Coti the Bistro (五芳街)

營業中

休息中

食物賣相不錯、有質素，值得一試👍🏻套餐跟湯、飲品，凍飲不用加錢，算抵食～佈置不錯，但沒有特別打卡位～空間環境舒服，適合同朋友傾計食飯～惟獨位置有點難找～有折扣時真係好平～

平時食早餐都较为简单，今日与朋友来到新蒲崗彩虹路，見到這間西餐廳CotiTheBistro，裝修舒適優雅，里面正有人舒適地叹着早茶，所以也引起我的兴趣，入来食個西式早餐。Coti Breakfast$65坐下后，见到这个Coti Breakfast非常丰富，有 炒蛋、沙律、雞扒、煙三文魚、密瓜及酵母麵包$65，感覺抵食，所以与朋友都每人要了一个内非常吸引。最先想试的当然是鸡扒， 外表煎得好靚，啡金的顏色十分誘人，雞扒皮煎得很香，肉質嫩滑，好味！炒蛋很翻炒得很腍滑，炒蛋加上煙三文魚，与酵母麵包一齐食，有鸡蛋的软滑，煙三文魚的咸香，特别般配美味。沙律很新鮮，密瓜爽口又清甜，食完肉類觉得滞，食一些沙律及水果，清爽美味。加配 原個牛油果$32牛油果为健康果类，平时都有買，不過却是有时太熟变坏或是未熟透很硬， 而這個牛油果軟腍度刚好，且整個牛油果份量完整，食到淡淡的牛油味。 厚切煙肉$25 煙肉鹹香有煙燻味，不是很肥，適合現代愛健康人士食，配合酵母麵包食，特別美味。暖泡沫鮮奶$30泡沫奶茶口感輕盈，淡淡的奶味，飲落非常特別。抹茶鮮奶$42抹茶鮮奶滿滿的一杯，鲜奶面上的图案令人眼前一亮， 令人心動

假期同朋友去完workshop後去左一間cafe食lunch同嘆啡☕️ 環境好舒服 一路傾計一路嘆啡 不知不覺就坐好耐☺️ 而且餐點抵食🥰COTI BREAKFAST $65有炒蛋 沙律 雞排 煙三文魚蜜瓜 酵母麵包小妹叫左個BREAKFAST❤️睇到有好多款食物小妹就心心眼😍呢個應該叫炒滑蛋🙆🏻‍♀️因為真係好滑好正Perfect 地加埋香料✨好好食雞排仲脆皮得黎多肉又多汁🍗酵母麵包整得軟軟得黎🍞味道好香口感都好好蜜瓜都好正好豐富🍈又香又甜煙三文魚味道咸咸地得黎好香🐟沙律都好正嫁🥗食得出好新鮮😋整體黎講感覺都抵食👏🏻慢煮青醬雞胸沙律 $62雞胸食得出真係慢煮👨🏻‍🍳咬落去仲有香香肉汁流出✨真係啖啖肉得黎 又唔乾🤤味道仲有香香青醬😍更完美配埋豐富嘅沙律🥗更開胃真係又健康又超好食仲食到飽一飽添❤️玫瑰鮮奶咖啡（凍）$42香香玫瑰味🌹香滑鮮奶🐮甘甘嘅咖啡味☕️層次感豐富得黎✨原來都幾好飲嫁❤️焦糖布甸咖啡 $42焦糖布甸味道好香🍮咖啡味都好香濃☕️配埋一齊飲感覺真係好正😍同甜品一樣咁正☺️慢慢嘆❤️

