Domon 札幌拉麵 (已結業)

dinner in Domon那個蝦餃子，很美味﹗那個牛利，亦很好﹗有濃濃的味道，口感很爽的﹗那個煎魚餅，比較普通了。

聖誕想去尖沙咀食好d，見到呢間食評不錯便去試試，發覺都幾好，我和老公叫了個二人套餐，包括︰1. 牛油拉麵(ok，沒什麼特別)2. 豬肉拉麵(一樣)3. 餃子(皮夠薄，煎得幾脆)4. 雞泡魚乾(幾特別，甜甜地)5. 牛油炒草菇(幾香牛油味，不過好似咸左少少)整體都算唔錯，反而拉麵唔係我預期中咁好，但d侍應服務好，會主動介紹食物，又勤加茶，幾好禮貌！

一行三人睇完openrice就去左呢間拉麵試試入到去唔算好多人環境唔錯, 都幾大我地叫左個2人餐, 再加多個麵豬肉拉麵, 好多塊, 個湯底好濃, 好入味+$10草菇拉麵, 即係普通拉麵加左幾條菇, +$10 (唔抵)普通拉麵, 都OK煎餃子, 有6隻, 幾大隻炸魷魚圈, 好好味, 粉唔多, 魷魚好彈牙!燒牛脷, 一般, 太乾Overall 黎講, 都唔錯可以再去! P.S. CITIBANK信用卡有九拆架!!

之前食過黃埔0個間, 覺得d 湯底真係超正, 尋日同朋友0黎食dinner, 叫0左個2 人餐有2 碗拉麵+ 3 個小食. 朋友揀0左個叉燒拉麵(麵豉湯底), 我0個個就係蟹腳拉麵(都係麵豉湯底), 加埋牛油炒菇, 炒魷魚鬚同煎餃子.全部都係睇住d 師傅即叫即整, 好熱... 餃子皮偏薄, 不過d 餡好好食, 又唔太油膩, d 餃子汁都幾唔錯.牛油炒菇好香, 好多蒜/薑, 唔會有澀味, 都唔錯.個人最鍾意係d 炒魷魚鬚, d 汁味道好濃好香, 魷魚唔會過腍, 不過就油0左少少喇.拉麵呢... d 麵質就差d, 太腍, 而且鹼水味真係好重-_- 比起函館0個d 咁彈牙0既, 呢間呢d 真係唔多ok, 不過好彩湯底搭夠, 麵豉湯底同上次食一樣咁濃咁好飲, 唔係得個鹹字!蟹腳味道幾鮮, 不過賣相麻麻0地, 散晒咁.朋友d 叉燒就比出面d 拉麵店0既鹹(豉油味?), 不過肉質唔嚡, 都幾好食.Service 好好, 店員好有心機介紹0野俾你食, 態度又好, 而且最得意係有得揀凍水定熱茶XD 不過咁0既天氣食拉麵, 梗係飲凍0野0架啦. 環境ok 幾骨緻, 亦好乾淨.好滿意的一餐飯, 不

好評如潮，和女友自然願作牆頭草，諗想到，卻大大出乎意料。點了牛油拉麵+ 草菇拉麵+ 燒雞軟骨，呷一口湯底，也不錯，心想今次沒被坑；但當吃下一口麵，不得了，點會咁大啖「蠶水味」架？﹗係我唔好彩定大家冇味蕾？基本上看了一啖後，本店已完全fail.... 街頭那間「Ramen Sanpachi」好似仲好過佢....

睇openrice搵好食拉麵~今晚終於來到domon試下佢地的拉麵~2個人沒有叫到2人套餐我地叫左:牛油拉麵(麵豉湯底),跟燒雞軟骨($8x)咖哩拉麵($58)燒多春魚($35)牛油拉麵有好香牛油味..d麵都好爽..不過同我係日本食的拉麵質感好唔同~不過個人認為麵豉湯底好似salty左d咖哩拉麵好濃的日本咖哩味~或許是太濃了..溝左湯底都係好杰咁~咖哩都係加飯會好食d~至於燒物都幾好喎~雞軟骨好大粒,燒得好好味~多春魚得3條..哈哈..好似唔係好夠呀~overall都ok好食啦..不過價錢略貴waitress的服務都幾好一座低就問你要茶定係水,唔駛叫都有人加水很懷念日本一蘭的拉麵呀!~~~~~~~~

