Co-Dining Space (已結業)

最近同幾個同事去尖沙咀一間cafe食嘢，發現呢間餐廳真係好浪漫好有情侶拍拖氣氛。唔單止地方環境闊落，而且仲非常乾淨衞生，野食方面仲有好多選擇俾大家揀。我覺得佢啲飲品唔單止貌相睇得，而且飲落去味道剛剛好，唔會太甜。另外，呢間餐廳仲有好多特飲。食物方面，我地試左「拿破龠船長海鮮意粉」份量算大份，配料非常十足，例如有蜆肉，鮮蝦、同大大隻嘅青口，入口鮮香味俱全，而且色澤亦相當吸引架！仲有「焗薯蓉」呢個前菜雖然少左啲，但味道一啲都唔差！仲有以下幾款都好受食客歡迎！

今晚同朋友黎試下係廣東道呢間樓上西餐cafe! 因為我地3個都好肚餓既關係，我地一黎叫左3個main course 拿破崙海鮮繪意粉 意粉質感好好，本人鍾意食硬身啲既意粉，呢個岩岩好。海鮮料好豐富，青口，蝦，帶子粒都有。味道微酸，非常開胃！美國大啡咕雜菌意大利飯 好有驚喜呀，大啡咕好入味，又唔會太咸。意大利飯硬中帶軟，時間火喉掌控得好好！ 好快ko哂原隻美式燒春雞 😍好大隻，肉滑，皮又脆。3個女仔都食得哂，份量岩岩好。handmade walnut brownie with tiffany blue ice-cream 碰巧朋友生日 廚師仲會寫上名 加埋煙火蠟燭🕯️ 不禁嘩嘩嘩聲！ 講返野食 brownie 好好味！ 唔會太甜又唔會苦！

2018年的第一個周末，依然非常holiday mood，梗係要搵朋友行街食飯啦，朋友話早排見到呢間餐廳嘅蟹蓋意大利飯相當吸引，就決定黎試下。餐廳位於廣東道港威廣場對面，相當易搵。內部面積唔算太大，但位同位中間有足夠空間，唔會坐得好迫，背景播住悠和嘅音樂。雖然我地六點左右黎到，但已經半滿，再遲d到就要等位了。坐低後梗係第一時間揀食乜，我地兩個人叫咗一個前菜加兩個主菜。白酒忌廉煮青口 :青口非常新鮮，淡淡嘅白酒忌廉汁配上蒜蓉，入口香口，每隻青口都可以沾到醬汁，一口一隻好快就食完。招牌黑松露菌麵包蟹蓋意大利飯 :主角嘅蟹蓋意大利飯到了，上檯時香氣十足，意大利飯煮得煙韌，每一口都可以食到蟹肉，配埋香菇及黑松露，非常好味。原隻美國燒春雞配燒汁 :一上檯就見到好大隻雞，春雞燒完後仍非常鮮嫩，唔會太乾無晒肉汁，沾滿香草嘅雞皮燒得香脆，雞肉配上燒汁後非常惹味。伴碟嘅有薯蓉及沙律菜，當中薯蓉煮得相當幼滑。總括黎講，呢度食物及環境都唔錯，同朋友係尖沙咀行完街，黎呢度嘆返個晚餐休息下不失為一個好選擇。

