影片
營業時間
今日營業
11:00 - 22:30
星期一至日
11:00 - 22:30
以上資料只供參考, 請與餐廳確認詳情
相關文章
復活節長假一家人想食pizza透過外賣平台係doughbros叫左個餐，pizza揀左supreme pepperoni 然後送到黎…個pizza係仲熱既但成個pizza都係燶曬邊，黑色既。我地真係好餓就試下食其中一塊，結果翻著個底都係燶，成塊pizza好苦（講緊pepperoni都幾咸）。打去餐廳幾次都無人聽。經外賣平台比曬相都唔肯退款或者換pizza.無諗過食左咁多年會差左咁多。同一個餐既其他食物包括炸雞粒同donut就正常發揮。但成個正餐pizza係食唔到，講緊個pizza$150左右唔算多但doughbros 鰂魚涌分店完全唔處理唔聽電話。直接reject 我地pizza refund request. 大家去呢間分店叫pizza 一定要當場check。
繼續閱讀
好鍾意食冬甩所以見到Dough Bros. Pizza & Doughnuts有賣冬甩，就買咗兩個試吓雖然價錢真係唔平但總算叫試過佢嘅醬料非常多一咬落去爆曬汁而且熱辣辣即叫即整😋
繼續閱讀
Dough Bros Pizza & Doughnuts📍鰂魚涌海灣街4-6號嘉榮大廈地下7號舖難得同朋友夾到時間聚會，大家都好有共識，寧願俾貴少少叫外賣速遞，都唔想嘥時間去餐廳排隊食飯。朋友話附近有間我想食好耐嘅連鎖pizza店，可以趁人多叫多幾款口味，難得一遇嘅機會，我當然有好好把握喇，所以我哋就叫晒Dough Bros最受歡迎嘅兩款食品──手工酸種pizza同爆醬冬甩。 💰$385.2 (堂食價)分享套餐 （2－4人）👨👩👧👦呢個套餐包含兩款pizzas、三款dounuts同兩款飲品。伏特加醬雞肉薄餅 🍕第一款pizza我哋揀咗期間限定嘅伏特加醬雞肉薄餅，用上招牌手工酸種麵糰 ，搭配水牛芝士、雞肉、橄欖、甜椒、紅洋蔥同脆羅勒，打造成微辣濃香嘅pizza。Dough Bros嘅pizzas最與別不同嘅地方，就係選用咗手工酸種麵糰製作餅底，打開盒蓋會聞到好輕微嘅酸氣，食落口後慢慢轉成甘甜味，口感豐盈有嚼口，唔會過乾過硬，的確好出色。呢款口味各種配料份量平均，唔會有邊種食材特別出眾，就咁食個pizza會覺得普普通通，但一點咗佢嘅神級蒜蓉及香草醬，即刻好食到飛起，唔信嘅你自己試下！卡邦尼薄餅 🍕另一款pizza由我發辦，我就梗係要試下啲特色嘢啦！我揀咗特色薄餅系列入面嘅Carbonara pizza，整個pizza有滿滿嘅Carbonara sauce、Mozzarella cheese、意式bacon、黃金蛋黃、Parmesan cheese、黑胡椒同新鮮Parsley，味道同一般嘅Carbonara差不多，但配pizza食，我就真係第一次啦！可能因為我本身就超級鍾意食Carbonara，所以我覺得呢款口味好好食，芝士香醇得嚟唔油膩，重口味人士仲可以用pizza crust點醬嚟食，簡直無得輸！