Crazy Car Café (已結業)

一年一度放大假，因為要清假但又無地方去，近近地去D2食個lunch ,閒日食lunch 比較少人，見到好大個牌有得玩卡車，新發現，即刻帶左媽咪去賽車一番，原來除左卡車仲有餐廳，好方便，可以一邊食一邊睇住媽咪揸車，難怪去到勁多親子團門口係一間cafe 入面有個小型賽車場一邊食一邊睇住媽咪玩卡車，好有趣午餐點左個炸雞飯，幾好味，炸雞好脆，肉質幾彈牙，皮吾算厚，一d都吾油，都乾爽飯好爽口有嚼勁，用高級靚米，我好少食飯都一個人清晒每人一杯食品，有萍果汁同橙汁，好大杯，食吾晒媽咪玩得開心，野食又好味，大人小朋友都可以試

自從暑假去過一次Crazy Car Cafe後，小朋友就一直念念不忘，係咁扭叫我帶佢再去玩過！今日見都得閒，咁就破例喺平日帶佢出去玩一次喇！Crazy Car Cafe分左三個時段，每個時段入場要收場費，大人，小童，兒童各不同，再加每人都有最低消費，而且要每人點餐一份。不過入場後，你就有2.5小時可以任玩賽車！真係興奮到不得了，一入去就衝左去排隊玩賽車。只要你玩完一場，就可以再排隊玩下一場，每次只可以登記一場！而最令我驚喜嘅係有大車呀！暑假黎玩時只有細車同類似BB玩嘅電動車，今次竟然有大架啲嘅車，好適合大人玩呀！我同朋友都即刻排隊玩大車！刺激過細車好多，而且個位又大啲，坐都坐得舒服好多！另外，玩之前小朋友一定要著好成套保護裝，有頭盔，手腳護膝，非常安全！再配合埋職員喺玩之前嘅詳細講解後就可以開車玩！啲小朋友好開心咁衝左出去喇！有幾次揸得太快，撞到側邊啲呔，職員都非常細心，即刻揸架車過去幫佢！甚至有一次原來阿仔架車壞左，停左喺賽道，職員都即刻過去拖走佢同架車，另外再安排一架俾佢玩！真係要讚下佢地嘅細心之處！講到食物方面，我一早叫定野食等玩完可以即刻食！瘋狂炸雞翼好香好脆，不過略嫌炸漿太厚

睇戲打機飄移好多人都試過，但自己揸車飄移就好少機會試到（大家切勿危險駕駛呀～）呢度可以安全咁過下飄移癮！個場都幾唔算話好細，有好多彎位比你飄～$59 可以玩 6 分鐘， 等玩期間o係隔離餐廳食住野，飲住野等～煙三文魚沙律好窩心，醬分開上咖哩豬扒飯咖哩係日本味道的咖哩，辣辣地，甜甜地，味道夠濃好送飯。豬扒揸得夠脆，豬扒夠鬆化。煙肉卡邦尼意粉超香呀！！！一放上枱已經聞到好香煙肉味同牛油味，邪惡度極高～～～食落口仲香，煙肉味香濃! 意粉彈牙！因為呢度主打揸車，估唔到食物質素都有返咁上下！有驚喜～

最近上網睇到話呢度有飄移賽車場即刻係大節前同友人一齊黎呢度玩過夠本現場人唔算多, 不過大部份都係小朋友一坐底就叫個餐醫下肚先我叫左既係蘑菇汁雞扒飯蘑菇汁雞扒飯講厚切原本都以為係形容詞黎架姐估唔到真係勁厚切!! 睇到炸到金黃色既皮同入面鮮嫩既肉個比例就知道佢到底有幾厚!!雖然係厚切, 但係入面既肉都係好嫩滑, 都幾飽肚呢個飯仲可以加$35就轉套餐, 除左多左餐湯之外就係多左1杯$32既飲品食完就真係超飽肚了然後就係重點環節!! 玩飄移車!!佢有兩種比我地揀, 我地就緊係要最大馬力架喇有速度先爽架嘛好彩我地一早就已經黎揀左時間, 如果唔係我見個時間表都已經排到去45分鐘之後既TIMESLOT!!個場又夠大同埋D彎位都好鬼正!!! 玩到唔捨得走又有得食又有得玩既餐廳真係老少咸宜!!

