Deer Kitchen (已搬遷) 新店位置

今日收工同朋友咁岩睇中左呢間樓上餐廳deer kitchen!位置原來都好易搵幾近地鐵站，入到門口就名乎其實見到大大隻鹿仔，環境裝修都好靚好舒服👍🏻坐低左就睇下menu有咩，選擇都有好多，我同朋友今次就叫左1個salad同2個main course叫既野食黎之前呢個黎左，係一個黑麥麵包，用黎點隔離個黑醋olive oil食，麵包好鬆軟，連埋個sauce 食好香好 開胃 ，不錯不錯我地叫左個雞肉凱薩沙津，成個沙津既調味好好，芝士味香，好好既開胃菜👍🏻Mushroom risotto 可以見到面頭舖滿芝士，飯之間有好多蘑菇，飯粒唔會太軟爛，用料好足有咬口！香辣大蝦蕃茄天使麵呢個比較驚喜既係味道香辣得黎好醒胃，食幾多都唔會滯！大蝦煎香keep到個鮮味，正！

與友人慶生，選擇在此共聚晚餐～望望餐牌，這兒走高價路線～我們三人點了一個二人餐，價值$688前菜有包可點黑醋，頗開胃的，另外有帶子刺身，都幾清甜，沙律沒有什麼特別選擇了兩個主菜：豬，羊～豬味道不錯，而且都比較淋，可是份量比較塊少呢～至於羊，我不吃羊的，但聽朋友們形容豬比羊好味道還有這焗龍蝦，這個也不錯最後我們為了食滿$700可送一個菜式而點了多一杯飲品，再叫職員，是否生日有得送，她說是，我們便在那餐牌選了一款，過了一會，職員告訴我們，滿額了，因為今天有幾枱人都是生日,太過份了，重複問了她幾次也說有，又沒跟我們說有限額的，雖然味道不錯，但服務不好呢， 而且以這個價錢，應該還有其他他比這更好的餐廳吧，這間試了一次便夠了

老公今日放假, 專程來觀塘陪我食lunch 選了這間樓上cafe, 貪佢夠隱蔽 公司lunch係12點, 我們上到去好似包場咁 餐廳位置自成一角, 裝修美觀整齊, 俾人感覺舒服.我點了risotto, 老公點了portabella burger.. waitress態度友善, 好快就送上熱騰騰餐湯.. 蕃茄湯蕃茄味濃, 蒜蓉包一小片, 我喜歡蘸熱湯食.我的例牌Black truffle Risotto.. 不過不失啦~ 黑松露味唔夠香濃, 意大利飯是比較硬那種 (不是燴飯/軟飯那種).. 份量就剛剛好..老公的portabella mushroom & crab meat burger有d驚喜, 個包好鬆軟好好味, 烤菇&蕃茄都好juicy, 片cheese係普通cheddar cheese, overall加埋一齊食幾好味.. (well.. 薯條就一般啦..有d硬..)最後老公加$10要mocha, 我要熱柚子蜜唔洗加$.. 快樂的時間過得特別快.. 而且deer kitchen都坐得幾舒服, 仲要1pm前checkout有85折.. 埋單$160~

潮流興開餐廳也需要有造型主題。上個月，在觀塘工廈中就遇上了馴鹿。 這裏走中檔路線，餐廳裝飾以簡潔舒適為主。 餐桌與餐桌之間，也有足夠的寬躺空間。唯一美中不足之處，就是隔音做得不太好，餐廳坐滿客人的時候，交談聲音就變得非常響亮。 雖然我們沒有點選餐湯，餐廳還是送上了自家制的香草餐包。 香草餐包鬆軟，點上黑色果醋，味道更佳。 前菜是黑松露意大利雲吞 Homemade Black Truffle Ravioli。驟眼看下去，還以為是沙律。面層佈滿了切成條狀的炸雲吞皮，下層才是灑滿了黑松露的意大利雲吞。 雲吞皮很薄，呈現半透明狀。突出了黑松露的香濃味道。 主菜是咖喱先生喜愛的波士頓龍蝦扁意粉 Boston Lobster Linguine。 整整半隻龍蝦完整上場，感覺非常震撼。 不打算吃龍蝦肉的豬豬，只吃了扁意粉。 想不到扁意粉的醬汁，竟然也充滿了龍蝦肉和蝦膏的香味。 店員為了支持豬豬吃素的決心，就推介了黑松露野菌薄餅 Black Truffle and Assorted Mushroom Pizza。 這又薄又香脆的黑松露野菌薄餅，不吃猶自可，一吃立即愛上。配上新鮮的火

