Diletto (已結業)

今個月出 Bonus，同舊朋友諗住食餐好～聽朋友講尖沙咀的漆道南余仁生中心既 Diletto，食意大利菜，野食唔錯，所以一於試下！一去到，環境好靚，好舒服！ 坐低後，職員遞上餐牌～ 仲有遞上麵包盤！！點解可以咁靚咖～～～～麵包熱而鬆軟，超好食！ 同朋友一人一個龍蝦湯～龍蝦湯味道很濃，口感幼滑，香而不膩；並伴有龍蝦，份量唔少而且肉質彈牙，非常鮮甜，正！ 點左個 Caesar Salad， 我地加左$25 要埋雞胸肉！沙律菜非常新鮮，煙肉片咸香又脆口，麵包片亦烤得好香脆，愈食愈開胃！ 另外，我地仲點左個蟹肉帶子南瓜意大利飯！呢個 Risotto 有蟹肉、帶子、南瓜蓉，材料豐富，份量十足～Risotto 飯粒軟硬適中，唔算太 creamy，所以一 d 都唔膩，食完真係好滿足！ Overall 小評：味道：★★★★★環境：★★★★★服務：★★★★★衛生：★★★★★抵食：★★★★☆

呢間餐廳賣點非常吸引女仔，因為有深綠牆身佈滿花卉裝飾，已經好似花園環境。還有高樓底的空間感，大大透光玻璃窗更顯高貴，喜歡輕談摸酒杯底的話，可坐高身枱櫈；喜歡一班朋友聚會進餐，可坐多人大枱慢慢享受。我同朋友點了龍蝦湯、千層麵及肉眼扒主菜已經很滿足。先來麵包盤，很別緻的籃，看上去很高級。麵包有兩款，分別脆身麵包條及鬆軟帶彈性的蕃茄乾香草麵包。前者較普通，但後者既暖又軟綿，還多份香草香味。伴麵包除了基本的牛油之外，另外兩款幾特別，而且少見的。一款南瓜醬清甜可口，另一款是原個焗蒜頭，蒜粒已經焗得軟腍粉綿，只有蒜香已沒有辣味，所以非常好味。香濃龍蝦湯伴龍蝦肉 $98，上菜時已傳來濃濃香味，估唔到味道很好。龍蝦湯味道很濃郁之餘，重點是不會很鹹，而且仲有龍蝦肉，十分爽彈又有龍蝦鮮味，必點餐湯。附送的小食是即炸的，上碟時還溫熱鬆脆。內餡滿滿魚肉，雖然看似偏乾但魚肉濕潤，最好味還是脆薄的外層。黑松露蟹肉千層麵 $278，擺盤精美，但不似我期待的款式，有點少失望。整個菜都過份濕及淋，口感較差。但幸好味道不錯，黑松露用量多，十分香。而且蟹肉每層都很足料，滿得每口都是蟹肉，加上三文魚籽提升鮮味。安格斯穀飼12

來到五月天, 外面剛落完細雨, 朋友帶我黎到尖東既Diletto, 一進來被裝飾成花園般餐廳, 肚未飽, 眼睛都飽了一大半了。點好菜後, 侍應隨即送上麵包籃, 同埋有牛油, 南瓜醬,及烤原隻蒜頭配料, 之前試過第間食扒餐時配菜跟烤原隻蒜頭, 可能有牛扒既油同汁令烤蒜頭更好味, 但呢度作為頭盤伴麵包就有點重味, 而且用唔夠欖油去烤焗,令烤出黎唔夠香, 用叉撩黎食時有點淋, 似蒜泥質感, 還是牛油比較適合!接著就是香濃龍蝦湯伴龍蝦肉 $98, 龍蝦湯香濃得來, 滑過喉嚨後唔會有"那"既感覺, 因為外面有些餐廳加左龍蝦味粉會種"那喉"既感覺, 而且龍蝦肉仲好爽口彈牙。之後餐廳附送小食, 炸吞拿魚肉雲吞, 雲吞炸得夠香脆, 裡面既吞拿魚肉夠CREAMY, 佐餐酒應該唔錯! 到左主菜點左黑松露蟹肉千層面$278, 同意式巴馬火腿辣桃果醬芝士薄餅$198外表由一層麵身一層蟹肉, 仲有火箭菜, 黑松露同三文魚籽作點綴, 再加上烤蕃茄伴碟同裝飾, 非常精緻, 黑松露跟蟹肉非常之軟綿, 而且充滿濃郁的松露香味, 澎湃的蟹肉口感很鮮。薄餅既主材料是巴馬火腿,入口可以感受到辣桃果醬的味道, 用果醬做pizz

