Coffee Break (TKO Gateway東翼)

營業中

休息中

之前試過一次早餐，好豐富🤩食物質素好今次老公放假一於早d去試午餐，時間太早的關係好少人，好悠閒🤩我地點左一份薄餅一份意粉，2款都好好味呀！咖啡都好好飲，美中不足就係可惜我果杯送上枱時有d滿倒，希望之後侍應可以小心改善返依點☺️🙏

厚德商場依個位其實都已經開左好多唔同嘅餐廳，而餐廳都好快就汁左。依家開左依間餐廳，今日又諗唔到食乜好，就去左依到試下。等左一陣就有位，環境都唔錯，而一入黎店員就拎住2杯水比我地，暫時都唔錯。當我地開始研究餐牌，有位店員特登走過黎講返今日有啲咩轉左又或者未有，等我地可以係叫餐之前了解，所以感到都體貼。我地叫左嘅食物包括: 1. 經典芝士肉醬義粉2. 烤雞胸凱薩沙律卷飲品：1. 茉莉花茶2. 朱古力咖啡沙冰首先就黎左芝士肉醬意粉先，味道唔錯，意粉煮得岩岩好，只係我地以為芝士肉醬意粉會有啲拉絲嘅芝士岀現不過整體都唔錯，芝士方面好似有啲少。之後黎左個烤雞胸凱薩沙律卷，佢旁邊嘅沙律幾好食，而個卷都唔錯，入面嘅蕃茄係新鮮嘅，而雞胸味道都岩岩好，係食到最後啲剩返卷皮，不過都係正常，味道幾好。而飲品方面，茉莉花茶佢有提供蜜糖係旁邊，所以可加可唔加，而我中意飲原味，味道正常。 另外朱古力咖啡沙冰都唔錯，唔會太甜，朱古力同咖啡都岩岩好。失分嘅地方係有啲店員嘅態度麻麻，同第一次叫賣單，以為準備緊，但原來冇左件事，我地就叫多次，而賣單嘅店員態度麻麻。比感覺比較好都係睇menu個時，個位店員黎解釋果個，你會感覺

之前這位置的餐廳都唔好食，同時商場內太多食店了，令我一直沒有動力或興趣去試這餐廳。但今天剛好經過，見到頗多人，決定一試。居然沒有讓我失望，我中午到，叫了黑松露burger lunch set, 加一杯mocha。黑松露burger 味道很好，很特別，我未吃過這配搭，原來是咁好味，而mocha也很濃味，不錯。唯獨是burger 太吸引，且我吃得較慢，之後再吃薯條就凍了，只吃了幾條。下次要再試試意粉，希望可以保持水準。

點左份炸魚沙律，賣相好靚，又大碟，有成兩大塊炸魚！切開塊炸魚，唔怪之得咁大塊啦，原來炸粉仲大舊過塊魚，魚唔無魚味，唔夠味之餘，炸粉仲有DD唔夠炸熟，都幾失望，不過旁邊的薯仔沙律都唔太差！除左叫炸魚沙律，仲咁左兩杯飲品，一杯係抹茶拿鐵，另一杯係青蘋果梳打！杯青蘋果梳打一拎過黎真係嚇一嚇，成杯鬼口水咁，成杯飲品得個甜味，毫無青蘋果味之餘，梳打無汽👎🏼👎🏼👎🏼👎🏼very bad

其實呢間餐廳都開咗有一段日子，呢一日醒起過嚟試一試 😝 我哋六點左右到咗，當然唔使等位⋯⋯傾咗一陣就揀到，但落單呢個哥哥仔真係⋯⋯無咩禮貌😒 好彩之後個兩個都幾好，補翻數😏 如果唔係成餐又食到唔多高興😕我揀咗飯，女友要佢鐘意嘅帶子意粉，另外加一個set，有湯或沙律，再有杯飲品，都只係$18👍🏼湯到先，唔錯，好夠熱又幾好味😋 我個飯到先，野菌黑松露忌廉意大利飯，賣相ok喎，又熱辣辣，感覺好好，新新鮮煮出嚟😋😋 味道幾好喎，好香，係濕咗少少，乾身啲應該更加好味。另外個松子仁青醬意大利粉，又係好夠熱，正喎！我倆最鐘意啲食物夠熱，真係會好美啲！ 香噴噴熱辣辣😋👍🏼 味道都唔錯，只係兩粒帶子嘅質地唔夠靚，其實都煎得好靚好香！仲有。。。依家寫緊食評先發現，無咗松子仁，應該唔記得落😏我倆應該都會再嚟，下次可以試吓Burger 🍔😁