今日去開觀塘，知道觀塘有好多工廠大廈入面會有好多好正既餐廳，所以就搵一間試下，最後就去左deer kitchen.呢間係年運工業大廈，係正apm隔離，好方便易去。坐低左之後先黎左個麵包加黑醋，酸酸地好開胃，之後我叫左個施撒沙律，好清新而且啲上面會有雞，好有味唔會好乾。之後主菜黎啦，我叫左個意大利飯，大蝦天使麵，同一個法式鴨腿，個意大利飯唔錯，好creamy，之後鴨腿超級正，很濃味，再配上紫薯，十分之好味，而個大蝦天使麵我就覺得最正，最岩我口味，麵既軟硬度岩岩好，有少少辣味道真係一流。食完之後已經計劃幾多再黎食過，正

為食豬又買咗團購試新嘢，呢日黎到觀塘嘅工廈搵食。即使係團購餐單都唔馬虎，兩個人都好夠食。凱撒沙律: 估唔到都幾大碟，沙律菜新鮮，dressing惹味，麵包粒同煙肉粒依然香脆，面頭仲要撒上唔少芝士，唔係hea版凱撒沙律。餐湯係西蘭花忌廉湯，冇咩忌廉嘅香滑感，但有淡淡嘅西蘭花味，味道略為單調。黑松露野菌意大利飯: 黑松露味十分香濃，意大利飯粒粒分明，為食豬覺得可煮熟多少少。野菌分量比例剛剛好，加上芝士同忌廉更加帶出黑松露香味。慢煮寶雲酥牛柳: 好似好健康嘅一道菜，因為有好多唔同嘅蔬菜。一上枱除咗俾牛柳吸引住，仲有嗰一球紫薯蓉。通常食牛都會配小量薯蓉，但紫薯蓉就第一次見，紫薯蓉冇用任何調味，估唔到少少甜嘅紫薯同牛肉都好夾。講返個牛，可能係慢煮嘅關係，牛肉煮得好稔而且唔乾，牛肉味都好香。可惜嘅係表面嘅麵包糠做唔到“酥”嘅感覺。最後甜品係白酒jelly，香甜嘅白酒造成果凍帶來清爽嘅感覺，但為食豬唔太鍾意粒醃漬車厘子。總括嚟講呢間餐廳嘅食物質素唔錯，食材配搭有心思。唯一批評係冷氣開得太大而食物上得快，令食物入口唔夠熱，可能熱食會更佳。

中秋節一如以往我同小胖女都係周圍去賞月同周圍去搵食,今年就有d分別啦,我地去左觀塘賞"鹿" 此話何解阿,其實都係今餐晚飯既主題,今次同大家分享呢間位於觀塘既Deer Kitchen,佢位置係工廈,餐廳裝修主題都係以鹿為主,係門口外係工廠大廈,但一入門口好似置身於高級餐廳之中,既寧靜又有一種獨特既文青氣息,當然,再靚既餐廳都需要有好味既食物,而小胖女亦都急不及待落order我地落左個set dinner,先黎上左一份餐包,加配上麵包醋,非常之香及軟熟再黎就係一份黑松露意大利雲吞,未上枱個陣已經聞到一陣好香既黑松露味道佢面上鋪滿左重重既芝士片,再配埋個汁,入口非常濃郁既黑松露味道主菜我地叫左一碟黑松露野菌意大利飯同法式慢煮油封鴨脾 先講個飯,黎到一樣非常之香黑松露味道,每食一啖都有好濃好香既汁包住,非常好食壓軸當然係隻鴨脾,菜式無論擺位,配菜(紫薯容)都係非常之正,隻鴨脾皮卜卜脆,鴨肉都好香小胖女只係專心食紫薯同飯,我地係想飲埋D汁先走最後由一杯好多好多果肉既什果囝茶為呢餐美味劃上句號呢間餐廳非常岩情侶黎撐下枱腳,環境十分舒服

之前見一位情迷小鹿斑比既朋友fb放左幾張靚相適逢中秋節唔想同人迫 所以就同小胖男友揀左去呢間鹿仔主題cafe食西餐過節中秋當晚我地book左8點鐘餐廳鄰近APM 位於工廈既一樓 有樓梯直上 非常易搵可能大部份人去晒食中菜做節 當晚餐廳唔算好多人 主要係情侶檔環境好靚好舒適 情侶一邊食住西餐一邊談心就最適合鹿既圖案同擺設隨處可見我地點左一個set dinner同單點左一個黑松露rizotto 麵包 充斥住小麥既香味 好軟熟蕃茄湯 熱辣辣 好creamy黑松露意大利雲吞(set dinner二揀一既Appetizer)好濃既菇味 個黑松露汁用黎點麵包食一流法式慢煮油封鴨脾 ( 推介!! )小胖男友一向鐘意食鴨 而我就比較小食但呢道慢煮油封鴨脾既味道真係好有驚喜外香內嫩 唔油膩 好好食配菜亦好有驚喜 紫薯蓉 yummy黑松露rizotto 落左好重既黑松露 味道不錯 觀塘工廈的確係臥虎藏龍既美食天地