在新蒲崗找東西吃，看見有一間賣西式的餐廳，決定入嚟試一試。烤蘑菇忌廉汁闊條麵，一個適合素食的面食，味道不錯，用了多種菇菌類，味道其實有啲似忌廉蘑菇湯，但味道濃，煮闊條麵都幾好食。價錢是$78，連餐湯或沙律。另外有一個週末早餐，一入到餐廳見到好多人都叫咗呢一個。呢份餐比較特別嘅係有一個多士，用了蔥加牛油果醬，再加上好少好少的辣椒籽，調一調味，幾特別。雞扒亦煎得非常香脆多汁，整體不錯。叫咗一杯果皮冰糖檸檬冷泡茶，上枱時有一片薄荷葉，味道就似普通冷泡茶，清新，但唔算好特別。

住附近，依間新開咖啡廳，見到有半價，即刻預約試吓。點知真係好好食，好想推介俾大家！佢而家仲有做緊半價，七折或者八折優惠，所以住喺黃大仙區嘅朋友仔就留意吓啦！因為有半價優惠，所以好豪爽地叫咗個最貴嘅牛扒餐，佢嘅薯條係免費任加，仲有啲蜜糖汁喺上面好好食。我就加咗一次薯條食，第二次加嘅薯條亦都唔會比少份量你，仍然好熱好脆。至於個牛我覺得太肥太油，建議餐廳可以揀美國牛多肉d味d個隻。第二個餐就叫咗燉牛肉飯。牛肉燉得好冧，個汁又好好食好香，配埋個飯就真係飽晒啦。再叫埋一杯蜂巢咖啡，一杯mocha . 咖啡可以再整得signature d 整得好d，如果正價飲，我expect 質素會好d。

經過一間凍肉店，見入面有間好有feel 既cafe, 就入去試吓。睇餐牌有all day breakfast, toast, 窩夫個啲都好吸引，可惜跟餐無飲品，咖啡要另外加。我同朋友叫咗個炸雞窩夫同全日早餐。問咗幾次，等咗好耐都仲差個全日早餐。終於個女仔拎咗碟野黎話係牛角包窩夫-.- 我地話唔係我地既，但係佢頭也不回走咗...之後叫咗幾次，另一個女仔黎拎番走。最恐怖係原來係後面個枱叫既，佢直接俾後面個枱!!! 碟野係我地到放咗咁耐，我地又無戴口罩，點可能直接俾第二個人食架！？成十個月，都算係睇落企理既餐廳，點可以一啲衞生常識都無🙄 啲嘢食係唔錯，環境係幾靚，但係樓面服務態度一般之外，衞生常識仲要係咁，呢個時期我真係唔會再去。

在附近活動前，先餵飽自己肚仔。見到這間餐室好像不錯，訂座試試。以為會早到，但找入口位置也用了不少時間。以為入口在五芳街工廠大廈內，後來問過保安員後，才知道正門在彩虹道大街。有興趣用餐的人要留意!!!下單了tea-set青蘋果雜菜沙律有菜、有蘋果、有沙律汁(不過少了點)，每樣食物都有自身或添加的味道，混和起來就是一般的餐前跟餐沙律。忌廉汁雜菌闊條麵忌廉汁夠多，可以為闊條麵添上味道，再有雜菇的清新，有味道而不膩。蕎麥茶很濃郁的茶味，還可免費添加熱水，可消滯醒神。還不到正常晚餐時間，人不太多，可以安靜的坐下，做做自己事。慢慢的坐在角落，讓思緒平靜，放空一回，再慢慢開機，繼續餘下活動。

喺新蒲崗其實都算好多嘢食，但係要搵一間好靚又坐得舒服嘅Cafe，就真係唔多啦！啱啱經過俾我發現呢間Cafe，梗係即刻約同事一齊去食個早餐啦！我哋揀咗個超級豐富嘅早餐！真係差啲食唔晒呀！最緊要嘅係佢有咖啡，而且都有好多款，味道都唔錯！即刻可以提醒我一日嘅精神！講返佢個all day breakfast! 佢個麵包好食之餘，炒蛋都一流！仲有佢塊雞扒都好有心思！仲有最特別之處係佢嘅早餐入邊有一條哈密瓜！ 最啱我呢啲平時好懶切生果嘅人啦！講完嘢食，佢嘅裝修都好靚好舒服！成個環境都好舒服，坐嘅位置都好闊落！下次午餐都要嚟試吓先得！