港女朋友最近介紹了有如花園一樣的餐廳，適合與知己好友相聚，氣氛恬靜，感覺慢活，人人都會打卡。侍應著我們坐下後，才發覺餐廳中的座位散佈得很疏落，完全不怕談秘密時會被鄰桌的客人偷聽到。侍應對紅酒的認識也挺專業的，依據我們的主菜選擇與個人喜好，介紹了一款味道較為 fruity 的佐餐餐酒。 吃主菜前，先以餐湯 - 野菌忌廉湯伴黑松露油，祭一祭五臟廟。忌廉湯可說是西餐廳的餐牌上必可點選的單品，而 Diletto 則不甘平凡，在濃稠的野菌忌廉湯中加上松露油，更添馥郁香氣，提升了野菌忌廉本來帶有的菌香。澳洲羊鞍這精品主菜實在不得了，羊肉烤至五分熟，表面只灑上薄薄地黑椒調味。羊架的質地柔嫩，油分濃郁，羊羶味不至於劇烈，恰如其分。嘗過原來的口味後，可塗抹上薄荷啫哩、燒汁等，為肉品提味。一啖羊肉一啖紅油，令人大快朵頤！下一次要帶女友來光顧，逗她開心。

尖沙咀余仁生中心旁一道長長的樓梯，通往一個與繁華巿區截然不同的國度。湖水綠的牆身，充滿花㚏佈置，卻令人感覺清新而不落俗套，特大玻璃與高樓底，更覺有氣派視線開闊，桌椅也甚有空間感，坐了不少食客但大家都保持寧靜，同享舒適環境。我們坐在近窗邊的高桌椅，很放鬆隨意的感覺，雖然算是比較偏遠，店員都不時來執拾東西和加水。先送上自家製麵包，由皇冠造形的器皿盛載，麵包口感鬆軟有香草和麥香，另一款乾脆如餅乾，一般配上牛油或橄欖油、黑醋，這裡比較特別送上小碟南瓜蓉和原個焗蒜，很喜歡這個蒜，刺激的辛辣味沒了，餘下濃蒜香，香軟多汁，通常是牛扒的配菜，原來和麵包同吃也可。黑松露蟹肉千層麵$278和我心目中的千層麵是兩個樣子，這個甚有創意特色，沒有框在故有的模式，底下千層麵排列隨意，中間夾雜蟹肉，麵就只有三層，反而蟹肉量甚多，成為主角。蟹肉香軟細緻，有淡淡蟹肉鮮味，黑松露份量恰到好處，附有如畫作的一抹黑醋可作調味。蕃茄水牛芝士薄餅$158相比千層麵，薄餅較為遜色，薄底夠薄夠脆，有半溶的水牛芝士和蕃茄肉片，但口感較乾，略嫌用料不夠豐富，可加多點蕃茄醬蓉和芝士。

Seems it is a new restaurant so we came here for lunch. Not much table here, have privacy.Ordered 2 lunch sets, served firstly the bread with butter and olive oil. The bread was not warm, but it was soft enough.Salad or soup, I selected soup. It was tomato soup. Not really tomato in fact like pumpkin. My friend ordered chicken breast, $148. It was not soft, the sauces a bit sour, strange.I ordered a mushroom risotto. The mushroom sauce taste like Cha Chan Tang style.The cup was dirty, with l

