Coffee Break (TKO Gateway東翼)

營業中

休息中

忙碌生活都需要休息一下，今次就嚟到坑口站嘅Coffee Break，與朋友共同享受豐富嘅晚餐！Coffee Break位於將軍澳常寧路2號TKO Gateway東翼1樓E169-E170號舖，餐廳環境十分舒適，侍應都好有禮貌，而且食物質素都好有水準，點完主食之後，仲可以加錢點小食，我哋加配咗每日精選餐湯同一份小食，好滿足！最開心嘅係甜品環節，佢哋嘅梳乎厘班㦸，一定要食啊！前菜 - 烤羅馬生菜＋煙三文魚生菜口感清脆爽口，特别鲜嫩，味道清新帶甜味，再配上沙律醬，味道酸酸甜甜好開胃！再加埋煙三文魚嘅配搭，超好味！主食 - 德國豬手配薯條酸菜 皮脆肉香德國咸豬手，豬手好大隻！豬肘外層好脆身，肉汁鮮嫩，而且一啲都唔油膩！進食時蘸以芥末醬，味道層次感提升！而且性價比高，好抵食！小食 - 黑松露薯條薯條剛剛炸起超香脆，但不會過份油膩。而且黑松露味道剛剛好。再沾上醬汁，好味道！特飲 - 藍莓乳酪 & 青蘋果紅茶呢兩杯飲品都好健康，都係新鮮製作！藍莓乳酪淡淡香味，而且味道唔太甜。蘋果紅茶就有粒粒蘋果肉同奇亞籽係入面，並非普通嘅蘋果汁！讚！必食甜品環節原味梳乎厘班戟梳乎厘班戟，製作需時約20分鐘，即叫即製

難得放假係將軍澳逛完就去到坑口TKO Gateway既coffee break食個晚餐，佢地既環境都幾chill，服務都好好，更加期待呢一餐。 烤羅馬生菜配蜜餞巴馬火腿，糖心蛋，帕爾馬芝士碎，提魚醬(追加煙三文魚) $72+20 如果你以為係沙律既話你就大錯特錯了，因為佢既羅馬生菜係有輕輕灼過，所以比沙律更加香，而佢地既巴馬火腿亦都十分脆，同羅馬生菜非常夾。 酥炸雞球蕃茄意大利飯 $88 呢個蕃茄意大利飯食得出佢地既蕃茄唔係用現成茄汁而家用新鮮蕃茄，所以就算係平常食好漏既意大利飯都唔會覺得漏，用蕃茄既微酸平均返成碟菜。雞球炸得香脆，調味都岩岩好。 香煎美國安格斯肉眼扒配炒雜菜 $248 一上碟就心諗哇洗唔洗咁大塊，真係大過我隻手，好彩我地兩個人，唔係真係食唔哂。我地叫左medium，食落充滿肉汁，肉味幾濃而唔會太韌，真心推介。 菊花茶 $48 佢地既花茶會配有蜜糖，菊花茶帶有陣陣清香，配搭蜜糖既蜜香，消滯解渴。 水蜜桃果粒茶 $48 真係有好多果粒係入面，而且味道唔會太甜，岩岩好。

每次到坑口都在東港城行街食嘢， 今次就去TKO Gateway東翼， 原來有很多餐廳選擇👏🏻。即興到Coffee Break 午餐🍽️， 環境舒適，我坐近窗口位置， 有自然光從窗邊滲入，感覺心情放鬆☺️。 午餐📋 ～ 烤羅馬生菜配蜜餞巴馬火腿，糖心蛋，帕爾馬芝士碎，提魚醬$72、 追加煙三文魚$20、 牛油果墨西哥辣椒醬芝士安格斯牛肉漢堡配薯條$118、 烤白魚柳配香橙白酒忌廉汁$138、 摩卡$8(跟餐補差價) 、 藍莓果粒茶$18(跟餐補差價) 。 🔴烤羅馬生菜🥬配蜜餞巴馬火腿🥓，糖心蛋🥚，帕爾馬芝士碎🧀，提魚醬配煙三文魚 ～ 經過烤後的羅馬生菜口感更加爽口清脆😋， 鮮嫩帶甜味， 配上糖心蛋、帕爾馬芝士碎、提魚醬和煙三文魚， 多種配搭， 豐富又滋味。 🔴烤白魚柳配香橙白酒忌廉汁🥘 ～ 白魚柳嫩滑啖啖肉，蘸上香橙白酒忌廉汁， 提升味道的層次感， 配菜有紅蘿蔔🥕、薯仔🥔、椰菜花🥦、蕃茄仔🫒和芥蘭🥬， 賣相精美又健康的一道菜式。 🔴牛油果墨西哥辣椒醬芝士安格斯牛肉漢堡🍔配薯條🍟 ～ 牛油果墨西哥辣椒醬很惹味， 配上芝士🧀、蔬菜🥬、洋蔥🧅、蕃茄🍅和青瓜🥒， 餡料真係超多😍， 一口咬下， 牛肉漢