Crazy Car Cafe想去玩很久，可是一直和朋友也夾不了時間，約了很久，終於等到今晚了。藍色是2.5小時的任玩收費，黃色是每人的最底消費。這是給小朋友玩的專區，我都玩吓。準備喇！！頭搖又尾擺飄移境界咖哩厚切豬排飯，大大塊豬排，估不到炸的火候控制不差，皮脆肉嫩，配上濃香咖哩，食飽飽，一陣賽車又加磅了。西班牙蘑菇汁雞扒飯，出奇大塊的雞扒，而且絕對高級過白鬍子爺爺的質素。荔枝梳打、青檸薄荷梳打味道清新。

黎都呢度都唔係為左食野咁簡單(小朋友)呢度最多就係小朋友點解? 因為又有野食又有野玩!!先講左食野個PART呢度既餐飲選擇唔算多, 但都可以揀到一款自己喜歡既口味既我就揀左係西班牙蘑菇汁雞扒飯勁大塊既雞扒係上面而佢既雞扒係有少少既脆皮邊食落夠哂香口同埋口感真係一流飯既SIZE唔算大, 諗住SHARE既真係唔洗諗但係味道的確係唔錯既!! 我個人都幾推薦呢個餐到玩個PART大家記得一入到去好BOOK定時段喇因為佢係有分2隻唔同CC既車可以玩而且每款都有特定既時段, 都係好快會FULL!!所以一定要一早BOOK定時間咁就唔洗等咁耐就已經可以玩得

上網見到好多呢一種漂移車仔，所以就約咗D朋友去呢間近公司嘅賽車Cafe。一上到去見到佢有個area係俾小朋友玩嘅，有啲星戰入面BB-8造型嘅車仔俾小朋友玩。另一邊就係佔個場地三份二嘅賽車場，可以見到一排排嘅漂移車仔排晒喺度，佢有分兩種size一個係X L，一種就係小朋友size。我哋諗住食飽左先玩，由於朋友唔係好肚餓，所以我哋淨係食少少。食物方面我哋叫咗個卡邦尼意粉同埋一份炸餃子，卡邦尼意粉份量適中，個醬汁食到非常惹味，夠香濃，上面有啲煙肉，份量亦都幾多，每一啖意粉都可以咬到肉。個炸餃子亦都非常香脆，配有沙律醬，點埋一齊非常合適。之後就到賽車時間，佢架車同普通車差唔多又係油門煞掣同軚盤，但係多咗一個漂移嘅手制，一拉架車就會開始漂，不過要玩多幾次先可以夠膽漂移。

薯條熱辣辣好脆可配搭芝麻醬或茄汁意粉正常雞翅膀剛炸起可以做到外脆內嫩可是不是很入味喇Waffle是女生喜歡的食物還配著冰淇淋(還是我最愛的草莓口味)和水果水果配搭著吃很清新

一早買咗團購去片車，比預定時間早半小時到，上一節嘅客人都未走，店員叫我哋在外面等，又解釋點玩會可以玩多幾次，店內的確比較亂，所以我哋出去門外排隊等，夠鐘入場，交咗團購紙攞咗手帶，跟店員指示，即刻去櫃臺訂片車時間，再去指定嘅枱落單叫食物，午餐雖然多，團購（$168）只有3款食品，包一杯港式飲品，大家先後落單叫晒，可惜呢部分幾亂，雖然會出單據，上咗菜又會劃，可能大家走來走去，可能後叫嘅人又食咗前面嘅（不過都係自家人嘅）前後對單對咗3次，先攪清楚仲爭嘅食品，食物處理上比較混亂！幸好店員有耐性有禮，唔會自亂陣腳！最後都解決！另外秩序上，作哋會規管唔守規矩嘅小朋友，唔會比作哋亂來（太多好高興嘅小朋友，大人又唔多理淨係影相）而且對有禮貌嘅客人會盡力幫手！大家開心為上！服務有原則，店員有禮斯文！小朋友玩完可以再登記，不停在時段內訂位片車，肥髀一節可以片3次，我片咗兩次！一班識嘅人一齊落場好好玩！雜菌意粉：份量唔大，賣相幾好，意粉有咬口彈牙，忌廉汁掛汁唔錯，好香，雜菇片彈牙，簡單好味熱檸茶：茶竟然比預期中好，茶好濃又唔澀，唔落糖都易入口，好味卡邦尼意粉：肥髀食朋友食：咖哩豬扒飯：凍檸水：凍奶茶：熱奶茶

