Dan Ryan's Chicago Grill (又一城)

營業中

休息中

平時食開尖沙咀Dan Ryan今次朋友生日試下又一城嗰間🍽🍾早一日喺OP訂定位 當日就已經有店員覆返我booking✅一行6大人2bb 本身安排左長枱比我地坐💛不過都系想坐圓枱可以大家Close d！最中意一大班人食飯 咩都可以嗌又可以一齊Share 芝加哥拼盤😋焗薯皮炸洋蔥圈水牛雞翼👍🏻👍🏻👍🏻nacho 系我必點😍😍😍我真系好中意Sour Cream超營沙律 🥗🥗🥗🥑🥑🥑藜麥牛油果啤梨配野莓沙律醬😆🧀🧀🧀三重芝士焗洋蔥湯 🍲炭烤紐約牛扒 🌽🥩美國厚切豬扒 🐷蘋果批 🍎🥧🍫 Chocolate Brownie 😗😗😗

難食，服務差，不會再幫襯。難食：薯條難食，豬肋條好咸，送上一個carrot cake 都唔好食。服務差：被安排坐最旮旯位，侍應叫唔到入嚟，上菜上得好慢，餓死都未有面包奉上。N年前喺金鐘（最好的Dan Ryan）同這間比較起來，真係不可一不可再。其實幫襯咗咁多年，都覺得這個品牌唔差，價錢都不算貴，所以好多個紀念日都喺度發生。但經過這次「寶貴」的用餐經驗，真心覺得唔會有咁大落差。若果這個品牌想喺香港繼續經濟，就真的要留意返我地提供的回饋資料，好好改善。

一家大細嘅西餐選擇，但食物真係麻麻佢啲餐前包都幾好食，尤其個muffin，order多左一個食，微暖，鬆化。薯片都keep到水準，香脆，加左芝士同煙肉，大人細路都岩食。但主菜真係失左水準。。。個pork rib 勁咸，雖然整到好淋身，但個汁真係食完要飲好多水。之前食個陣無咁咸另外叫咗個牛扒，叫medium，但煮到medium well。真係唔係咁值。但個粟米伴菜唔錯，好香，應該加左唔小牛油。埋單都要成千蚊，但呢間西餐老字號黎講，都係差左小小

多年黎多次幫襯又一城Dan Ryan's，每次都開心滿足！裝修好有格調，有美式風情，服務都係細心殷勤充滿笑容，仲有私家乾淨洗手間餐前麵包焗到暖笠笠，有butter roll、燕麥包同朱古力合桃鬆餅。燕麥包脆皮的，鬆餅仲有淡淡肉桂味，唔會太乾，口感一流其實即係免費已有甜品食 (順帶一提：餐前麵包唔夠喉可以再添）係我飲過最好飲嘅Virgin pina colada之一，椰香同菠羅味比例完美，嘢飲本身係frozen，慢慢融化，所以幾個鐘都keep到溫度。烤羊架超級好食！！！係碟上每一款食物都超。好。味！！！三塊羊架有厚有薄，最厚身果塊放入口咬左好幾下之後都仲有肉汁繼續標出黎！Super juicy呀咬口正，啖啖肉，香噴噴炭燒香味混和羊肉獨特嘅羶味，肥美位置更加濃郁，點埋自家製薄荷黑醋汁，正呀！薯蓉creamy，配搭烤到極香嘅蘑菇，好食到停唔到口烤南瓜一啲都冇乾嘅感覺，大大件淋埋黑醋汁，前所未有嘅味覺體驗Brussels sprouts烤到香噴噴，菜味濃郁，果然全部食材都真材實料！香草雞塊意粉相對就比較遜色，火箭菜太多，個口會覺得太辣，芝士亦被火箭菜阻住落唔到去意粉，做唔到融化拉絲效果；香草醬

為朋友慶生，相約到九龍塘又一城的Dan Ryan’s ，星期六晚上入座率高，未到七時已滿座建議預早預約。餐廳會附送迷你餐包及一個合桃鬆餅作為餐前小吃，附送的是橙味牛油，十分特別。📍芝士雞塊配香草醬意粉 $198風乾火腿伴着芝士雞塊及香草味意粉，香濃美味。📍炭烤美國肉眼牛扒（10安士）$398牛扒肉嫰，原條上的粟米相當吸睛，而最美味的是炸甜薯條，香甜又脆口，不禁吃完一條又一條。餐廳店員指生日前後一星期內都可以獲贈一客紅蘿蔔蛋糕 🍰 這是名副其實的蘿蔔糕喔！店員會為客人點燃爉燭及說祝福語Happy Birthday ，蛋糕內有核桃仁，非常美味。👅 味道：4.5/5💰CP值：4.5/5🕴🏻服務：4/5🔰餐廳環境：4/5🍽 餐廳：Dan Ryan’s Chicago Grill🌐地址：九龍塘又一城LG2 層28號鋪

今日同老公行過，比個pancake 吸引住，一心諗住入去試一試. 入去話2位， 一位好似菲律賓籍reception問有沒有訂位,我老公話無， 之後菲律賓籍既reception 態度好差講， “No reservation, we only have bar and the lounge area, with same service” Honestly, is it should be the same service with reservation or not? I didn’t expect it will be different.