第一次黎到這間西餐廳，經過一條長長既樓梯後~彷彿走進了第二個空間！環境裝修都幾唔錯，大多數是情侶間拍拖談心有樣好特別就係用左好多繡球花去裝飾，五顏六色，色彩繽紛麵包幾軟熟，夠哂多花款又有黑醋，橄欖油，熟蒜，牛油為麵檔變身。當然最愛是熟蒜啦~配上麵包好味黑松露薯蓉，黑松露味唔算濃烈但薯蓉做得唔錯~口感好creamy帶d忌廉感覺，越食越好味無膩既感覺安格斯120日肉眼扒(五成熟), 意想不到既好味好容易地切開，無筋又無渣！！肉質香嫩牛味香濃~size幾大塊牛扒下面有大量火箭菜~令到成件事無咁膩。成件事加哂分有3種唔同醬汁可自由配答。個人比較喜歡芥末味。更加惹味so far都係唔錯既餐廳，但唔知點解塊5成熟既牛扒要等35-40分鐘但係係ok好味既

呢度留底非常之高 我嘅空間非常之大非常舒適 去談情絕對一流平時好少食湯配送既麵包, 因為會佔我胃好多QOUTA, 而餐廳既麵包, 提供咗唔少醬料, 例如黑醋汁, 再加牛油, 再加南瓜醬, 最特別嘅就係有埋蒜粒, 蒜粒落香味濃郁, 最緊要免費, 非常欣賞叫咗個香濃龍蝦湯伴龍蝦肉,  一上菜, 香噴噴, 龍蝦香味非常之吸引,  飲一啖aftertaste非常之強, 仲有Q彈嘅龍蝦肉, 真係啖啖肉, 好飲又好食主菜叫咗美國黑豚有骨豬扒 , 分量非常之大, size大過一隻手掌, 非常之厚切, 真係啖啖肉, 黑豚豬嘅子香味, 滲進每一口肉里面, 肉質好鬆化,  268蚊非常之合理

首先，餐廳環境係靚嘅，食物質素ok嘅，但服務質素就唔ok囉，尤其個唯一男侍應(唔知係經理定侍應），一入到門口，完全冇招呼，要走埋去同佢講，兩位已有訂枱，佢先 斯斯然問貴姓，然後帶左我地埋位，就冇再理我地，要我地問佢攞menu先攞過黎，好似未想開工咁！

新開嘅尖東意大利餐廳，價錢同平時食開嘅西餐廳差唔多，同朋友見到餐廳嘅環境都唔錯，所以就選擇左來呢度食嘢順便傾吓計。你間意大利餐廳可以全體我見過咁多間餐廳裝修算係突出嘅一間，環境優美之餘仲有我最鍾意嘅各種花做裝飾 ，簡直置身于一個雨林當中，享受着高級嘅西式晚餐。 我哋訂咗枱入去好快就坐低左，店員送上左自家製既麵包，配上橄欖油、蒜頭、洛神花醬，我哋就拎咗Menu嚟點食物。我哋頭盤點左烤焗大肥菇伴釀巴馬芝士溫泉蛋做沙律嘅頭盤，佢嘅溫泉蛋配合煙肉同埋菇成個口感都非常唔錯，仲有配上小小嘅菜，非常清爽。黑松露蟹肉千層麵，蟹肉千層麵嘅蟹肉醬口感有啲似薯蓉，陣陣嘅蟹肉味配埋松露嘅放落口入邊我哋享受緊每一口嘅滋味。三文魚子同埋一啲沙律菜配襯。慢煮黃油雞，肉質唔錯有雞味，配上三種唔同嘅醬汁，各有滋味。燒汁，芥末漿，香菇汁（仲有一嚿嚿嘅香菇係入邊）我自己就最鍾意香菇汁，因為所有菇類都係我嘅最愛。意式巴馬火腿辣桃醬芝士薄餅，呢個薄餅真係非常有驚喜，佢嘅辣桃醬好味係我從來未試過嘅，辣辣地陪埋桃味嘅香甜，再加埋非常足夠嘅巴馬火腿，平時唔係食好多Pizza嘅我今晚都食咗兩三塊。牛肝菌黑松露意大利飯，非常濃烈嘅牛肝菌

