Crema

營業中

休息中

今日去半島中心做野，做完野有d肚餓😂 對面百佳樓下有間唔起眼既咖啡店。上次試過熱黑咖啡好唔錯唔苦😋，今日得閒決定再試下其他野。疫情下見依度人少少都安心啲。店員都好貼心由得我坐邊度都得又好有禮貌👍🏻。我當然搵左個區得我一個啦😬😬。我叫個下午茶餐火腿芝士牛角包加8蚊飲到鮮奶咖啡。火腿芝士牛角包好鬆脆好好食，所以我極快速度食晒🤭，太肚餓既關係叫多左芝士蛋糕都好好好味，好重芝士味又好滑少少檸檬味😋應該係我食過最好食既芝士蛋糕之一🥰🥰 一問之下原來係佢地自家制，出面食唔到既味道。鮮奶咖啡好香濃，咖啡味好出一點都唔苦好易入口，奶又好香好滑👍🏻唔捨得破壞兔仔圖案😂慢慢飲☺️☺️竟然唔打唔撞食到好西👍🏻👍🏻下次去尖東一定會再黎。

Comment on the food: It looks and tastes like a plate of home-made spaghetti. Just look at the picture, it's like when you're hungry and the fridge has nothing so you open a can of meat sauce, pour it on some spaghetti, micro-wave  a few frozen meatballs and call it a day. It's $53 by the way (hot beverage included). Quantity: averageAttractiveness: Below averagePrice: average in this area ($53). Services:Table service: order in your seat, pay in cashier.   Employee attitude:  can't complain Lig

最近搵CAFE介紹 搵到一間都開左好耐歷史既小店 但係完全唔起眼係地庫既位置 簡單輕食多士麵包 或意粉類為主今日就試下佢輕食加咖啡!煙三文魚貝高包 奶泡咖啡一杯 係下午茶餐牌黎既麵包係煙韌口感,貝高包一向同一般麵包唔同,係食彈性同煙韌口感夾上生菜與煙三文魚 咸香魚肉加生菜 清新又美味 中間只係放了少許沙律醬已經好夠味咖啡都有拉花圖案 飲落個泡打得夠細密 咖啡濃香之餘有淡淡果仁味評分8/10消費$50尖沙咀加連威老道96號希爾頓大廈低層LG17

位於希爾頓大廈低層的Crema Coffee，我光顧過兩次，裏面的裝修很有格調，枱凳充滿歐陸風格。第一次跟同事食午餐，我點了一份黑椒雞肉炒意粉，同事點了卡邦尼意粉。咖啡店上餐很快，炒意粉很Local。同事說他們的卡邦尼意粉不太入味，煙肉分量偏少。第二次我到Crema Coffee光顧，那天是早上，我點了他們的精選早餐。上盤時，炒蛋還在冒煙，不過焗豆不夠熱。牛角包很好食，只是不明白爲何要壓扁它。咖啡豆是店裏新鮮烘培的，來自印度。這天早上喝凍的鮮奶咖啡，飲品偏甜，咖啡味偏淡。凍鮮奶咖啡 $8黑椒雞肉炒意粉 $53精選早餐 $40

lunch set : 價錢上cafe 來說算相宜，但係當佢茶記又正常價食物質素：失望至極不過$52 一個lunch, 比d 甘質素我．點解呢間店可以生存甘多年...😨😨見到都呆左， 3片鴨胸，係真唔係😂我肚餓來食飯，見到真係會嬲...(呢間店我一直排在心中waiting list...好多年前同朋友來過食tea 感覺不錯，環境又舒適多年後，環境一樣但是食物質素下降而且咖啡普通...可能因為跟餐冇加錢升級我要blacklist )

午餐想飲杯咖啡，就黎咖啡店坐低，見佢lunch set都只係50蚊左右，咖啡都只係加好少錢。白汁菠菜煙肉意粉轉天使麵，份量剛剛好，天使麵幾滑，料唔算多但以性價比黎講算好抵食。野飲叫左latte，估唔到有個咁得意嘅拉花。呢個貓貓拉花，喺其他地方都未見過。Latte味道偏向nutty，而且夠香濃，係我鍾意嘅味道。埋單$60左右，喺尖東求其食個意粉同飲杯咖啡黎講，真係抵到爛。其他地方杯咖啡都差唔多呢個價，仲未計個意粉都起碼成舊水。美中不足嘅係佢無開晚市，如果唔係dinner都可以過黎坐下。

諗住平日返工忙碌，lunch 時間一定要揾間餐廳靜靜地坐下。依度係幾好既選擇。因為好想食啲意粉，所以叫左個白汁豬肉腸火腿天使麵黎食。等左冇耐，個天使麵就送到上來。可能所有食物都係預先整好，所以，真係快到有啲突然其實，我有啲o咀個天使麵。因為真係有點求其。白汁有點淡，豬肉腸應該是白燙，火腿就係已認知果種。成碟天使麵都好淡口，我用好多辣椒仔先至可以食左半碟。53蚊一個餐就唔係貴，但係，感覺顯得有點求其。最欣賞都係個伯爵茶，好香好濃既茶味，可惜冇影到相。

喺尖東見完客肚仔餓腳仔軟，想搵地方坐吓，行到半島中心對面嘅希爾頓大廈外，見到呢間喺 LG 嘅 Crema，悠閒下午茶選擇都好多，選擇困難症嘅朋友可能要打電話問朋友了。由於今日未飲咖啡，大大加快咗選餐速度 (大概係 5.1 秒! ⚡️) 叫咗個悠閒下午茶 12 - 雞肉蘑菇批，跟即磨咖啡 - 咖啡好滑，夠香，微苦，唔酸- 雞肉蘑菇批好夠熱，足料，比以往喺連鎖咖啡店食過嘅明顯少油- 店員頻頻清潔枱櫈及拖地，食得更放心，抵讚！ 埋單都係 $32，抵食環境亦好！