☆ 𝘾𝙤𝙛𝙛𝙚𝙚 𝘽𝙧𝙚𝙖𝙠將軍澳常寧路2號TKO Gateway東翼1樓E169-E170號舖✦ 德國豬手 配薯條 酸菜一上枱嚇親，好大份呀！食落真係覺得要讚，估唔到cafe都有呢個質素，皮好脆但唔會好硬，肉質好嫩，起骨起得好乾淨，酸菜又好夠酸，中和油膩感一流。✦ 烤羅馬生菜 加煙三文魚棵生菜好新鮮，簡單芝士配埋脆煙肉碎已經好食，黑同埋有d驚喜，無諗到加$20嘅煙三文魚會有咁多，好抵食。✦ 龍蝦汁海蝦意粉呢個好岩我口味，意粉質地偏硬身d，條條掛汁，海蝦有好多隻，鮮味彈牙，成碟都好好味(๑˃̵ᴗ˂̵)✦ 每天精選餐湯當日係椰菜花薯仔忌廉湯，好濃郁，蔬菜嘅湯感覺味道清清地幾好。✦ 繽紛樂朱古力好繽紛樂呀個味，好飲喎！✦ Oreo 朱古力呢個Oreo味都重，不過對我黎就甜左少少。呢到真係唔錯，環境幾舒服，食物質素以cafe黎講係高質，今次未試佢地嘅咖啡，下次再試下先٩( ᐛ )و

💕Coffee Break餐廳名相信講啱好多人嘅心聲，無論返工定放假都好想有個coffee break☕️餐牌除咗咖啡、甜品，仲有意粉、burger、驚喜嘅係連咸豬手都有得食🍖.餐廳環境cozy，燈光、佈置都有心思，街坊價錢食到Café質素，性價比頗高🥰.🔸德國豬手配薯條酸菜 $168豬手好大隻🍖🍖賣相震撼🧡以酸菜、薯條伴碟🍟感覺豐富豬手預先起晒骨，食落啖啖肉，豬皮烤得香脆，豬手肉質粉嫩，調味方面亦恰到好處，配搭酸椰菜，味道濃而不膩🤗.🔸蕃茄辣肉腸意粉 $78人見人愛嘅蕃茄意粉，酸甜開胃🍝醬汁juicy意粉亦掛汁，食到陣陣蕃茄香.🔸炒西蘭花 $38西蘭花都可以有咁靚嘅Display，真心要讚一讚師傅嘅心思❤️.🔸Tiramisu 疏乎厘班㦸 $62超鍾意呢個震騰騰嘅梳乎厘😍即叫即製，質感輕盈，加上奶蓋、可可粉，未食已經心心眼，伴碟有布朗尼粒粒、忌廉、焦糖脆脆同水果🍓主角配角同樣出色😚.🔸荔枝綠茶 跟餐+$18餐廳總係俾到驚喜我地，荔枝綠茶裡面放咗水果粒粒、奇亞籽，味道更豐富之餘亦更有口感🍎.🔸繽紛樂朱古力 跟餐+18餐牌上嘅朱古力系列十分吸引☺️將Oreo, 繽紛樂、朱古力脆脆等元素融入飲品