早前相約友人在尖沙咀食晚飯, 由於好一排無見面, 我地選了一個環境舒服的Diletto, 一邊食飯, 一邊傾計. 店內的怖置好靚, 好適合紀念日來慶祝一番. 這裡除了套餐外, 也有單點, 由於單點的菜式較合我心意, 我就沒有選擇套餐. 我點了烤焗大菇伴釀焗巴馬火腿芝士温泉蛋, 野菌忌廉湯伴黑松露油和意式紙包焗鱸魚伴鮮蜆及雜菜. 店員先奉上麵包籃和四款不同配料, 當中原個烤蒜頭最吸引. 平日唔太食蒜頭的我, 這樣整法反而令我想試下食, 就咁食, 味道不錯, 又易入口. 而麵包幾鬆軟, 但我還是愛配牛油. 烤焗大菇伴釀焗巴馬火腿芝士温泉蛋. 一見到這個菜名, 就感覺到材料相當豐富. 賣相幾精緻. 蔬菜面上的温泉蛋一切開, 蛋黃便流出來, 我鍾意這樣讓蔬菜沾上蛋黃. 蔬菜夠新鮮. 而蔬菜下面是大菇, 與巴馬火腿, 芝士, 蔬菜和蛋黃一齊食, 口感相當豐富, 蔬菜中和火腿的咸味, 多重口感, 非常美味. 野菌忌廉湯伴黑松露油. 個湯熱度夠熱, 對於我來講這是最基本要求. 湯混入切碎的野菌和黑松露, 入口時有能突出野菌味道. 湯的稀杰適中, 啱我口味. 意式紙包

前陣子,有朋友向我推介這間位於尖沙咀一間新開的意式餐廳Diletto. 然後又發現他們在FB做Tea Set 推廣優惠. 哈!我當然不會錯過這大好機會.當下即相約好友食Tea聚一聚. 那天到了Diletto餐廳門口, 首先行一條裝首好美,令人好舒服的樓梯上一樓. 之後,已經有職員接待我們,安排好座位. 另職員好貼心幫我們拉動椅子,讓我們方便坐下,好Gentle呀. 餐廳裝修好美,好舒服,樓底高,四周都用了花做裝飾,好像在一個花園似的.當這個森間小屋Mori Capanna Tea set來到我面前的時候,嘩........已經急不及待影相先,哈..簡單一個兩層屋架,加一點裝飾,再放上食物,再加上這餐廳所有原素,令我感到好像真的在花園中,一邊與朋友聚會,一邊好休閒的食下午荼.食物方面: 甜品賣相可以及味道好好,感覺到係用心做的. 其他鹹點的味道也不錯,但炸物的味道就不合格了. 因為係炸粉問題, 還有溫度是凍的,一點兒暖也沒有.所以好味都變唔好味.有點失望. 雖然係有不足,但後來有驚喜既係自家Homemade雜莓雪條,好多果肉,酸酸甜甜,好正.我好鍾意.飲品方面: 包2杯飲品. 一杯香檳,

