Choomil 啾咪

營業中

休息中

星期六日連續兩日油麻地上堂，之前見到大角咀呢間小店有油封鴨髀已經諗幾時先有得去，事關星期日小店休息。放學馬不停蹄去大角咀行左20分鐘到小店，屋邨街坊鋪有親切感。空間不大，連吧枱最多坐12人多d.時間關係點左鴨髀白汁意粉,紙包飲品唔洗加錢。上餐都好快，鴨髀都有油脂香味，不會過鹹，意粉稍微軟左少少，白汁配起來有d溜。意粉可以換蕃茄口味或者沙律菜及加錢轉韓式紫菜包飯捲，不過個人唔食蕃茄又無飯癮就無辦法。食完一隻其實都好飽😋

今晚行完奧海城之後去咗附近一間個名好得意嘅餐廳食，叫做啾咪呢間新開嘅小店店舖唔大，總共有五六張枱今晚叫咗黑松露炸番薯條、卡邦尼意粉、蟹籽蟹肉忌廉闊條麵、黑松露pizza、凍檸茶香港西餐廳好少有炸番薯條，多數都剩係得薯條，今次見到有番薯揀，梗係想試吓啦，而且仲加咗香口嘅黑松露醬添；至於卡邦尼意粉上面鋪咗隻半熟蛋，意粉上到嚟熱辣辣，將半熟嘅蛋篤爆之後蛋黃流晒出嚟，撈埋啲意粉一齊食，真係令人欲罷不能；至於蟹籽蟹肉扁意粉，扁意粉煙靭可口，而且都非常之掛汁，撈埋大量嘅蟹籽蟹肉一齊食，令人垂涎三尺；而黑松露pizza個味道好特別， Pizza份量慷慨，食到好飽呢間小店雖然地方唔大，勝在裝修整潔，食物質素有保證，值得推介#啾咪

街坊都大贊呢間小店，今日特登早啲落去6:00點，點知原來要訂位；好彩都有吧枱坐，叫左一個海鮮薄脆pizza八吋，啲蝦超級細粒，個八爪魚有啲奇怪好似好生咁；但其實個pizza唔係好熱，除咗中心比較熱個邊邊同埋啲海鮮都係少少凍 😣 跟住仲叫咗一個青口，個汁好濃，但係唔係我鍾意嘅口味、有啲酥。10隻青口，但係一半都係冇乜肉，或者之後會比多一次機會佢，服務就幾好，承惠110元 。

附近嘅學生就幸福了餐廳賣韓式紫菜包飯 $40-$50自選午餐 $50起 豬、牛、雞、鴨都有得揀再配飯、沙律、意粉任君選擇性價比真係好高👍🏻👍🏻溫泉蛋配蕃茄牛柳飯蕃茄牛柳好濕潤牛柳嫩滑，容易咬口，絕對唔會乾爭爭溫泉蛋撈飯，絕對可以食晒成碗飯😋自選午餐油封鴨髀兩隻配白汁意粉 $50油封鴨髀大小適中絕對唔係bb鴨髀足足舖滿意粉上面油封鴨髀外表呈金黃色，鴨髀酥脆可口裏面嘅軟嫩用刀可以輕易分開推薦大家試下👍🏻追加咗小食蜜糖蒜香雞翼雞翼有蒜蓉牛油香味，表面有一層蜜糖🍯，味道豐富，好滿足！今次試唔到酥炸墨魚嘴，下次再嚟試😋📍Choomil 啾咪 (大角咀)🔎大角咀海庭道8號富榮花園一期7座地下15號舖

呢間係喺大角咀嘅一間小店，有韓國嘢食所以入左來，餐廳唔大好有人情味，中午嘅時候同朋友一齊買外賣食，韓式飯卷睇落好吸引，有三款揀，分別係辣豬肉、牛肉同埋原味～ 食咗一個牛肉嘅，紫菜上面充滿滿滿嘅芝麻油香味同白芝麻！同日式飯團壽司比起上嚟，本身已經調好味，所以唔需要再額外加醬料，飯卷好多料，仲多個飯好多，感覺到好有誠意，有牛肉、蘿蔔、蛋絲等等好夠飽肚！口感勁豐富！覺得比起尖沙咀嘅飯卷仲好食！另外叫咗一個set lunch，50蚊可以菜同主食配搭，加左10蚊要芝士安格斯牛肉漢堡🍔 佢選擇夠彈性，可以配唔同嘅主食，飯面沙律都得，食得韓國嘢梗係加$10要韓式拌飯，果然冇揀錯，因為有芝麻油香，有波菜、芽菜、蘿蔔、紫菜、粟米等等，鹹鹹香香，脆卜卜，口感好好，芝士溶落去好Juicy , 牛肉份量都好多，厚身既安格斯牛肉，肉味好濃郁，超級飽肚， 檸檬茶都好足料，呢個價錢嚟講幾抵食，又多選擇！

