CAMPSITE (朗豪坊)

營業中

休息中

同朋友gathering，想感受露營風，又想靚靚地打卡嘅不妨試下朗豪坊呢間露營風餐廳🏕️今次叫咗營火芝士玉米片🌽同埋肉眼牛扒風琴馬鈴薯🥩🥔味道唔錯牛扒揀咗5成熟，熟度啱啱好最吸引嘅係營火朱古力棉花糖夾餅棉花糖燒到金黃色真係好有成功感而配上嘅朱古力醬🍫我就同朋友發揮小創意係棉花糖上面寫字同畫畫😊打卡效果一流

裝修好舒服有綠林feel, 但午餐3份主菜上晒食完，再問左2次都未上到餐湯沙律，女侍應回答態度都令人感覺敷衍，加上意粉同飲品份量唔多（漢堡反而份量ok幾好味）。所以就算食物賣相靚，味道唔差，屋企人都覺得失望，唔係太想再去了。🥲

同朋友嚟食生日飯，預早訂座，喺平日夜晚嚟，食客唔多，但餐廳安排我哋4個門口位，座位安排麻麻，如果坐入少少會好啲。（晚餐）巴拿馬火腿紅菜頭沙律：份量唔少，蔬菜幾新鮮，沙律有合桃，增添口感（晚餐）紅酒燉和牛面頰：3位朋友食，最後食唔曬啲肉；薯蓉多，仲蔬菜西蘭花苗同迷你甘荀各2條（晚餐）搸子脆焗比目魚：朋友欣賞，讚啲魚幾嫩；配菜同另一個晚餐唔同，係焗小薯同酸汁沙律麻油雞飯：散叫，有2件雞，其中一件唔熟，由侍應拎返廚房加熱；我冇乜試味，因為見到喺雞件下的飯超油，望落去係煮到好淋、好爛（尤其加熱後），睇到覺得太油膩，唔健康；加熱後，朋友亦冇點再食件雞（晚飯）熱朱古力：有2杯，但我冇份飲，睇個樣幾靚招牌粟米湯：個湯真係貴，$85/客，加一後接近$100。湯有1隻細mug的份量，200ml左右。味道可以，但朋友唔喜歡，嫌佢冇粟米粒，完全blend爛曬。我覺得個湯雖然有粟米味，但唔係好特別、突出。跟湯有一片酦種麵包，好似搽咗蒜蓉牛油。麵包好食既，但整體性價比依然低！XO醬烤西蘭花苗：大家一致讚好；雖然XO醬油分幾高，但醬有䶢香，惹味可能經濟唔好，晚餐點2客的話，其中一客有半價，但就算係咁，都唔係抵食；

最近朗豪坊逢星期六日都有創意市集，真係要落街行下啦！😆朋友話CAMPSITE個主題係露營風格，想試好耐，一於今日！我哋叫左2款包款試吓，分別係滑蛋牛油果烤包同酥脆廣島蠔滑蛋烤包，其中一個加配左每日精選湯及沙律。下單後飲品，湯同沙律好快就到左，湯係磨菇湯，食到入邊有一粒粒嘅菇粒，好鮮。😋 而沙律菜嘅汁係芝麻醬，配上火箭菜。滑蛋牛油果烤包賣相非常吸引，吸引到對面枱女士問我哋呢碟野叫咩名堂🤣 牛油果好重手，滑蛋好香牛油同奶香味，而且都有沙律菜伴碟。我地兩個女仔呆左，乜原來咁鬼大碟。酥脆廣島蠔滑蛋烤包個蠔無雪味，真係酥脆，唔係坊間放左一段時間再拎出嚟果啲。👍🏻 兩個包底食落係帶少少煙韌。環境方面都真係坐得舒服，服務方面都ok，不過有啲職員要同佢講英文，就唔知算係優點定缺點啦。😆

一入去就感受到咩叫服務態度差，唔係澳牛嗰種呼呼喝喝，而係7:30入座已經同你講定佢哋9:30 last order，10點要交枱。我食fine dining 有需要咁早同我講你要幾點收工咩？ 啲嘢食上得慢之餘仲要上黎係暖嘅，都唔係即煮啦。嘢食就真係一般般啦。$88個甜品都真係食個樣，不過最好食都係佢唔使煮。如果唔係朋友勁鍾意打卡，都唔會想食佢。你話想打卡唔俾佢哋黑面都真係難啲。所以想打卡嘅都唔岩黎，除非你擁有住強大嘅面皮同心理質素👍🏻👍🏻

