Coti (京瑞廣場2期)

營業中

休息中

order all day breakfast 無得輸，豐富及個瓜每次食都好甜，今次另外叫了個千層麵，知道要等比較久，知道及明白嘅，賣相一般，味道就更一般，所以以後再不會叫。

平時都好少去間呢區，但係有次見到呢間細細間嘅cafe，價錢唔貴就試下，點知發現性價比好高！食咗幾次都忍唔住要share下比大家全日早餐(炒蛋，麵包，沙律，大啡菇，蜜瓜，煙三文魚，雞扒) $92佢份量好足，雞扒有兩小塊，麵包好軟熟，配埋牛油好正，炒蛋份量正常而且又滑，仲有多汁嘅大啡菇同整到花花外型嘅煙三文魚，比較特別係有蜜瓜，唔係間間cafe嘅all day breakfast都會有，食過幾次都覺得甜得嚟好清爽，係一個幾正嘅配搭牛奶咖啡 (特別注意！set lunch價錢已包)單價$38Weekend去cafe食all day breakfast會包埋杯咖啡真係好少有，而且仲有靚靚拉花，整體體驗良好雖然要自己去買同攞野食，但cafe唔太大間還可以，而且以呢個價錢可以嘆到全日早餐包埋杯咖啡真係性價比極高，至於舖頭地點都好近石門站，好方便，如果假期去食就要早d啦，lunchtime 都多人排隊

叫左個芝士菠菜千層面 set lunch 難食到我連影相打卡嘅心情都冇個千層面口感似食緊麵粉咁 每一層皮厚到呢🫠🫠完全唔係千層面醬又夠 千層面嘅肉又唔知去左邊度 我都唔知自己食緊咩好似食緊一個冇味嘅東西我都唔知點形容重點係個千層面仲要新鮮焗的咁我expect應該都冇伏啦點知仲難食過懷疑人生成件事好bad trip個cafe嘅location又好差 完全食緊飯唔覺得chill嘅感覺野食難食都算 連個vibe都唔啱 我真係服左

唔係講笑真係好難食！好難食！好難食！————————————————————————卡邦尼意粉:卡邦尼好似食緊湯麵咁，蛋味煙肉味咩都無，得一陣好淡好假嘅黑鬆露味！慢煮厚胖胖豬飯:飯仲溼過粥，黐埋一舊，豬”軟”骨又硬又柴，個汁又淡茂茂。成成件事就好似浸d粥落水到，再加幾舊煲湯豬肉咁！服務態度又無人地講到咁差嘅，咪都係普通香港餐廳咁木口木面，問題唔大。真係好耐未試過係香港單純因為嘢食咁難食而覺得受氣。又難食又要自己服務自己，88蚊呢個價都真係幾過份。歡迎各位勇者試伏🫡

依家過嚟石門真係好熱鬧，一出地鐵站很多姨姨都叫攞回鄉證，叫你影相⋯⋯肚子餓，又再番看OPENRICE揾嘢食，瑞京廣場最就腳，行上二樓，見有間小cafe,試吓啲咖啡如何先⋯⋯剛剛過咗飯市，唔使同人迫，看著午餐餐牌，就決定吃意粉，即叫即整，需耐心等候⋯⋯午餐選$38的飲品不用加價，超過就補$24.自助檸檬水機、調味架及餐具，相當方便，點完餐就跟手斟水攞餐具⋯⋯鹽燒咸牛脷辣番茄意粉$82~原先以為是一片片的咸牛脷，見到才知道是一舊的牛脷分割成粒的那種咸牛脷，煎得又幾脆口喎！Flat White 眼見都有好幾位食客點咖啡，相信佢哋的咖啡都幾有質素於是就決飲杯Flat White ⋯⋯飲品由於是熱飲，所以選了咖啡後上，吃完意粉便嘗到熱騰騰的咖啡，雖然沒有拉花，但Flat White 嘅味道正合筆者心意，大樂！整體來說:午餐以$82，包一杯手沖咖啡，下次會再來試其他。

點餐既時候店員知要等20分鐘 我話可以然後另一位店員幫佢幫我點餐覆單果陣 明明話食A餐變左B餐？？？？？自動幫客人決定食咩？呢間係自助既 聽到no.就自己出去拎食物同飲品或者係我同店員講既語言唔同我好似聽到係叫我no.行到櫃檯問清楚個店員好唔耐煩咁答我你講到咁lur 其實真係聽唔到你講咩都係想confirm 返係咪我杯野拎錯就唔好啦食個飯 係咪要咁受氣呢唔係話顧客大曬基本禮貌同尊重都有返好嗎？或者你唔想講野既 可以請其他同事代勞

