Coti (京瑞廣場2期)

營業中

休息中

✨蒲燒鰻魚滑蛋飯賣相吸引 份量都好多 好大碟 滑蛋 嫩滑有蛋香 上面灑左啲紫菜鰻魚 幾大條 味道正常蒲燒汁甜甜地 幾惹味飯 飯粒分明 軟硬適中配菜 沙律 幾清新 可以解下膩✨焦糖布甸咖啡只供熱飲 表面輕輕炙燒過 上面放左幾粒咖啡豆作點綴奶泡夠厚身 咖啡香濃 帶少少焦糖香甜 飲落都幾特別總結：食物可以 份量足賣相唔錯環境細細 只有幾張枱 但都算幾好坐 餐廳以自助形式 自己落單取餐收拾冇人會騷擾你 坐耐啲同唔怕服務可以 價錢合理就算唔食嘢 飲杯嘢都唔錯

Grilled eel with scrambled egg and rice 🍳 蒲燒鰻魚滑蛋飯 $88蒲燒鰻魚飯係用咗原條鰻魚好正啊🐟，一上到黎即刻食鰻魚仲食到外皮燒到脆脆地🔥，撈埋滑蛋一齊食充滿日式風味，旁邊仲有沙律、西蘭花🥦點綴一下！Cheese bolognese lasagna 芝士肉醬千層麵 🧀$74肉醬千層麵嘅味道比較濃🍝，每一層中間都夾咗啲芝士同埋肉醬睇落好吸引😍，份量適中，啱啱好夠一個人食，側邊仲有新鮮蕃茄仔🍅同沙律菜🥗感覺上健康啲Cold peach tea (L) 🍑 凍蜜桃茶 $36Mocha (R)朱古力咖啡 🍫☕️$38左邊嘅蜜桃茶充滿蜜桃香，淡淡地味道唔會太甜好natural 🌿，而右邊嘅mocha 有個好有層次感嘅心形拉花🤍，咖啡嘅苦澀味相對少，朱古力同牛奶味都好香濃🥛

Love their twist to traditional all-day breakfast and turns it to a healthier version wifh melon, pan-fried chicken breast and so many vegetables! Feel very refreshed instead of too greasy after having this all-day breakfast😄 Their coffee is also very rich and nice!Nice little cafe with good value for money!!

餐廳位置唔多，得3-4張枱。係自助式既cafe,自己搵位、拎餐點，店員唔會理你，仲成程黑面。餐廳氣氛都幾差，疑似女店長係廚房鬧員工，作為客人，係間細細cafe聽到都覺得唔舒服。我地坐係高枱個邊，因為拎住大袋，食得有d辛苦，位置唔係幾舒服。冇其他客人個陣，我地有放袋係隔離一張高椅，但疑似女店長唔比我地放。食物質素中規中矩，出餐都算快，多士幾脆，brunch有哈蜜瓜幾特別。不過，整體服務太差，環境麻麻，唔會再貼錢受氣！

週末上完興趣班同小朋友去咗Coti食番個lunch relaxing 吓。🥰必點的全日早餐， 次次都係食呢個，百吃不厭！😆 全日早餐非常豐富有煙三文魚、牛油多士、炒滑蛋、雞扒、香腸、茄汁豆、沙律及哈蜜瓜。每樣都好新鮮，食完好飽好滿足。😋唔想成日飲凍嘢，今次叫咗杯暖泡沫鮮奶，軟綿綿嘅奶泡上鋪上可可粉和棉花糖，每一啖都暖笠笠。😍又叫咗香蒜蜆肉意粉超鮮味，蜆肉又多又大粒，加上蒜香味道，為意粉帶出吾同層次。😋呢個意粉有少少微辣。杯玫瑰花茶🌹性質溫順可以健脾降火、調理血氣、減輕壓力，每一啖都有清清的玫瑰花香，令人心情愉悅。🥰Coti 其實都有好多特色咖啡， 之前都有介紹過，鍾意飲咖啡嘅人亦都唔好錯過。☕

