Diletto (已結業)

上網見到呢間餐廳唔錯有Fine dinning 之餘亦可以散點黎食，所以緊係約埋男友黎食啦。餐廳入口於地面，需要上一層樓梯。上完樓梯後會發覺正門幾大，要稍為用一用力先可以將門拉開。餐廳內環境好唔錯，單係牆身就用上不少植物擺設，而且空間夠大樓底易都好高，令食客有種置身於花園感覺之中。Menu 簡單易明，分為Deluxe Dinner set 同A La Carte點好餐後會先黎一份意式軟包，包身微熱有陣陣香味，食落又幾鬆軟。另外會付上一壺，黑醋及檻欖油方便調味。Hokkaido Scallop with Black Truffle Risotto松露味特出，香氣濃郁。Risotto煮得外軟內韌，煎帶子煎得剛剛好，能保持嫩嫩的口感。Trio Cannelloni其實係卷狀的意大利麵，卷內放入餡料，表面鋪上醬汁，再進烤箱烤焗的。我鐘意呢碟有3款味道可試，有鴨肉肉醬、龍蝦味同蘑菇松露味，岩哂鐘意試唔同味既人。餐廳走嘅係Fine dinning 路線，適合情侶約會或者係朋友相聚，慢慢傾慢慢食。

又到每個月一次的朋友聚會，相約一齊食餐好，傾下大家近況。友人話想食西餐，就上openrice 搵下有咩餐廳選擇，一致通過黎呢間好評率極高既Diletto, 餐廳位置係尖沙咀既漆咸道南。2日前打去book 位，所以到左之後唔洗等就可以入座，店員安排左車地坐近窗邊4 人枱。望住街窗小雨點，又係另一番景象。今次4人行，大家每人點幾樣再share 食，開開心心咁又一晚。餐前麵包，每枱均有黑醋同橄欖油店員推介既前菜，蟹肉餅⭐️⭐️⭐️炸粉唔厚，非常鬆脆，蟹味香濃北海道帶子黑松露意大利飯⭐️⭐️⭐️⭐️松露味非常香口，帶子亦都好大粒同好新鮮卡邦尼蜆肉意粉⭐️⭐️⭐️蜆肉非常新鮮，卡邦尼汁亦都好出色紐西蘭羊架 - 3件⭐️⭐️⭐️⭐️羊架非常嫩滑，亦都無"酥"味Prime Grade 肉眼扒 10oz⭐️⭐️⭐️少許過熟，不過仍然有陣陣焦香味甜品餐牌餐廳佈置走中高檔路線，每枱相隔一點點距離，座位闊落

突然想搵啲環境好啲， 又坐得舒服啲嘅餐廳食飯，最好係裝修高貴風格得來坐落又舒適嘅餐廳啦！ 其實我都知有啲虛幻嘅，但又真係喺尖沙咀區搵到呢一間餐廳，佢感覺就好似入咗一個秘密花園入邊食飯咁樣。餐廳係位於一樓嘅， 佢呢間餐廳係需要經過一條長長白色嘅樓梯， 當你行原條白色樓梯之後推門入到去之後就係一個秘密花園般的餐廳，因為佢燈盤內全部都係花你側邊都有一啲花牆，所以感覺好舒服。食西餐當然就唔少得麵包啦。餐廳用嚟放麵包嘅器皿都好特別架。如果西餐用嘅器皿靚都會令到食慾感提升。卡邦尼蜆肉意粉carbonara spaghetti🍝雖然只係carbonara, 但整得好食， 都唔易ga， 味道不錯呀！！👍🏻Hokkaido scallop with Black Truffles Risotto北海道帶子黑松露意大利飯廚師好有心， 仲用左薰衣草作伴碟， 食落去有陣陣薰衣草香氣， 用心製作啊！！！👍🏻👍🏻👍🏻Omaha Prime grade Beef Rib Eye steak 🥩 Prime Grade 肉眼扒， 真係好有牛味， 我一如以往的叫左7成熟， 都唔會"鞋"左。👍🏻👍🏻👍🏻

