Crazy Monkey Cafe (已結業)

呢間cafe類似私房菜嘅形式，枱與枱之間有一段距離。我哋去到餐廳門口，要先㩒門鐘，店員開門後，叫我哋換拖鞋。入座後店員會先詢問我哋本身係咪食素、唔食得D咩 (例如蛋、奶、五辛)。跟住佢會根據你嘅素別，介紹返餐牌上可以食嘅菜式。店員話含有五辛嘅主食有3款，其中日式咖喱雜菜飯因為本身朝早準備醬汁時已加入洋蔥，所以走唔到，而蕃茄扁意粉就可以走洋蔥。店員着重同顧客嘅交流。佢係上菜時會講解菜式嘅獨特之處同食法，走嘅時候亦會問我哋對菜式嘅意見。佢仲話知道香港素食選擇唔多，所以餐牌上嘅菜式久唔久會轉，希望比素食人士更多選擇。因為人手問題，食物製作需時。如果趕時間嘅話，可以提前1日落單，預留時間比店員準備食物。燒汁日本豆腐串 (三串) $48豆腐串用上日本凍豆腐黎煎，外皮香脆，入面好滑。啱入口時有食紅燒豆腐嘅感覺，慢慢滲出日本醬油嘅甜味。日本燒飯糰(兩個)配沙律菜(日本蛋使用) $93燒飯糰嘅飯粒粒分明，因為外皮脆口，有食薯餅嘅感覺。店員話沙律菜係每日朝早先去買，所以幾新鮮、爽脆，撈埋千島醬黎食味道啱啱好。三骰丼 (牛油果、蕃茄、雞脾菇) $108叫做三骰丼係因為三種食材(牛油果、蕃茄同雞脾菇)都切到

無意發現小店，入到門口需要換上拖鞋，地方唔算大，整體簡潔舒服。枱只有幾張及兩位店主，食物是即叫即做，所以一定要book位，適合2-4人。沙律食材新鮮，推介汁燒豆腐串。價錢中等，食物份量不多，適合女士；男士可能會唔夠飽。

朋友介紹，入面既位置都係隨住booking而改變，所以上黎之前，記得要先book位。同埋佢係慢煮，同埋啲嘢食好新鮮，所以要預好充足嘅時間先黎食～入到去就聞到好香嘅黑松露同埋咖啡味，成間餐廳牆身都係projector投射既山水，好大自然幾個人，叫左三道菜share，野食需時，傾住計等。人手唔夠，半個鐘之後終於上咗碟菜，雖然上菜上得好慢但係啲嘢食真係好好食，牛油果花都整到好有心機，睇得出刀工，芥末蛋醬好特別，啲材料都好新鮮然後仲叫咗個Pizza，4小件，個底就烘得好脆，因為素食餐廳，無肉，有啲蕃茄同埋芝士。最後叫咗佢個特色食物：三骰飯。佢有牛油果蕃茄同埋燒汁雞髀菇，全部都切到一粒粒細細粒，侍應仲好細心咁樣講解可以點樣食，成餐飯都好舒服。仲有買豉油同埋Wasabi，好日式嘅感覺。之後仲叫咗個燒飯團，燒到脆脆地好得意。有好多味素所以都好香。

book mark 左呢間cafe 一陣子，前幾日終於有機會同老公試試。。一入去店員有禮貌咁叫我地換換拖鞋。。有一刻嚇左一嚇～好彩隻襪見得人🤫🤣店入面環境好舒服、簡潔，可能換左拖鞋既關係，覺得有"家既感覺"🤣上菜方面，唔expect係快餐，所以時間acceptable~ size 就比預期中細左dd, 不過夠飽。 尤其欣賞店員每道菜都會細心講解其特點、材料甚至係食法，有種去左私房菜既感覺。🥰走既時候店員同我地傾左一陣，仲送我地出門。。加分👏🏻👏🏻以開左4個月左右既cafe 黎講做得好好💪🏻💪🏻加油啊！💪🏻💪🏻🤔🤔唯一不足就係價錢唔算平。。（我地食左兩個main,兩杯飲品，兩個蛋糕，承惠$400)所以唔可以密密食。。不過以一間盡可能堅持用原材料做食物既cafe 黎講都唔錯的❤️有機會會再黎！😊👍🏻特別推介： 朱古力二重奏蛋糕！ 我同老公跟足店員講解：含住啖蛋糕一陣先食。。啖蛋糕（連餅底）真係溶左！好amazing😱😱期待佢既朱古力辣椒蛋糕

認識Just_inBakery，一切從一頁紙嘅烹廚理念開始⋯簡單，零添加，突顯食材本質原味⋯就靜靜地坐落於Crazy Monkey Cafe內。還境舒適，空間感十足，帶住點禪味。Basque Burnt芝士蛋糕+Piccolo latte咖啡，少少奶更能突出咖啡豆香，係我每次不二之選。其他食材亦迎合蛋奶素人對食得健康嘅要求，mocktail很有創意。就係欣賞兩位年青人對自己嘅理念，堅持落實嘅認真態度😊

The small cafe offers a very good environment with music & spacious seating. I found it very relaxing once walked in. The vegetarian choices is so good, friends & I enjoyed the Japanese fried noodles and fresh baked pizza. Good range of coffee & cakes

去開觀塘都知道好多工商廈做餐廳cafe，朋友介紹左呢間，都係商業大廈上面，門面睇唔知有餐廳，但大廈門口都光猛，唔算隱閉，上到去間餐廳感覺好寧靜好舒服😌好特別喎⋯⋯叫嘢食先，我地點左個黑松露磨菇意粉、pizza、沙律，飲品有Latte同玄米茶。個pizza同意粉熱辣辣好足料好好味😋個沙律有啲薯仔粒丶紅腰豆好好味，菜好新鮮。我覺得無論環境、食物同服務都誠意十足，閒時同下朋友飲吓嘢傾吓偈好悠閑好舒服。可以再去👍

入到嚟噴洗手又噴到我成件衫都係 仲冇乜歉意連tissue 都要我自己拎Menu又話得返意粉，仲要黑松露蘑菇意粉又話冇蘑菇 最重要係落單同煮野食都全程冇戴口罩 依家咩時勢呀？

有啲人喜歡穩定，有啲人喜歡方便，我有時條筋戚起都想去啲新餐廳，有人話可能會伏，我話不如俾一個機會，有時會有驚喜，唔好食最多唔去。素食餐廳，西式為主，選擇係有。我地去個陣係好初期，叫餐時有啲餐無左，新餐廳未必有預足夠材料。一個人煮哂咁多同整埋飲品，都唔簡單。入黎要除鞋，想試下就預左先。我地選擇坐係呢邊，望住廚房，後面三邊都係projectors，播放住山水流動，配合埋流水聲，想靜心下嘅都係幾好。黑松露蘑菇意粉，88元，沙律正常，意粉還好，但呢個價錢會預份量多啲。素式全日早餐，98元，價錢唔平，材料比較素，我個人對西式素有保留，好易好假但又唔好食。材料唔算好好，蛋整得幾好，麵包還好，味道一般。咖啡一般，食環境還可以，價錢有啲貴。朋友話投影機嘅流水令人暈。