Dear Lilly (已結業)

俾店內嘅環境同口碑影響，想試依間afternoon tea好耐，等到有朋自生日，就帶佢來依度慶生。早咗15分鐘到，waitress黑哂面話未夠鐘唔入得。咁無所謂再等多一陣，到夠鐘嘅時候，waitress繼續黑面咁叫我們入去。坐低order咗個tea set同黑松露薯條，之後就不停自拍同影店內環境。食咗咁多間不同嘅tea set，依間又最好食，唔會太甜，黑松露薯條又夠多黑松露。整體來說，環境同食物質素都很好，但服務態度以中環餐廳來說，仍有得大的進步空間。

打算在ifc吃午餐 經過很多間餐廳都滿座 在沒有辦法之下路經這間Dear Lily ，竟然可以walk in 所以我便和友人進去了 這裡的裝飾好像進入了一個很大很大的garden一樣 好美 不過服務員的質素有待改善 態度不是10分友好 叫了這裏的set lunch 頭盤和主菜沒有什麼特別，味道很一般，甜品是最出色的沒有來過的朋友可以來試試 來拍照很不錯我覺得食物很一般，所以下次來的時候可以試一下他們的酒，也許會有另一番風味呢

餐廳位於IFC 4樓，面積不大，座位不太多，大約10多張2-3人座位，另外還有2張心型卡位比較大，可容納7-8人，座位與座位間雖然有點擠迫，但環境好靚，天花用花裝飾，女仕黎到一定好開心。餐廳不接受訂座，所以要預早來輪候，我們大約6點到，餐廳已經滿座，剩餘2張面向商場走廊的座位，這個座位雖然有點迫，但我們也先坐，待有位再幫我們轉。侍應服務非常好，不過全部也是講英文的。當晚是來慶祝生日的，朋友ORDER了甜品，寫了名字，侍應還一直記著我的名字，跟我說HAPPY BIRTHDAY，感覺很窩心。現場還有LIVE BAND表演，氣氛好好。Starter: Scallop Carpaccio帶子配上柚子橙汁，每一塊帶子仲夾付一片橙。好清新好鮮甜，雖然切得較薄，但也有10片。Main: French Cornfield Chicken Breast雞胸很滑，煮得很林，醬汁味道與雞胸很夾。好好味。Main: Poached Wild Sea Bass魚煮得剛剛好，都好滑，仲配有好好味的薯蓉。Dear Lily HeartRaspberry配上白朱古力做的蛋糕，不太甜，而且酸酸甜甜，細細個一個心型，又靚

一直都好想來這裡打卡! 雖然餐廳不算大, 但也花了不少心思在設計和裝修上, 用餐時也可以令眼睛享受一下!由於不接受訂枱服務, 這天2點半前已到步準備試一下它們的high tea set! 估不到平日都很滿坐, 未能安排靠邊窗的位置... 幸好眼前就是心型大枱, 超美!一直認為在這些環境優美又高級的餐廳內用餐, 食物未必會好吃~ 可能一早沒有太大的期望, 最後竟然是很有驚喜的! 咸點和甜品配搭雖然不多, 但份量剛好之餘, 味道亦不會過濃或太甜! 尤其芒果mousse tart好香好好味! 而三文治和吞拿魚toast都好新鮮好有口感, 真的很不錯!唯獨咖啡就多一般~ 咖啡味完全不夠香... 不過整體而言, 以$298兩位的價錢, 在這個地段和好友hea兩個鐘也算是很划算!

見網上有人推薦話好好食喎，所以就叫男朋友一齊嚟試下啦夜晚七點左右嚟到，兩個人唔洗等位坐兩人位張枱都幾細下我地嗌左一份帶子 一份risotto 兩份肉眼諗住食完再嗌下野飲同甜品一開始上左份麵包，冇四塊不過凍既 男朋友就話好難食，香草太多之後上帶子帶子切到好薄，加埋應該得一粒帶子既份量橙味太濃，所以係完全冇晒帶子既鮮甜味男朋友食左一啖就話唔好食所以基本成份都係我自己一個食晒成餐唯一好食既係risotto蘑菇同黑松露都好香，份量就細細份咁食完份咁好食既risotto我地都對肉眼期望好大點知。。。好難食人生食過最難食既牛扒又硬又燶，一放入口。。苦既係又苦又冇牛味又硬既牛扒好失望阿真係幾經辛苦食左一半真係食唔落真係好難食所以就冇再嗌甜品同野飲就決定走啦兩人埋單總共食左$1458唔會再嚟 亦唔推薦大家嚟食同價位大把好食過佢既好後悔