新一年當然有新嘅目標啦，今年嘅目標係繼續食好嘢。最近喺網上見到呢間位於尖沙咀樓上舖嘅餐廳，有一味招牌黑松露菌麵包蟹蓋意大利飯，賣相非常吸引，所以打算放假時同朋友一齊嚟試吓。餐廳地方唔算大, 有30個位左右, 除咗有梳化位之外，仲可以揀坐吧檯添，闊落嘅座位加埋餐廳嘅佈置，帶俾人好舒適嘅感覺。 我哋一行兩人，叫咗一個小食同埋兩個主菜。白酒忌廉煮青口青口份量都算幾多，而且全部都開晒殻，非常新鮮。用白酒加入忌廉同蒜頭做湯底黎整，酒味剛剛好，亦唔會太鹹。招牌黑松露菌麵包蟹蓋意大利飯期待已久嘅佢終於上檯啦。呢味菜造型非常特別，因為意大利飯係用麵包蟹蓋盛載，下面以大量海鹽墊底做裝飾，只係賣相已經贏晒。意大利飯有咬口，蟹肉鮮甜，上枱時熱辣辣，加埋香菇同埋黑松露香味，令人一啖一啖食過不停。原隻美式燒春雞配燒汁春雞燒得剛剛好，肉質香嫩幼滑，入口非常juicy，配埋燒汁食，非常惹味。伴碟嘅除咗有沙律之外，仲有蔬菜同埋薯蓉。最值得一讚嘅係薯蓉整得非常幼滑得黎牛油味一啲都唔重，好好味。不過如果薯蓉同蔬菜可以放喺碟旁而唔係春雞下面，整體賣相會更加好。呢度環境同食物都唔錯，絕對係假日同朋友食飯傾計嘅好地方。

同朋友去尖沙咀睇 聖誕 燈飾， 尖沙咀周圍都 洋溢著 聖誕氣氛， 使人心情都雀躍起來， 繁忙的工作也暫時拋開， 和朋友 享受下節日氣氛。我們經過 廣東道，流尚坊， 朋友介紹 我，樓上有間西餐廳，Co.Dining Space，吃晚餐。餐廳愛環境清潔 ，座位舒適。侍應 很有禮貌地招呼我們入座。餐牌上有很多選擇，朋友選擇了一個法式 薯蓉 焗田螺，軟綿綿的 薯蓉 ，香味濃郁 ，田螺肉質軟滑 ，非常可口， 很快就吃光了。西班牙黑毛豬 串燒配番薯條，黑毛豬肉質嫩滑 ，肥瘦適中， 配合甜番薯條，特別有風格。再配合 士多啤梨奶昔飲品，已經很飽足了 ，感覺晚餐非常豐富。

聖誕就到，今日約左朋友去尖沙咀睇燈飾影相，未去睇燈飾前首先要醫下肚先啦！因朋友未放工就叫我搵地方等下佢，佢好快到，我就上網搵左呢個樓上Cafe,因時間仲早唔使等位就入到，點知朋友比老細叫住左，攪到我坐左差不多成個鐘先等到佢，攪到我有點唔好意思朋友黎到由唔餓變左餓，我地點左一個前菜。二個主菜和二杯嘢飲前菜點左挪威煙三文魚凱撒沙律🥗，蔬菜和三文魚食落都好新鮮，麵包粒亦都十分香脆，前菜十分開胃主菜叫左西班牙黑毛豬串燒配甜番薯條🍟和煙肉芝士牛肉漢堡配薯條，黑毛豬全消加上番茄粒，黑毛豬燒得十分嫩口，加上番茄粒嘅清新，食落口完全唔覺得油膩，另外甜番薯條，番薯味好重薯條好香，平時唔多食薯條嘅我一次過清晒。至於煙肉芝士牛肉漢堡，薯條就唔多講啦夠熱夠趣都算唔錯，煙肉芝士牛肉漢堡舊口如果要一啖咬落去真係做唔到，用刀切開芝士都唔少煙肉牛肉都好香配搭上香脆嘅漢堡真係好正飲品叫咗士多啤梨奶昔同港式奶茶奶昔，士多啤梨奶昔送到黎粉紅色色澤好靚，飲落去試多啤梨味都好濃，朋友嘅港式奶茶奶茶色應該都唔錯，我見朋友三兩下手勢就飲晒

