Crema

營業中

休息中

相約朋友尖東食午餐，朋友介紹要到Crema，皆因這𥚃容易搵位，又可以坐下，不用被人趕，午餐餐牌價錢由$44至$52，有沙律、意粉和扁三文治選擇，我選了辣味雞肉炒意粉配鮮奶咖啡，朋友選了碎蛋意大利包配蘋果沙律和榛子鮮奶咖啡。雞肉意粉辣味適中，炒得很乾身，味道一流！朋友的意大利包有很多碎蛋，包身微脆，仲有個side salad，份量啱曬女士們，如果唔想食太飽，呢個係very good 的選擇！當店員為我們送上咖啡時，心𥚃暗暗歡喜，因咖啡面上有靚靚的貓貓和小兔拉花，咖啡味道香濃幼滑，這𥚃果然是一個與朋友相聚的好地方！

呢間大大話由讀poly既時候黎到宜家開始做野都飲左7年。每次經過尖東都會返黎試佢既咖啡同chocolate brownie.暫時我都未食過其他地方既chocolate brownie係好過crema既，佢既咖啡extra hot亦做到好香同飲好耐都熱既效果一入到黎就覺得好舒服，好有讀書時既回憶佢座位好闊落，唔會覺得迫木系裝潢加上咖啡味令人好relax黎到一定叫佢既black coffee &chocolate brownie不過今日試下佢既cappuccino拉花好得意，咖啡味道亦好香濃加埋佢地熱熱地既brownie,連雪糕佢既brownie 外脆內軟，唔會過份甜加埋個雪糕一齊食真係好正需然佢唔係好大件，但其實食完都有d飽朋友唔夠再叫左件簡單多士麵包好香，toast到邊邊位置有d脆食完傾完計就走lu呢個永遠都係我黎尖東最想黎既coffee shop

話說我最近都去尖東上堂。由於上堂前都有啲時間，所以都想搵個位坐得舒舒服服，食個晚餐。同時食飯嘅時間比較早，食唔落太多，所以一杯咖啡提神，加一個輕食就可以喇。最後就會自自然然諗起呢間cafe。記得第一次嚟食呢間cafe完全係為咗佢個拉花咖啡。嗰時女朋友見到都覺得好可愛好得意。就算今次只係自己嚟食，職員同樣都幫我拉花。Latte其實見到隻兔仔咁得意，都已經值回票價，咖啡嚟講都算香濃幼滑。唔使加糖都唔會苦。Cappuccino另一次嚟就飲咗佢嘅 cappuccino。同樣都係有隻可愛嘅豬仔圖案。咖啡水準依舊。飲完醒曬神。卡邦尼意粉。我對卡邦尼意粉有一種偏愛，不過呢度整得都算幾好食，面嘅sauce夠厚身。直落都好creamy。仲有啲火腿調劑下個面嘅味道。野菌汁雞肉意大利粉。有啲人可能覺得卡邦尼意粉冇乜料，所以都推介你食呢個雞肉意粉。呢個意粉菇味濃郁。加上有啲雞肉，雖不算嫩滑，但係加上醬汁之後都幾好食。由於呢間鋪嘅定位都係咖啡店，相信食早餐午餐下午茶嘅人都會比較多。去到夜晚嘅時候人的確係少啲，所以如果你想夜晚靜靜地噉樣食一餐，唔想同人逼嘅話，呢度都係一個唔錯嘅選擇嘅。

今日叫咗兩個一模一樣嘅B2早餐，點知黎到之後，一個係正常外觀而另一個呢好似扭曲左咁樣，好耐都冇黎呢度食，感覺上個份量呢細咗好多，個咖啡味道比較淡，本來呢度有咖啡都幾出色㗎，今次真係有啲失望！

好食與否請看圖片自行決定，食物質數比我自煮更差，一定冇下次。卡幫呢意粉好似湯意粉，夏威夷薄餅只係番茄醬加餅乾。從來未試過食一間餐廳食得咁勞氣，可以嘅話絕對會去消費者委員會告佢不符合商品說明條例！

