翼，雞翼外表香脆，蜜糖味好濃，皮又夠滑，食落口有汁，是今次最鍾意食的一款飲品叫咗兩杯普通嘢，一杯凍奶茶一杯熱奶茶，同出邊飲嘅冇乜分別所以都唔會特別寫啦

嚟旺角要食平正快嘅 Lunch 其實唔難，識揾一定去朗豪坊。。。隔離嘅朗晴坊食。平時我就食開譚仔，今日唔想食米線就去咗樓上嘅 cafe。坐得舒服啲，Lunch 又唔洗收加一。芝士焗吞拿魚火腿意大利麵 ($48)上面啲芝士焗到微焦，賣相好吸引呀。吞拿魚落得幾重手。睇落以為碟意粉份量好細，但原來食落都幾飽，可能夠多 cheese。焦糖朱古力 (跟餐 +$8)嗌特飲只需補錢，但我覺得甜咗啲。

自從上星期去了朗晴坊的一間樓上 cafe 後，就決定要試光同大廈的餐廳。今天又到旺角，人來人往的朗豪坊已令我焗得透不到氣，也快四時了，便和寶寶上來 Dream Cafe 休息一下。時間不遲不早，但原來還有 Lunch set 提供，價錢還真便宜唷。套餐包括 $28 的飲品，如要轉特飲只需補錢便可。我和寶寶也要有機花草茶，很精緻的壺唷！我的粉紅玫瑰 (+30) 能補血氣、美顔護膚和消除疲勞。而寶寶的洋甘菊 (+30) 則能抗老化和治感冒，好處多多。店員更會給你一樽糖漿任你倒上。冬天時喝就最好不過了，還可以免費添加水一次呢。餐湯是大蒜薯仔湯。我的主菜是馬來咖喱燴牛肉飯 ($48)，咖喱不辣，拌飯吃一流，可惜薄片牛肉則有點韌。旁邊是新鮮的沙律菜配醋汁，很醒胃。蕃茄忌廉汁燴海蝦意大利飯 ($56) 好味道，意大利飯混入了蕃茄汁，酸酸甜甜的很開胃，海蝦概大粒，又爽口彈牙。份量也不少，必試。這個時段除了有 lunch set 外還有 tea set 呢～朱古力心太軟伴雪糕 ($54) 是金莎心太軟呀！用叉子一穿金莎朱古力醬便流岀來了，裡面還竟然發現原粒金莎呢！配上雲呢拿雪糕在口中冰火交融的感覺很正

今日約舊朋友食飯，想找可以靜靜地聊天的地方，旺角這間dream cafe非常方便。餐廳室內氣氛寧靜舒適，很適合聊天！Cafe有一個二人餐， 只需288元，非常豐富！價錢合理，有湯、有沙律、有嘢飲，主食還可以選牛扒呢～十分豐富！套餐可以選擇沙律或者餐湯，我和朋友各自叫了一碗餐湯和一碟沙律，可以試到兩款不同的味道 餐廳上了羅宋湯，味道比較濃味， 一般般 沙律味道清新，配有酸酸甜甜的醬汁，吃得很開胃這是朱古力曲奇沙冰💁 朱古力味香濃，還有碎碎的曲奇粒， 入口冰涼的感覺， 一邊食牛扒，並飲一口沙冰，感覺很涼快這是凍特濃朱古力，朱古力味特濃郁～ 對於我們這些“朱古力控”來說，十分滿足這是炭燒十二盎司美國安格斯肉眼扒💁我叫了七成熟，這塊肉眼扒肉質鮮味，點了黑松露菌汁更帶出牛扒的香味這是黑松露龍蝦意大利飯彈牙的龍蝦肉配上creamy的意大利飯

最近出旺角都愛找樓上Cafe晚飯，一來不限時間，二來遠離人群，今晚來到朗豪坊鄰近的朗晴坊，位於5樓的Dream Cafe地點方便，而且十分旺場～Dream Cafe裝潢雅緻，座位舒適度，場內氣氛頗為熱鬧，可能因為已滿座的關係，所以充拆客人們的歡笑聲～晚上提供Dinner set，另亦設有二人餐～是日餐湯是南瓜粟米湯，湯質雖然比較浠，但滿有南瓜及粟米的清甜味道～西班牙黑毛豬火腿意大利飯光看賣相普普通通，沒有任何配菜及裝飾，黑毛豬火腿頗滑，口感柔韌，味道鹹香～意大利飯芝士豐富且有拉絲效果，非常creamy ~碳燒美國極黑豬鞍配胡麻醬可以選配飯、意粉或薯菜，我們選了意粉～黑毛豬鞍頗厚身，肉質結實，沒有肥肉，醃料亦十分入味，惟獨胡麻醬不足，意粉沒有任何醬汁及調味～跟餐可選配$28飲品，但其實只有熱奶茶及熱寧茶可以選擇，其他飮品均需補差價，所以我們只點了凍奶茶，每杯補$2差價整體服務不錯，店員有禮，食物份量偏少，適合三五知己共聚～