Dan Ryan's Chicago Grill (又一城)

營業中

休息中

朋友聚會當然要找個好地方，又一城位置都唔錯，我地就找到這間餐廳，之前係尖沙咀係唔錯，但係這邊就欠缺位置空間感，而且有限時 1.5 小時。幸好，最後都沒有趕我地走，可能還有位。上面張相片就見到隔離枱有幾近，我想坐闊落啲都好難。至於食物方面，整體都係普通，唯一較好係海鮮湯煮青口，海鮮汁好creamy, 青口又大隻，不過其他就普普通通。闊條麵還可以薯皮不過不失。Ribeye Steak 就真係麻麻，有好多根，肉質普通。最後，我地仲叫左個Tiramisu, 味道唔錯，係標準Tiramisu 做法。

本來想試festival walk 的一間thai菜，但滿座了。見依間有得訂枱，又好耐無食過，就食呢間啦！訂枱的時候，坐緊地鐵，地鐵背景太噪，無留意接線生係外國人，我就照講cantonese, 但接線生又聽得明喎 之後轉返英文channel，訂枱成功。當晚訂7點，早左十分鐘到，未見人龍，但原來餐廳入面已經好多人了！坐底無耐，侍應就送上成晚我覺得最好味的.....餐包，個莓醬好fresh⬇️⬇️⬇️之後order 左個鷹咀豆的前菜，配塊好似薄餅的野，感覺健康。黑松露野菌意大利飯，都okay⬇️⬇️⬇️意大利繪飯，👎🏻 ⬇️⬇️加錢要左個side dish的焗薯。明明係baked,但好似無焗過咁。搵水煮熟左，𠝹開然後上面加左忌廉咁....👎🏻👎🏻最後每人300幾，唯有當自己食services和環境啦，services 坦白講係幾好嘅，食物除左包包拼盤，都令人好失望其他食物都唔特登comment了🤷🏼‍♀️，不過不失啦⬇️⬇️⬇️另外去左餐廳入面個廁所，有d dirty，或者係我咁啱黑仔上一手用得唔好啦。

It is a good place for family gathering. Not too noisy music background allows us to chat comfortably without annoying people around us 4 of us ordered quite a lot of food and we tried to finished them all Baked Onion Soup (with cheese)Full of onion  Cheese was perfectly matched with the soup Chi-Town Combo (With Blue cheese, BBQ and sour cream source)My brother likes the Baked Potato Skins, my mum likes the hand breaded Onion Rings and I like Buffalo Chicken Wings. So the combo was perfect for

平時都唔會嬲嬲豬到打食評，但今次真係非常失望。記得好耐之前黎食都仲係好好食，份量又大，呢m餐真係好失望。spare ribs 一叫就有，預先整好兼凍晒，剩係得d 骨，d 肉好少同埋好乾。其他野食等左好耐，原來好多都走左單，到之後比反個salad 我地，我地明明叫左一份，但又比左半份我地，又要再等過。最過份係叫左飲品，食完野都未黎，叫左2次都無上到，水又係叫左幾次先有加，服務一般。今時唔同往日，下次唔會再黎。

細過覺得Dan Ryan好高級，好貴，生日才會特別去慶祝🎉人大了，食的質素提高了，重遊故地，感覺味道沒有想像中好份量仍是美式的大與重侍應好心急，不斷想落單環境仍舊好舒服，但期待感便沒有了

今日同朋友嚟咗呢間Danryan，一入到餐廳已經覺得成個環境好休閒，好啱同朋友傾吓計吹下水用。佢嘅佈置亦都非常精細，女仔用嚟打卡都唔錯架！係主菜黎之前，會先上一籃麵包，個包最特別嘅地方就係會附上一個果醬味嘅cream，甜甜地，又唔會太濟，為上主菜之前做好一個好好嘅開場。最值得推介嘅就係個muffin，又香又軟，令人欲罷不能。我就嗌咗一個Dan's classic cheeseburger，芝士味好重，啱晒我呢種芝士控，而且塊肉好結實，每一啖咬落去都好有份量。另外我哋都嗌左Super green salad，呢個沙律係全素嘅，食落非常之清新，加埋牛油果嘅配搭，成件事就非常creamy。仲有紅莓汁， 令成個沙律加咗唔少分啊，識落酸酸甜甜，非常之開胃呀！飲品方面，我叫咗Naturally flavoured Iced Tea，佢嘅桃味同埋茶味特別突出，又唔會太甜，食咗咁多嘢之後用嚟中和翻就係一個唔錯嘅選擇。

