C'est Mieux (已結業)

買幾件cake跟太座一家分享...一口氣試足五款。夠晒數...賣相全部相當精致。幾款mousse仍然做得不俗，相當滑。招牌貨嘅Opera可能之前食過，反而覺得普通..Mille Feuille質感軟綿，好...滿足...

傻鬼生日, 大家去左食完韓燒後已經飽到十足十, 不過生曰無可能唔食蛋糕啦, 所以我地2個人決定買2件小蛋糕在food court食...圖片一件係opera($28); 一件係cheese cake($15)為食食左一半先記得要影相不過這2件既蛋糕無我上次食既chocolat咁正, 特別係件opera似tiramu無咩特別反而件cheese cake算叫抵死啦...下次都係食回chocolat比較好d.

見到好多個食評都讚此店既蛋糕無得頂...時常都經過time square又點可以唔買件去試下呢? 星期六晚就來叫老闆買件俾我取回家食...選左件"chocolat"...面有d金粉既樣子, 回家即試下d野莓及藍莓先...好甜好正選水果都用上等既水果一件買$28都覺得值既....再食個餅身就更加無得頂啦...好鬆軟又香朱古力味唔會太甜岩我d甜品怪又怕肥既麻煩友啦..絕對有下次...要選購生日蛋糕都有多一個選擇了.

從小已對甜點不感興趣(朱古力與雪糕除外). 無論平或貴, 一律都不喜歡. 去年11月囡囡2歲生日, 雖然自己不嗜甜, 但點都要買個蛋糕慶祝. 時常經過times square這店子, 見到有很多款式, 便買了兩件作"試食". 由於自己本身喜歡朱古力味, 當日買的其中一個便是chocolat. 吃了它後, 發覺甜度適中, 還有朱古力味很濃, 非常合我意. 第一次有吃完後還想再吃的感覺. 當然囡囡的生日蛋糕就是以這款訂造. 之後一經過這間shop時都一定會買一, 兩件回家吃.昨天又買了一個whole cake去朋友家, 忘記名字, 是傳統的strawberry cake, 但cream是朱古力色. strawberry非常清甜, 蛋糕亦很軟熟, 另外有驚喜的是個朱古力cream. 入口很creamy, 看上去淡淡的朱古力色, 吃下去竟然十分有朱古力味, 不是太濃, 但十分有味道.我是因為這家店而變得對蛋糕非常喜歡- 當然, 只限對這家店!

生日就要吃蛋糕，來港的第一個生日更應如此。帕莎的新疆盛宴，怎可以少了一個生日蛋糕?　素聞C'est Mieux蛋糕美味，所以赴宴前特地買了一個送給壽星；在店員耐心的講解下，選了這一個又有朱古力又有芝士味的Chocolat Entremets。除了細心製作名牌，店員又細心的加上硬冰，服務抵讚!　新疆盛宴去到尾聲，在暗暗的燈光下，侍應捧來一個精美的蛋糕。壽星非常意外，亦很開心；唱了歌、許了願、切了蛋糕，大家一起分享這份甜美。　蛋糕的質感不算實淨，反而有點入口即融之感；朱古力與芝士皆非常濃郁，兩者都喜歡的人如我很受落，唯一遺憾是壽星不太吃得慣芝士口味。　沒關係，下年再買其他口味。最緊要是：生日快樂!

四月限量版名為Charotte($28)，是黑加侖子慕絲蛋糕。外形如瑞士卷，有脆感的外皮和酸酸甜甜的黑加侖子慕絲，推介之作。順帶一提，若交回六個焦糖燉蛋白瓷碗，而當日燉蛋售罄的話，可以換同價($25)或$28的蛋糕，Charotte也是其中之一。

又在家中雀局，吃過上次Best Berry那些唔鹹唔淡的蛋糕，太座當然唔滿意，是日不容有失，就去了這裡買些精緻的法式蛋糕來撐撐場合。因為件件都細細件，所以五個人都揀了十件蛋糕，當然有Opera及芝士餅Fromage，當然不少得Fromage的輕巧版Souffle au Fromage，也買了賣相精美的香梨慕絲Amber及重朱古力的Chocolat，還有千層斑戟蛋糕Mille-crepe及芒果蛋糕Provencal。打開個盒，幾位雀腳是開心非常，已勝了半仗。吃了幾款，Opera當然是一貫的美味，Amber就好睇但太甜，太座就最喜歡。Mille-crepe是第一次吃的，反而印象幾好，香甜又有蛋味，吃落鬆軟，有水準。Fromage及Souffle au Fromage自己都整唔少，無咩興趣吃了。十件餅成二百五十蚊，唔平，但買幾件好睇又好食的西餅，都要番咁上下價錢。