好多街坊都話正，所以我就試下，真係好正喎，我都覺得呢區難得真心好味餐廳唔多，呢間真係好介紹。忘了拍照，份量係少，大食一盒未必飽。卡邦尼上的溫泉旦，就係彈彈下咁，汁好味，唔喊，味道適中。

Choomil 啾咪地址: 大角咀海庭道8號富榮花園一期7座地下15號舖電話: =====================小店堅多款野食，同入到去卡通poster 會令人心情變好的魔法。食物有烤物，pizza,pasta,韓式飯卷等，真是包羅萬有。 散點外有2人餐 $369先是一人一個餐湯$58 溫泉蛋caesar salad ，夏天要清新，必選意粉就明太子大蝦意粉，個醬鹹鹹的好惹味。我同朋友點了$88 油封鴨髀同$78 韓式烤春雞 ，鴨好嫩，把味道都鎖在肉內，皮煎至香香。烤雞比炸健康呀，肉質緊緻。包兩杯飲品 ，原來仲有甜品，牛角包雪糕，好邪惡呢！今餐好多野食，食到超級飽呀！好去處 #igable #假日好去處 #life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy

之前行過富榮花園發現呢間新開的餐廳😌專登捉佐班同事黎試下新野😳😳😳味道都唔錯 份量好感人 仲要送野飲🥹🥹超推薦佢既油鴨髀😚 $50有2隻✌🏻非常抵食😇😇今日二訪質素依然唔錯❤️❤️❤️而且多返啲款式揀😜下次可以試下佢既韓式紫菜飯卷😋😋😋⭐️油鴨髀白汁意粉 $50超推介！！煎得好香 啖啖肉🥰⭐️冬陰功串燒滑蛋飯 $60冬陰公串燒好特別😌😌⭐️韓式燒牛肉蕃茄意粉 $50⭐️香煎豬扒飯配沙律 $60

學校附近新開咗間餐廳，放學就同同學去食！蟹肉蟹籽忌廉扁麵一上枱已經勁香，啲蟹肉味好香，同埋佢勁多汁，每一啖意粉都掛到好多汁，加上佢係扁意粉除咗掛汁之外，蟹肉都好多，味道好香濃蟹肉味，但又唔會太鹹，味道啱啱好，好出色嘅意粉.羊臀肉佢冇臊味~唔鐘意食臊嘅同學就好鐘意.肉質方面，佢一啲都唔un.大廚煮得好好，煮出嚟唔會全熟，仲鎖到肉汁，眼見都已經好juicy，食落都好juicy，肥肉同羊肉嘅分佈比例好好，唔會太肥，但又有肥肉去添加味道同口感.羊臀肉呢個部分都好淋.我覺得唔洗點汁都已經好好食，食到羊肉同埋調味本身應有嘅味道.龍蝦包超！大！個！即叫即炸嘅龍蝦啲龍蝦肉就算炸完都好彈牙，包都烘過，所以成個龍蝦包食落好脆，勁正！加上佢有蟹同沙律，所以味道入口好好食！雞串燒配薄餅估唔到佢咁多串，勁抵食！啲雞肉唔鞋，醃料醃得好入味，夾埋薄餅食，條另一種風味.薄餅微微烤烘過，少少脆身，加埋雞串嘅汁一齊食，都好夾！（我點意粉汁勁正，hahahaha)

大家好今日中午去了位於富榮花園既Choomil 啾咪食午餐這裏有個點指兵兵餐可以選兩款食飯再加飲品我就揀了吉列豬扒滑蛋飯同兩款小食可能這間是一間小店 所有食物都係即叫即整第一款小食是酥炸墨魚嘴墨魚嘴比較腍包左粉炸都幾惹味另一款小食是蜜糖蒜香雞翼都炸得幾香脆蒜香味都幾重外層仲有蜜糖而且隻雞翼都仲保持都有肉汁至於個吉列豬扒滑蛋飯個滑蛋都仲有D蛋汁都幾滑豬扒都炸得香脆同埋己經切好一件件而且落左幾多沙律醬調味飲品方面加$7要了一杯凍檸茶少甜都幾多檸檬幾好味總括呢小店食物出品都唔錯

