Chatterbox Café (AIRSIDE)

營業中

休息中

Chatterbox分店越來越多，仲開咗間喺airside! 呢間分店開喺mtr層超方便，入面嘅座位都幾多幾闊落，裝修亦係一貫嘅南洋風情。個人好鍾意佢個喇沙湯底，今日嗌咗雞肉喇沙米線，雞肉係海南雞嘅質地超嫩滑，仲有超索汁嘅豆卜，連炸魚片都好好食😆😆海南雞飯當然係呢度名物，可以揀雞胸，啱晒女仔食，油飯夠熱好香，仲有碗湯跟埋。夜晚出街食都係想嗌碟菜，冇諗過呢度嘅小棠菜炒得咁好食，好多蒜蓉每條都好爽脆，推介～

新加坡知名餐廳Chatterbox Café 進駐Airside, 環境比較闊落舒服。員工招呼週到有禮。之前已經食過主打的文華海南雞飯，今次就點了星洲海洲炒貴刁$128, 每條貴刁都被香濃醬油包著，油香豐富，鑊氣十足，除了有大蝦，帶子及魷魚，更有鹹香的臘腸，令味道更豐富惹味。另外點了沙嗲串燒併盤$128 , 豬牛雞各兩串，醃得入味，燒得香口，沙嗲醬是精髓，好香花生醬味。餐廳的椰子雪糕必食，$48 兩球，啖啖椰子香，仲食到椰絲的口感。

啟德新商場Airside自開幕後都人來人往，商場B1層直達港鐵站，嗰度有間過江龍海南雞飯餐廳：Chatterbox cafe。店內必吃美食首兩位係海南雞飯同喇沙。文華海南雞飯（$138）作為新加坡國菜，Chatterbox cafe的文華海南雞飯係店內人氣菜式，呢度嘅海南雞飯嫩滑可口，雞皮爽滑，隨飯一齊上菜嘅醬汁共有三款：黑醬汁、薑蓉及辣椒醬。油飯香而不膩。招牌大蝦喇沙（$178）喇沙的靈魂在於香濃湯底，蝦味、咖哩味及椰香要取得平衡，濃厚又不可過膩，chatterbox cafe喇沙的配料如大蝦夠新鮮彈牙，麵條亦掛湯。

夜晚諗住近近地搵間餐廳食。呢間分店地方比較闊落，味道好味尖沙咀嗰間，仲要唔使排隊👍👍食咗個二人套餐，有個一個小食，兩個主菜，兩杯飲品，埋單三百幾蚊。✅炒貴刁 推介✅海南雞飯 正常

今日嚟AIRSIDE商場朝聖💃食過好多喇沙都唔係特別啱心水，但呢間Cafe嘅喇沙幾啱我口味🤓可以encore!✨招牌雞肉喇沙 $128 😋濃郁椰奶口味，口感順滑，所有調味恰到好處，麵條相當掛湯，食到最後都唔覺得膩。定價不算親民，但份量同用料有誠意，雞件夠香滑，魚片、豆卜都索哂汁。✨鹹蛋雞翼 $72 😋雖然蘸滿鹹蛋黃醬，但外層口感依然酥脆，肉質有醃料香氣。✨錫蘭紅茶 $38個人推薦少甜或者走甜，茶味更加突出😝😝

聽講Chatterbox係由新加坡文華大酒店主廚主理 好多地方都有 不過我都係第一次試～間餐廳裝修好靚 拱形天花仲有好多花花草草 感覺好清新！另外 服務都幾好職員好有禮貌👍🏼餐廳嘅海南雞飯係招牌菜 不過有其他野食吸引到我 下次有機會先再試海南雞飯😆招牌大蝦喇沙 $178米線份量都算多 大蝦總共有三隻 口感都爽口而且算幾大隻🦐🦐🦐湯底好香濃 椰香味好出又唔會好辣👍🏼另外除左大蝦之外 喇沙入面仲有魚片、蛋、芽菜同埋豆卜伴碟白胡椒肉骨茶配白飯 $132胡椒味好香 飲落微辣好暖胃 一定要趁熱飲🤍入面仲有好大排嘅排骨 炆得好淋好入味而且有豆卜蒜頭同埋金菇係肉骨茶度！招牌椰子雪糕 $108椰子雪糕好濃好滑 用左原個椰子裝住 好特別仲有啲核桃粒粒係面頭 食哂雪糕仲可以食埋椰子入面嘅果肉🫶🏼而且有兩粒好清甜嘅龍眼肉同埋一條朱古力味pocky做garish👍🏼