焦糖燉蛋之外，限量版黑芝麻布丁($25)是近期最愛。「限量」的意思是一日只賣二十杯。黑芝麻版比普通布丁更好味，口感多層次。頂層以下三份二的位置是芝麻蓉慕絲，香而不膩，其餘三份一是黑芝麻吉士，軟滑美味，最底是薄薄一重芝麻末，不用顧慮吃光普通布丁後才發現最底的糖漿，造成浪費。時間許可請向店員說要即燒的焦糖燉蛋，放得太久，焦糖面層溶化，雖然一樣美味，卻少了一種特別的口感。

又買三碗Creme brulee forestiere($25)，甜味適中，滑溜香濃，連吃兩碗不是難事。把六個小碗洗淨交回可獲贈一碗燉蛋，相信很快大功告成。Fromage($15)在牌上說明是「C'est mieux流的芝士蛋糕」(原文為英文)，小小一塊，上點綴金箔，帶酸味(檸檬？)，十五元有點那個。Souffle au fromage($23)外表是沒有任何裝飾的芝士切餅，牌上說有梳乎厘的口感，吃了不覺特別鬆軟。Pudding with fresh cream($20)，淨吃布甸(一直以為是燉蛋)清淨軟滑美味，其實一口可以吃完。Roussillon($28)是巧克力慕絲加杏子醬。外層巧克力醬濃而苦，巧克力迷必吃。這次取了派發的單張抄下沒記載其上的蛋糕名字，所以才打出正確的名稱。

實在記不住那些法文名字，以下甜品名稱或照英文直譯或以材料成份名之。今天買了杏仁焦糖燉蛋（用白瓷小碗奉上）、用膠杯盛著的燉蛋、草莓撻和草莓慕絲。杏仁焦糖燉蛋每一口都有焦糖的甜、杏仁的香和燉蛋的滑；膠杯燉蛋很清，底部是濃苦的咖啡糖漿，吃時記緊加上。草莓撻用三個草莓切開堆疊成漂亮的塔，賣相一流，吉士與撻底不甜不膩。草莓慕絲有半個草莓和一個桑莓鋪面，桑莓綴以金箔。之下順次有薄薄一層草莓果醬、草莓慕絲（中心有吉士餡）和清蛋糕底。口感多層次，不會過甜。貴也物有所值。缺點是這裡沒有紙間隔分開各個小甜點，小甜點也沒有膠紙包著，容易損壞，不能帶去遠一點的地方。

好開心呀! 姐姐o係c'est mieux買左個好靚o既忌廉蛋糕同我賀生日呀! 自從上個月o係日本返黎之後, 未食過咁高質素o既忌廉蛋糕啦! 蛋糕超級鬆軟, 忌廉又勁好味, 多謝家姐呀! 我好幸福呀>.<此刻無價!!!

每次都是去銅鑼灣的city'super店，戴眼鏡的姐姐很和藹可親，還會詳細講解每件蛋糕的味道，值得頒獎。數月沒來竟然還認得我。不順路嘛！買了三件餅，埋單差不多一百元，上面鋪滿藍莓那一件是我最喜歡吃的。不過可不可以出一張產品目錄呢，事關蛋糕上沒名沒姓，吃了也不知道叫甚麼名字，真可悲。

之前國金食過件pear mousse，覺得只是一般，以價錢計今日cwb間試件strawberry cake，$25，都係幾一般，係cream既味西日式畀我揀既話，我會揀zoe同glace，呢間既cake既味道好貴價版「美心」feel，當然唔係話佢係美心集團啦

行過city'super, 口痕又走左黎買甜品. 一早已經想試佢地個招牌產品三莓撻, 所以諗都唔使諗就拍板要左一件.撻分三層, 最底層係杏仁撻加杏仁蛋糕, 中層係有三種莓口味o既慕絲, 最頂係草莓同紅莓. 成個撻最驚喜係中層慕絲, 幼滑, 果味像真道高, 而且甜味適中! 我好滿意呢件蛋糕, 會再翻炒!

Opera cake ($28/件; $150/個): 味道和質感都不差，但又不覺十分突出。