排隊等咗一陣間先有位，跟住就去點餐，坐低之後冇人執枱 ，於是就請店員麻煩佢幫我執枱抹枱，佢叫我自己抹，仲話呢度係自助式餐廳，咁我就問返佢：抹枱都係自己抹？真係推翻咗我認知，我唔知道原來我需要幫人哋去清潔食剩嘅食物盆杯同埋張枱食物嘅碎屑，然後我先至可以食嘢！ 後尾同佢講完店員話叫我等陣，結果等咗差唔多半個鐘，店員先至出來抹枱。另外食物準備好，一直放喺收銀處，亦唔聽見有叫號取餐，直至我行過去問店員，先知道原來已經準備好。 用餐期間，一直聽到店員一直鬧另一位同事！說話仲要幾侮辱下

🥗🥯【 𝗖 𝗢 𝗧 𝗜 】 🍳☕️⋄ —————⧫♟⧫————— ⋄放假不似預期，努力地趕deadline的我😮‍💨⋄ ┄ ┄ ┄ ┄ ❖ ┄ ┄ ┄ ┄ ⋄▪️◾️𝗦𝗘𝗧 𝗟𝗨𝗡𝗖𝗛◾️▪️𝗔𝗹𝗹 𝗗𝗮𝘆 𝗯𝗿𝗲𝗮𝗸𝗳𝗮𝘀𝘁 ($88)- 炒滑蛋、麵包、沙律、串串車厘茄、哈密瓜、煙三文魚、雞扒𝗦𝗶𝗴𝗻𝗮𝘁𝘂𝗿𝗲 𝗗𝗿𝗶𝗻𝗸𝘀 (+$24)- 天然蜂巢咖啡（ $48 /熱）⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：Coti (沙石石門）沙田石門安群街1號京瑞廣場2期2樓228A號舖

野食賣相好好，味道亦ok,但就係杯野飲太早黎同野食同時出黎，我話左叫起的（係可以才咁做）原本我都諗住算啦照要啦，但職員又話之後再俾我呢杯可以給另一客人，咁我更係一陣再叫啦熱好飲好多😆，點知再黎嗰杯真係唔搞知搞咩？成杯即沖好立克咁。。。。原本一路都好順暢野食好睇又好食，野飲都好正常（第一杯時。。🥲）

日日都要飲咖啡㗎去到邊嘅早餐，要個all day breakfast 或者三文治加杯咖啡，又要另外加錢價加錢，埋埋其實都成$100。不過今日唔得得咁多，比賽梗係要食返個靚嘅brunch，一search到京瑞廣場入邊有一間小店有我哋亦都有咖啡㗎。 好彩位置有兩個位，如果唔係就要等位啦。呢度得10幾個都係自己嘅，而且weekday 早餐緊係要慢慢嘆㗎啦。哥哥day Breakfast仲要係有雞扒啦，唔係就咁放兩條腸兩塊火腿俾你，仲要有蜜瓜又有菜，大家有心思嘅all day breakfast! 另外睇order個雞扒酸草包，真係好多兩塊雞扒。我比完賽物未食嘢都食唔晒呀。杯咖啡真係好唔錯，而且普通咖啡包括back coffee flat white 都全唔使加錢㗎。呢間真係良心小店啊！

同鄰居行山之前嚟呢度食早餐。佢哋超喜歡食呢一間餐Cafe。既然講到好好食，咁就跟大隊嚟試吓啦。本來想食All day Breakfast，但係又好耐冇食過貝果。最後都係選擇咗貝果加雞扒。先嚟一杯Americano，都算正常表現，冇苦澀味，亦都唔會偏酸。見到鄰居個All day Breakfast上面啲蜜瓜幾吸引，有少少後悔冇叫。好彩個個雞扒都唔弱，煎得幾香脆，雞扒個味都調校得幾好。個貝果唔會太硬亦唔會太乾，裏面個煙三文魚都唔會太鹹，食完剛剛好夠晒飽去行山，充滿力量欸！