最近見到新開越來越多有特色嘅Cafe，最近就同朋友去咗呢間位於新蒲崗嘅Cafe，裝修環境都偏日系，環境亦都非常闊落同朋友可以慢慢坐傾吓計，而且價錢亦合理，經過嘅大家下次都可以去試吓_Coti All Day Breakfast $65上網見到好多人推介呢個全日早餐，所以一於就叫嚟試吓啦呢個早餐材料好豐富，有炒滑蛋、沙律、香煎雞扒、煙三文魚、酵母麵包，重點係仲有鮮甜既蜜瓜，平時嘅全日早餐好少會有呢個配搭，食落去比較清新，而且以呢個價錢來講真係好抵食_慢煮青醬雞胸沙律 $62擺盤好吸引，本身以為肉質會偏鞋身但係原來都冇呢個問題，咬起來十分柔軟，啱曬減肥嘅朋友仔_天然蜂蜜咖啡 $48有汽檸檬咖啡 $42小編覺得呢間嘅咖啡擺盤非常靚，平時比較少見嘅蜂巢咖啡，層次分明，飲之前就用匙羹攪拌均勻，飲落去都幾夾，檸檬咖啡亦值得一試

知道新蒲崗新開咗間門口淺藍簡約風設計，但內裡係清靜路線嘅日系文青CAFE，於是今日突登約埋朋友過黎，齊齊享受一個溫馨舒適嘅早上。兩個人叫咗份慢煮青醬雞胸沙律同餐牌有特別推薦嘅Coti Breakfast，招牌早餐($65)賣相精緻，有酵母麵包配滑蛋、色彩豐富嘅沙律﹑煎到金黃色又香又滑嘅雞扒﹑玫瑰花造型嘅煙三文魚，最開心係有隻好香甜嘅蜜瓜船，早餐有埋水果令人感覺好完整，絕對超值；慢煮青醬雞胸沙律($62)一定要讚，咁厚身足料嘅雞胸都可以煮到肉質煙韌彈牙又多汁，配埋個甜甜嘅無花果醬簡直停唔到口，又健康又好味。飲品方便試咗Flat White澳白咖啡($38)同Brûlée Cappuccino焦糖布甸咖啡($42)，Flat White咖啡味香濃又有回甘，奶同咖啡嘅比例都剛剛好；Brûlée Cappuccino上層厚厚綿滑嘅奶泡，表面帶有陣陣焦糖布甸甜香，真係好似食緊Crème Brulée咁，經過奶泡入口嘅Cappuccino適當中和返焦糖布甸嘅甜味，味道非常有層次。一邊慢慢飲咖啡，一邊沉醉喺CAFE柔和嘅氣昏，呢度好適合俾繁忙嘅身心放鬆一下，不知不覺就坐左個幾鐘，非常舒服。

新蒲崗有一間由情侶主理嘅烘焙店 我成日幫襯 附近嘅五芳街同彩虹道交界 最近開咗一間精肉店連餐廳 咖啡同食物嘅質素唔錯-🥪#雞扒流心蛋醇母麵包 ($48）當brunch食最啱 經濟又飽肚 流心蛋有兩隻雞扒好大件 雞皮煎得焦香 雞肉嫩滑有肉汁-🥐#芝士火腿牛角包 ($46）牛角包係現成貨色 個沙律做得出色 材料新鮮色彩豐富 大大增加食慾-🥚#日本流心蛋 (加$15）🥓#厚切煙肉 （加$25)食得貪心啲 可以追加流心蛋🍳煙肉🥓牛油果🥑或者三文魚🐟-☕️#Tiramisu coffee (加$24）咖啡嘅Tiramisu味道香甜有層次 仲有原條手指餅俾我浸住食-☕️#Honeycomb coffee (加$24)咖啡牛奶同蜂蜜分開上 可以按個人喜好 自行調校咖啡濃度同蜜糖甜度 有得飲有得玩-📍#Coti the Bistro新蒲崗五芳街31-33號及彩虹路226-228號交界永顯工業大廈地下C舖

