Dan Ryan's Chicago Grill (海運大廈)

營業中

休息中

海港城Coupon 最後限期，大家都趁Deadline 前消費。Openrice有訂座功能，唔想失望而歸提前一日訂位都可以。餐廳內環境舒適，當晚前後左右都有人慶祝生日🎂一行2人點左一份水牛雞翼，感覺夠4人份量。朋友好期待，但係整體味道太酸，味道一般。覺得最後悔係點呢樣菜。叫左一個Dinner set+一份漢堡🍔Dinner set包含一個湯/沙律🥗我地選擇左湯，2人size啱啱好，牛肉煎得恰到好處。全晚最正確嘅選擇。漢堡扒整體感覺太乾，麵包係好飽肚好實在嘅質感，一人食左1/4 就已經飽到唔想再繼續整體來講，如果有海港城coupon又唔想等位，係一個唔錯嘅選擇⋯

最近海港城有餐飲購物優惠券用，優惠券使用期去到星期日，所以全世界蜂擁而至，好似去咗行年宵咁 🥴 當晚諗住用優惠券食飯，但見到有得用優惠券嘅餐廳，間間都有三，四十人排緊隊，真係要等到天荒地老 ☹️ 喺絕望之際見到呢間餐廳人龍只係得十個人左右，咁當然睇吓有無位，原來 $100 優惠券餐廳只當 $50 使用，唔怪得人龍得幾十人，不過算啦好過無得用。餐廳嘅餐包幾有特色，竟然有 Cup Cake食 😝 黑糖合桃 Cup Cake 好好食 😋 另外兩款餐包都可以點佢嘅草莓奶油醬。香炸黃金洋蔥圈 ($52/半份) : 洋蔥圈睇色水好似炸得過火咗啲，而醬汁就勁勁勁酸，不過又酸得幾惹味。😋波本龍蝦及火腿長通粉 ($228) : 呢個有啲失望，睇圖好似幾正，但實物嚟到似碟普通長通粉加多兩舊龍蝦肉同兩隻蝦俾你，就連火腿絲都欠奉，不過味道算唔錯，芝士汁唔會太濃搞到好膩，性價比唔算太高。炭燒 8 安士沙朗牛扒 ($298) : 有蕃薯條，燒粟米做配菜，炸蕃薯條比炸薯條更健康，粟米就成枝上驚你食唔飽，牛扒就預先幫你切好，啱哂我呢啲懶鬼 😝 牛扒鮮紅透亮，肉汁飽滿，食完返唔到轉頭 ☺️ 布朗尼咖啡奶昔 ($72) :

唔係同事帶我去，都唔知原來海港城有間美國菜餐廳😂😂位置都幾隱蔽🙈果日去食lunch完全唔洗等位，都幾多位，但味道都幾正，點解反而無人排🤔🤔·1️⃣Chicago Classic Combination 芝加哥拼盤(Half: $198, Full: $298)呢個拼盤入面有三款小食，分別係焗薯皮、炸洋蔥圈同埋水牛城雞翼😍叫左半份share食，我覺得焗薯皮最好食🤣🤤全部都熱辣辣，唔會太鹹🤤·2️⃣Parma Ham & Smoked Mozzarella Cheese Skillet Pizza 巴馬火腿芝士pizza ($108)原本驚好大份會食唔晒，但好彩係細細份😂😂幾中意食佢個批底，都算厚有口感😋parma ham都好食😆·3️⃣Beer Battered Fish & Chips 啤酒黃金炸魚 ($205)呢個炸魚薯條真係好大份，岩晒多人食share😂😂我地四個人食，share食都係食唔晒啲薯條🥲一炸完熱辣辣食係超正😆點埋個醬食仲正😍😍·4️⃣Creamy Spaghetti Carbonara 卡邦尼亞意粉 ($118)食左之前果幾樣小食同pizza，carbonara顯得相對平凡🤣但都係好食

