影片
更多
2017-12-27
220 瀏覽
Crazy Car Cafe 開了好一陣子 一直都想帶囡囡黎 一黎無時間，二黎阿囡仲未夠高~XD 今日囡囡到荔枝角參加朗誦比賽 就當係努力後既獎勵，黎呢度飛番轉啦~ 呢度有2個價錢，一個係玩車既入場費 (2.5HR 任玩) 一個就係食物的最低消費~ (每人最少點一個餐) 簡單D，即係加埋2個價就係食加任玩啦~ 餐廳劃分左2邊，一邊就係進食區 一邊就係賽車區 150CM 以上可玩細車同大車 110- 150就只可玩小車 最放心係同一時間只會有大車 或小車落場，唔會大小車溝埋一齊玩，以策安全 而110cm 而下的小小朋友，就可以黎呢個星戰 BB-8的戰車區任玩啦~~ 餐廳方面提供的食物以西式為主 大約十來款主食，意粉，飯和幾款小食等等~ 呢度既餐具, 調味都採用開放式，方便大家去拎 更特別提供兒童餐具添~ 叫左個經典的卡幫拿意大利麵 本黎呢度以玩為主的餐廳，都係以食飽為主，無咩期望 不過呢個意粉超出預期 意粉煮得剛剛好，唔太硬亦唔會淋PAT PAT 白汁味道都調得好好，咸淡適中 而且濃度都剛好，可掛在意粉上而唔係水汪汪~ 瘋狂炸雞翼 雞翼剛炸起，熱辣辣又香噴噴~ 仲可以做
一直都想帶囡囡黎
一黎無時間，二黎阿囡仲未夠高~XD
今日囡囡到荔枝角參加朗誦比賽
就當係努力後既獎勵，黎呢度飛番轉啦~
呢度有2個價錢，一個係玩車既入場費 (2.5HR 任玩)
一個就係食物的最低消費~ (每人最少點一個餐)
簡單D，即係加埋2個價就係食加任玩啦~
餐廳劃分左2邊，一邊就係進食區
一邊就係賽車區
150CM 以上可玩細車同大車
110- 150就只可玩小車
最放心係同一時間只會有大車 或小車落場，唔會大小車溝埋一齊玩，以策安全
而110cm 而下的小小朋友，就可以黎呢個星戰 BB-8的戰車區任玩啦~~
餐廳方面提供的食物以西式為主
大約十來款主食，意粉，飯和幾款小食等等~
呢度既餐具, 調味都採用開放式，方便大家去拎
更特別提供兒童餐具添~
叫左個經典的卡幫拿意大利麵
本黎呢度以玩為主的餐廳，都係以食飽為主，無咩期望
不過呢個意粉超出預期
意粉煮得剛剛好，唔太硬亦唔會淋PAT PAT
白汁味道都調得好好，咸淡適中
而且濃度都剛好，可掛在意粉上而唔係水汪汪~
瘋狂炸雞翼
雞翼剛炸起，熱辣辣又香噴噴~
仲可以做到外脆內嫩~
最重要係味道唔會勁咸，好啱小朋友食~
呢度最好就係可以一邊食，一邊等玩賽車~
先去COUNTER 登記左~就會有一個預約號碼~
時間到，個電視就會顯出輪候的號碼~
同時間都有廣播提大家~
落場前5分鐘去穿好裝備就可以落場啦~
裝備好充足，包括頭盔, 手護罩同腳護罩~
囡囡高114，坐小童車隻腳係剛好踏到BREAK~
第一次玩呢D車，囡囡都有少少驚驚地，
唔敢開得唔太快，不過開得幾個圈後已經熟手了
不過囡囡話個呔盤都幾重手，佢玩到有D手軟~XD
玩了一圈，黎個OREO 沙冰先
OREO 沙冰真係好冰，入面仲有幾粒大冰混埋
略嫌OREO 味同甜味都偏淡，感覺單調左~
如果加番多D朱古力味會好好多~
想黎玩番轉既朋友，記得留意番佢既不同入場時段啦~
題外話/補充資料：
呢度上菜都有D慢，當日唔太多人，都要等半小時
廁所要用D2 plaze 的商場廁所
(以上食評乃用戶個人意見 , 並不代表OpenRice之觀點。)
張貼