今日同朋友去大角咀富榮花園親友屋企打麻雀，打完後就同朋友去食晚飯，親友就介紹我哋去樓下一間餐廳食，佢話間餐廳啲食物好好食，亦好抵食。這間餐廳叫 Choomil 啾咪，位於大角咀海庭道8號富榮花園一期7座地下15號舖，間餐廳都好近巴士站同小巴站，食完之後就可以搭車走，都好方便。這間餐廳外嘅招牌非常光亮，令人一眼就見到，門外有個餐板，寫有韓式紫菜包飯同點指兵兵餐，韓式紙菜包飯有原味魚片、牛肉、辣豬肉，份量都唔少，點指兵兵餐就有雞、鴨、豬、牛、魚嘅食物，有好多選擇，仲除餐附送飲品，價錢亦唔貴，真係好抵食，但18:00後就只供外賣。而餐廳內嘅枱椅排列整齊，乾淨整潔，令人坐得舒服，店員服務態度很好，來這裏食真是唔錯。餐廳內嘅餐牌都有好多食品選擇，有 Starter、Pizza、Salad、Pasta & Risotto、Special Dish、Dessert，而飲品種類亦唔少，有 Coffee、Non-Alcohol、Cocktail、Beer、Wine，真係估唔到這間餐廳有咁多種類嘅食物飲品，我同朋友都覺得 Starter 好吸引，就叫咗兩款，乜都有啲小食拼盤和沙嗲雞串燒配烤薄餅，Pizza

2只鴨比好好味！$50性價比高！希望能繼續加油，研發不同的菜式，因為富榮選擇不多，有如此用心嘅小店，好開心喔！上次試牛角包雪糕都有驚喜，牛肉處理得不錯👍會再支持！

落雨放假天，只好去商場行街，行完奧海城又到左食晚飯時間，醒起住係大角嘴的朋友介紹過的呢一間餐廳，就行過去食晚飯。餐廳店舖細細，枱唔多，好在我哋食個時仲有位，跟住就好快坐滿了，見佢menu咩類別的食物都有，算多選擇。蜜糖蒜香雞翼(6pcs) $58個蜜糖味好香，雞翼外皮好脆好香口，入面仲keep到juicy。😋😋欖油蒜香蜆肉扁麵$68一上枱個蒜香味超香，好多蜆肉係入面，仲要冇沙的，扁麵做到個口感剛好，唔會太淋或者太韌，剛剛好，呢個我個人私心推介。😍😍韓式燒春雞$138個雞皮燒到好脆，入面的雞肉仲保留到嫩滑，雞油係個口到爆發出黎，好正🙊🙊荔枝接骨木花梳打$39上面有兩粒荔枝肉，飲入口好香茘枝味，幾清新，好適合夏天飲😎😎青檸薄荷梳打$39呢杯就正常發揮佢係open kitchen 得黎但又冇油煙味，店員都好有笑容，呢間小店值得支持。🥰🥰👍👍

今晚和朋友去了大角咀一間cafe吃晚餐。平常我們都很喜歡光顧不同的特色小店。見餐牌選擇都多，而店內的環境都不錯。蜜糖蒜香雞翼6隻（$58）：炸得非常香脆，加上蜜糖，甜甜的，幾好食。非常惹味。蟹肉蟹籽忌廉意粉🍝：蟹肉份量都好多，忌廉意粉又好香滑，好creamy 的感覺，不錯。蟹肉幾好食，口感好好，不錯。紐西蘭草飼肉眼10oz ($158):牛扒肉眼煎得非常香口，不會太熟又不會太生，非常好食，肉眼的肉質非常好，口感都好好，不會韌，肉質鮮嫩多汁，好好食，不錯。肉眼有足足10oz,都真的好大份，一定夠飽。埋單都係$304，唔需要加一，價錢真的不貴，但就食到高級西餐廳的質素，真的非常抵，性價比好高，值得一去。

好耐無出過元朗，聽講大角咀有好多好食小店，上網搵下有乜嘢嘢食，見到呢間新開，想過黎試下，係門口見到餐牌，覺得都幾特別，佢地午餐有分A餐韓式飯卷同B餐點指兵兵餐，B餐有好多唔同嘅選擇可以自由搭配。一入到好舒服嘅感覺，店鋪唔大，十幾個位，除左午餐，夜晚餐牌仲有牛扒食。我同男朋友都揀咗B餐佢揀咗吉列豬扒白汁意粉，佢話豬扒炸到脆卜卜好好味，意粉都係我嘅係韓式炒肥牛加韓式伴飯，味道都唔錯，仲加左蜜糖蒜香雞翼兩個餐都有配汽水，好抵食會再幫襯