自從AIRSIDE開咗之後，啟德多咗唔少餐廳，仲有唔同國家嘅款式可以選擇。今次就去咗間食🇸🇬新加坡菜嘅餐廳「Chatterbox Café」，整體嚟講都算有水準😀🐔#文華海南雞飯：啲雞都幾滑，但預咗冇乜雞味，所以點吓醬再食會好啲。飯嚟講，反而我會鍾意有少少似印尼炒飯嘅 #新加坡炒飯 多啲（冇影相🙈）～～😊🍜招牌雞肉喇沙：喇沙又係必點菜式，都算係足料，豆卜亦浸到好入味～如果想食豪啲，揀餸可以揀大蝦或珍寶帶子😼🥘#白胡椒肉骨茶：用白胡椒整嘅肉骨茶相對清淡，好適合唔鍾意太濃味嘅朋友。因為我鍾意辣，我會覺得再多少少胡椒味會好啲😉🍝#星洲海鮮炒貴刁：個人覺得好惹味，就算邪惡都會好想再食😆 同埋海鮮都足料，帶子炒得啱啱好😻 比起另一碟濕炒陳村粉嘅 #香炒河粉燴牛肉 更好食😺🍢#馬來特色香煎辣魚餅：一入口有陣茶味同辣辣哋，係幾惹味，可以配麵包食。🥬🫛另外都叫咗蒜蓉炒小棠菜同辣炒豆角各一碟，賣相冇乜特別，但炒得好入味😋價錢算係偏貴，但食物質素唔錯的👍🏻 如果下次有機會再嚟，我會想試吓呢度嘅斑蘭蛋糕 🤤

Airside係東九龍區一個新嘅商場，亦都係一個寵物友善商場。但由於食環署保守嘅條例，唔係間間食肆都可以入得。Anyway今日冇帶隻女出嚟，所以就去咗一間食星加坡嘢嘅餐廳試一試。餐廳裝修都好整潔，乾乾淨淨。 食物價錢唔算太平民化，今晚叫咗三款嘢試吓。餐廳有啲特色飲品，喜歡嘅可以一試！星洲海鮮炒貴刁有大蝦，帶子，魷魚，醬汁都唔錯，係用黑醬油炒成！做到新加坡風味！白胡椒肉骨茶配麵線 麵線都算煮得腍， 豬肉都係厚切， 如果個湯可以胡椒味重啲就好啦，我嫌佢唔夠胡椒味重！招牌雞肉喇沙湯夠濃，落足料，雞夠哂多，但雞煮熟啲會更好，辣味再重啲會更加好！

今日來到了啟德新開的商場，品嚐一下出名的海南雞飯,餐廳在大商場內，有通道直達的，不用擔心日曬雨淋!海南雞是一道極具特色和口感的美食,已經在全球范圍內贏得了廣泛的讚譽。海南雞的獨特之處在於它的烹調方法和配料。首先，海南雞以其優質的肉質而聞名。選用的雞肉質鮮嫩，口感細膩。烹調過程中，雞肉經過特殊的處理，使其保持了優越的口感和湯汁的鮮美,加上這一碗雞油飯十分之乾身，廚師火候控制得宜,無論賣相及味道也達致最佳的海南雞!海鮮炒粉是一道令人垂涎欲滴的美食，結合了新鮮的海鮮和口感獨特的河粉，炮製出一道香氣撲鼻、味道鮮美的佳餚。首先，海鮮是這道菜的靈魂所在。海鮮的鮮美和多樣性使其成為廣受喜愛的食材之一。無論是鮮嫩的蝦仁，它們都為炒河粉增添了豐富的口感和風味。其次，河粉的獨特口感使其成為這道菜的完美伴侶。河粉是以米作為主要原料製成的，它富含澱粉質，具有柔軟的口感和彈性。餐廳無論環境服務，也達致最佳的水平零，這一餐畫上一個完美的句號.

新加坡過江龍海南雞飯開到了啟德，趁晚市未有人龍前率先入座坐低。文華海南雞髀飯，以柔嫩多汁的雞髀肉為主角，外觀金黃誘人，散發出濃郁的雞肉香氣。肉質鮮嫩，入口即化，絕對是肉食愛好者的天堂。搭配上飯粒飽滿白飯，一啖又一啖，醬汁種類豐富，有辣醬，豉油同薑蓉，為雞肉味道提昇不少。白胡椒肉骨茶配白飯，這碗肉骨茶以豬骨慢熬而成，湯汁濃郁，色澤淺啡，散發出濃濃的胡椒香氣。第一口入口的瞬間，胡椒的刺激感融合著濃郁的肉香，令人胃口大開。肉質煮得又稔，滋味豐滿，每一口都讓人回味無窮。淋上肉骨茶，米飯吸收了肉骨茶的精華，口感香糯，與肉骨茶的味道相得益彰。這道白胡椒肉骨茶配白飯不僅暖胃，也是冬日裡的一道美味佳餚。

味道和食材同k11那家差好多，不明白都是同個連鎖品牌，為何食物質素差這麼多？環境都差不多，這邊更安靜點，同朋友聊天不怕會太吵，可能是因為人比較少點。服務也都大差不差，不好不壞。但味道和食材的選取上，有好大不同。比如同是我最愛的胡椒肉骨茶，K 11那家店的胡椒味好重好喜歡，但這家胡椒味基本沒有，而且排骨三四塊，塊塊都肥的要死，一半都是肥肉，從未見過如此之肥的排骨，無從下嘴。面底都有點軟黏黏的，口感很一般。這個價錢，這個味道，無法再幫襯