環境無得輸岩哂情侶同閨蜜打卡因為無得預先book位，所以如果想坐得2張既心型卡位就要預早少少時間去等。個日因為慶祝生日，d fds就7點前去攞位，等左5分鐘就有啦好好彩。無諗過係ifc有唔係太貴既西餐價錢中等，不過份糧都較少。前菜既牛柳幾推薦，煎到外脆內冧，而且配埋一d柚子粒，感覺好fresh既開胃菜。之後黑松露意大利飯，好creamy好rich,不過食完會好飽。反而，d基本野黑松露薯條就有d hea，唔太熱同只係鋪d黑松露係面。不過有特別節日去食下環境，都可以接受

第一次試Dear Lily嘅dinner~😍🌹呢度夜晚同日頭係兩個feel，夜晚果種感覺真係好浪漫同好relax☺️嚟到呢度當然要試吓佢啲cocktail🍸叫咗佢杯signature 之一既MAD ENCHANTMENT～呢杯賣相真係好靚😍上面仲有啲紫色嘅花瓣🌹味道就係蘋果+black berry味甘，味道同酒味比較淡，有啲似淡地嘅果汁冇乜太大特別，味道係一般般不過個樣太靚所以都先叫嚟試吓～如果要好飲就應該唔好叫呢杯la🤭食物方面， Starter叫咗一個帶子Carpaccio,呢個好清新好食！新鮮嘅帶子片配埋響啲有柚子同橙味嘅醬汁一齊食，非常之夾同好fresh!🤤另外叫咗個沙律，有幾種品種嘅蕃茄、mozzarella cheese、牛油果，配埋啲酸酸甜甜嘅將同埋pesto sauce,整體味道都好好味又係好清新嘅一個沙律👍🏻👍🏻主菜方面叫咗佢嘅Seabass,肉質都算滑，下面有啲牛油薯仔碎，整體都唔錯不過又未算係好突出果種～因為朋友準備咗外帶甜品😍，所以只係叫咗呢度嘅一個甜品嚟試～叫咗佢呢度嘅招牌Dear lily heart,係raspberry 同白朱古力整成嘅蛋糕，酸酸甜甜咁呢個

剛開不久的  是港女新晉的打卡熱點，店內的環境古雅有氣氛，不少擺設、裝潢都花足了心思，是打卡的好地方！餐點方面，午餐set都3course 要成198，加埋野飲埋單每位$250，好肉赤！前菜非常好食，salmon 同豬腩肉無論調味、口感上都無得彈！至於主菜，嗯.......令人好失望！Chicken Breast 超級鞋，而pasta 更無海鮮味，好似食緊水煮意粉咁，海鮮都非常少！好在甜品拉回不少分數，大推焦糖布丁，好食！！

今天去嘗了afternoon set。。。2:00已經去到，問了職員，3:30才開始下午茶時段。。。唯有在ifc行下街。。。影相打卡很不錯。食物也不過不失，但係員工服務態度不佳！！

朋友帶我去DEAR LILY 食tea期待左好耐一去到見到個座位都有d汗顏😅並唔係window seats限時90分鐘心想唔緊要啦 放鬆心情享受下我地叫左個tea set for two $298跟Tea or coffee我同朋友都揀左tea佢飲earl grey, 我飲 camomile 最底o個層有3款三文治🥪1. 三文魚卷，有d火箭菜2. 吞拿魚+egg salad ？ 唔肯定，普通3. 芝士蕃茄青瓜三文治中間o個層1. 芒果味mousse2. Raspberry tart , 酸酸地3. 雪糕筒形甜品, 唔知咩味, 還好最高o個層1. 兩個鬆餅配士多啤梨醬+cream鬆餅唔係好鬆，有d乾，會碎2. 兩粒macaron, 一粒開心果, 一粒金莎味Ok 唔係好甜以這個價錢來說，不過不失吧Buffalo wings 味道ok，可惜都係唔夠正宗初時以為餐廳好靚，好期待去到覺得好壓迫，空間感好低可能我地唔係坐雀籠裡面嘅梳化位相都無乜意慾影坐低仲聞到一陣廚房油煙味😅😅😅整體來說是一般以地點、環境黎講應該係比一般更一般😂😂😂