好快又到聖誕節我個人又唔想迫，但又想睇燈飾，所以預早約朋友去尖沙咀，睇燈飾兼行街，街到廣東道附近見肚餓， 搵嘢食睇到流尚坊幾層都係食市就搵上樓，選左間西餐廳入去試下點知無座位要等，好彩等左 一陣就有位。入到去服務員態度親切友善， 推介主菜西班牙黑毛豬串燒配甜蕃薯條， 煙肉芝士牛肉漢堡配薯條， 前菜係挪威煙三文魚沙律，叫左 士多啤梨奶昔和港式奶茶奶昔。先到挪威三文魚沙律， 三文魚有陣煙熏嘅香味加上魚油和爽脆蔬菜。主菜西班牙黑毛豬串燒配甜蕃薯條， 啲肉好林又多肉汁再配埋蕃茄仔係口腔裏面爆漿嘅感覺好juicy， 用甜薯做薯條又脆又甜。煙肉芝士牛肉漢堡配薯條，肉熟悉度剛好 加上大大件番茄片和芝士汁簡直係絕配。兩杯奶昔都ok士多啤梨味带少少酸，港式奶茶奶昔茶味較為凸出。

舊同學聚會揾左間尖沙咀樓上餐廳 距離地鐵站都幾近 唔難揾 餐廳既裝修風格有特式 特別係一張高身長鋼枱同木牆 氣氛感覺舒服我地20人包埸 時間由1930到2200 老闆係包場前都悉心同我地夾過個menu 幾nice 同helpful 值得一讚講下食物先肉眼扒-好juicy唔乾身唔韌小食拼盤同buffalo wings-好惹味黑松靈蟹蓋意大利飯-必食！餐廳好有心知道我食齋之後專登煮左個茄蓉什菌意粉同大啡菇比我埋單$300一個人加一 值得一食 環境無論兩三個朋友傾計食飯或者大班人包場都適合既餐廳

係尖沙咀，有間Co-Dining Space，環境衛生舒適，寧靜。這盤半邊燒春雞。肉質香嫩幼滑，雞肉新鮮不太老。香甜外皮，配上燒汀更多惹味。還有薯蓉，口感細膩，水份充足，不太濕淋。還有海鮮燴意粉，有多種海鮮，蝦肉肥美，大大隻，有青口，章魚等，意粉濕度和柔軟度適中，有些醬汁不太乾。令外架杯了cocktail ，口味特別，有三層，這杯Bifrost on canton，混合了橙汁和Blue Curacao 不太苦，有點fruitily

今日和女朋友去二人世界，選了一間尖沙咀樓上店，女朋友說食評都很多人的，所以我們6點早些就到。先叫了前菜：煙三文魚凱撒沙律 $78沙律菜新鮮，爽脆，芝士碎惹味，三文魚有5大塊，用料足，值得點來做前菜，開胃酸酸地磨菇飯，超香 有機大磨菇有手掌size, 而且很多汁，師傅用了欖油，芝士碎，香草同烤的，意大利飯有濃濃的忌廉汁，雜菌碎同煮，軟綿綿很cream有足夠汁煮成最期待的西班牙黑毛豬串燒， 有3串，如果再多些會好點，感覺份量不夠，串燒肉質爽爽地，有咬口味道有BBQ醬烤過香氣，給我想醬汁完全不用點，已經原味很好，炸甜蕃薯條，很脆，甜蕃條味道幾特別，外面咸內裡甜，而底下薯蓉很綿，女朋友很喜歡，沙律菜伴黑醋可食用。

難得假期前晚餐都Book 到七點半，加分！其實8點到9 點都好多人等位，不過我坐到十點半都無人趕，好開心呀🤤所以專登寫食評讚一讚，大家想坐耐D 就黎試試佢啦。食物味道幾好，選招牌菜蟹蓋意大利飯同黑毛豬串燒就岩架啦😋👍🏻暫時特色菜選擇不多，飲品亦無乜吸引人打卡嘅驚喜之作，不過Toilet 好乾淨企理，又大，好鍾意！坐長枱高凳略嫌不舒服，如果多人佢會安排窗邊梳化正常枱俾你，下次訂位試下預定吧！不過建議大家訂左都早D 到，同埋打電話book 穩陣。Online 都補番個電話吧。