今日同女朋友去啟德站嘅Airside商場入面行街，食咗間叫Chatterbox Cafe嘅餐廳，佢哋嘅文華海南雞飯同海鮮福建炒麵令人難以忘懷。講起文華海南雞飯，就一定要讚下佢哋嘅雞髀，肉質嫩滑得嚟保持到雞肉原有嘅鮮美。雞皮吃落微微嘅彈性，帶出淡淡嘅雞油香，係咁簡單嘅配搭之下，都能夠品嚐到食材嘅本身滋味。而佢哋嘅雞飯粒粒分明，每一啖飯都飽含雞油嘅香味，與雞肉一齊入口，真係令人一試難忘。再講講佢哋嘅海鮮福建炒麵，喺傳統手法上加入新意，炒麵保持咗彈性，同時吸滿咗海鮮同豬肉嘅鮮味。每條麵都包裹住醬汁，味道濃郁，仲有啲微微嘅焦香。海鮮部分新鮮得嚟分量足，尤其係蝦，每一啖都係彈牙鮮甜，令人回味無窮。Chatterbox Cafe嘅環境同服務都非常出色，裝修現代而舒適，等食客喺購物後能享受一段悠閒嘅飲食時光。餐廳嘅服務員都好有禮貌，親切嘅服務態度令人感到賓至如歸。總括嚟講，Chatterbox Cafe係一間值得推介嘅餐廳，下次一定再食！☺️

今晚一個人簡單晚餐，嚟到AIRSIDE嘅新加坡知名餐廳 Chatterbox。之前去過 K11 MUSEA分店，印象唔錯，今晚試下 AIRSIDE分店，睇下係咪都能夠保持水準。叫了兩款前菜，分別是馬來特色香煎辣魚餅 Otah Otah及香脆腐皮卷。這道馬來特色香煎辣魚餅 Otah Otah 很有特色。魚餅的口感很棒，煎得剛好，帶有微妙的香料風味。唯一美中不足的是，我覺得如果搭配的白麵包烘過一點，會更好，因為烘過的麵包可以增添一些口感和香氣。這道香脆腐皮卷讓我印象深刻。腐皮卷的外層煎得很香脆，吃起來很有嚼勁。然而，我認為酸甜汁的份量稍微過多，有點壓過了腐皮卷的風味，希望他們可以調整一下醬汁的用量，讓整道菜更加平衡。招牌大蝦叻沙是他們的招牌主食，我對這道菜的印象非常深刻。湯底濃郁，充滿了叻沙特有的香料味道，令人回味無窮。豆卜吸收了湯頭的美味，口感十分鮮嫩。大蝦也算新鮮，增添了海鮮的風味。唯一的小遺憾是，米線的口感稍微有些腍，我個人比較喜歡用摻摻來搭配叻沙，這樣才更加符合正宗的口味。價錢方面，我覺得 Chatterbox 的價格略嫌有點貴。雖然他們的菜品品質不錯，但是相對於其他餐廳，價格稍高

✨文華海南雞飯午餐跟左飯 小食或甜品同餐飲海南雞 雞皮偏厚帶爽 肉質軟嫩配搭下面醬汁味道甜甜地 另外跟左辣醬 薑蓉同黑醬油香米飯 飯粒分明 帶淡淡香味清雞湯 味道清甜 豆腐滑溜✨招牌大蝦喇沙午餐跟左飯 小食或甜品同餐飲大蝦喇沙 大蝦爽實 米線軟彈喇沙湯底香濃 味道椰香味突出 帶微辣配料有魚片 熟蛋 豆卜同芽菜 足料大碗✨特色咸蛋雞中翼跟餐有二隻 雞翼外層包住咸蛋黃雞翼外脆內嫩 咸蛋起沙 鹹香十足 微微辣 好惹味 勁邪惡✨香脆薄餅（4件）配咖喱汁及蔬菜條薄餅又薄又脆 咖喱汁味道偏濃配上蔬菜條可以解解膩 ✨雙球椰子雪糕跟餐的 估唔到幾大球椰子雪糕香滑 椰子味濃 啖啖都食到椰絲 ✨熱錫蘭奶茶茶底香濃 比例唔錯 質感厚滑✨熱檸檬茶用上茶包 茶味濃而不澀 總結：食物可以 份量足AIRSIDE新店環境唔錯 座位闊落 舒適好坐服務好好 價錢可以

Chatterbox Café (AIRSIDE) (九龍城)📍九龍城啟德協調道2號AIRSIDE B1樓B114號舖今日來左新商場 airside 行街去左Chatterbox Café 食飯佢地主打新加坡菜😛叫左兩款菜式。文華海南雞飯 $138係佢地招牌菜👍🏻海南雞肉質結實🩷入口爽滑配上Q彈帶油香雞皮真係好正跟有油飯同3色醬料🩷推介大家要試試。白胡椒肉骨茶配麵條 $132湯底好味道👍🏻好香白胡椒味材料豐富有3條大大條炆煮到淋軟排骨配埋豬腩片、豆卜、金菇同埋麵條香而不油膩😛配埋卜卜脆油炸鬼食食物質材有保證👍🏻店內裝修、環境唔錯