爆醬冬甩 🍩甜品方面，有大家都好期待嘅爆醬冬甩，當日有好幾款口味，朋友們想食最classic嘅nutella，而我就想試試比較少見嘅開心果白朱古力。點講呢，雖然我係好鍾意食甜品，冬甩亦唔係我抗拒嘅嘢食，但呢款冬甩真係唔太啱我口味。首先，佢聲稱爆醬，望落都好似滿到咇晒出嚟，但其實入面嘅餡唔係好多，頂準係比一般有餡嘅冬甩多啲啲，已經係第一個失望位。其次就係佢嘅口感同味道都無太大記憶點，外皮炸得唔夠喉咁，無沾到醬嘅內餡有少少乾同粉，表面嘅砂糖亦加唔到分。最後就係開心果白朱古力，無開心果味之餘，食真啲仲有陣酸酸哋嘅味道，希望唔係壞咗先係咁啦。冬甩整體質素平平，但索價$38一件，真係唔多抵食。
繼續閱讀
之前已經食過呢間pizza好多次 覺得唔錯 所以近排又再encore😚𝑃𝑖𝑧𝑧𝑎𝑠 (𝐻𝑎𝑙𝑓 𝑁’ 𝐻𝑎𝑙𝑓 $168)👅𝑇ℎ𝑒 𝑃𝑒𝑝𝑝𝑒𝑟𝑜𝑛𝑖 $138呢個真係好食 薄餅煙韌有咬口😆佢用辣肉腸作為配料 食完都唔會覺得漏 正🤤👅𝑇ℎ𝑒 𝑀𝑒𝑎𝑡 𝐿𝑜𝑣𝑒𝑟𝑠 $158呢款啱晒食用獸 肉類好豐富🤩有煙肉 雞肉 火腿 牛肉 仲有蘑菇粒 口感十足 好食😍👅𝑇ℎ𝑒 𝐶𝑎𝑟𝑏𝑜𝑛𝑎𝑟𝑎 $168呢個都好啱我哋食 所以都叫過幾次 有邪惡嘅蛋汁 同埋煙肉粒幾香 整體食落真係似卡邦尼😛𝐷𝑜𝑛𝑢𝑡𝑠 👅𝑁𝑢𝑡𝑒𝑙𝑙𝑎 $38呢個又係我哋每次都會叫嘅嘢 鍾意食榛子朱古力嘅必定要試‼️Donuts咬落軟熟 出面佈滿糖粒 加上流心榛子醬 好好食😋👅𝐿𝑒𝑚𝑜𝑛 𝑃𝑖𝑒 $38食落似檸檬芝士蛋糕嘅味道 醬汁比Nutella更加流質 總括嚟講 呢間嘅pizza同donuts都好有水準 叫外賣開party一定要試吓啦🥰😋 好味：9.19/10🤑 價錢：8.00/10🤗 服務：7.87/10😝 環境：7.78/10😚 衞生：7.65/10🤩 整體：9.05/10
繼續閱讀
獨樂樂Pizza套餐🍕突然想食pizza但搵唔到人share，坊間既pizza太大份又怕浪費？人氣薄餅店Dough Bros既一人套餐就啱曬想獨食pizza既我同你👻🕺🏻Set For 1獨享套餐包括1個可自選味道既迷你薄餅、1個冬甩同埋飲品，咁我就揀左：🍕The Pepperoni 意大利辣肉腸薄餅個pizza睇落好細個好cute🤣不過配料唔欺場㗎，辣肉腸同芝士都多，蕃茄味濃，仲有個餅皮既麵粉感一啲都唔重，食落好香好煙韌。最重要係配埋Dough Bros既招蒜蓉香草沾醬🧄勁惹味既蒜香將pizza既味道再提升幾個層次，好食到我成個醬食曬👍🏻👍🏻如果食得辣既話，建議再配埋chili flakes仲好味呀🤤🍩士多啤梨芝士蛋糕冬甩(配肉桂糖)呢個好似係新口味，冬甩size唔算大，不過係超爆醬😳咬一啖啲醬已經瀉出嚟，士多啤梨味較重，芝士味唔算出，不過勝在夠酸同唔太甜，味道有啲似士多啤梨乳酪🍓可以解食完pizza既膩感食完呢個餐其實都幾飽，對1個人嚟講份量啱啱好，仲可以一次過滿足食pizza同冬甩既願望，正
繼續閱讀