🥄石門咖啡之旅☕️我鍾意飲咖啡我諗無人不曉🤗除咗鍾意咖啡嘅香味仲有同其他人閑談幾句配搭唔同嘅小食佳餚加多幾位朋友 其實真係幾嘆(´▽｀)今次專程嚟到石門嘅京瑞廣場就揀咗呢間COTI舖面雖然唔大 但係裝修氣氛恰恰好三人同行叫咗三個午餐套餐✨日式紅酒燉牛肉配飯✨田園藜麥雜菜沙律配香煎雞扒✨香蒜蜆肉意粉嘢飲就有鮮奶咖啡啦抹茶鮮奶同埋好特別嘅蜂巢咖啡你又試過將蜜糖加入咖啡到未呢🌞📍COTI沙田石門安群街1號京瑞廣場2期2樓228A號#coffeetime #coti #沙田 #西式餐廳 #咖啡 #觀塘 #必食之選

今日行石門小商店，見到有間cafe coti，雖然地方細細，但係坐得都幾舒服，行到攰坐低休息下，食下嘢飲杯coffee都幾爽，至於食物質素ok性價比高。。。食左慢煮帶骨赤雞腿配飯, 田園藜麥雜菜沙律配煙三文魚，味道不錯，推薦！ 佢嘅飲品非常之多種類，同埋亦都有手沖咖啡。。。 唔鍾意飲咖啡亦都可以選擇唔同嘅果汁 或者搽類，凍熱飲品都有。 下次會想試下佢嘅all day breakfast，見人哋隔離枱好多嘢食，賣相都幾不錯。

今日同朋友嚟咗石門呢間小店食個late lunch，成間舖得10幾個座位，如果唔係咁晏先過嚟可能都冇得坐，雖然比較open同埋係自助形式，不過坐落都舒服嘅。午餐$70 -$80 ，包咖啡或茶，或加錢叫其他飲品，我哋今日叫了「蒲燒鰻魚滑蛋飯」（ $88 ）同埋「日式紅酒燉牛肉配飯」（ $88 ），我哋share咗少少嚟食，鰻魚夠大條，滑蛋亦都煎得夠滑，另外燉牛肉個份量都幾多，而且都幾林，估唔到小店都有呢個水準。飲品方面，朋友要咗玫瑰花茶，遠遠都聞到玫瑰香味。我就選擇左呢度嘅signature coffee： Tiramisu coffee，好靚呀，面頭真係好似Tiramisu咁，仲有小餅乾附送，攪勻左下面嘅coffee，甜到剛剛好，值得一試。兩杯飲品都附送了一粒朱古力味雞蛋仔，小小嘅舉動，但感覺就加分和窩心。

$98 全日早餐連飲品🥗爽口沙律菜配上酸甜開胃醬汗🐓2塊咸香煎雞扒🍳嫩滑炒蛋🍣新鮮三文魚（約3小塊）🧈牛油多士（多士若能更脆身更好）🍅茄汁豆🍈吸睛哈蜜瓜爽口香甜做飯後果一流☕️綿花糖朱古力🍫超多綿花糖，目測二十粒😍朱古力唔會死甜，係輕微苦澀嗰種配上甜甜綿花糖恰到好處😋如果溫度熱啲更加好份量適中，吃完剛好八成飽自助點餐味道💛💛💛環境🧡🧡🧡性價比💚💚💚ART like 💜💜💜

Coti / coti and bistro 共有五間分店，沙田分店是我去過的第四間分店了。喜愛這間有心的小店，coti 每間店舖面積都很少，通常只有一兩個服務員，所以欣賞他們的專業，無論是弄餐/服務/咖啡拉花等等工作都是他們一手包辦。午餐🥚葡燒鰻魚滑蛋飯$88滑蛋很滑溜加creamy的感覺，分量十足，厚厚的一層，配上燒汁及紫菜碎蓋着鰻魚打卡一流；鰻魚汁香甜入味，鰻魚燒得生熟度剛剛好，加上蔬菜伴碟，營養豐富☘️未來肉醬意粉 $74最近愛上食素肉，即是未來肉 / impossible meat ; 因為它們無論味道及口感也與真肉不太大分別, 既環保又健康；意粉先加洋蔥等香料炒香再混上酸甜蕃茄醬車厘茄等材料，喜愛這個意粉充滿豐富的芝士味道☕️ 熱朱古力咖啡 拉花天鵝精美，咖啡及朱古力比例適當，香濃美味🌹凍玫瑰花茶養生首選，不太甜，淡花茶香溫馨提示 ：免加一❤️

