ChaTraMue Cafe

營業中

休息中

ChaTraMue Cafe身為「叉叉妹」超級fans嘅我絕對係福音！泰國手標茶茶飲店Cha Tra Mue最近喺沙田新城市廣場開左首間cafe，主打泰式刨冰和甜品之外，亦有飯類、小食和沙律選擇，泰式飲品亦可選擇甜度和冰度，當然泰奶不調整甜度是最好的泰式牛肉湯河其實無太大驚喜，湯頭略嫌太淡，水準比出面食泰國粉麵嘅餐廳遜色主打嘅甜品試左幾樣都相當唔錯，所以黎呢度試甜品就夠了-泰式牛肉湯河- 泰式奶茶刨冰- 泰茶千層蛋糕- 泰茶軟雪糕- 凍泰式咖啡- 凍泰式奶茶

剛剛係泰國6日歎完世界返港，仲有些意猶未盡。🤭今日去一田家品部購置些美國碗筷，準備星期日朋友黎食飯用。好不幸運，原來一田家品部已經無開。買唔到廚具都要食飯，唯有附近搵下有咩好食。突然，眼前發亮，見到泰國手標 {CHU TRA MUE CAFE}，泰國情懷立即湧上黎。餐廳裝修簡單清潔餐點款式都好多元化手標招牌奶茶 ，味道跟泰國店一樣，但價錢就貴一倍🤭泰國肉碎煎蛋飯，簡單滋味。綠茶味梳乎厘，需要等15分鐘，即叫即做，熱噴噴，見到都流口水。梳乎厘雞蛋味濃，入口軟軟，綠茶味比較膩，下次要試原味。雖然價錢比較貴，但為左滿足泰國慾，都要一試。🌈🌈🩷🩷🌍🌐✈️ 每次旅行都有一堆美好回憶，幸福感爆炸。

飲品係好飲，雪糕都ok，但係非甜品及飲品類就唔OK🫥🫥🫥叫咗青咖喱雞柳飯、蝦多士、2杯飲品、雪糕個青咖喱水汪汪…不過味道都ok嘅… 但啲雞柳真係唔掂，冰鮮雞肉擺咗好耐嗰種🫠，食得出唔係舖頭自己整，似係食緊平時7仔叮叮飯/ 即食咖喱餸包🫠 呢個價錢但係咁嘅質素 （$78）沒有信心再試蝦多士麻麻地，一咬成口油咁，呢個價錢寧願食第二度嘅蝦多士。例如大飯糖個蝦多士仲正仲抵食泰式奶茶綠茶雪糕好食，不過偏甜

見呢間泰茶竟然開埋cafe，好奇試吓。除咗有招牌唔同口味嘅泰茶，仲有泰式船麵、泰式小食、泰式甜品，都幾多唔同野食。坐低之後用qr code落單蝦多士唔係好脆，都幾油，同埋唔係好香好有蝦味泰式炸蝦餅，都有啲蝦味，但都唔係太脆同埋都幾貴，$78係出面泰國餐廳起碼有double份量嘅蝦餅泰國龍眼蜜忌廉原味梳乎厘班戟$78價錢還好，個班戟上枱仲係會好動L不過食落入面有啲痴牙個龍眼蜜好濃龍眼味，不過都頗甜，配埋忌廉會好少少總結啲食物都係一般，唔算係好食，而且幾貴，作為cafe價錢係通常會高啲，但入面都唔係太cafe feel，都係普通，加一服務費基本上淨係比侍應送餐比我，其他全自助

今日我又去左ChaTraMue 到食，。首先，我叫左杯泰國奶茶，奶茶的甜度恰到好處 (我食得比較甜)，不會過甜，我真係好鍾意個種香味。跟住係蝦餅，熱食真係一流, 但我同朋友傾完計, 凍左先食都係幾好食(驚喜...hahaha)，然後是牛肉湯河，我真心好鐘意佢呢個牛河。湯底濃郁，牛肉鮮嫩多汁，河粉滑嫩，每一口都勁滿足。最後，我品嚐了千層蛋糕。呢個甜點的層次感非常豐富，每一層都非常分明，甜而不膩，回味無窮 整體印象唔錯

因為肚餓全部餐廳都要等…見有位就試下…叫左肉碎飯，份量有D細…食落肉碎好乾🤣我覺得都係做手調+甜品算啦。主食就加返個份量同調一調味好D...廚房辛苦了 知你盡左力…🥲

正宗泰國奶茶味道普通。另外叫了班蘭珍珠玫瑰茶鮮奶還有一個窩夫奶茶醬。窩夫都叫做脆但奶茶醬就淡味。最攞命係飲完先睇到佢個p.s. 話班奶珍珠落左瀉藥，話孕婦唔可以飲之類。痴線雖然唔係孕婦，都唔可以攞呢d 野招呼人加嘛。番到屋企真係疴左4次。服務就真係冇乜，因用手機落單，水又冇比，要自己去斟。你咪諗住兩個人入去飲兩杯野，唔得，最低消費要每人60。大節流流除夕仲係星期日，下午茶時段完全冇人等位以為佢新開冇人知錠，點知就中左伏。千其唔好去呀。

餐廳裝修幾靚 modern得黎有泰國特色 衛生好要手機自助落單 呢度服務扣d分 侍應態度都唔算好 又扣d分食物偏貴 牛河計埋加一要90幾蚊普通小食串燒得4串連加一都80幾今日好想食甜品叫左綠茶千層蛋糕 ($65)食物賣相好睇 份量又大 呢樣要讚 不過味道就一般 無乜味咁雖然唔會偏甜但綠茶味 蛋香味都欠奉綠茶醬好似食到有少少薄荷味可能係泰國特色整體黎講非常一般 唔會再食如果千層蛋糕黎講 同樣係新城市揾到既Lady M質素有保證好多 橫掂價錢又唔差太遠

