影片
更多
2024-04-30
272 瀏覽
#christine開飯日記 比我發現左一間好溫馨又chill嘅cafe😍佢係大角咀海庭道富榮花園附近，雖然舖頭細細呀，但其實坐落都幾闊落嘅又幾舒服架。🌟蜜糖蒜香雞翼 (6pc) $58佢嘅蒜香味好濃，加埋甜甜嘅蜜糖，味道都幾好，而且佢炸得好香脆👍男朋友食到停唔到口🌟沙爹雞串燒配烤薄餅 (6串) $68呢個沙嗲雞串燒性價比都幾高，佢嘅份量都好大碟，調味都做得好好👍🌟招牌滿肉龍蝦包 $78呢個龍蝦包真係好有驚喜，滿滿嘅小龍蝦肉加埋沙律醬🤭每一啖都啖啖肉👍有埋生菜令到成件事fresh再啲🌟法式油浸鴨髀（2件）$88你冇睇錯啊，$88就食到兩隻法式油浸鴨髀，喺其他餐廳閑閑地都要百幾蚊啦😳佢呢個真係超級抵。而且都幾大件㗎。抵食之餘，味道都好好。🌟彎形牛角包配雪糕 $38食飯又點會少得甜品呢？我都叫咗牛角包，佢係即叫即焗，拎到出嚟熱辣辣，加埋凍冰冰嘅曲奇雪糕。牛角包本身嘅牛油味好香😊令到成餐飯好圓滿。🌟Latte ($32)我覺得佢哋嘅咖啡都幾出色，豆味好香，係我中意嘅nutty風味🤭我諗我應該都會再去買佢嘅咖啡如果去開大角咀又諗唔到食咩就記得試吓呢間小店啦，真係幾唔錯㗎🍴Choomil 啾咪
比我發現左一間好溫馨又chill嘅cafe😍佢係大角咀海庭道富榮花園附近，雖然舖頭細細呀，但其實坐落都幾闊落嘅又幾舒服架。
🌟蜜糖蒜香雞翼 (6pc) $58
佢嘅蒜香味好濃，加埋甜甜嘅蜜糖，味道都幾好，而且佢炸得好香脆👍男朋友食到停唔到口
🌟沙爹雞串燒配烤薄餅 (6串) $68
呢個沙嗲雞串燒性價比都幾高，佢嘅份量都好大碟，調味都做得好好👍
🌟招牌滿肉龍蝦包 $78
呢個龍蝦包真係好有驚喜，滿滿嘅小龍蝦肉加埋沙律醬🤭每一啖都啖啖肉👍有埋生菜令到成件事fresh再啲
🌟法式油浸鴨髀（2件）$88
你冇睇錯啊，$88就食到兩隻法式油浸鴨髀，喺其他餐廳閑閑地都要百幾蚊啦😳佢呢個真係超級抵。而且都幾大件㗎。抵食之餘，味道都好好。
🌟彎形牛角包配雪糕 $38
食飯又點會少得甜品呢？我都叫咗牛角包，佢係即叫即焗，拎到出嚟熱辣辣，加埋凍冰冰嘅曲奇雪糕。牛角包本身嘅牛油味好香😊令到成餐飯好圓滿。
🌟Latte ($32)
我覺得佢哋嘅咖啡都幾出色，豆味好香，係我中意嘅nutty風味🤭我諗我應該都會再去買佢嘅咖啡
如果去開大角咀又諗唔到食咩就記得試吓呢間小店啦，真係幾唔錯㗎
🍴Choomil 啾咪 (大角咀)
📍大角咀海庭道8號富榮花園一期7座地下15號舖
張貼