Crazy Car Cafe 開了好一陣子 一直都想帶囡囡黎 一黎無時間，二黎阿囡仲未夠高~XD 今日囡囡到荔枝角參加朗誦比賽 就當係努力後既獎勵，黎呢度飛番轉啦~ 呢度有2個價錢，一個係玩車既入場費 (2.5HR 任玩) 一個就係食物的最低消費~ (每人最少點一個餐) 簡單D，即係加埋2個價就係食加任玩啦~ 餐廳劃分左2邊，一邊就係進食區 一邊就係賽車區 150CM 以上可玩細車同大車 110- 150就只可玩小車 最放心係同一時間只會有大車 或小車落場，唔會大小車溝埋一齊玩，以策安全 而110cm 而下的小小朋友，就可以黎呢個星戰 BB-8的戰車區任玩啦~~ 餐廳方面提供的食物以西式為主 大約十來款主食，意粉，飯和幾款小食等等~ 呢度既餐具, 調味都採用開放式，方便大家去拎 更特別提供兒童餐具添~ 叫左個經典的卡幫拿意大利麵 本黎呢度以玩為主的餐廳，都係以食飽為主，無咩期望 不過呢個意粉超出預期 意粉煮得剛剛好，唔太硬亦唔會淋PAT PAT 白汁味道都調得好好，咸淡適中 而且濃度都剛好，可掛在意粉上而唔係水汪汪~ 瘋狂炸雞翼 雞翼剛炸起，熱辣辣又香噴噴~ 仲可以做

我地琴日4大一小（聖誕節正日）下午茶時段（2:00-5:30）去，門口寫左每人最低消費要$120，成人玩車每位另加$80我地覺得其實有低消無所謂，好多cafe都會係咁，但係110cm小朋友都係$120會唔會太多？咁細小朋友點食到咁多野...都算了，你寫得出我入得去消費，都會跟返你規定，入到去坐低先講$120只計食物，飲品唔計...即係你叫廿杯都唔計落最低消費度...下午茶餐最平都$100up一份，唔包任何飲品，飲品要另外買...我地4個大人每人叫一個飯$148@俾$148加一嘅價錢，換黎嘅食物比大家樂仲差...飯係凍嘅，一舊硬實實...配一兜醬汁碟咁上下大嘅咖哩醬..同一塊炸到勁乾嘅豬扒...另外叫左一個甜品窩夫、雞亦小食，每人一杯飲品....呢啲都係普通茶記質素...服務..唔講得上有...佢講明車可以任玩，但係到塊排嘅時候，佢只會編每個鐘一次俾你，換言之下午茶時段你最多只玩到兩次... 4大一小埋單$1230幾蚊食個下午茶同玩兩次車....成件事完全係貴到無下次...

場內其實你問我 ,就主要係玩車多!!就唔係食為主, 但係我地都順便會試埋D野食咁解!豬排飯, 豬排有小小過硬, 因為可能炸得太厚了, 飯倒是幾香同埋整得幾靚,飯有配埋沙律其實係好既, 因為咁樣可以食下菜會健康D 唔洗只食肉類,汁係另上,所以可以自由選落幾多, 呢幾方面都係做得唔錯.特飲我叫左SODA為主既, 味道水果味加SODA水混埋啦, 甜為主,份量正常, 杯比較特別, 食完野我地去就玩車!咁車個到我地係玩15MINS 既劵, 場內唔算話好大, 但架車都係幾好玩, 有得漂移,但對於新手既我黎講 唔係太識用, 要多練先識, 轉灣係好chok, 成個人想飛出去咁,所以細細力轉就算! 入面有分大人車同小朋友車, 基本上場內都絕對安全唔需要太擔心.會有位哥哥睇住, in case有咩事佢會出手.