其實都食過好多次，食物質素好，價錢合理，坐得都算舒服，而且格調有文青feel，食得開心，幾乎每星期都會幫襯一次。年尾假期出外旅遊，有一排冇過嚟食。今日如常叫咗all day Breakfast。食物冇乜問題，但冇嚟一排，間餐廳嘅格調就cheap晒。首先係個背景音樂，唔知點解，平時係播啲英文歌，或者純音樂，感覺休閒。但係今日轉左啲抖音feel嘅普通話歌，唱來唱去都係嗰兩句，好洗腦嗰種。我以為自己去錯咗深圳嘅茶餐廳。然後就係啲客人。平時去親嗰啲都斯斯文文。但今日就坐咗兩台怪人喺附近。佢哋應該係一行四人，因為間餐廳細，佢哋要分開咗坐。但係佢哋就隔住幾張枱咁樣，大大聲咁同對方傾偈。加埋啲背景音樂，真係去咗茶餐廳咁！希望只係咁啱得咁蹺，下次唔會再有啲奇怪嘅背景音樂，同埋奇怪嘅食客吧！

【沙田區】【Coti】我住沙田第一城，但我好少喺第一城食嘢。近年開通咗石門一帶，有好多嘢食，都吸引到我會時不時走過嚟呢邊食嘢。我本身嘅飲食習慣又唔多食大集團，呢一帶多小店嘅特色都令我有啲開心。然而，有啲又真係小食店嚟嘅。都想搵次用心啲逐間小店都同大家探討吓，不過絕對唔係呢日。行到嚟呢間 coffee shop 門口，見到佢哋都整到幾文青 feel，有啲木色襯吓其他淺色嘢，望落都舒服嘅。形式上都係先行去櫃枱落單，然後搵位坐、等嘢食咁嘅。我叫嘅係 $86 嘅「全日早餐」，都係叫 All Day Breakfast 比較穩陣，起碼有隻「炒滑蛋」，都唔會差得去邊。個「麵包」唔知係咪冇酸種包用牛角包代替之類，唔係聽得太清楚侍應講乜，但味道都可以嘅，所以都冇追究啲乜嘢。農作物有「沙律」同「茄汁豆」，都非我所喜，反而有埋「哈密瓜」幾驚喜，好少喺全日早餐見到。肉類就有「煙三文魚」同「雞扒」，正正常常。嘢飲我加 $24 飲「提拉米蘇咖啡」，算好飲。埋單價 $110，唔貴嘅都。。。（地址：沙田石門安群街1號京瑞廣場2期2樓228A號舖）#1amfoodie #foodie #hkfoodie #thatf

All day breakfast is a good start!!位於石門京瑞廣場的一間cafe一直想嘗試的適逢放假 想來個開心早上就去左呢間啦去到先排隊呀 大概排隊等了十五分鐘就order 兩份 all day breakfast叫了兩杯咖啡老公點了蜂巢咖啡，都幾特別啊 鮮奶再加一個蜂巢嘅細杯飲嘅時候就到啲蜂巢落去杯咖啡度👍🏻👍🏻我就簡單啲點咗個玫瑰咖啡都好香玫瑰味呀！唔錯！我哋一齊點左All day breakfast!個蜜瓜好甜面包好好味喎其餘就正常水平！So relaxing!

之前都有食過，覺得食物同店員都ok，又未至於其他食評咁講話服務態度勁差，點知今日同朋友食個brunch，勁受氣，我相信係個別店員-首先，行到去點餐講「唔該」，見佢處理緊平板電腦嘅嘢，唯有等一陣，之後等咗一段時間店員先問食乜野，態度係「做又36、唔做又36」-上一手有執食具同餐具，但係漏咗啲食物係枱，咁我order嘅時候，順便叫落單店員抹一抹，當時店員話「等等，一陣幫你抹」，然後我坐番埋位，之後就聽到該店員同我講「小姐，呢度有毛巾」，意思即係叫我自己抹，嬲嬲地坐過第二度叫食客幫手執杯碟俾番你地都好明白…但你要食客抹埋枱就真係未聽過…-之後見到有另一位客人坐同樣位置，又係叫店員抹枱，點知店員都係指示客人用毛巾抹枱-我同朋友都叫咗All Breakfast ，我叫咗Latte，點知杯Latte連花都冇拉…唔係話有拉花會好飲啲，只係覺得賣相可以好小小，同埋之前飲開不嬲都係有拉花仲有今日塊麵包係冇烘過嘅…-今日嘅Latte之前嘅Latte(下圖)