Coffee Break (TKO Gateway東翼)

營業中

休息中

/星期天繼續cafe系列呢間絕對係數一數二性價比超高既cafe之前試過旺角果間，今次試埋將軍澳分店一樣keep到水準想食返櫻花蝦明太子忌廉汁意粉，可惜賣晒...個意粉真係好出色，明太子咬落去卜卜脆下次有機會一定會再試今次假日1點左右黎食lunch都要排隊，等左半個鍾左右可以入坐-🍝波菜忌廉煙三文魚意粉 ($68)菠菜煮到溶左落啲忌廉汁度食落去味道非常香濃，好食!🍕蜂蜜芥末烤雞薄餅 ($88)薄餅皮雖然唔係做得非常出色但食落去都香脆，而且有醬料搭救值得一試抹茶拿鐵 ($38)Lunch set包一杯$30或以下飲品我加$8叫左杯Matcha Latte但呢杯就味道比較淡，亦都冇乜綠茶香味下次都係飲返佢啲咖啡比較出色

星期六打算休息下 黎左呢間店試下 見到食評話呢間services 差有d驚 但係入到黎發現服務真心唔差  d侍應態度仲幾好添 帶位快又清晰 雖然佢地好忙 但係都好細心甘講解份menu 我唔小心倒瀉水🙈 仲好快甘攞條毛巾抹乾佢同埋攞個杯新嘅俾我(重點係無黑面 仲好好笑容) 叫左個雜莓yoga同埋all day breakfast 真心覺得大份又好食 特别係個炒滑蛋 Nice 👍 食落口唔會過硬 同煙肉幾夾 睇得出係用心整個人覺得得閒落黎chill下都幾好

服務態度真係非常差！！成班侍應喺水bar度傾偈 工作態度懶散 對客人要求置之不理 大家入去食嘅話真係要預咗冇人理你！但係加一服務費就要照比😡夜晚入咗去叫咗個意粉 食物質素係唔錯嘅 對得住佢個價錢 但跟住問題就出現啦 我飲完杯水 叫佢加水佢大大聲應左句 好呀 之後就走開咗 過咗一陣我見冇人加水就叫左另一個女侍應 佢又係應咗一聲好啊 但完全冇行動跟住我就見到嗰兩個女侍應企咗喺水bar附近傾偈 又同水bar入邊啲男仔傾偈 但完全唔做嘢㗎喎 到最後我要叫第三個侍應先加到杯水講真間餐廳唔係多人 得七八台客 但就有四個侍應 唔係忙到做唔切 而係懶到唔想做 如果餐廳老闆睇到呢篇評論希望佢真係要再培訓過呢班侍應 如果唔係只係幫你趕客😡

今次係第三次幫襯佢 食物係好食既但係第一次服務係差 （個個waitresses背脊向客人）今次就更加［非常劣評］！🤬🤬🤬請年輕人做樓面我覺得係friendly welcome但係呢間分店既妹妹仔係唔識服務人我成晚問左前後兩個瘦既妹妹仔加水兩個都係「哦」完就走左去傾計喺收銀機附近嘻嘻哈哈 玩到忘我（你地年輕鐘意做野傾計 我明白 但會唔會做好本份再嘻哈呢？）好彩最後有位戴眼鏡既妹妹幫我加水果然味道好味係緊要 但係食完成肚火 何必幫襯呢間？

今日同男朋友去左屋企附近食下午茶叫左個All Day Breakfast 同burger味道都唔錯最特別既係burger 唔係併薯條而係薯餅薯餅都炸得幾脆又唔粉唔錯男朋友叫左個coffee拉花都拉得幾靚味道就評唔到 因為我唔飲咖啡既All day breakfast 都幾豐富 食到好飽平時依間都多人排隊今日冇乜人唔洗等幾好都會再食的

一碟什麼蟹肉飯份量等同一隻雞蛋既大小,炒飯與一碟漿糊冇分別,味道極之難食, 賣相亦十分醜樣,用88元買一碟蚊型漿糊,我問侍應是否搞錯,他説沒有,是這樣子的,幸運飯後沒有出事睇醫生,永遠都唔會再去幫襯

黎過3次食，食物方面係唔差，但第一次食時，點杯凍檸茶，點知爆杯，好彩本人反應快無事，所以都無所謂。第二次食安然無恙然後剛剛第三次食，又係點凍檸茶，又係爆杯，但今次倒到我成條褲，電話，鞋濕唒，想睇會唔會有d歉意會有打折，結果無雖然食物係ok，但怕有第三次爆杯，希望該店老闆注意

夜晚想食意粉，就黎左厚德呢度喺角落頭嘅餐廳食。 呢間都黎過幾次了，意粉味道我覺得幾好，正正常常，我試過唔同餸，今次就嗌左個蜆肉意粉🍝。啲蜆有少少海水味，但個意粉就爽口好食嘅。 加左蒜片 一齊食好香口😛服務方面 我去過幾次都覺得唔錯，完全無 下面啲comment講嘅野情況發生… 通常有野想搵服務員幫手/攞野 都會應我仲好有禮貌🤔