Pizza外皮好脆,厚麵包好好味粟米濃湯新鮮,如果加到粟米粒仲好,小朋友好喜歡飲.環境舒適，安排坐露營凳，有千秋搖吓搖吓小朋友好喜歡，但係如果食緊嘢就坐得不太舒適啦。下次幫襯麵包，非常美味

朗膏坊開左間以露營⛺️為主題的餐廳，所以今次同朋友去試一試，睇睇伏唔伏🔹慢煮雞胸溫泉蛋凱撒沙律🥗係價錢最合理的一道菜，慢煮雞胸肉質口感有纖維感，算Juicy；配埋溫泉蛋，成個沙律味道都算不錯🔹豆腐柚子櫻花🌸麵 豆腐煎得唔夠脆，淡而無味，即使點左個汁，都好淡；反而櫻花麵有驚喜，麵質口感似蒟蒻麵，食落爽口彈牙，同時散發濃濃嘅紫蘇葉味🔹烤和牛肉串🍖酸奶油紫菜脆片和牛串得幾粒牛肉😔，食落唔覺得食緊和牛，紫菜脆片係ok，但油左啲～🔹半半混合Pizza🍕 (鰻魚京葱/番茄🍅羅勒)Pizza 係厚餅底，分量唔大，得6件，而pizza上嘅餡料唔多，味道不過不失🔹鑄鐵鍋海鮮🐙飯 嘩！成個飯得幾件海鮮😂，連飯嘅分量都唔多，隻蝦🦐唔晦，但唔係新鮮～其他海鮮都麻麻地，最正常係粒帶子，整體味道似西班牙海鮮飯，唯一Gimmick 係有飯焦整體用料與價錢不成正比，以咁嘅價錢可以有好多更好嘅選擇

💁🏼‍♀️Champasite 朗豪坊#食評⭐️營火烤魚 8/10沙巴魚燒得好出色， 用咗最基本嘅調味鹽同埋檸檬，食落去感覺好清新，另外魚亦都燒到好有肉汁， 所以令到魚肉仲係好嫩🫶🏻 ⭐️營火烤原隻魷魚 7/10烤魷魚唔會烤過變到魷魚乾咁， 同魚一樣亦都仲係好有肉汁，調味亦都剛剛好感覺冇落味精。但係唯一美中不足就係店員切到太碎，食落去口感比較差比較鬆散。感覺唔到大大啖肉兩道菜都會配有配菜，有蘆筍，粟米，薯仔同埋紫番薯。全部配菜都燒得好好，而且好新鮮。

餐廳行木系camping風 門口有千秋可以打卡📸有fu！.✨叫左牛肉風琴薯仔，燒到好香，又有肉汁，好味！.✨原條燒魚仲有staff係旁邊再燒，有風味～加分💯.✨焗椰菜花整到好鬆軟，外層就焗到好香，咬落都好多汁，好有驚喜👍.✨鰻魚pizza就一般般啦～.✨燒棉花糖可以同朋友一齊自己燒，過下露營癮，烤到金黃色外脆內軟都要讚下自己😂.最尾仲有即時discount同coupon抵食up！😋😋😋

推介指數 Recommendation Level : 🔥🔥🔥這間餐廳坐落於旺角鬧市中的一個商場內，商場呢人流非常多，最新開了一間特色食肆。真的沒有想過於九龍繁華鬧市的區域，可以感受到露營的樂趣，全因餐廳裝修及食物都圍繞著露營做主題，令人有耳目一新的感覺。Located within a bustling shopping mall in Mong Kok, this restaurant has recently emerged as a distinctive dining destination. Surprisingly, amidst the hustle and bustle of the vibrant district in Kowloon, visitors can experience the pleasure of camping. The restaurant's decor and menu revolve around the camping theme, offering a refreshing and novel dining experience.晚