「Diletto」係意大利文嘅「Beloved」，呢晚就帶埋我嘅beloved嚟喺呢個秘密花園食晚飯喇🥰Diletto位於尖沙咀漆咸道南，行上樓梯後推開門，就會見到綠色嘅花花草草同擺設，連燈都用上植物去裝飾。樓底好高，空間感大，氣氛都唔錯。星期三嘅夜晚都full booking，認真受歡迎！不過就係因為好多客人，所以侍應們都做到手忙腳亂，感覺好趕咁，喺咁舒適又靚嘅環境底下就有少少煞風景喇🤭 儘管如此，服務都依然係唔錯嘅🤓Bread餐前麵包以皇冠造型籃奉上，麵包焗得微熱鬆軟，散發出淡淡嘅香草味，可以蘸橄欖油同黑醋一齊食。Caesar Salad with Salmon ($118 + $35)沙律菜新鮮爽脆，配上麵包糠、芝士、煙肉碎，仲有一條條嘅鯷魚柳，添上鹹香😋Hokkaido Scallop with Black Truffle Risotto ($278)意大利飯份量適中👌 黑松露菇菌醬汁好creamy，味道香濃～USDA Kurobuta Pork Rack ($328)黑毛豬手掌咁大，厚肉，份量夠晒！配上三款醬料：芥末、燒汁、raspberry醬肉質鬆軟，一啲都唔肥，尚有肉汁👍

今日去到尖沙咀余仁生大廈一樓，一間秘密花園餐廳，入面環境很高級，入面啲佈置很有特色，很寧静👍，侍應全部用英語溝通，很有禮貌👍，我叫咗一個炸蟹餅，25分鐘我的食物來了，我一刀切落去蟹餅，嘩！外脆內軟，很香很好味😍，龍蝦湯，很鮮很重的龍蝦味，黑松露蘑菇湯，嘩很香噴噴，😍😍很濃烈黑松露的味道👍👍，還有一個薄餅，薄餅來到很香噴噴，很多芝士，很香芝士的味道😍😍👍。發現上班族都放工都會約三五知己到來吃晚飯和聚一聚

老公懶神秘，叫我著靚啲，話今日要帶我去食好野喎。原來佢記得我地拍拖n年，因為正日我唔係香港，所以提早慶祝🥰其實佢記得我已經好感動喇😂一出尖沙嘴地鐵站P3出口，向前行多幾步就到。呢間餐廳係1樓，佢既專屬樓梯好grand。上到黎環境好靚🤩好多花花，好舒服的感覺，感覺好relax。侍應好快拎左麵包黎，麵包外脆內軟，每一口都充滿淡淡既香草味。龍蝦risotto好好食，有好多龍蝦肉，好入味risotto好多汁，啲飯好似啲日本珍珠米咁，好煙韌。必食之選海鮮pizza係薄批黎，真係好薄，pizza底好似餅乾咁脆。佢既海鮮餡料有蝦、mussel、魷魚😌呢度環境好舒適，好適合同閨蜜黎談心，或者同另一半黎慶祝特別日子🥰

間唔中都會想去下啲環境好又靜靜地既地方同朋友聚下，食物質素高當然都好緊要，所以已經黎過唔止一次，今次黎到環境依然唔錯，燈光幽幽，好適合同朋友相聚，甚至係同男女朋友食飯慶祝既好地方。今次同朋友share左個龍蝦湯、卡邦尼意粉同埋黑松露帶子燴飯。最先會有麵包，外面脆卜卜入面好鬆軟，不過今次比較lone啲，但都好食既。之後黎既係龍蝦湯，見到個色澤已經覺得龍蝦味會好濃，飲落都覺得好濃郁，龍蝦亦都好鮮嫩。之後意粉同燴飯一齊上，先講個意粉先，之前已經黎食過，覺得好食所以推介左比朋友食，個汁又creamy又juice，但啲蜆無比啲汁影響到佢既鮮味，食落好原汁原味好新鮮，更重要既係啲蜆大隻左，令我幾surprise。呢個燴飯我就第一次食，食之前聞到黑松露既味道，非常之香，食落都充滿住黑松露味又"念念"地既飯，仲啖啖飯都有幼細既菇一齊入口，我覺得啲菇比起平時食既更淋更容易入口，所有野都覺得好match。最後戲肉就係鮮嫩既帶子，係我食過最好食既。