泰國過江龍，泰茶非常出名，原來甜品同樣出色！星期六、日的下午茶時段，是唯一不用等位就可入座的餐廳！🧡泰茶千層蛋糕($65)千層忌廉口感輕盈，餅皮薄身，配上濃郁的奶香泰茶醬，令人食不停口，真是必點之選！💚綠奶茶 梳乎厘班戟($88)震騰騰，熱乎乎的梳乎厘，外表已經非常具吸引力，綠奶茶味的忌廉令人垂涎欲滴！入口足滿輕盈的空氣口感和濃郁的奶香，配上斑斕味綠色波波，令人回味！💛泰國蜂蜜茉莉花茶(熱)$35落單時要了少甜，但入口還是太甜了，果然泰國飲品無不甜的⋯⋯

本身好中意飲ChaTraMue嘅泰奶 身為佢fans目到佢地新開左間cafe除左本身嘅手搖之外 仲有甜品同正餐食 仲滿心歡喜諗住會好好食 點知食到跌哂眼鏡🤧😩/泰式香葉肉碎炒飯 $88味道雖然好夠而且比想像中都有啲辣 不過啲飯好似濕到水浸完咁 又淋又濕🤧/黃咖哩雞飯 $78黃咖哩味道都幾好 好重椰奶味 薯仔亦都好淋飯就冇咩特別/泰國荔枝綠茶+斑蘭碧綠珍珠 $41泰式茉莉花茶+斑蘭碧綠珍珠 $41兩杯野飲都係平時去手標茶飲到嘅味道 不過珍珠就懷疑係未煮熟嘅 咬落好硬而唔係煙韌🥲

我自己係沙田友同埋非常鍾意泰國野食，知道沙田開左間ChaTraMue 就去試下，今日兩個人去, 人多但唔洗排隊, 環境都幾舒服, 今日我哋每人都叫左個主食, 牛肉湯河同埋咖喱包, 最後叫左個千層蛋糕share. 真心個勝價比高喎, 我見有其他甜品, 應該會再黎試埋其他野食

午飯時間間間餐廳都排隊先入得，唯獨呢間拍烏蠅，好奇之下，心諗，點解會仲開嘅呢？所以「以身試法」果然又係手機落單，點左牛肉河粉同正宗泰國奶茶，我點嘅時候已經喺「少甜」+左2，但好失望嘅係依然超甜，我問店員有冇漏左幫我少甜，佢話「係咁架，泰國奶茶就係咁甜」，跟住我想要杯水，佢話「冇架，蒸餾水十蚊支囉！」真係啤一聲我以為碗河粉會比較正常，點知其實唔係河粉而係金邊粉，仲勁碎，要用匙羹食先得，筷子夾會夾到天荒地老......唉，同埋好鹹，同甜到漏嘅奶茶簡直又再一次挑戰我味覺嘅底線可能我杯嘢好甜，有隻昆蟲飛過嚟想試飲咁，我一手撥走，雖然我已經覺得飲唔落.....咁樣加一就$132，完全唔值囉！我點解要咁好奇攞苦嚟辛

諗住唔使等位入去堂食，點知大伏！首先食物絕對唔好食，肉少而冇味，有最低消費，每人最低消費$60，小孩也是。點知服務比食物更差，沒有水提供🥲個短髮呀姐講嘢又倔又串，貼錢買難受！見到有啲堂食客order 左都唔食走咗，其他人就食淨大半係枱面。Blacklist 新城巿大把選擇，呢間唔係平，份量又少，服務就更加唔洗講，唔建議大家食呢間啦。諗住唔使等位入去堂食，點知大伏！首先食物絕對唔好食，肉少而冇味，有最低消費，每人最低消費$60，小孩也是。點知服務比食物更差，沒有水提供🥲個短髮呀姐講嘢又倔又串，貼錢買難受！見到有啲堂食客order 左都唔食走咗，其他人就食淨大半係枱面。Blacklist 新城巿大把選擇，呢間唔係平，份量又少，服務就更加唔洗講，唔建議大家食呢間啦。

-{沙田泰式cafe🍝}🤤泰茶雪糕牛角包🤤 ($55)泰茶雪糕好濃郁😍都幾綿滑 但都食到少少冰沙 而牛角包好鬆軟 但質感唔似牛角包😂😂😂👖褲評: 8.5/10🤤 泰茶飄雪🤤 ($88)冰好綿密 但冇咩泰茶味 要靠泰茶醬同cream去加味！👖褲評: 7.8/10🤤泰茶千層忌廉蛋糕🤤 ($45)整個蛋糕連cream都冇乜泰茶味~淨係得cream嘅甜味👖褲評: 6/10有最低消費60per person 甜品其實食過waffle配雪糕係最好食！性價比: 7.5/10服務: 7/10環境: 7.5/10🚩 ChaTraMue Cafe 🚩地址: 沙田沙田正街18號新城市廣場三期3樓A327號舖 #fuudjai #fuudjai泰式 #fuudjaicafe #fuudjai沙田

首先，一開始走到收銀處想落單叫嘢飲，一行埋去，收銀員工居然走咗去堂食區域，另一個收銀同事亦愛理不理，走去收銀處後處企第二，當我終於嗌完嘢飲，竟然等咗成半個鐘先做好兩杯飲品，但我瞄一瞄同我同時間和比我更早做好嘅飲品居然係遲過我落單嘅飲品順帶一提，此分店嘅員工手腳對比其他分店亦十分慢飲品調配比例跟其他各區分店差很遠，奶味太重。總括然而，此店服務及飲品水準不但比其他品牌差，更比其他分店大相逕庭，實在令人失望