復活節最後一日假期約了朋友食晩飯，朋友建議去尖沙咀海港城 「Dan Ryan's Chicago Grill」，我們一行4人叫了2個晩餐 (每個晩餐包括主菜、頭盤及甜品) 及一個Appetizer：《主菜》1️⃣ 炭燒14安士美國有骨肉眼扒配烤蒜蓉西蘭花、甘筍及烤蒜球 $5582️⃣ 豬排骨及烤雞拼盤配甜薯條 $448《頭盤》3️⃣ 招牌凱撤沙律 x 2《甜品》4️⃣ 迷你雙重朱古力布朗尼配雪糕 x 2《Appetizer》5️⃣ 紐約人氣水牛城雞翼 (半份 8隻) $128整體來講：這間美式餐廳，食物份量都幾大份，所以我們4個人只叫了兩個晚餐及一個Appetizer，價格方面唔算平，食物味道還可以，不過不失價格💰：$1,247.4 ($558 + $448 + $128 + 加一服務費113.4)味道😋：OK

有朋友比左海港城啲coupon俾我，所以走咗去逛逛，行到攰又買唔到嘢，所以搵間餐廳食餐好。餐廳地方唔算闊落，但好彩俾咗卡位我地，所以坐得唔算逼夾，環境氣氛良好，職員態度都有善。嘢食方面，我哋一坐低就我想熱辣辣麵包，味道正常，現在夠熱。 之後嚟咗個海鮮麵包湯，非常足料，麵包亦都好鬆脆。頭盤嗌咗炸魚薯條，炸魚有2大件，配搭薯角好食。 主菜係肉眼扒五成熟，味道正常，有牛味，如果好似啲會開心啲。反而主菜的粟米好好食，燒過嘅粟米有BBQ感覺，好味。 我叫咗一杯自家製嘅啤酒試試，味道好似1664白啤。甜品有朱古力新地，正正常常，冇乜驚喜。總結Dan Ryan嘢食服務都幾好，但我會鍾意另一品牌有黑糖麵包食嗰間多啲😂謝謝

恢復夜市堂食，咁梗係要出去刷餐勁啦😏一入場冇耐，侍應即刻上咗個熱辣辣嘅麵包籃，除咗有麵包仲有美式鬆餅啊☺️配埋個醬真係好好味（紅莓牛油？）點左一個 Buffalo Wings, 雞翼好味,芝士醬都好味，但西芹份量有啲少，始終雞翼都係重口味，如果有多啲西芹中和返就會好完美。我哋兩個女仔去，好彩只係點左一份晚市套餐。如果唔係真係食唔晒，變大晒鬼。因為真係好大碟，碟沙律嚟嘅事先醒起，呢度咩都係大大兜😂。主菜叫咗燒莎朗牛扒，真係好耐好耐冇出街食過燒牛扒啦。正👍🏼仲要有咁大條燒粟米，再配埋甜番薯條，真係冇得頂。兩個人食啱啱好，好滿足☺️甜品我哋揀咗焦糖雪糕伴brownie。雖然好好味，但係結果我哋都係食唔晒🤪總結：雖然位於海港城都冇景睇，擺盤又唔係話非常精緻，但係味道同份量完全可以彌補到其他不足。滿意❤️

見到某APP做Dan Ryan75折喎，咁耐冇食過就當然要book佢嚟食下啦！預約嘅時間一到，一去到餐廳就即時有位俾我哋！我哋一行三個人，佢就俾咗卡位我哋坐！但佢啲卡位其實都好窄，唔郁都OK嘅，但要行嚟行去就會比較迫。望返個裝修，真係十年如一日，十幾年前嚟過一次又係咁嘅樣，而家又係咁嘅樣，一啲都無變！首先上個麵包籃，入面有三個包同埋muffin，佢個合桃muffin真係好好食！唔太甜但又好甘香！仲有其餘d包配埋佢個特製粉紅色牛油真心好食！我哋嗌左三樣嘢，第一係係唔知乜嘢海鮮冷盤，話就話有龍蝦蟹同哈再加啲菜牛油果蕃茄之類，但上到菜就其實係一堆撈咗好多沙律醬嘅海鮮沙律，入邊真係有龍蝦蝦同蟹嘅，但係全部都係剁碎晒嗰隻，再放喺啲生菜上面，感覺好空虛，空虛都唔係一個問題，但收我$258就係一個問題！我哋當時呆到連相都冇影到！之後叫咗個Ribs，一貫都係好淋，好入味同埋好有BBQ味，冇退步到！好食！連我阿爸冇牙都食咗四條骨！另外個carbonara，勁多芝士同cream，水準之作！買單有埋個七五折，耐唔耐食一次都OK 㗎！