貴為尖沙咀的秘密花園，（Diletto）位於尖東余仁生大廈的一樓，在大廈入口旁邊有一度狹長的私人樓梯，往上走十數步便到達餐廳門口了。足夠的私隱度，好有風格及氣派，一頓晚飯花費大既數百元一位，有這樣的atmosphere，相當抵玩。natia still water $78， 意大利進口，不是一般的玻璃水瓶，而是一種生活態度。new bread， 自家製軟種麵包，自身帶麥清香，鬆軟。linguine arrabiata $168，有大量名貴材料（saffron）番紅花放面，本身帶辣香，配合番茄粒甜酸，意粉應該是自家製，味道帶小小苦澀，實屬正常，非常新鮮。prosciutto pizza $268，餅底薄脆，芝士香濃郁，火箭菜fresh，意大利火腿薄滑，鹹度偏高，但肉味有濃香。

今日同好朋友補祝生日，我帶咗佢去Diletto食fine dining慶祝🥰餐廳既佈置好靚，主要以鮮花為主，牆身、天花同枱上面的裝飾都以鬱金香同其他唔同既花為主🌷餐廳送左香草包比我地，好軟綿綿，仲有個好得意既樽裝住黑醋同橄欖油，份量可以按自己既喜好落，好健康同好fresh😋我地叫左一支sparking water($78)，stuffed whole Quail($298)，prosciutto Pizza($268)。隻燒鵪鶉個皮燒得好脆裡面d肉仲好鮮嫩，完全就係外脆內軟，切開裡面原來仲釀左d 雜菇，鵝肝醬同黑松露，好juicy 好香！個pizza都好好味，有parma ham，蕃茄同橄欖；Parma ham咸鮮味十足，配上蕃茄嘅酸酸甜甜令到個pizza整體一啲都唔漏，pizza個餅底仲好脆添🥳📝店員服務都好nice，好有效率，餐廳價錢都合理，氣氛都好浪漫，好寧靜，絕對係情侶約會或者朋友gathering 之選！

好朋友生日，她選的地方，說是貪花園的佈置，來到後很失望！另一個好友說上鏡靚過真境。同意！好在我沒望過，沒期望，所以不失望！食物大部分是ok的，就是size真的很小。性價比低。麵包 - 加黑醋、橄欖油吃的，麵包和配料都無特別，就是普通麵包囉！Caesar Salad - ok的，沒有特別出色。始終California Pizza的Caesar Salad太出色，其他的被比下去了。不過有驚喜，有幾片魚，意然又出奇地配。雖不知是哪隻魚，但是是經常吃的。帶子黑松露Rissotto - 全晚最好味的菜色！帶子彈牙，黑松露味濃，配rissotto一流絕配，真的很好味！讚！就是碟頭太小，三人分不夠喉。蟹餅 - 味道ok，只是沒有驚喜。Parma Ham Pizza - 薄皮8寸pizza，薄餅皮一般，parma ham味道不錯。只是本人不好pizza，所以no special comment。Apple Cheese Mousse - 甜品做成青蘋果模樣，裹面是mousse，cheese味不濃。單單以色相來說，都真的是特別的，完全是一個青色蘋果。味道都ok。只是前面配碟有些古怪😂。Earl Gra

今日放低小朋友同老公去撐枱腳！入到來第一個感覺，環境好舒服好舒適！環境顏色對比好夾！影相好靚～心情都開心啲！仲有個大玻璃望到出邊風景！感覺開陽！侍應先送上餐包，有橄欖油同醋，可以配麵包食麵包外脆內軟，仲係微暖架！點上醋同橄欖油非常好食！跟住點左卡邦尼意粉～上面有個溫泉蛋，撈勻來食先！白汁加埋蛋汁味道香濃非常之夾！超級好味！另外叫侍應俾咗啲芝士碎，芝士溶化融入醬汁！非常之滿足！五成熟肉眼！好大塊老公非常滿意！有三款醬汁燒汁、芥末、粗海鹽！各有特色！符合要求做到五成熟！肉質鮮嫩多汁！好新鮮！牛肉味香濃！好淋！超好味！老公大讚！連我唔好肉都覺得好好食！一啲都唔腥！呢度好貼心又暖水提供！同老公享受高質晚餐～浪漫下唔錯！今餐食左6百幾蚊，價錢中上唔算太貴！係尖沙咀又方便！非常推介！