經過見到tko商場見到有新開店舖 諗住入去試食下 睇下品質如何 入去拎位時都見到員工頗為繁忙 所以我都體諒 諗住用手勢同waiter們示意我幾多位 點知無人問津 個個見到都扮見唔到 比我嘅感覺係我地好忙唔得閒服侍你好啦 終於入到去坐低 waiter大大力擺底meun好似得罪佢咁 之後想叫野食 我舉手示意想落單 又係冇人理 個個似住自己有野做經過都扮睇你唔到咁 搞到我要叫幾聲’唔該’先肯理我 服務態度超級惡劣身為員工唔係應該提供顧客服務比顧客咩？點解可以完全無視客人？仲好意思收我加一服務費 根本毫無服務可言以後唔會再幫襯 入去食野比錢買難受

今日經過TKO 打算搵間餐廳放鬆下，記得附近開左間Coffeebreak，之前食過幾好食服務都唔錯，所以入去叫左個意粉同latte，點知甘次D服務完全唔ok😓，想落order嗰陣叫左幾次都無人理，搞到我要行出去話我要落order，原黎成班人企起水吧附近吹水，成幾個人唔知起度做咩😡😡，身為waiter 就做好waiter既野la，之後上菜嗰陣成碟意粉好大聲甘放上黎，感覺好唔耐煩甘🤬後尾我想要張tissue 又係無人理我，於是我又自己出去攞🙄🙄之前星期六起度食過，個waiter姐姐好唔得閒但都好好笑容，仲會講清楚餐飲要補幾多錢，依家十問九唔應，你地攞得份糧就做好自己既野，我有俾+1架！！成班人企起度唔知做咩，D服務甘差，呢間cafe shop絕食！！

今日來到了厚德商場的，發現開了新cafe,見到coffee break裝修不錯，所以決定入去試一試下午茶，這裏的格局很不錯，環境也很舒適。我們要了墨西哥餅同牛角包，再配以花茶和coffee latte，墨西哥餅夾着肉醬，相對上比較偏咸，沙律菜上的黒醋汁醋味亦太強，不是太配合。牛角包很不錯，夠酥脆配芝士很搭配。花茶夠香而且不會苦澀，加上配送的蜜糖很可口。這裏的咖啡也很好，咖啡味足夠而不過有澀味，而且很香滑。

星期六整完頭髮，近近地喺附近搵左間睇落坐得舒服啲嘅餐廳同男朋友撐枱腳😌✨櫻花蝦明太子忌廉汁意粉幾鐘意個汁☺️忌廉rich得黎口感唔會太膩~ 不過意粉就唔夠軟身同埋意粉份量較少✨肉醬芝士意粉肉醬幾好食，芝士就唔係幾食得出🤔同樣地意粉好似未煮得夠冧，份量岩細食嘅女仔！Lunch Set包一杯檸檬茶/檸檬水，其他飲品要另補差價，我地叫左一杯檸茶一杯Green Tea Latte🍵兩杯都完全唔甜咁滯😂😂服務方面overall ok，唯一係有個女侍應好差，一開始又帶我地去個對住冷氣出風位嘅二人細枱位度坐（ps我男友偏大隻又拎大背囊，場內有大量其他吉位，唔明點解要帶我地去呢個位🙄），之後喺人地背隻同塊膠板之間條細細嘅空隙上野飲又唔講聲，仲勁大力放低杯野飲。。。😐😐

播放音樂很嘈雜，完全唔配合餐廳環境，再加上攪拌機噪音，嘈吵得無法傾談，店內環境有陽光應是relax 悠閑能讓人放鬆的。食物：點了「烤雞胸凱撒沙律卷」、「波菜忌廉煙三文魚意粉」，水準不過不失；上次來點了漢堡包不錯的。

住坑口嘅姊妹約我去佢樓下商場食lunch ，大概十二點九過到嚟仲有好多位可以直入，但食食下就開始多人等位喇，好彩早左過嚟姐！餐廳内外都採用玻璃窗，透光度十足，整個環境都好舒適，幾適合同姐妹朋友👯‍♀️食飯傾計。我叫左南瓜海鮮意大利飯，奉送$30飲品，姐係檸檬茶檸檬水個啲，其餘特飲或咖啡等就補差額。😍 枱同碟同樣用簡約時尚嘅雲石紋，無論點影都好有質感！意大利飯非常Creamy配以三色椒、蜆肉、蝦肉增添口感，剛好適合一個女仔份量。

我知道Coffee Break係男朋友屋企附近開左，一直話想去食，今日終於有機會去食個下午茶啦。為左滿足我呢個甜品控，我叫左兩個甜品：原味梳乎厘班戟同雜莓忌廉窩夫配意大利奶凍雪糕。雖然要加一，但本身定價唔算好貴，所以都算合理價格，如果包埋野飲會更好。原味梳乎厘班戟有三大舊，口感尚算鬆軟，介於空氣感同厚實之間，好濃蛋味。雜莓忌廉窩夫配意大利奶凍雪糕都有三舊窩夫，窩夫唔熱，我唔鍾意個醬鋪係窩夫上面，鍾意自己蘸，而且好酸又杰。