星期日超過早上10點，去美心快餐又要等位又要迫，去Bean又要排隊等位，就來厚德商場試試，點知去完一次又一次，環境都舒適，坐位有隔板圍住好次安全些。2次餐牌的早餐款式都不同，飲品方面要另外加差價，但飲品就略為不夠濃味，同Bean 比較略為遜色⋯⋯但Bean價錢要加$15有略為貴些。

今日第一次去幫襯，諗住試新嘢，點知換來一肚氣！我們一行三人，一個叫咗意粉，一個叫咗半隻雞沙律，我就叫咗全雞沙律。意粉同半隻燒雞沙律正常時間分別嚟到，跟住凍飲都想上埋，等咗一陣仲未見我嗰份全雞沙律，已經問咗一個男侍應幫我追一追，又再等咗一陣，我仲未見，所以又再追問個男侍應，佢居然轉頭話俾我知，隻雞要燒30分鐘，而家仲有15分鐘先得！喺呢個時候我覺得佢應該係漏咗單，佢完全冇提過呢一點，亦都冇講對唔住！跟住我越諗越嬲，叫咗另外一個女侍應埋嚟，問佢隻燒雞係唔係再要15分鐘，佢返嚟好理直氣壯話要15分鐘，跟住我問佢係唔係漏咗單，佢話係，佢都好一致地冇表示歉意！我話點解第一次問你哋嘅時候你哋冇幫我check，跟住佢話唔係我落單，我唔清楚，我嬲到話我要cancel個餐，佢亦都照收order，冇事一樣！喂買單嘅時候，我一杯upgrade凍飲嘅$4! 仲想同我講話出咗單，cancel唔到，我同佢講，我都叫咗餐，但係都冇嚟到啦！呢間嘢全無Service可言，全部都係「中學生」經營，冇一個有經驗嘅「大人」睇住，就算我想現場投訴，都搵唔到一個合適嘅人！原本我見佢哋啲食物都OK，但係服務態度咁差，我永遠都唔會再

食過幾次，野食ok,但咖啡，水果梳打，朱古力脆脆都好難飲，服務更加係惡劣，全部年青人不停吹水，每次落單要大聲叫佢地，一次落錯單，一次落漏單，最爆一次，佢哋自己都認落錯單，問我想唔想要番原本order既野食，我話要，佢亦收番落錯既野食，最後埋單佢計埋落錯份餐食，我話計多左，佢話無，我話你同事都認落錯單，佢問我係邊個認，我鬼認得咩，最後黑晒面咁改單

呢間café幾靜可以打卡📸玻璃出面有露台比小朋友挽家長可以放小朋友出去放電👶🏻又可以望住佢地挽自己又可以嘆茶🍵～明太子櫻花蝦忌廉意粉 $68明太子嘅味唔會令到意粉好鹹意粉又多汁！唔會太乾🤤‼️紫菜控注意⚠️ 上面有大量紫菜可以慢慢食🤤同埋夾埋忌廉汁 成件事唔會好膩🤤～蜜糖芥末烤雞薄餅 $88蜜糖同芥末好夾！唔會搶走大家嘅味道！🥰❤️烤雞又好滑薄餅外圍好脆 好似食緊餅乾一樣🤤不過如果多啲🧀就好🥺❤️～茉莉花茶 $34‼️茉莉花味好出！加埋蜂蜜 甜中帶茶嘅澀味三重享受😎仲有茶壺可以自己沖茶🤤好似貴婦咁🥰❗️打卡人士可以慢慢影相📸❤️

平日lunch time 都多人架，最好book 定位。果日兩人嗌左個pizza + 意大利飯，Pizza 塊餅底幾好味，好香口，加埋啲汁幾好味。意大利飯都係above average。最好飲係咖啡，要加少少錢既其實本身仲唸住食甜品pancake, 但因為要1:15pm 後先有，我地趕時間，就無食了。