📍TKO Gateway出面睇幾靚入到去安排左個獨立位，但係張枱有少少矮🤣Lunch time 時間唔洗等位一去到就入得座但因為一個人食所以試唔到好多野🥲🔸櫻花蝦明太子忌廉汁意粉成個意粉入面，最明顯既係忌廉汁好香櫻花蝦同明太子唔算淡但忌廉汁真係好香🤤可以encore😋餐飲送左杯檸檬茶無咩特別冇影到～

Coffee break 坐得舒服 播住香港嘅歌流行音樂 回復返少女心 好耐冇聽過呢啲情歌 都係耳熟能詳嘅曲目 喺度出嘅位置都好闊落 環境都裝修得幾靚亦都有落地玻璃窗嘅位置對住一個寧靜的兒童樂園 有自然光真係特別舒服♥︎ Tea set 牛角包套餐有檸檬茶少冰都係$38 加埋一42牛角包上面係芝士火腿 雖然好簡單 但係個牛角包真係好酥脆 熱辣辣令到啲芝士溶咗 食落去充滿着幸福嘅滋味 好似都已經好耐冇食過一個熱辣辣嘅包原來都可以咁好味佢旁邊仲有一啲新鮮沙律菜 要做舒舒服服平平哋食個T嘆杯茶坐一陣 佢有啲選擇都係午餐可以食到嘅嘢

今日帶大家試下另一家的早餐！！！好期待呀~~~先比大家望下佢嘅 breakfast menu先！！係咪好特別呢？同平時食法不太同.甜開變salty.今日就試佢嗱~~好好好特別！等了大約20分鐘後！fresh made pancake出爐了~~~ho ho ho:第一次這食法！又真係不錯喎~~:我加$4 ordered咗Americano.入口可以不太酸！这$4加得值.這coffe set加分了：）下次要试其他coffee.

同閨蜜食完晚飯但覺得意猶未盡👭👭於是去咗附近嘅一間Cafe店繼續食甜品🧁餐廳環境簡約舒適✨俾人一種好温暖嘅感覺🏡非常適合一班女孩子慢聊談心💞🔸原味梳乎厘班戟（$52）梳乎厘pancake即叫即製🥞賣相非常吸引😻口感鬆軟輕盈🎊蛋香味相當濃郁🥚除咗配上奶油同糖漿🍯更有焦糖脆脆🤠士多啤梨🍓同藍莓🫐增添味道層次🙌🏻🔸焦糖香蕉窩夫配碎瑞士朱古力雪糕（$68）熱焫焫嘅煙韌鬆脆窩夫🧇配搭香滑朱古力雪糕🍫冷熱交融🍨再以甜美香蕉作點綴🍌令人再三回味💥🔹健康花茶系列：🌹玫瑰花茶（$48）花茶以玻璃茶壺呈上🫖未飲已傳嚟清香撲鼻嘅玫瑰花香🥰入口甘甜醇厚👍🏻更有美白養顏🧏🏻‍♀️理氣解鬱😌健脾胃嘅功效🎉值得一試🎖🌷茉莉花茶（$48）茉莉花茶濃香甘醇🌟芳香四溢😃有提高免疫力💪🏻安神😴同健脾胃作用🙆🏻‍♀️絕對係健康之選☄️🔹粒粒鮮果紅/綠茶：🍑蜜桃紅茶（$48）蜜桃紅茶味道相當有驚喜🥳水蜜桃嘅酸甜果香味🍑完全釋放喺紅茶當中🍹開胃消滯🤟🏻內裏嘅粒粒果肉😺更將飲品昇華至臻💜誠意推介🎀➰甜品跟餐飲減$20

食物正常，唔差，但係service 差。侍應拎沙律嚟「亨」到隻水杯，都幾大聲，無道歉，當無事發生，唔識點樣擺食物響客人面前，埋單要你自己拎返張卡同單！基本上啲職員非常業餘，成班柴娃娃咁，唔係傾計就玩電話。有被虐狂可以一試👍

- 服務： 職員服務態度好差，態度懶散，客人仍在店內用餐，但職員成日顧住自己傾計。叫職員拿隻碟，轉頭無左影，客人唯有自己去拿。叫職員加杯水，又無左影，要叫幾次先記得。- 食物： 點了芝士漢堡及松子青醬帶子意粉，食物味道和質素ok。松子意粉無松子粒，芝士漢堡的薯條除面頭幾條是正常，下面明顯是d剩低的薯條碎, $108 個包，薯條都不好甘差吧！總括而言，食物質素好，但服務有待改善，服務一日未改善，真心可一不可再。