這天是四大美人的生日飯聚，又回到了20年前我們相識的地方 - 又一城，一個曾經返學前，放學後日日去的地方。原本是打算到八月花飲茶的，不過人實在太多，我們人齊了還有廿多張枱才有位，壽頭路過見到Dan Ryan 即時有位，就提議大家轉場了。美式風格的Dan Ryan 環境頗舒服，就是冷氣不太夠，有點悶。我們5大1小安排了近洗手間出口的一張圓枱。剛入座，待應就送上一個氫氣球給小孩，更是小孩最喜愛的綠色。此舉令小孩既開心又乖乖的坐定定多一會。入座時，還奉上一籃麵包，內有沾了麥皮的圓餐包、圓餐包和鬆餅幾款。鬆餅還暖的，內有乾果，一咬開雖然有點散，但不乾，味道不錯。麥皮圓餐包也是暖的，麥味濃郁，搽上忌廉芝士，味道很夾。先上枱的有小食拼盤，內有雞翼，一款有點辣醬，一款原味 ; 焗薯皮和一籃炸洋蔥圈，拼盤的食物都不是很熱，雞翼很入味但乾，但有點炸過頭的感覺 ; 炸洋蔥圈有味道亦脆，不過部份炸粉有點燶味，感覺又是炸過頭了。卡邦尼意粉的汁很濃，意粉煮得剛好，還配了一片蒜茸包，但配料只有一點點的煙肉碎，有點單調海鮮Risotto有蝦、魚肉、蜆和青口和不少的蓄茄，材料比意粉豐富多了。意大利飯也煮得軟硬適中，如

今日去左又一城，同朋友去shopping，突然好想食西餐，DanRyan’s 裝修好型，牆上掛著魚擺設，仲有小火車圍著燈行，好得意。試左佢premium set～可配沙律或餐湯+美國肉眼牛扒 8oz +甜品或雪糕。跟Set的頭盤沙律係地中海沙律，用左黑醋+橄欖油，有青瓜、生菜、紫椰菜、蕃茄、芝士，全部都好新鮮，爽口，醋味較重，的確好開胃。估不到頭盤都大大碟👍🏻美國肉眼牛扒 8安士，燒得好靚，有網紋在表面，唔乾，有牛味，整條甜粟米，再加薯條，薯條有蒜味，好特別！甜品好正～係brownie ! 上面有咖啡雪糕，咖啡中和了brownie 的甜味，令整個甜品不會太膩，真係好夾！推介甜品！忍不住一個人食晒！😋

於太古城分店吃過一次午餐相當不錯，今晚決定試試晚餐。知道食物份量不少，決定點一個頭盤及一個主菜分著吃。店家也送上了剛焗好的面包，共有3款，其中以鬆餅最出色。流心香脆墨西哥餅: 說是頭盤其實份量亦如主菜一般，共有6件。選了原味，墨西哥餅內有芝士及三色椒，很好吃。墨西哥餅亦配上酸忌廉, 牛油果醬及蕃茄沙沙。個人認為酸忌廉加牛油果醬這個肥仔組合放上墨西哥餅上是絕配。蕃茄沙沙帶點香甜又有少許辣味，其實也是相當不錯。炭烤紐約牛扒: 主菜點了牛扒，配菜選了蒜蓉芝士薯條。不喜歡肉太熟，選了Medium Rare，切開果真是漂亮的紅色。扒要rest得夠，才能保持肉汁，切開當下並無大量血水流出，可見汁已保存扒內。吃下肉質juicy，肉味亦香，做得不錯。蒜蓉芝士薯條很香口，喜歡上面的芝士片。另特別欣賞其原條粟米，一吃就知是超甜粟，燒過的香味更帶出粟味甜味，很好吃。唯一可惜今天位置較滿，未能安排較入的位置，坐在近門口的高桌，有點空調不足，有點熱。其他都相當滿意。

呢日下午喺九龍塘有啲嘢做要做，所以順便喺又一城食個飯～呢個商場嘅物價都偏貴，除咗food court外，閒閒哋一個lunch都要起碼$100up💸💸。雖然唔平，但有啲餐廳都要等成10張枱😩，咁啱見到Dan Ryan嘅餐牌都幾啱食又有位，所以就試吓啦。裝修都係走美式🇺🇸路線，燈光較暗，有好多大掛畫。入到去先發現原來咁大間，有好多位。我哋2人，都安排咗張4人方枱比哋👍🏻。Lunch Menu有十幾款揀，有pasta/pizza/burger/salad等等選擇，另包餐湯同飲品，價錢由$98-$158不等，再加一。餐湯我點咗洋蔥湯，有嚿芝士麵包已經扔埋喺入面，味道就一般啦無乜驚喜。反而餐前嘅麵包就有啲驚喜，因為居然有muffin🧁，另外仲有兩款包仔，最出色嘅竟然係個貌似牛油嘅醬，感覺係柚子味的忌廉👍🏻👍🏻。我同個朋友點咗2款lunch share食，第一樣叫咗傳統燒烤半雞配薯條(Dan’s Slow BBQ’d Half Chicken)($128)，落單時以為係燒春雞，點知原來唔係，仲好大隻添，隻雞🐔一啲都唔鞋，又好厚肉🍗。薯條就正正常常啦，點隔離個燒烤醬都好食。成份餐個份量超大。第二樣叫