成日喺旺角朗豪坊路過呢一間露營風嘅Cafe，今次同朋友終於入去試吓🤣 入面環境其實真係幾靚幾適合打卡，而且十分寬敞，可以坐得幾耐吓🙊👍🏻 雖然Menu嘅選擇唔算多，但係今次試嘅三樣嘢都令我哋好滿意🥰⭐️ 慢煮雞肉蒜香意大利麵($165) ❤️8.0本身睇個名以為係啲雞絲炒意粉咁，點知佢個擺盤真係超級有誠意😳 雞肉嘅份量唔少，仲要有慢煮雞胸同埋烤雞兩款😱 蒜香意粉炒得非常好，乾身得來口感又唔會太過腍，幾有咬口👍🏻 烤雞同埋意粉都好惹味，慢煮雞胸就好軟腍juicy～ 絕對有驚喜！⭐️ 肉眼牛扒風琴馬鈴薯($238) ❤️8.0牛扒嘅炭火烤味十分之重，所以超級正🤤 雖然睇落去唔算大塊，但係非常之厚身，所以兩個人share咗都食得好飽🙊 肉眼好軟嫩多汁，配上烤蒜粒更加惹味🥰 而風琴馬鈴薯配上酸忌廉醬都好正，推介👍🏻⭐️ 花生醬焦糖金脆奶昔($88) ❤️8.5呢一杯邪惡肥仔嘢真係睇返都令人回味🥹 每一啖入口都係濃郁嘅花生醬味，焦糖脆脆增加口感，咬一啖再飲一啖奶昔真係大享受！ 完全值得俾quota佢🥹

我們一行幾人同朋友食午飯，平均每人消費接近 $250。當我們想點餐的時候。一男一女侍應過來強迫我們用手機自動點餐，然後豁然行開。我們都感覺很掃興，與壽星女慶祝生日的氣氛險些給破壞了。他們忘記了其實我們是需要付服務費的，所以他們是有義務服務我們。自助點餐只是方便客人，但如他們不想用自助點餐的方式點餐，他們亦要服務的。請不要忘記了他們原來的職責！

餐廳係走室內露營風叫某啲菜式，店員會即場喺你隔離燒係好特別嘅餐廳而且都坐得舒服不過食物嘅質素就一般叫左芝士焗彎管麵比想像中細份但芝士好多好濃味都好食😋露營者漢堡薯條個burger 好大份好juicy 不過塊牛略嫌淡味咗啲薯條係比較粗身嘅薯條食落去仲好脆鑄鐵鍋煙燻黃油雞飯呢個超失望雞肉冇咩味，食落去仲乾過雞胸啲肉唔整已經散晒太乾個飯就普通有啲蕃茄味嘅飯，無咩特別呢度好適合一班人聚會，食飯傾偈或者打卡但食物質素就有待改善

唔想去野外露營搞一餐懵，但又想有靚相打卡？呢度真係幫到你！呢個地方真係靚！我哋一人五人慶祝聖誕節同埋生日，店員好細心，留咗轉角一張大枱，有埋帳篷，齋影相已經冇得輸！然而食物嘅味道每樣嘢都係水準之上，特別係個大蝦明太子意粉同埋個肉眼扒，真係食到嗌完再嗌！同埋啲店員個個服務態度好好，笑容好好，好鍾意呢度，下次再有朋友聚會都一定要揀呢個地方！

本身好期待試呢間露營風餐廳，之前岩開好多人所以等到宜家先試。但係見聖誕期間就算food court都多人，而呢間餐廳無咩人食都知有D伏同瀨野。因爲聖誕而且懶得諗，所以就叫左個Christmas set，包括沙律、龍蝦湯、主菜同甜品。一開始個沙律都唔錯，菜新鮮帶子同蝦都鮮甜。而龍蝦湯都好濃，非常飽肚。但係個main真係差强人意，燒火鷄二重奏。火鷄肉非常乾柴，感覺燒起左好耐先切出黎，dry到食唔太落。拌碟ok，正正常常。頂級肉眼牛扒，我見英文有份chestnut stuffed mushroom，到最後上菜唔見有呢個…可能轉左做薯仔。最離譜係叫5成熟，最後係well done，之後叫餐廳再換一個，最後都係7成熟….最後就算了焦糖花生醬milkshake算ok既不過凍茶要加$28有D貴，茶餐廳同好多餐廳凍飲都係加$10以内個蛋糕算ok既。