是日與友人來到Deer Kitchen位置十分好找，在樓下已有指示牌前菜先嘗黑松露意大利雲吞賣相和香氣十分不錯，黑松露香撲鼻而來上方的脆條香而不膩，伴著雲吞一起進食能增添口感雲吞又圓又扁，放置在最下方，口感和味道與中式大不同法式慢煮油封鴨係店員既推薦菜鴨肉容易切開，內裡仲有肉汁外層香口，輕微焦香，而肉無變得死硬，不錯香濃煙肉芝士長通粉煙肉和芝士是不朽的配搭令整碟通粉有兩者的咸香味，好惹味醬汁份量剛好，唔好太多食落好膩而通粉略偏硬身

朋友仔就黎去意大利，臨飛之前一於約佢去番間靚靚餐廳，食番餐好。Deer kitchen 離地鐵站都幾近，行幾步就到。我地book左七點，黎到既時候都冇咩人呢個係餐前既小食，餐包，個包拎黎既時候仲係暖烘烘，點住檻欖油食係香港食飯都比較少見，但真係好好味呢個係燒蕃茄湯，當日得一款湯，就係蕃茄湯。雖然平時飲開白湯多，但呢個紅湯都做得唔錯，食到濃濃新鮮蕃茄味，好creamy 。侍應推薦既軟殻蟹沙律，好驚喜，隻蟹好juicy,同d柚子好夾，好fresh同朋友一人一半，影多張近鏡先另一個餐前小食，黑松露意大利雲吞，本人都係第一之食意大利雲吞，又幾好食啵，上面d脆脆好香口，雲吞塊皮又唔會太厚，好食好食。終於黎到main dish 呢個係法式慢煮油封鴨脾，見到現場食客都係點火焰豬肋骨多，我同朋友仔想特別d，侍應就推薦左呢道菜比我地。食落真係有驚喜，隻鴨脾香就不在話下啦，廚師竟然連d 配菜都煮得咁出色，特別係南瓜同蕃薯，好香好好味，至於綠綠地色個舊，食落係茄子味，好得意細細粒，好有口感。

今天兩口子闖進到這一間野鹿廚房內吃西餐。圍繞著我們四周的，當然少不了一眾有關鹿的裝飾....這裡的午市套餐大多定位於八十至百多大洋，定價算不屬於便宜的那一類工廈餐廳....沒太大有食慾，只想吃素的太太，就點了一個健康營養餐....牛油果加上雞肉、菜沙律以及大啡菇，而且用的飯也是糙米來，整個菜可能會致肥的部份就只有用來撈牛油果沙律的醬汁，確是明符其實的夠曬健康。雞肉雖是全瘦但幸好沒見太嚡；一直都不喜歡味道怪怪，不鹹又不甜的牛油果所以沒有多食；大啡菇厚肉軟淰又多汁，只略在平底爐煎一下就已冇得頂；小弟對糙米同樣沒有大愛。於我而言，這可是病人才吃的(這觀點雖然有點太極端偏激但對我來說卻是事實)....所以呢，還是偏肥膩豐腴的這一味Pork Chop Piccata....以檸檬、牛油及香草作處理的Piccata做法，用作烹調雞或豬肉是特別的合調。皮經處理後油量是甚高偏膩口的但確是十分的香；肉近脂肪的部位是豐腴非常的。但可惜的是其他地方就有點太乾偏嚡，咬下去是柴柴的甚不爽....最後的那杯朱古力，是小弟近來喝過最稀最淡的。嚴格上可以不理....也正因這一小杯看似微不足道的餐後飲料，令我對這一頓飯