聞說荔枝角D2工廈有室內小型賽車場的餐廳， 今晚朋友提議到那裏用膳， 都即管陪佢癲下。 餐廳距離地鐵站僅數分鐘路程， 挺方便的， 至少約friend冇藉口話偏遠了。入到場內面積很大，一边是餐廳另一邊是小型賽車場。 還設有一區是寶寶專用賽車區。 真係大人細路小 寶寶也照顧周到。消費滿200蚊便有一張兒童場賽車券， 可玩約4分鐘。 要到counter book時間。 留意兒童高度要有110 cm才可玩。 細車場次只可以供細車比賽， 當然大人都可坐上細車落場。 速度比想像中快， 小朋友都要戴上頭盔，護膝，護踭。 比較輕的小朋友要注意安全， 唔好太太快同要hold住個軚盤， 急停或撞車呔的時候衝力大會跣落地。 大人場次就勁high， 個個都玩飄移， 架車用電驅動，但都行得非常快和暢順， 頗刺激。 四分鐘車程其實過得很快。講番食物， 都是一般的Set Dinner 和小食。經典卡邦尼意大利粉$148， 加35元会連一款32蚊飲品和餐湯。卡邦尼意粉軟硬適中， 個汁好creamy好香剛剛包裹著所有意粉。 餐湯應該由白汁忌廉鮮奶蘑菇打成， 很香濃幼滑。三文魚沙律 $118份量很足，沙律菜很爽，沙律汁酸

完咗sem梗係周圍去， 行下街感受下聖誕氣氛， 今日同幾個朋友嚟到荔枝角d2 place， 專程到訪呢間出咗名有得賽車嘅cafe！入到去空間幾闊落，已經見到唔少小朋友同家長一齊來到食嘢玩賽車！午飯時間來到未賽車先要填飽個肚！ 叫咗個咖哩豬扒飯。豬扒雖然薄，但質地算係幾鬆軟， 吉列豬扒咖哩汁始終係幾惹味嘅配搭， 不過無論飯咖哩汁定豬扒都好，溫度再熱啲就好喇...薯條都算幾脆， 上檯時溫度微暖， 不過要點芝麻醬或者番茄醬嘅話就要主動去廚房counter度詢問， 店員會畀隻小碟裝著醬汁。 重頭戲就係飄移甩尾車！場地唔算大， 但彎曲嘅賽度讓你享受掟彎飄移嘅樂趣~ 賽車有分兩款大小， 分別俾成人同小朋友， 坐低叫咗嘢食之後就好去登記處到攞籌， 預早登記就可以按時報到賽車啦！成人嘅甩尾車最高時速達每小時20公里， 絕對有速度感！ 唔識飄移唔緊要，到時電視螢幕會播放一段簡介片段， 轉幾個彎就識㗎啦~有得食又有得玩， 而家喺工廈以外都好難搵到咁好嘅地方， 推薦一家大細來玩⭐⭐

好食，新奇又好玩！真係好適合用黎介紹crazy car cafe!首先，大家要留意係D2 place 2,而唔係D2 place。雖然都係隔離，不過行左另一邊就哂時間了。黎呢度食野，主要緊係想玩個飄移車。叫野食再加幾十蚊，total200內，就可以任玩兩個半鐘。雖然話係任玩，不過每節都係六分鐘左右。而且有分大車細車，梅花間竹咁(大人坐大車舒服好多，細車for 小朋友就fit) 個人覺得就夠玩，兜到七八個圈，車速都算快，刺激既！小建議：餐廳係飄移車前加個手機架for拍片(加埋個雲台)就perfect啦！講返食物先，雖然係cafe,食物都唔差。磨菇湯，夠香濃，亦都足料！藍莓梳打，跟餐湯加既！咖哩吉列豬扒飯稍為細份左少少，不過好味既。豬扒炸粉夠薄夠脆，夠熱，係即炸既！炸雞翼，total五隻。亦都係好熱！肉質細嫩唔乾，perfect!