夜晚8:30黎到唔使等位，餐廳入面坐咗八成左右 座位都坐得舒服既♥ 提拉米蘇疏乎厘班戟🥞 $62嗌嘅時候叫佢後上，佢話做唔到只可以係last order嘅時候一齊上，之後食食吓飯個意粉同pancake一齊嚟食得邊樣先🙈 鍾意pancake新鮮出嚟嘅時候食🙈 食落好鬆軟 唔會有未熟晒嘅口感 但係欠缺蛋香，不過咁嘅價錢仲有3️⃣塊真係幾掋食😋♥ 松子仁青醬帶子意粉🍝 $98等咗好耐先到差唔多半個鐘，帶子有2粒都好厚身煎得好香，意粉質地都唔錯唔會太淋或者太硬，不過醬汁有啲普通淨係食到好青既味道😂唔識形容♥黑蒜蘆筍蟹肉燴意大利飯 $108食落覺得有少少奇怪少少酸味咁唔知係咪因為黑蒜🤔我個人就麻麻哋🙈都有蟹肉味但係唔算好濃，不過不失 Dinner 加$18可以有湯或者沙律➕包$30內飲品，其他補差額。我揀咗湯，是日係南瓜忌廉湯都好飲但係上枱係凍嘅🙈 嗌咗杯水蜜桃梳打冇乜水蜜桃味好淡只係似飲緊梳打水加少少味咁😂♡ 食甜品真係唔錯嘅選擇價錢唔貴好掋食，不過平均上菜時間都好耐趕時間嘅話要考慮一下🙈 主食個人覺得麻麻地，下次可以試吓漢堡或者扒類🤔

地址－Coffee Break (將軍澳)將軍澳常寧路2號TKO Gateway東翼1樓E169-E170號舖💋菠菜煙三文魚芝士薄餅，一上菜時覺得都幾足料，芝士味濃，份量又慷慨，岩晒我呢D芝士愛好者，正。餅底係用脆底薄餅，同芝士，煙三文魚都幾夾，唔會搶左大家的味道，值得一讚係佢煙三文魚應該用上高質貨，唔會死鹹，就咁啪都接受到，唔錯。💋英式全日早餐，落單時侍應提醒左我地話薯餅賣晒，轉左薯條，仲好，諗住另外再叫薯條食，而家慳返，佢薯條炸得幾脆身，唔似連鎖店咁淋晒，口感好好。腸仔方面都幾有驚喜，雖然睇上去有D皮甩左，唔太脆身，但味道幾好，唔多覺有味精味，揀得唔錯，但建議注意一下煎的方式。炒蛋方面，佢加左D黑松露上面，提升左唔少味道，D蛋炒得都幾滑同埋都幾鮮色下，應該唔會用D太平的雞蛋。值得一提係佢個牛角包，佢上黎時個樣幾扁下，我唔知佢上菜時受過咩遭遇啦，一咬落去就覺得應該擺左好耐下，凍晒，如果佢上菜前翻熱一下我相信好好多！💋水蜜桃果粒茶，佢成Set野連埋蜜糖跟埋，我覺得有點多餘，唔加落去都唔酸，而水方面可能唔太熱，唔能夠令到蜜糖同茶充份咁融合，去到最尾一啖連埋蜜糖一次過飲就甜到令人即時醒晒，

自疫情之後少左好多出街食飯。🥲🥲🥲最近終於好似放緩返少少。放假天氣好，決定去附近逛逛。太耐無行過坑口，經過見到呢間食店裝修都唔錯，光猛舒服。係coffee shop 過一個懶洋洋既下午，都算係唔錯既選擇呀。人客唔算太多，等左大概十五分鐘左右，侍應哥哥就安排到卡位既位置比我地。呢度地方都算寬闊，d座位與座位之間都無話排到密密麻麻咁。侍應哥哥幫我地攞開左張椅，我地直情可以將成架BB車推入張檯度。可以免卻左摺黎摺去，抱來抱去咁麻煩。所以真係好好😍😍😍😍😍阿B咁岩又訓著左，變相我地都可以悠閑咁食個午餐，嘆杯咖啡😍😍😍😍自製南瓜海鮮飯拚明太子意粉😂😂😂南瓜海鮮飯比較淡味，混合埋明太子一齊食就滿足啲，口味豐富啲。加$8可以轉Latte😍😍😍幸福感加添。呢個拉花好創新，突然驚喜😂😂如果唔多人等既話，係坑口行開街，中途黎呢度抖一抖，飲杯野食個甜點都唔錯。食完意粉飲完咖啡，岩岩準備想放低個杯，阿仔就開始甦醒。🥲🥲🥲🥲無得慢慢hea lu，而家既me time真係好寶貴。有幸今日都算係偷到少少悠閑時光～😌😌😌

之前嚟過下午茶，今晚試吓晚餐餐廳做緊生日送梳乎厘一客，好正，食落味道有驚喜，蛋味香濃，鬆軟度恰到好處，推介 質素唔會因為生日優惠而hea做，超讚是晚點咗牛扒、蝦意粉、漢堡，正常級數