以前會專登去飲咖啡, 反而第一次喺度食 lunch! 細細間舖, 都幾多位, 但又唔會覺坐得好逼! 燈光紛暗, 傾計好地方! 😁🐔辣味雞肉意粉 $50 包飲品賣相平平無奇, 味道出奇哋 ok! 意粉軟硬剛剛好, 切碎蕃茄切除晒裡面 d 籽, 味道有少少辣, 好開胃! 不過雞肉醃過無更好, 幾條雞柳無味道! 🍖烘脆燒牛肉意大利包配沙律 $45 包飲品好細份嘅脆包! 包係好脆身, 內裡軟綿綿, 2薄片燒牛肉, 2片蕃茄, 芝士, 配上芥末醬, 味道係唔錯嘅, 中規中矩! 不過呢個份量連女仔食都未必夠食! ☕餐飲可選即磨咖啡, 一如以往好味! 加奶走糖, 幼滑, 香濃, 唔苦澀! 大推!

今日係尖東果頭行行下落雨，就是但入左間cafe避雨兼食埋lunch。入到去間cafe是是正正，見lunch set menu 都有幾款。我揀左黑椒粟米牛肉炒意大利粉。碟意粉份量還可以，不過牛肉就麻麻地，牛肉都切到幾薄下，有啲炒完仲生生地，味道一般般。跟餐仲送一杯熱飲。上菜都幾快，所以好快就食完。

放假想搵間cafe坐下，以前做野成日經過呢度，同事話佢地d Latte好飲，所以就黎試下。剛好下午茶時間，有d tea set 有muffins，有三文治餐，又有意粉餐，價錢都係由26-49蚊，加錢就有特別的coffee，我地揀左意粉餐同埋要左兩杯Medium size Irish cream Latte!意粉唔記得影相，以下午茶黎講都幾大碟，味道OK，偏酸，意粉就剛好，唔會太硬或者太淋！咖啡就要讚下喇！聽聞呢度老闆專登係歐洲學拉花，見到佢拉左傻附仔同豬仔真係好靚！我不嬲好鍾意Irish cream，所以我覺得好飲，不過偏甜左d，少左咖啡的味道!飲完好滿足！

週日在尖沙咀找午餐食, Cream Coffee 去了數次, 近期比較少到, 因食物份量比過往都少了點點, 今次再光顧, 看看有沒有改變!?其實只可以說租金高企, 維持經營也很艱難之故! 烘脆吞拿魚沙律意大利包配蘋果沙律 $45.-先說味道, 沙律清新, 不會過酸, 少甜; 麵包少少脆身, 吞拿魚+沙律醬絆混, 味道正常, 沒有特出的感覺. 再來份量, 蘋果粒, 粟米粒, 青瓜粒, 生菜數少片, 蕃茄一片, 如同餐前前菜, 從前會有數片青瓜, 蕃茄絆碟的; 麵包比前細少了, 連餡料也減少了很多.用$8加了個湯, 食包配湯很好味啊! 忘記了在甚麼時候由碟子變為小杯庄, 慶幸味道還可以.橙汁如同果汁先生, 份量與咖啡相約.蘑菇雞肉天使麵 $50.-白汁其實彼好味道, 有很香的蘑菇味, 可能是加了蘑菇粉, 但汁量不足, 食到大半已經較乾, 蘑菇薄片廖廖可數, 一個人食不會有剩. 咖啡香濃, 不需轉飲貴咖啡.

叫左個火腿芝士牛角包配迷你沙律 + Latte (tea set) 。一睇到杯Latte咁得意，已經覺得超值，呢個價錢o係其他cafe只係飲到杯咖啡既時候，o係呢間平民化cafe 已經可以食到個tea, 而且環境舒適，絕對係同朋友傾計既好地方！不過餐廳既位置有些少難揾！🤨🤨講番野食，由於我唔識品味咖啡，所以我唔識分析杯latte好唔好味，我覺得冇咩特別！個牛角包好趣好鬆軟，同芝士火腿完美配合！我本身唔食蕃茄既，但o係好肚餓既情況下，我食左…….…都幾甜，冇我討厭果種蕃茄腥味，overall個沙律都合格！🤔🤔

晚餐叫一個意粉或pizza，加$12有嘢飲，都唔算貴。我叫咗泰式雞肉炒意大利粉味道有小小辣，刺激一下味蕾。有泰國風味，有香草味道，加咗啲蕃茄，成件事即刻小清新咗！佢叫左黑椒粟米雞肉炒意粉粟米比圖少，黑椒味唔突出，有啲與事實不符我覺得我嗰個好食啲嘢飲我叫咗熱朱古力 佢叫凍榛子朱古力凍飲唔使加兩蚊喎杯榛子朱古力不過不失，有榛子味，但唔算勁好飲。熱朱古力反而有驚喜，雖然份量少啲，但個朱古力味超濃，一入口完全湧出嚟。上面隻豬仲係bonus小驚喜埋單盛惠兩位$138