今天跟吃貨同事來這間無得訂位的餐廳食午餐。本來被安排坐出面戶外區，職員一見店內有空枱就邀請我地坐返入去戶內，認真細心。環境：裝修好靚，好多花，好多懷舊西式的設計。連天花板都有好多花，燈光，木櫃，音樂都配合得好快，我們用了很長時間去欣賞每個角落。食物：2 courses $138; 3 courses $158。我們都點了2courses，之後加左個幼薯條。首先送上面包，暖暖地，好味。頭盤是芝麻汁吞拿魚，好好味；同事點左紅菜頭沙律，都好特別。主菜，我地叫左魚、豬腩肉同埋長通粉。老實說，主菜同頭盤差大遠，有少少失望。我叫的豬腩肉好熱氣。無咩味。其他主菜味道一般。服務：非常好！快手，有笑容，好親切。伙記有幾個靚女和型男。

value for money 雖然食物味道唔會話 very very good, 但真係好鬼抵食，係中環IFC, 有 Seaview , decoration 亦不錯，就等要等同催還枱，我個人認為 relatively speaking, 都係超級 value for money 。salmon 味道好過其他，沙律還可以。其他不要 expect 太多。All in all, the experience is good. personally, I'm more than happy to come again.

我成人都話做女人不必一定要賢良淑德，但必須内外兼備、表裡如一不可人前人後兩個樣，為何這樣說皆因我昨天體驗到美得可以的Dear Lilly背後的暗黑內涵！ 是咁的！昨午跟清麗村姑在中環出席活動後至晚上才各有飯局，私心的我拉了她去期待已久的Dear Lilly Happy Hour！ 去到接待處時那位外籍的接待員跟我們說只有1.5小時就座時間，那時才下午三時許而已亦沒有滿客的情況，我跟村姑當然面色不好看，不過那知機的黑面洋妞也即時聞到焦味改口說可廷伸就座時間。 昨日天朗氣清帶點清風怕熱的我也想坐室外位置，怎料想坐的那張背後那位衣著企理的中年男士竟然在我面前咳吐，嘩即刻拉村姑往前走到長型沙發位置，但沙發污糟得令人驚嚇唯有回室內安座！ 室內也有它的魅力紫金的花樣天花那會引不死我呢！加上型格的酒吧、細緻的裝飾，店內盡是影相靚點！ 還有日光下我選了杯色澤天藍的雞尾酒，村姑則一來艷紅選擇好惹火耶！ 我的TRIUMPH OF THE SEA (1964)＄118，以伏特加、柚子汁、檸檬汁、杏仁和紫羅蘭，來調配而成味道清香不過甜很合我心意，而村姑的MADEMOISELLE LILLY＄1

今個週末到了一間曾在開幕時期風靡一時的餐廳Dear Lilly品嚐high tea set。這裡身於中環心藏地帶IFC，內裏環境舒適，也有特色的裝橫例如某些位置是坐在Dear Lilly設計的鳥籠內，讓客人有機會瘋狂拍照，可說是餐廳內的重點拍攝位置。對於他們的afternoon tea set，最底層的當然有咸點，包括三文治，以西芹配上沙律醬的toast，以及用三文魚包上的波菜三包治，三款的味道只是一般。至於第二層的甜品，個人認為那件芒果味的慕絲再加以一片薄薄的餅底，味道不甜而不漏，也帶出芒果香味，這件完全值得推介給大家，而其他在第二層的甜品亦稍為普通。反而最上那一層的鬆餅加上Dear Lilly所提供的醬料，質感很鬆化，與醬料很夾。另外，喜歡吃薯條的我當然要點黑松露薯條試試吧！濃厚的黑松露點綴於每條薯條，果然味道沒有令我失望。若果完成了這個high tea set還是未食飽的話，不妨考慮下這款薯條😀

聽d 同事講最近IFC 開左間新既靚靚餐廳wo，我就當然唔會執輸la. 約定班好朋友好姐妹一齊去返個happy Friday gossip night.Dear lily 就位於ifc 既空中平台花園。我地事先book 左位，唔洗等就入得去la.入到去真係曄左一聲，好靚呀。d 裝飾好正。我地就叫左d burger 同小小cocktail 飲下酒傾下計 chill 下。個burger 就正正常常，都唔會話好好食但就都ok。係呢到都係主要想一班人吹下水☺️