我已經幫襯過呢間好多次 但今次體驗太差 決定以後唔黎喇。。Hostess唔知係咪太忙 極度冇禮貌 仲要有其他枱 但偏係要帶我地去一張未執嘅枱 然後我地企响度等佢地執野同抺野。坐低左再有人拎餐牌同水俾我地 冇bread basket。 呢個係我走時先發覺。 我起身先見隔離枱有包食 我先醒起自己冇。感覺好差。然後叫左carbonara， 牛扒同芝加哥拼盤。真係真係差左好多。個carbonara以前唔係咁 牛扒都唔會咁tough 切都切唔開 個拼盤成二百蚊 但份量勁少。。。最後 食左一個鐘 已經放低牙籤筒 其後半個鐘不停催我地走 （明示加暗示）。明明仲有好多吉枱 當時仲係八點 未到十點要關門。點解要咁呢？

開始恢復晚市，即興出尖沙咀搵食，餐廳雖然位於天星碼頭海旁，但係冇海景😅落單後侍應好快上麵包藍，內有2個小麵包及1個合桃提子鬆餅，嘩嘩嘩，所有包都係熱㗎 🤭特別係個鬆餅超好味 🤤🤤夠熱又軟熟😋，好似新鮮出爐 🥰😍🤩美式餐廳竟然有咁好食嘅包😻燒雞肉嫩滑有肉汁，炸蕃薯條夠脆又充滿蕃薯甜味……所以食晒 🤣🤣墨西哥脆片配牛油果醬及洋蔥蕃茄辣汁，最啱邊食邊飲邊傾計 😜個意大利海鮮燴飯都幾好味，海鮮湯加入芝士燴，有蝦，青口，蜆及魚。總結：餐牌選擇肉多菜少，賣相普通但味道幾好。

位於海港城既美式餐廳入到去覺得好有懷舊feel牆上掛左好多壁畫🗺環境闊落都幾舒服同男朋友叫左2個set lunch😚麵包籃🥖餐包微暖鬆軟，配綿滑香甜既Berries Butter，簡單好味。Muffin驟眼睇以為係朱古力味，食落先知係肉桂☺有驚喜！要讚一讚係好夠熱，做到外脆內軟，甜度亦都岩岩好。啖啖核桃，口感豐富，暫時係我最喜愛既Muffin💘(食完呢個已經有啲飽)蕃茄湯酸甜開胃，係濃縮版本既蕃湯！燻咸牛肉三文治配薯條燻肉肉質柔軟，切成薄片配以醬汁、白色酸菜、芝士，味道唔會太濃，保留牛肉煙熏既味道，集鹹、香、鮮於一身。薯條🍟係粗薯，仲有兩片🍉西瓜解膩。蕃茄海鮮意大利飯Risotto軟硬程度適中，蕃茄醬汁🍅酸酸甜甜，清新開胃。青口、蝦、蜆肉但都算新鮮。

每隔一個月，我都會乖乖來到DanRyan。作為一間美式餐廳，不混合地道口味，就是它簡單吸引之處。餐廳有三間分店位於又一城、太古城，海運大廈，個人覺得太古城店水準最好，款色最多。海運大廈店本可借獨有位置，把碼頭景緻一收眼底。為構建美國風情，封閉所有窗戶，把一眾眼球聚焦到壁畫上面。眼底下幅幅與都市節奏相不容和的油畫皆是遠離煩擾的挪亞方舟。菜色摯愛當屬三文魚，牛扒。經烤焗三文魚充滿肉汁，有陣鐵板香味，肉嫩緊緻。沒有普遍烤制的乾澀，最突出那些口味質感都以清晰純粹般存在，不要日本菜般勞心勞力去心領神會，又不要食盡世界才懂得品味的法國菜那樣，好比街頭小食，但當然要華美一點啦，哈哈。薯蓉質感額外粗糙實在，嚼勁滿足度十足，很是一目了然。牛扒點吃一個5成熟炭烤入口沙朗牛扒，入口黏嫩有嚼勁，陣陣炭香，最驚喜在於芥末和酸醬混成獨特醬汁。最初開胃，緊接醒神，再接連品味牛肉質地，循序漸進。別緻又舒適驚喜，滿分~~Dan Ryan's Chicago Grill尖沙咀 廣東道3-27號 海港城海運大廈3樓 OT315號