兩個月前誤打誤撞嚟過一次食晏，老婆幾鍾意呢度，環境輕輕鬆鬆，假日嘅客人唔多，加上上次細閱餐牌時，已見到佢啲早餐豐富得嚟幾實惠，所以，今個主日再過開嚟尖沙咀，就特意再晌度食個早餐。環境唔多講，因為上次食評都描述過，雖然喺星期日大朝早，估唔到都有好幾枱客，而且，睇落似喺遊客多過本地人。早餐分3大類：歐陸早餐、三文治套餐及精選早餐，由$26-$36，包餐飲，亦可加錢轉特色咖啡。我哋兩公婆都揀精選早餐類，因為，睇起嚟豐富啲。B1精選早餐 $36小弟揀咗「B1」，食物包括炒蛋、雞尖腸、火腿、茄汁豆、牛角包，但跟餐牌嘅相比較，感覺有啲落差，尤其茄汁豆真喺好隨意撻兩羹俾你。咁味道得唔得先？整體嚟講，只喺中規中矩，炒蛋唔滑，咁公平啲講，佢餐牌無寫明喺炒滑蛋，唔可以挑剔佢；雞尖腸就幾好食，唔喺平價貨嘅雞肉腸，食落我就覺得似喺豬肉腸；火腿煎得較油淋淋，但最唔得喺啲茄汁豆，無搵個小兜盛載都無乜所謂，但連叮吓都唔做，入口喺凍嘅就唔OK囉；至於牛角包，如果稍微烘一烘熱，效果會好啲，而依入口唔算脆，牛油香欠奉。B3精選早餐 $36老婆就想試試「B3」嘅蘑菇芝士奄列配茄汁豆及穀麥多士，因為有蘑菇，又喺無肉之選。同樣

A cozy cafe in east tst. It has very barging tea set which comes with cappuccino or latte when you pay extra $8. The coffee tasted a bit bitter and aftertaste was weak. The salmon bagel was yum😌 This tea set just costed $56 so I have no complaint😂

今日終於試到啦！由於係附近番工，所以遲遲都未去試，次次都本住「下次先啦」既心態。今日同同事去「潮聖」，日本好出名的「crema」，價值$39的牛奶雪糕🍦。零食物語代理「Crema」有幾隻味揀，我揀左原味。預料之中，超濃的牛奶味哦，甜甜的，非常滑溜。之後食多幾啖更覺奶味濃郁，果真真材實料，難怪值$39，食到最後有點膩同蘇tim，鍾意牛奶味的朋友岩晒呀！個脆筒有點似蛋卷，蛋味較重，比一般雪糕筒脆和簿。

又星工作星期六，又謝謝好妤姐妹帶薯兩個小可愛陪我來吃午餐，休息一會兒後讓我繼續有動力工作!今天來到這間cafe，來過不下十次的我，可算是我的老地方。叫了兩份午市套餐，和一份小點。其中一個小寶貝想吃雞蛋，便點來一個沙律。一碟有青瓜，蕃茄，沙律蛋和多士。全碟最好吃都是沙律蛋，沙律份量多，基本上美味不會出錯。麵包加上少許牛油，但烘得不夠脆身，最重要是小可愛覺得好吃便可。卡邦尼意粉是另一小寶貝想吃的。一碟份量亦算多，還加入一些火腰肉和菇粒。醬汁挺為稠結，不夠滑，是屬於忌廉味較重的，芝士味欠奉，蛋黃香更不值一提。意粉口感尚可，整體味道尚可，小寶貝滿意就可。來這裡一向都是點蛋糕，今次點別的，點來了提子鬆餅($13)。下次真的不要隨意叫新的食物，鬆餅超腍身，有點像光酥餅的口感，較乾身，完全沒有牛油香，幸而有提子粒作點綴，沒有嘗試或再吃的理由! 最後各人點了一杯飲品。Mocha 有可愛的拉花，很適合傻豬好友，原來苦澀的咖啡加上朱古力，是苦中有甜。反而這裡的飲品不錯。