所有食物都知所謂，以前(金鐘、海運) Dsn Ryan's 是漢堡包、西餐的必選，今天… 到了九龍塘的分店，以為可以找到當年(大概15 -20年)的味道、感覺… 結果，大大失望！白汁意粉: 麵硬未透、沒有汁、煙肉乾硬凍Nachos : Salsa 冇味、唔夠芝士、整體冇味海鮮意大利飯: 冷的、海鮮未味，白灼後擺上飯面，兩者並無任何關係Pizza: 餅身乾硬… 沙律: Ok食物叫價高，但質量差到無法接受，永遠都唔會再返去、亦永遠唔推薦別人去…

okay. American restaurant with soggy fries, poorly made burger and tacos. The bun tasted flat and the filling are just warm. also, the meat & fat proportion tasted weird. you disgraced the quality food of american by making it looks bad.shut it down if you are not interested in doing food business. just don't waste your time and stop cheating on consumer.

前幾日有一晚好想食牛扒 諗左好耐都唔知去邊食好 後來男朋友就帶左我黎Dan Ryan 😍咁岩係食飯時間 我地又無book位 都要等左陣先有位 第一次黎呢間食飯 入到去感覺幾好 都唔會好嘈 ☺️我地叫左半份水牛雞翼 入口感覺有啲奇怪 不過食食下又好野味😋 半份BBQ豬肋骨配薯條 焗得岩岩好 軟腍腍😋 同埋我最想食既肉眼扒 都係配薯條 叫左medium rare 肉質嫩滑 好可惜原來佢地既扒係無醬汁既 感覺好似有點美中不足 不過都仲係好好味😋😋

約咗朋友傾計，係open rice睇到呢間可以12點關門就揀咗呢間，我早到，點知去到有個侍應攔住我，面無表情問我有無約位，我見有好多空位，我話未有，跟住問我係咪飲野，我話係，距就指我去一張檯，唔咪帶，係指住叫我自己過去，跟住點餐好似催命咁企係隔離，未睇完就想收餐牌。仲攪笑既係個碟度仲有食物，個杯仲有嘢飲，已經想收走我哋啲嘢🙄11點半就趕我哋走了👋🏿👋🏿無下次！！咁既服務 不可恭維

今日元旦早上11時喺又一城商場髮型屋剪頭髮，順便約一個好耐冇見嘅朋友喺呢度敘舊，點了：1. Tropical salad : 主要材料是什菜、紫色的洋蔥、青瓜和木瓜，醬汁係冇顏色的油醋汁加埋木瓜蓉醬，味道清新鮮甜及醒胃。（$160）2. 1/2 Wings (美國水牛城雞翼）：總共有六隻雞中翼和雞鎚，味道很好，但係可以其實做得再好啲，另外，可惜伴食的藍芝士醬太少、青瓜條和西芹條稔得滯，應該要是爽口的及冰凍的。（$128）3. Baked Ziti (焗辣肉腸蕃茄肉醬長通粉），超好味！$1484. Mango Smoothie : 朋友話好好飲（$75）漏左冇影相5. 餐前麵包籃 （送的）完全沒有食過，因為要留肚，紅色的混合左果肉的牛油好正，所以叫咗服務員連埋牛油打包返屋企。會員有八折優惠，連埋+1，埋單$449.7。服務員給我一個卡位可以坐到四人的，讓我們兩人用餐，實在好舒適，服務也很好！所以我才入會，會籍直至2019年5月。