尖沙咀有間隱世咖啡店 @cremacoffeehk 係尖東既地庫，一行落樓梯就見到，原來係尖東好多年了，價錢親民抵食，平過其他cafe🙊烘脆吞拿魚沙律意大利包蘋果沙律意大利包係有少少odd😂anyway 個包味道同硬度都唔錯的，餡料吞拿魚份量少，多d會好好多，沙律醬過多🙈另外沙律醬會好好多...抹茶鮮奶只需要+$10同埋可以免費轉豆奶！嘩，其他cafe轉豆奶或者燕麥奶要加4蚊，呢間個lunch包埋咖啡之餘仲有得免費轉奶😍😍😍😍😍超級抵啊！

尖沙咀東地庫有間細細哋隱世咖啡店，親民小店屹立多年，氣氛放鬆同可以留好耐🥰進店後，店員第一時間打招呼，店裡用餐定喺拎走☺️店員做嘢好熟手夠乾淨利落🥪烘脆吞拿魚沙律意大利包配蘋果沙律 $47同想像中嘅唔同😹包餡喺青瓜同吞拿魚，外皮烘過脆脆哋，然而餡料吞拿魚份量有點少🥗同埋個沙律醬太多了...🍵抹茶鮮奶 +$10我以為小店無得揀奶....向店員查詢之下，發現原來有得揀燕麥奶同豆奶‼️最後揀豆奶🥰都有杯靚靚拉花，抹茶味道淡淡的，飲到最後仲有啲抹茶粒喺度，豆奶味幾突出😆

放假無聊在家重温了2009年第一輯的《品味咖啡》，最後一集介紹了一間有自己烘焙咖啡豆機的咖啡店，店主更曾跟意大利拉花大師Luigi Lupi學過拉花，決定約好朋友試一下。11年後的咖啡店的店址已跟節目介紹時不同，烘焙機亦放在店的一旁，被紙皮包圍著，店內放著歐式木製桌椅。不喜歡奶味，但又想欣賞拉花的技巧，點了一杯Hazelnut Mocha ，拉花圖案是一隻帶有玩味的豬，很特別。味道更令人驚喜，濃濃的榛子香味，朱古力的甜味跟咖啡的香醇非常平衡，喝下去有種很和諧的感覺。朋友的Mocha拉花做得更是精緻，可愛的兔子線條分明，很吸引，朋友表示味道也很不錯。食物方面，雞肉磨菇批的批皮香脆，饀料味道亦很好。蘋果批的甜度適中，但如果批面能脆一點會更佳。

Weekend 瞓到自然醒岀尖東拍拖食第一餐，已經14:00點random 行咗去加連威老道，見希爾頓大廈地下低層有間貌似日式西餐嘅Cafe感覺好似去咗旅行咁🧳決定試吓先！午餐平均 $50 ，有即磨咖啡☕️，茶可加$8轉鮮奶飲品/ 湯粟米🌽雞肉忌廉天使麵Creamy 入味，麵質滑身，份量好多健康抵食之選會再食，推介俾大家另外，叫咗個黑椒火煺芝士三文治🥪好似有去咗外國嘅風格味道淡啲，如果可以多啲芝士會正啲黑椒令個包有啲spicy 搶過咗火煺下次試下另一款Sandwich 兩杯咖啡☕️都高水準👏🏼香滑，我就加咗$8 鮮奶咖啡，有得轉skim milk🥛 可惜嘅係拉花，只係心心圖案，下次想佢拉兔仔🐰環境舒適，坐sofa位有唔少外國人，同日本食客CP值高，下次會再嚟食

有日無意之中，走到於尖沙咀東，人來人往的閙市中，有一間不是十分起眼的小店，卻原來是間在繁華鬧市中一間令人可以暫時忘憂的地方。步入這店，便有著親切的感覺。這店只有老闆及老闆娘兩人親自主理處理，老闆負責廚房，他只顧底頭忙著準備食物，而老闆娘負責接待客人，她叫客人已坐下，慢慢選擇，她很溫柔的態度，令人也放慢下來，不急不忙，倍感輕鬆。這間人情味濃厚而又雅致的 Cafe，新鮮的食材，巧手的廚藝，再加有愛💕老闆娘，溫柔細心的招呼。無得輸

上星期五放工路過尖東，見有啲肚餓所以想自己一個搵間簡單嘅嘢食，食少少唔好太過份當減肥。行行下見到呢個地牢入面有一間coffee shop，裝修靚涼地所以去試下。講真係尖東食嘢一百蚊走唔甩啦，呢間都唔使一百蚊就已經有個pasta，仲可以叫埋咖啡飲。於是我就頹頹哋叫咗個carbonara食，食完快快趣走，老闆好快就煮完個carbonara，好creamy號milky，我轉咗食天使麵，加少少黑椒落去真係好match.

今日去尖東，經過百佳，忽發現遺忘已久的Crema，記得他的咖啡豆是自家烘焙，老闆天天新鮮炒豆，尚有時間，入去食個早餐，歎番杯啡。店內不太擠擁，員工都很有禮貌，踏入店內隨即送上餐 牌，早餐選擇有一般的英式早餐外，還有輕食的早餐，如鬆餅和多士。我選了比高套餐，咸牛肉炒蛋比高份量都幾大，比高烘得很脆，跟餐可配橙汁，另外，再點了小店 的貓貓latte，非常滿足，咖啡依舊香濃幼滑，又有可愛的拉花圖案，令平淡的一天變得有更有朝氣，下次行經尖東，必會再來 😜