位置在新蒲崗工廠區, 附近沒有食肆。 地址是五芳街, 門面卻向著彩虹道, 不算好找。 我們預約了周六下午2:30, 早到了10分鐘, 見全場坐滿, 想不到這麼多人。環境也算舒適, 食物還ok, 擺盤有些心思。 我們的時段是吃brunch, 主菜還附送餐湯或沙律, 價錢非常實惠。 有機會會再來。美中不足的是, 樓面人手有些緊張, 見全場只有三位女侍應, 但有20多桌需要服務, 要負責帶位, 落單, 傳菜, 埋單, 一腳踢, 有㸃吃力。

一個醒神嘅週末就系要由一個最正的早餐開始, 今次大食妹誠意推介位於新蒲崗的Coti the Bistro價錢親民, 但系質素絕對有保證餐廳出邊係一間小型超市，第時妹諗呢度所有嘅食物應該係出邊嘅超市提供，所以食物先可以咁新鮮<雞扒留心蛋酵母麵包$48>酵母麵包有少少酸酸地，應該係用咗酸種酵母嚟發酵，味道天然健康留心蛋一定要喺麵包上面切，切完之後黃澄澄嘅蛋黃汁會流落麵包，食落更加好味<Coti Breakfast$65>All Day breakfast 材料非常之豐富，有炒蛋、沙律、雞扒、煙三文魚、蜜瓜、酵母麵包，特別要讚下蜜瓜嘅配搭，解膩一流<棉花糖泡泡咖啡$48>以為會好甜，點知陣味好match <咖啡果果皮茶配蜜糖$52>有一陣淡淡嘅陳皮香，蜜糖有個另外嘅樽仔裝住，可以根據自己鍾意嘅味道添加，味道清新

最近公司附近開咗一間幾休閒嘅餐廳感覺就好似鬧市中一個綠洲因為我哋係喺工業村附近...周圍都係工業大廈...就算喺餐廳都係一般嘅碟頭飯餐廳點知比我發現咗呢一間新開嘅...感覺很新鮮我啱啱5:00左右去..剛剛好可以叫下午茶不過略嫌只得一款意粉太少其他都係以飽為主...就點左一個卡邦尼意粉環境都好清幽典雅可惜卡位就唔夠闊我哋呢啲肥人坐落去已經頂肚腩所以坐得唔係咁舒服不過呢個卡邦尼意粉都有少少驚喜因為有一隻蛋仲要係生生地一吉穿佢留落啲意粉度....味道一流而且份量都唔少意粉都尚算彈牙

每逢假日總有心隱想歎個悠長早餐今個連假就揀左Coti一入去已經感覺好似去左日本既Coffee shop咁簡簡單單既裝修配合植物盆栽個人感覺即刻fresh左🤣叫左2份Coti breakfast 同出面既all day breakfast 有d唔同首先有成條蜜瓜🍈係到都夠哂吸睛好明顯真係有用心配搭過食材既顏色令上枱個刻我已經好開心雞朳肉嫩，大細岩岩好滑蛋都係有水準👍🏻麵包除左有牛油，仲有無花果醬配唯一不足就係我比較大食以呢個份量我覺得爭少少不過以佢個價錢黎講我覺得都幾抵All day breakfast 一定要配番杯咖啡呢到好多特色咖啡可以揀我地就試左#蜂巢咖啡 同 #tiramisu咖啡店員教我將蜂巢放入咖啡到攪拌試試岩味再放入杯奶到好有新鮮感，而且甜味較砂糖自然Tiramisu 咖啡就比較似平時Mocha朱古力味同奶味都會較濃就算平時唔太鍾意咖啡既朋友絕對可以試下👍🏻