牛油拉麵(麵豉湯底) $58湯底有3款:清湯or 麵豉or 醬油... 平時我會要清湯, 因為其他湯底我唔鐘意, 但到呢度, 見d食評講到咁正咁正中, 我鼓起勇氣會要麵豉湯! 老實講, 拉麵浸係麵豉湯裡面, 麵豉湯好快就令到d拉麵入晒味, 比較鹹... 不過! 飲啖湯試下, d 湯其實唔係好鹹, 仲幾好味tim! 能夠令到我呢個唔鐘意麵豉湯人都覺得佢好味, 難得!牛油,睇住舊牛油慢慢溶, 味道好香呀!仲好滑tim...拉麵, 比平時見慣粗少少, 硬身爽口d, 好有口感, very good!燒,好厚身, 好鮮甜, 正呀!.........睇晒成個menu, 價錢略貴.

先講叫左d乜食1個係小食(燒雞軟骨+一個拉麵(我要左牛油拉麵)) ($8x)另外就係一個咖哩飯+普通拉麵一客($73)(收加一的) 我個牛油拉麵不錯的,配清湯,麵夠爽(我同gf都好鐘意食一d爽身ge麵,我地覺得夠就應該真係幾爽)配料都ok,個雞軟骨都ok~ 幾爽口,幾香,而個咖哩飯似係UNY買果d =.="" 果個飯+麵ge餐夠兩個女仔食囉...好抵 解釋下佢果度d麵ge湯: 一般都係豬骨湯底,可以要清湯,姐係就咁豬骨湯啦,另外可以再加麵豉or豉油落去,我幾鐘意佢果度個湯,清清地,有味,我係咁飲,但之後唔係點口渴wor~ 就算係加左麵豉,都唔會太濃,反而係好香 我記得之前有個member提過話d侍應會不斷介紹你食乜,係呀... 有d煩~~不過non-stop 加水真係值得一讚呢

今日原本想去板前壽司, 但未到7:00pm 已經好多人排隊, 所以黎左呢度試下, 完全唔洗等位, 食完都試過full house.我地兩個人叫左個二人$188 餐, 有三個小食, 兩碗麵.1. 雞泡魚乾(好食, 夠鮮美! 不過就少左d!) 2. 炸"油"魚圈(夠香口, 唔韌, 正!) 3. 吉列蝦(比"函館"既更大隻, 更有口感!)4. 加$10 換左海鮮拉麵(反而主菜既拉麵麻麻地, 個湯唔好味, d 海鮮得d "油"魚, 一隻蝦, 仲有d 碎料.......) 5. 又係加多$10, 轉左冷麵(冷麵就正好多喇, 麵身夠爽, 個汁酸酸甜甜好開胃, 又多配菜, 叉燒, 海蜇, 蟹柳, 生菜, 青瓜............夏天食一流!!) 埋單約$228, 價錢都ok, 食物除左海鮮拉麵唔掂之外, 其他都好好, 而且d 侍應都好週到!相片可參考:http://www.fotop.net/thxdtsdd/eat

很久以前試過，都幾好食的；但也有一段日子沒有再來了。早前約了好朋友在尖沙咀等，她說想食日本，便立刻想起這裡。我們各叫了一個一人自選套餐，包括ANKAKE拉麵、草菇拉麵、螃蟹拉麵、雞軟骨、炸豆腐和蝦餃子。ANKAKE拉麵- 味道普通，麵質偏腍。草菇拉麵- 真係唔知係草菇味，還是有點變壞，味道怪怪的，好唔得；拉麵偏腍，完全唔爽身，自已就唔多喜歡，食剩半碗有多。螃蟹拉麵- 螃蟹雪藏味濃，普通。雞軟骨- 幾有咬口，唔會太鹽，都算幾好。炸豆腐- 豆腐幾滑，都算幾好。蝦餃子- 蝦無蝦味，炸得又過硬，一般啦。真係唔明，以前感覺都幾好的，點解今次感覺差了這麼多呢！

今晚七點去到,所以仲有兩張枱,晏d 都full。叫左二人set dinner,有兩碗拉麵,加十蚊可以變螃蟹拉麵,仲有餃子六隻,三隻炸蝦,串燒,長腳蟹四舊,蟹籽沙律,飲品兩杯,我地叫左日本啤酒同埋桃酒。蟹籽沙律同餃子都幾好味,炸蝦好彈牙,配個d沙律醬好有蛋味,唔同一般沙律醬,拉麵無鹼水味,彈牙,麵豉湯底都ok,不過我都係鍾意豬骨湯底味多d。另外,我想一讚嘅係佢地嘅服務,我唔小心落多左七味粉,個姐姐擰左碗湯俾我不單止,仲幫我舀走d湯再倒番d新嘅落去,非常周到