好耐冇食dan ryan,見海港城有即刻去食個lunch. 不過門口有d隱蔽，搵左陣先搵到。環境唔錯，坐得舒服. 叫左一個burger同虎蝦長通粉，份量夠大,味道亦唔錯。餐飲叫左凍咖啡同檸茶，亦夠濃味。食野期間侍應哥哥見到我地帶住小朋友，好親切打招呼同比左個汽球佢玩。總括嚟講服務態度好好，食物亦有質素，系一個可以慢慢食hea下ge好餐廳。

海港城呢間餐廳平日行過路過都會望吓，終於今年生日決定試吓。入到去間餐廳已經好有情調，整體嘢食水準都唔錯👍🏻 值得一試《秘製炸蝦》❤️❤️❤️炸蝦上碟嗰陣已經香噴噴，咬落超級香脆《經典海鮮冷盤》❤️❤️❤️❤️呢個值得一讚，所有海鮮入口都好鮮甜，雖然係冷盤但係成餐飯我都係最鍾意佢《黑松露野菌意大利飯》❤️❤️❤️❤️意大利飯不過不失，好香黑松露味，加埋半溶芝士，有拉絲效果

最後衝刺用海港城Coupon，一早Book 定呢間餐廳打算試下。1:15pm入座，侍應提醒用餐時間為90分鐘，不過佢地話如果唔多人等位，係可以繼續坐的。餐廳門口好吸引，好多小朋友見到氣球已經拉住爸爸媽媽走過嚟，係一間適合一家大細嚟既餐廳。店內環境幾好，座位闊落，佈置亦好有氣氛，如果聖誕節嚟食大餐，相信小朋友會好開心。我地兩個大人食，一共叫了５樣野食。首先上枱的係餐前麵包。我見食評多人話好味，不過個人覺得一般，唔算好熱，配既士多啤梨醬亦偏甜。下面的Muffin幾好味，不過都幾飽肚，兩個人share一個已經好足夠，亦唔會有好食到想再食既感覺。第一樣嗌既菜式：煙肉芝士釀薯仔配忌廉。味道唔錯，不過略嫌唔夠熱同偏淡味，作為前菜就無乜開胃作用。第二樣菜式：水牛城雞翼。個人覺得雞翼偏硬同乾身，要咬開都唔用易，同埋都係唔夠熱。跟住係：芝士洋蔥湯。因為我唔算好中意芝士，所以同朋友Share一碗就夠。淺嚐的我覺得味道還好，但朋友飲得較多就覺得偏咸，飲唔晒就放棄了。重點菜式：Ribs 配薯條。Ribs 稍為偏乾身，不過味道幾好，近骨的部位都幾有咬口。薯條就強差人意，太乾而且薄身，食落無滿足感，呢點係失望既，

因為手頭上仲有好多海港城優惠券, 快到期 . 唔好浪費 , 一於盡試每間餐廳 . 今次Dan Ryan 都係  , 消費滿 $1000 ,( 未計加一在內 ) , 最多可以用 "10 張Coupon A - $50面值 " ,而因為疫情原因 ,  我地份2張台 ,  一張坐3人,  一張坐2人,  都係隔離位置, ,我地亦都係咁既原因,  一邊負責order 4 人 set ,  另一張台 order 埋其餘白酒, 意粉, 甜品........ ( 諗住用盡coupon  ) 最後埋單係分2張單, 但餐廳職員知道我地係一齊, 亦都不接 . 所以提一提大家 就算分開坐  ,  分單埋 , 都係只可以用10張coupon .