由於Dan Ryan 沒有用餐限時規定，要想不用趕頭趕命的與朋友見面，是一個好選擇。我們約中午12時入到餐廳，只有寥寥可數的幾枱客，餐廳聖誕氣氛濃厚，佈置很classic，我們在一張卡位坐下，先送上一籃暖哄哄的麵包🥯我們點了個意大利飯和牛肉漢堡包。老實說真的沒什麼特別，也說不上好吃，我們也沒有胃口和動機再點多一些，就這樣慢慢吃、慢慢聊，可取之處是侍應也讓我們這樣，並沒有催促我們埋單或是再叫點什麼，看到我們的水喝完了也很樂意替我們添加。如果食物水準能改善一下就好了💞

今年同朋友聖誕大餐，簡左喺呢間食！因為之前食個大大份又好食，但係今次有啲失望沙律唔記得叫咩名，酸酸地幾開胃！餐包！鬆軟好食雞翼，醬汁似BBQ味，都不錯小食拼盤，薯角、雞鎚、洋蔥圈，一般般冇咩特別，來左呢幾款之後等左成大半個鐘先再上主菜⋯等到飽晒⋯雜菌意大利飯，口感cream，味道濃郁，好食肉丸意粉，麻麻哋～肉丸味道唔新鮮，配普通茄汁味意粉⋯我最愛嘅豬肋骨！啲肉比較乾唔夠肉汁⋯BBQ醬汁掩蓋左啲肉味⋯斧頭豬扒，勁失望⋯啲肉勁乾，一啲汁都冇⋯又硬又鞋，好難食！煲湯舊豬肉仲好食過佢！*有BB櫈，當日仲有氣球送俾小朋友

同家人慶祝生日黎到九龍塘又一城食好DD﹗一早就揀定歷史悠久Dan Ryan（係因為爸爸鎷鎷都幾鐘意﹗）而我認為其中一個原因當然係裝潢風格別具格調又華麗，有唔少充滿美國風情的裝飾，，對大佢地黎講都係一個慶祝生日同紀念日既好地方~先講下菜式，1.雖然呢到價錢偏高，但每道菜都真係份量十足。好似野菌芝士黑松露意大利飯，香口之餘，黑松露味道入口亦極之濃郁，，仲見到一片片既松露，就知道佢有幾足料﹗2.綠色女神沙律：一個沙律有晒所有最愛，鮮蝦同牛油果雖然一個沙律過百蚊認真唔平，但一見到大大碟，蝦大隻，牛油果又多，就覺得真係物有所值。而最特別係佢既沙律汁唔係平常會食到，係為呢幾款配炓而設，令到成個唔同既野溝埋都好配，味道開胃醒神﹗3.就係鋸牛扒，食得美國菜又點少得鋸扒既環節，肉質鬆軟多汁，叫7成熟都唔會太熟，食落剛剛好，不過就唔算好熱，可能煎扒要俾佢冷卻所以唔夠熱，且凍得比較快。4.最後就叫左個TIRAMISU，食甜品都係一樣好睇個人喜好，個人就覺得tiranisu偏甜，有少少漏，不過就好大舊，絕對夠4個人食。因為creamy啲，所以平時就鍾意酒味重，或者咖啡廳味濃，吊下味，食落冇咁滯，但今次呢個就同

昨晚和兩位好友一同慶祝我的生日，我們點了三款菜..... Green沙律沙律材料豐富：有藍莓，水牛芝士，梨，牛油果，亞麻籽同不同生菜。口感好豐富食材新鮮但係美中不足就係個沙律汁調得太酸。食咗少少我就冇再食啦.....開頭唔知，旁邊伴有個沙律汁，加左落去令到成個沙律更加酸第二道菜：BBQ豬仔骨半烤雞， 這道菜整體水平麻麻哋....豬仔骨唔夠新鮮， 一切下去便立即骨肉分離.....證明雪藏左好耐肉質鞋口！最唔掂係隻雞鞋到不得了食完唔知食左啲咩⋯⋯冇雞味！！第三道菜： 龍蝦沙律還好但係份量較少！最後就係我的生日蛋糕，他們為我點選了海鹽焦糖朱古力蛋糕上面個咖啡雪糕真係一流，整個配合prefect matched !!!! 超級好食又吾貴先$78