今日特登黎呢間鋪頭食架！搵左一陣就見到了，不過都幾僻位置會唔會影響生意呢？叫左一個套餐有飯，有菜，有魚，有吉列豬排，有煎餃子仲可以叫多一杯野飲。價錢略高，但可以一次過試哂咁多野，算抵！每樣野食都好好味環境好靜，可能我去到已經三點，傾計岩哂！服務員態度友善，不停加茶，抵讚。

2/6(五) 8pm被老闆捉住馬拉松式開會,差不多7點才被"放監",被疲勞轟炸後心情奄悶得很!突然歪念萌生決定走堂讓自己做做懶學生腦袋抖一抖!與男友閒逛了老尖一會,隨後到此店食拉麵,8點去到店子差不多全滿,環境似日式小型拉麵店格局,店子小小,尚算光猛四正!因有coupon點了半價蟹肉雜菌拉麵$34,另加了1人前套餐$83---味噌牛油拉麵+蝦餃子.久等半小時食物才被送上臺,蟹肉雜菌拉麵是醬油湯底,味道普通,麵質亦是一般,不是相當彈牙!除蟹肉雜菌外,還有炸豆腐,扁豆,芽菜作配料,算是足料新鮮!味噌牛油拉麵---湯底加了牛油當然比較香,味噌味濃郁,配料有叉燒,海苔,粟米,荀條,叉燒肉質頗鬆化!蝦餃子---一碟3隻,味道比預期遜!蝦味不夠出!服務方面日本女侍應服務相當貼心周到,我地影食物相時還為我們把餃子排好!相當香港的服務員不會有此份心意.埋單$128,值得一試!

嚟番依間鋪真係好似探老朋友咁，屈指一數，已經有好幾年無嚟過，今日下晝再同女友一家食飯，女友suggests嚟依度，真係求之不得la..呢間鋪自從開咗其他分店後我就無再幫襯，原因好簡單，係因為通常呢D小店一開分店水準就會下降，而呢間鋪亦唔例外。闊別多年，希望返到嚟總店會OK la..一入門口，就見到日籍老闆係度煮麵，個心當堂定一定，女友一家見了同嘅lunch sets，有牛油、豉油及miso湯底，看樣子算OK，試一口咖喱飯，當然係傳統日式咖喱，偏甜，加咗D豬肉粒煮，尚OK。自己就叫咗個冷麵，有蕃茄、青瓜條、紫菜絲、日式海哲再加上义燒，個冷麵汁味道夠酸夠醒胃，麵亦夠煙韌，最緊要係成碗嘢夠凍，呢個係冷麵嘅先决條件。非常可惜嘅係件义燒太鹹及太韌，破壞咗整個拉麵嘅味道。都係以前中環札幌好食D

早前迷上泰菜後，呢期又想食拉麵，前幾日食完味千後，今次搵間好D。叫了個$188的兩人套餐，套餐包兩碗及任揀三款小食，拉麵只是普通拉麵，我o地加了$20轉泡菜拉麵及冷麵。先o黎小食：炒雜菜、煎餃子及燒牛舌。炒雜菜就沒有味千做得好食，而且椰菜唔係切絲，大大塊好難食落口。煎餃子-有6隻之多，皮好薄，煎得熟透好完整，唔會爛，而餃子的菜及肉好均勻。燒牛舌-牛舌本身肉質好爽口，但好似缺少了炭燒香味。食完小食，拉麵才最後出場。泡菜拉麵-先食泡菜，比起韓式泡菜的味道略為淡，再食叉燒，呢塊才是真正的日式叉燒，大塊有口感，幾鬆化。最後才食麵，有少少失望，煮得有少少腍，唔夠爽身。冷麵-麵質較泡菜拉麵好，可能冇湯浸的關係，食落沒有一種冰涼感覺，沒有"札幌" 好食。見到師傅好用心的舖排，係度加番少少分啦。服務方面都幾好，不過的侍應姐姐，成日建議你食呢樣食個樣，有D煩。