臨近聖誕，開始多飯局，今次同姊妹嚟咗呢間樓上餐廳。主菜點咗店員推介嘅西班牙黑毛豬串燒配甜番薯，賣相好吸引！黑毛豬肉質軟腍又有肉味，唔使蘸醬已經好好味，而且燒得剛好，唔會乾身。配搭蕃茄仔亦清新解膩，不錯嘅配搭。蕃薯條甜甜地都好正😉法式藍芝士煮青口份量好多，藍芝士味道比較strong，鹹香十足，啱晒我哋兩個比較重口味嘅人，不過青口比較細隻，而且鮮味就略為被遮蓋。最後當然要試下招牌黑松露麵包蟹蓋意大利飯，造型好特別，因為係用蟹殼去盛載意大利飯，但係賣相已經相機食先，先贏一局。蟹肉鋪滿喺上面，加上黑松露，香氣洋溢。意大利飯如果煮得有咬口d會更好。

聖誕節 快到 ，约埋朋友去尖沙咀買聖誕禮物， 不經不覺 到咗晚飯時間 ，朋友 介紹 我去一間樓上 鋪餐廳 食晚餐。 地點很方便 尋找 ，近港鐵A出口 步行6分鐘就可到達(Co.Dining Space)。餐廳 環境 清雅舒適， 最適合約埋三兩知己 聊天，晚膳。我哋order咗一個拿破崙船長海鮮燴意粉$128。意粉份量 掙啲，意粉 黏軟， 又充滿茄汁味 ，再加上鮮蝦，海鮮 ，感覺很清新。法式藍芝士煮青口$92陣陣濃郁的芝士香味 令人醒神開胃， 青口唔算大隻， 但 充滿芝士味 ，可惜青口分量 略少些。我還order咗一杯飲品 ，士多啤梨奶昔。士多啤梨奶昔 的味道， 也很清新 。士多啤梨香味很出 。奶昔也很滑 ，是非常不錯的 飲品選擇。

平時多數都係我帶男友食好野，估唔到今次竟然係佢有好介紹。事緣佢上次同朋友gathering，黎佐Co-dining space，覺得食物同環境都幾好，就帶我黎試下。餐廳喺海港城對面嘅一棟大廈入面，成日喺尖沙咀覓食嘅我真係從來冇留意有呢棟大廈。黑松露麵包蟹蓋意大利飯 $188用上麵包蟹蓋盛載香噴噴嘅意大利飯，伴以慷慨嘅黑松露醬，造型好有心思！先將黑松露同飯拌勻，陣陣黑松露香立即撲鼻而來，好吸引。意大利飯煮得比較淋身，但個人就中意有咬口多d，值得一讚嘅係蟹肉份量都算多，食落好有鮮味。焦糖牛奶 $32雖然drink list有好多奶昔口味都好特別好想試，但氣溫突然下降，都係要杯熱飲暖胃d！焦糖牛奶味道唔錯，焦糖嘅香甜同牛奶嘅香滑平衡得剛好，整體唔會好甜，但有少少奶泡，飲落香滑又暖凹凹。

尖沙咀食飯當然有好多選擇，不過今次擇呢間樓上餐廳就好有驚喜！樓上舖地方不大，都幾多人食，我地等左三個字左右就有位，不過最好都係book定位先。前菜叫左水牛芝士蕃茄沙律，幾清新。青口有卡邦尼嘅味道，我地個個都爭住’筆‘啲汁黎飲😂😂好香好食👍🏼主菜有燒春雞，皮脆肉嫩，不錯不錯。黑豚肉串，呢個我覺得好好食！！肉好juicy好香好嫩！！仲有襯底嘅係蕃薯條，幾特別，幼身脆口，甜甜地。呢個必叫呀！！黑松露蟹蓋意大利飯，賣相幾吸引，面頭都幾多蟹肉，如果飯份量多啲就好喇。最後試埋甜品，自家製的合桃brownie，上枱仲夠暖，唔會太硬身，2個人share食岩岩好👍🏼