📍南瓜海鮮意大利燴飯 🎃 $82個人覺得燴飯煮得幾出色🤩係超級creamy同埋個Risotto軟硬適中🔥粒粒分明🫶🏻可能份量都唔算多，所以食完都唔覺好膩南瓜味就唔算好濃郁，但個燴飯都幾好食個飯幾有口感 仲撈埋啲魷魚、菇、洋蔥粒🦑 📍櫻花蝦明太子忌廉汁意粉 🌸 $72之前己經想試🤣雖然呢款意粉冇肉類配搭只有少量櫻花蝦+ 紫菜配搭😹但感覺唔錯意粉一定要趁熱食，凍咗啲紫菜分唔開了🥲聞落好重忌廉味🥳每條意粉都會沾到忌廉汁同埋好有咬口，但個人覺得份量就比較少🤣

喜歡這裏的環境,很舒服同埋播D歌好好聽,Wifi 又夠strong, 大致上服務都是above average。今天叫了櫻花蝦明太子意粉,D sauce 好creamy 而意粉就夠Al dente, Green Tea Latte亦不錯。可惜個原味疏乎厘班戟好似煮得唔夠時間,有D散;但之前食過是非常正,比一D正宗日本pancake還好味,而价錢只是一半左右。

☕🍽坑口【Coffee Break】放假周圍堀俾我堀到坑口TKO Gateway有間叫coffee break,過就入去食個lunch enjoy下啦。注重碳水量嘅我，我今次點點了烤雞沙律走汁和無糖抹茶拿鐵的配搭。🐔【法式香草烤雞】呢隻烤雞啖啖肉汁，好juicy，一切入面都是肉汁。好犀利。味道亦醃得好好，好入味啖啖，我真係俾100分。☕【無糖抹茶拿鐵】呢杯抹茶拿鐵好靚拉左花，精心之作。無糖的好好飲，抹茶味濃。一杯已經覺得好滿足。十分讚👍餐廳仲播著韓文可歌，自己一個坐下食下休下好似去左韓國旅行咁，真係好Relax架🙂大家有興趣都黎呢度試下啦😋

之前食過lunch，後尾再去食下午茶真係幾抵食又唔錯，甜品款式有幾多～甜品set(包飲品）供應1300-2200👓Tiramisu 梳乎厘班戟 $62其實依個價錢有3塊再包埋飲品真係好抵，味道又唔錯。見到pancake顏色都屬於深黃色，食落都有蛋香味，唔算話非常蓬鬆不過都有空氣感，唔會話似食緊空氣，面頭淋上吉士醬同可可粉，不過其實唔算話好tiramisu feel🤣旁邊加上少少cream水果粒同焦糖脆脆評分：7.5/10👓焦糖香蕉窩夫配碎瑞士朱古力雪糕 $68蘋果口感嘅香蕉你食過未😅冇錯，條香蕉係爽口…唔知係條香蕉未熟定咁啱嗰日水準出事，但見隔離枱同樣食到呆咗條香蕉原封不動，平時最期待食焦糖化嘅香蕉所以今次好失望。窩夫方面都麻麻哋因為佢係淋窩夫，似蛋糕質地，我個人比較鍾意脆卜卜硬身窩夫。除咗有朱古力醬同樣有cream水果粒同焦糖脆脆。不過好彩個朱古力雪糕係好食補到少少鑊，係有朱古力碎味道食落唔似cheap雪糕添喎🤣評分：6.5/10👓 野菌黑松露忌廉意大利飯 $62幾好食意大利飯粒係有咬口少少煙韌，雖然係忌廉汁底例牌一定有少少漏㗎喇，不過的確有淡淡黑松露味雖然唔算好濃郁但都已經夠味，好

雖然成日經過，但唔知點解每次睇完餐牌都無一種吸引我入去既理由，今次同寶寶去試，都係吸引唔到，但最後都去左試。店內環境都尚算可以，服務都無咩大問題野食方面呢，我寶寶叫左個黑松露飯，佢話正正常常，ok既，我就無試過就唔批評佢啦，我自己就叫左個芝士肉醬意粉，大路野黎，肉醬👌但意粉個到差小小，差係邊，就好似意粉還意粉，肉醬還肉醬，但我想講差小小 唔係唔好味，食得落人既，但係如果意粉都入到味，就一流啦！飲品個方面就真係一般般啦。唔難飲但未亮點。