每次去觀塘找朋友也有人帶路覓食，工廈美食甚麼的最令人期待了！Dear Kitchen位於年運工業大廈，鄰近APM確實不難找。甫踏進餐廳已覺得原木系的裝修很有舒適感，能坐得放鬆，飯也吃得更香吧？近門口位置的座位最漂亮！有小鹿與草地伴著用餐(請忽略那顆鹿頭)，可以幻想一下自己真的到了湖畔用餐 Menu提供了套餐選擇，也有單點的飲品食物，看起來每款都蠻吸引的，最後與朋友點了一款晚餐set和主菜一起分享。燒蕃茄忌廉湯烤過的蕃茄被打進忌廉湯中，令細滑的忌廉湯中多了一絲蕃茄鮮甜味，重點是酸度不高很合我的口味。黑松露意大利雲吞上桌已聞到濃濃黑松露香味，大大件意大利雲吞上滿滿地澆上黑松露忌廉汁，味道濃郁。將軟薄的雲吞連同脆脆一起放進口中，口感矛盾又豐富，以前菜來說很不錯。焗金文畢芝士釀海鮮三文魚扒比想像中豐富的焗三文魚扒配了不少伴菜，作為晚餐主菜分量對女生來說已足夠了。金文畢芝士下面藏著蟹肉，蓋在三文魚扒上一起烤焗，層次豐富。焗三文魚扒肉質仍然嫩滑又不會乾身，火候掌握得好，要是芝士能再融化一點會更完美。芝士加上魚扒可能會太濃膩，加上伴菜的脆玉瓜、甜薯等正好中和一下，很好的配搭！香濃芝士煙肉長通粉加點的

l餐廳係工廠大廈~所以有少少難搵！但優點就係非常闊落~足夠空間感飲左杯藍莓特飲~有粒粒藍莓果肉同埋白色粒粒係乳酸~所以飲落酸酸甜甜好開胃喔叫左份白酒煮青口，有2條麵包條浸左係d汁到~~索哂d白酒味~入哂味既麵包仔正而青口完全無沙~好鮮味本身主菜我要份慢煮牛柳拼芝士龍蝦~但當日龍蝦賣哂所以店員問我介唔介轉大虎蝦同隻大帆立貝取代隻龍蝦，諗諗下我都無乜所謂，好彩虎蝦同帆立貝都好鮮味特別係個帆立貝個醬汁好鮮甜味份量夠哂大份！而個牛亦好鮮樕！唔乾身~yumyum

同朋友去咗工業大廈食晚餐，原來呢間餐廳都幾多人，大部份都係女人⋯^_^這個麵包係某啲西餐廳會用到嘅，不過都好少見比較特別，香味四溢，不過用咗叮嘅手法去製造呢個麵包就失色了，因為實在太稔！餐湯係忌廉粟米湯，好多粟米係入面，口感都幾香滑。黑松露意大利雲吞一粒雲吞皮都唔算厚，咬起來有口感之餘又唔會係一舊粉狀，黑松露味非常香濃而且個忌廉汁同雲吞皮非常匹配，直頭飲晒啲汁。黑松露野菌意大利飯$118Parmason Cheese喺上面，味道好香，同黑松露嘅香味都係好突出，明顯黑松露係用比較大粒嘅黑松露，比起係其他西餐廳食嘅都要高級小小。另外意大利飯整得有少少硬，不過呢個硬度係可以接受，整體來講有少少漏。如果一個人食一個餐都幾飽！焗金文畢芝士釀海鮮三文魚扒$258包埋其他嘢食除咗黑松露意大利飯西餐廳十居其九主菜都有一道主菜就係三文魚扒，對我黎講一向敬而遠之，因為好多餐廳處理三文魚扒燒得香又overcook，熱辣辣還好，上菜慢d食得慢d鞋口一輪攤凍又會腥，但今次焗金文畢芝士釀海鮮三文魚扒實在有驚喜。大大舊既三文魚扒煎到五成熟，鋪上海鮮，目測同口測應該有蟹肉又有蝦仔肉，一小片既金文畢芝士沓上去放入焗爐，

約朋友星期六12點半試新野， 我地頭15分鐘包場。但12點9開始不斷有人客上門直到滿座。 因為座位空間充足就算滿座都唔會好嘈。呢一點就係樓上鋪及工廈鋪一大優點。約朋友聚舊傾計Deer Kitchen係唔錯既選擇。加上裝修modern舒服 ， 雖然無窓無街景或日光， 但室內環境十分雅致足以彌補。 唯一係冷氣太大， 食物凍得快; 好多女士一坐低就要加外套。我同朋友叫左2份set lunch, 分別係香燒春雞($108) 同 芝士牛肉burger ($85). Set Lunch 包湯, 一片麵包, 主菜及一杯飲品. 無加一. 春雞雞肉比較硬身同老左少少, 春雞嘛~~應該嫩滑juicy. 而芝士牛肉burger 就恰如其分, 入面既牛肉厚厚的, 一定飽. 若果當中果件bacon可以大塊一點, 味道會更加配合得宜. 而家有一點到喉唔到肺既感覺~~癢癢的, 若有所失!! 但整體2個set都算好味, 加上價格環境各因素在內, 我比7.5分(10分滿分). 其中都係春雞拖低分數. 最後~餐飲 加奶後顏色有點怪, 杯齋啡就.......唔係我喜愛既咖啡味. 苦味好重但唔香.