打算和妹妹下午茶，網上見到好靚，去到環景還可以，但食物真是好差，得外觀好看，一落單，1分鐘不夠就已經攞出個下午茶set了，望落D食物超乾，好似整咗超耐， 放置了很長時間，有點食欲不振。當然食埋更加肯定冇下次，因為D食物真是差！員工還可以，都比較熱心！

平時的工作又繁忙又沉重，閒時一定要同班同事們去游閒放鬆下。同幾個好frd的女同事一齊嘆，揀呢種餐廳就啱哂了！環境夢幻，食物又令又好食，打卡一流餐廳以綠色為主調，入到去有一種好relax的感覺，而且佈滿植物鮮花，好舒服環境一流之外，食物的水準都好高！未點餐前的餐包都好好食我們幾個女仔點左2個主食，2個甜品首先係Scarloop risotto, 賣相已經無得嘆！2隻大大的帶子，中間一塊脆芝士！而且個飯味道好濃郁，黑松露味好足，而且啲菇仔都好足料！然後一個必點的係seafood pizza!!海鮮好足料，有蝦有青口有魷魚，而且份量多！味道好香芝士，而且甜甜的！餅底脆身得來唔會乾！女仔食飯，甜品其實先係主打首先一個tirumisu cake ! 中間隻金蛋原來係咖啡粒，待應教我們要拮爛佢一齊食(因為唔知的話有機會拎開分開食）個味道係好香咖啡味，而且咖啡味同朱古力味好平衡！甜品必點係呢個apple crumble~!!賣相已經無得嘆，一個綠蘋果，前面有一串好似花頸鏈的crumble,上面有一隻粉紅雀仔！切開綠蘋果更驚喜！入面好rich 的蘋果蓉，咬落2種口感，又軟又脆！好好食！

忙碌工作過後，今天選了一個祕密花園吃晚飯，讓自己遠離煩囂。首先，送上餐前麵包，暖暖的，不會硬，加上橄欖油和黑醋。主菜叫了carbonate spaghetti 加 assorted seafood pizzacarbonate spaghetti 一向都很喜歡吃carbonate，非常喜歡濃郁的忌廉，這間加上流心蛋，加上蜆的鮮甜味，令到個醬汁非常好吃，意粉的硬度剛好，好吃。assorted seafood pizzapizza 薄皮，皮邊香脆，喜歡千島海鮮醬的味道，加上拉絲的芝士，熱辣辣，海鮮鮮甜，足料。最後以baileys tiramisu作結，baileys從金色波波流出來，令到tiramisu的味道大大提升了，不一樣的感覺。

這晚為朋友慶祝生日，特意訂座來到這家餐廳。餐廳的樓底高，以花草佈置，餐桌座位寛闊，環境氣氛的確非常不錯，很舒適、有情調。點餐後，侍應送上意式香草包。首先，點了餐湯「Lobster Bisque」。味道很濃郁，但多喝幾口，個人認為有點過咸。前菜「Deep Fried Crab Cake」，充滿蟹肉餡！好好味！「Assorted Seafood Pizza」足料海鮮份量，餅皮厚薄適中，烤得剛剛好！「Lobster Tail Risotto 」一整條龍蝦尾肉，好正，但飯的份量稍嫌少。「Beef Rib Eye Steak 」牛扒煎得半分熟，肉質鮮嫩又有肉汁，還附上三款沾料。最後以甜品「Apple Cheese Mousse 」作為結尾，生日壽星好滿意！整體來說，食物水準中上，未至於令人驚艷，勝在環境氣氛，慶祝餐聚來到這裡也是不錯的選擇。