Diletto，在意大利文中，可解作「最爱」。小妹，「最愛」乃率性隨心地過自己愛過的生活。這夜，與同是單身且抱享樂主義的她，如愛麗絲夢遊仙境的女主角，遊失於位處尖沙咀余仁生中心的秘密花園Diletto，造了一場美夢…… 進入這個神秘的國度，要拾級而上。經過一條長長的樓梯，一個飾以湖水綠牆身與紅花綠草的仙境，旋即呈現在眼前，處處洋溢著春天的氣息。這兒，樓底高之餘，再配上180度落地玻璃窗，空間感極高，且可把窗外綠化景緻盡收眼底。 坐下單餐後，侍應率先送上意大利香草麵包和麵包條，配有牛油、燒蒜頭、南瓜蓉、橄欖油和黑醋。麵包以一個類似皇冠狀的器皿盛載，特別之餘，也挺高貴大方的。新鮮焗製的香草麵包，質感外香脆內鬆軟，香草味十分清新! 燒蒜頭配麵包吃，小妹還是初次接觸，感覺挺新鮮有趣的。蒜頭經慢火燒後，口感軟腍，且大大減少了其辣度，味道溫和易入喉。 吃時，把適量牛油、南瓜蓉和烤蒜頭伴以麵包同吃，挺新穎的嚐試。 小妹一向食量不多，再加上是夜身體違和，故決定棄套餐而不選，散點食物，陪她尋夢。畢竟，到Diletto一遊，醉翁之意不在酒，在乎山水之間也。山水之樂，得之心而寓之酒也。先來一道烤焗

和朋友食飯，地點例必選擇大家方便的尖沙咀，原先計劃吃我喜歡的「河內大娘」，當晚卻見餐廳沒開，正打算上openrice查查其他餐廳時，朋友留意到旁邊多了一條別緻的長樓梯，原來新開了一間西餐廳叫Diletto！見價錢還可接受，愛試新餐廳的我們就不作多想了。沿着長樓梯上去，原來另有小天地！餐廳以湖綠水牆身和花卉燈作佈置，加上擺滿窗前及掛在牆上的鮮花，一片浪漫的氛圍，猶如尖沙咀中的秘密花園。店員全程保持有禮殷勤的服務態度，今晚我倆就全心全意做花園的客人吧。先送上餐包，餐包保持微暖，充滿麥香，味道不錯，店員還細心地替我們refill。烤焗大菇焗釀巴馬火腿芝士溫泉蛋 ($138)一客兩件大啡菇，每件大啡菇上都放了Parma ham、火箭菜、芝士和溫泉蛋，邪惡又誘人。溫泉蛋十分流心，輕輕界開蛋汁就洶湧而岀，伴着蛋汁的大啡菇更加滑溜香滑。大菇本身十分juicy，帶有濃濃菇味，與Parma ham和芝士不同層次的鹹香十分配合。而火箭菜則收畫龍點睛之效，為多種材料提味，吃來充滿意式風味。野菌忌廉湯配黑松露油($78)野菌湯加上黑松露油，口感幼滑之餘還多了松露香，香氣誘人。忌廉湯身稠度適中，不會太漏，如果黑

這晚和好友來到新開的diletto，裝潢走浪漫少女風，難怪開店不久即吸引身邊不少朋友來打卡。餐包共有兩款，兩款都富香草及麵粉香，即使不蘸南瓜醬或塗牛油，仍然非常美味！細心的店員見到我們吃清光，還主動問我們是否需要refill呢！黑松露蟹肉千層麵($278)成品擺碟精緻，充滿藝術感，美得令人捨不得吃。千層麵層數不多，只有三層，外型不像一般的千層麵般挺身，而且夾着黑松露蟹肉薯蓉，十分少見特別。黑松露蟹肉薯蓉十分香滑，用上新鮮蟹肉加添鮮味，可惜份量不多，如果蟹肉可以多一點性價比會更高。Baileys tiramisu ($88)Tiramisu 以玻璃杯盛載，上面放了「金蛋」和朱古力磚作點綴，造型設計非常有心思。原來金蛋是酒味啫喱，味道也不錯喔。tiramisu做得有水準，入口濕潤，而且咖啡和酒香十分平衡，既有咖啡的香濃，也有baileys酒的香醇，味道濃郁突出。今晚吃了幾道菜都賣相極佳，整體食物雖然定價稍高，但如果考慮到餐廳在食材和擺碟的用心上，性價比會高一點吧！