如果考慮緊食唔食嘅朋友，我真心唔建議去食，我同朋友3個人食左1100蚊左右雖然唔算話太貴，但服務同食物質素真係只有差可以形容。老實講，我從未去過一間餐廳係咁難食🤦🏻‍♀️我係同兩個朋友去食嘅，一開始門口帶我地入去嘅員工係唔錯嘅，不過入到去坐底我地等左15分鐘都無人理，無水無餐牌叫人都無人理😑到有餐牌想叫野食都係一種挑戰，一種名為叫餐嘅挑戰🤷🏻‍♀️到我以為我地變左透明人嘅時候有個員工企左係我後面，我知道我終於可以完成呢一個挑戰最後叫到餐啦🥳我地叫左兩個湯、一個小食併盤、兩個主菜(飯+意粉)同一人一杯奶昔。最後嘅最後，我地係食唔曬😂唔係因為食物份量太多，而係好難食咁食唔曬🥴唯一最好食嘅係薯皮👍🏻

近期買咗一個食野app的會藉，當中Dan ryan係有買一送一的優惠，為咗同最friend嘅舊同事分享，所以特意約咗佢哋一齊出嚟食飯。呢個會藉包括的餐廳，未必間間好食，所以今係抱住試下嘅心態嚟食之前都有去過金鐘同尖沙咀食lunch，今次係第一次嚟到九龍塘食，地方比想像中寬敞，坐得好舒服。1) 紐約人汽水牛城雞翼 (7隻):一嚟我哋就忍唔住食左先啦😂， 上碟時係熱辣辣啦，而且皮脆肉嫩，Yummy2) 芝加哥漢堡包:因為唔知叫咩好，所以叫咗呢個廚師推介的菜式，真的不過不失，而且好大份，最鍾意係佢充滿多種芝士。3) 芝士雞塊配香草醬意粉:真係有好濃烈嘅香草醬味，雞塊算多最後，呢度嘅service好好，成日幫你添水。

好耐無同舊朋友聚會，我地黎到咗呢間Dan Ryan's Chicago Grill緊係要慢慢坐低傾下計探個豐富的晚餐。餐廳環境好舒適，裝修精緻，座位也比較寬敞，非常適合聚餐的好地方。豬排骨及烤雞拼盤艾咗個拼盤：有半份豬排骨、半份烤雞。肋骨很軟，不用費力可把骨肉分離，雞肉口感豐滿，味道唔錯點奉上醬汁絕配！超營沙律呢個沙律十分吸引，牛油果及啤梨再配上紅莓醬是出奇地夾，沙律菜亦很新鮮，食落感覺OKParma Ham PizzaPizza賣相唔錯，焗得好金黃，口感外脆內軟，美式pizza黎講做得幾出色。味道：这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

有日即興同朋友出去食飯 食飯前兩個鐘打電話黎都仲book到6點半枱 真好！第一次黎呢間餐廳 第一印象係都幾嘈 d枱排得好密 如果想同朋友傾計 要大聲傾我地四個人用餐 叫左四樣野都食唔晒因為好大份 落單後 待應會serve一籃麵包d麵包上既時候仲係熱拿拿既 好好味！我地叫左個拼盤 有洋蔥圈 水牛成雞翼同芝士焗薯仔 全部味道都好好 值得一試個千層麵lasagna個人就覺得一般般Fish and chips個鮮魚偏咸 但薯條就好好食另外仲有洋蔥湯 都係一般整體黎講 價錢唔太平食物質素尚可接受但可以做得更好

大大話話都幫襯左十幾年，幾間店都好高質，餐前提供的鬆餅好食到會比錢打包幾個回家。今次再去，人多聲大環境迫係無所謂，侍應忙到無表情無反應都可以理解。但餐包籃一上就出事，兩個鬆餅熱的，但有強烈的澀味同攻鼻的蘇打粉味，估計係落左勁多蘇打粉但唔知點就出哂事，食唔落之餘仲一陣嘔心感。叫個侍應埋嚟講佢知，居然，居然，佢聽完無反應無回應拎走就算。。。。你做個樣講句”我同廚房講番”都好呀。以前餐包熱又鬆軟，牛油香滑，而家啲包乾又無味，成個籃都好難食。主菜亦普遍失色，以前dan ryan薯條粗切外脆內軟，而家用快餐點的波浪薯條無所謂。。。但佢炸到硬過頭，比快餐店更差。長通粉煮到好淋。。。甜品件brownie細左一半，但我地都無食哂，又係好難食，勁甜，無brownie質感，一pat糖咁。侍應最快手就係收碟，但唔會問你一句仲要唔要。極力地為呢個曾經陪住我讀書拍拖成長的餐廳搵番一點值得留戀的優點。。。好可惜，真係無。地點無變，但內裡已經變哂質。再見。