一直都是店舖忠實顧客，今天詢問店員一些咖啡小知識 (黑啡頭髮那位)，她迅間說我影響她工作(當時店內空無一大，亦無外送訂單)，態度為之惡劣，儘管小店收費便宜，也不考慮再幫襯了。

今日過開嚟石門，男朋友就search到呢間餐廳好似都幾啱口味，就決定過嚟試吓喇☺️店內係半開放式，唔多坐位，咁啱我哋坐到最後一張，之後就要等位喇～食物種類選擇唔算多，不過見到九成客都係食all day breakfast，應該都係招牌菜🤣咁受歡迎，點都要食全日早餐 ($74)啦😂呢個all day breakfast真係好豐富😋令我好驚嘆嘅係麵包，外脆內軟，加埋半溶牛油好好味，超級融合😋另外覺得塊雞扒都好juicy，調味適中😆其他材料就正正常常，都食得好滿足😚另外叫咗個蒲燒鰻魚滑蛋飯 ($88)～滑蛋有好多蛋汁，對得住佢個滑字🤣鰻魚質素都係普通，不過勝在好大條，幾乎長過隻碟，味道都算ok😌嘢飲方面，抹茶鮮奶 (加$24)奶味唔係太濃，抹茶味亦都有少少淡，一般般～另一杯鮮忌廉朱古力 (加$24)有忌廉一定又邪惡又好飲啦！呢杯就比抹茶鮮奶好飲，濃味，唔太甜，就算溶埋啲冰都唔會淡，唔錯😌呢間all day breakfast的確係幾出色，唔係都唔會枱枱都叫啦🤣

這裡裝修簡約，環境不錯，不過很細，得4張枱，空間感都有的，不會迫All day breakfast $72擺設很靚，令到食欲大增麵包邊位脆，中間軟，配牛油口感很好，還有茄汁豆雞扒還很熱，皮小小脆，肉質嫩滑，很香口，可以同 榮式雞扒 比煙三文魚，好味，份量都多炒蛋岩岩好，半生狀態，很嫩滑哈蜜瓜，沙律都很新鮮，哈蜜瓜爽甜，沙律落左醋，酸酸地很開胃煙三文魚忌廉芝士貝果$56其實＝上面張圖既一部份食材＋個包跟餐飲latte很靚都很好飲，還配一舊小蛋糕，很鬆軟，淡淡朱古力味這間小鋪頭制作有心思，而且每樣食材都好好味，真心值得推介

正常價錢,容易負擔.石們站,商場入面,坐屯馬綫方便快捷,十分好.全日早餐都算幾豐富,有（炒蛋,沙律,雞扒,哈蜜瓜,煙三文魚,多士）,cappucccino一般,但拉花十分漂亮.飲品我就叫了蜜桃茶,味道十分淡不過好少座位,得6-7張,十分擠迫,會聽到隔離台說話.而且要等半個鐘先有食物,因為廚房超細,得兩個人招待客人,不夠人手,所以只會有時間才去.總括來說都算幾好,都推薦大家去試下.不過大家有時間先去,因為要等！

周末放假諗住食下好野，見呢間咁多正評一直想試。叫左lunch set日式紅酒燉牛肉飯，加$24 tiramisu coffee，點知大為失望。個飯雖然用珍珠米，但一點也沒有珍珠米/飯香同沒有，更沒有一點煙韌咬感，就只是最普通的白飯。牛肉睇相都知「乾爭爭」，不夠淋，如果我煮，我會加紅蘿蔔煮會更甜，也配上少少汁送飯，而不會肉還肉，飯還飯。最冇誠意的是西蘭花，只是白烚，而且硬，不加汁煮也至少加少少鹽吧。一句講晒，呢個set不值這個價。Tiramisu coffee 應該是比較有特色的，上層Tiramisu 不錯不過我飲唔慣偏苦的咖啡，如果推出Tiramisu 朱古力會比較吸引我。不過主菜唔得，都好難再幫襯多次。