Cambo ขุนทอง (The ONE)

營業中

休息中

美容院終於開返，我個生日禮遇喺過咗大半年後終於可以享用到！喺The ONE做機就順便喺嗰度食埋晏。由於想食泰國菜🇹🇭，所以第一時間就諗起「Cambo」。餐廳午市時段超旺場，要等位先入得，不過店員做嘢好爽手，所以好快就有位。期間客人源源不絕，有效率嘅上菜速度令佢哋能夠翻多兩枱👍。九款午餐有齊飯麵粉等選擇🥢，一份午餐索價由$62至$85不等，包基本凍熱飲，喺尖沙咀大商場嚟講真係唔算貴㗎喇！我哋要咗兩個午餐再加小食，放假食到非常飽飽好滿足😁，唯獨係枱面有少少迫，但店員上菜都好幫手執位，唔係遞比個客等佢自己就位搞掂。泰式青咖哩牛腩鍋($69)，🐮牛腩煲好有誠意，因為上菜時係連鍋上，下底有個火㷫住🔥，咁就成程可以食住熱辣辣嘅咖哩！如果咖哩汁唔熱，味道再好都扣哂分。🥘青咖哩辣味明顯，但都係接受範圍，而且口味正宗，入面放有大量茄子同豆角。牛腩同牛筋量唔多，但勝在大大件搭救。牛腩鍋會配送一碗白飯同冬瓜湯🍚。泰式鴨肉湯粉($62)，🍜湯粉個樣似足船河，但又應該唔係。一嚟餐牌無寫，二嚟湯底個味唔似。湯底幾特別，完全無藥材或好濃嘅香料味，反而甜味比較突出。麵底指定咗係河粉，正正常常都啱夾。餸料有連皮鴨肉同鴨

< 🇹🇭 Cambo > 📍尖沙咀今日中午同男朋友去咗the one行街 見到呢間泰國餐廳好多人食lunch就去試下😛 🦀泰式青咖喱軟殼蟹鍋配法包 $96見到而家有特價就試下 軟殼蟹同炸薯仔另上 可以食嘅時候先點青咖喱汁😛 青咖喱煲入面有茄子豆角等配菜😋 法包索晒啲青咖喱汁好好味 😆 🍍大蝦菠蘿飯 $85原個菠蘿裝住炒飯 加咗菠蘿粒增加風味🥰 炒飯有肉鬆、火腿片、三色豆 上面仲有三隻蝦 炒飯份量都幾多 可以兩個人share😋🥘串燒沙嗲配泰式炒飯 $69泰式串燒有豬、牛、雞各一串😛 燒得幾香口🧡 雞肉加咗香茅醃 醃得好入味👍🏻 牛串燒肉質嫩滑 唔會太嚡😆 豬串燒 肉味香濃😆 另外佢俾嘅沙嗲醬好濃郁 唔錯😋 泰式炒飯少少辣 好惹味❣️🐷香茅烤豬頸肉 $76豬頸肉燒得好香 燶邊好香脆😋 大約有十幾塊😛 唔算太韌 點埋泰式雞醬好夾😆

💬 同朋友約咗過嚟尖沙咀呢度食飯, 佢提議過嚟呢間泰式餐廳試下～ 話行親過嚟都見到有唔少客人, 質數應該有番咁上下～ 睇睇餐牌, 原來仲有午市套餐添, 價錢幾抵, 配埋冬瓜湯, 餐飲‼️▶️ 泰式炒粉 (lunch set HK$69) 佢寫係泰式炒貴刁, 其實個粉質都似係平時泰式炒金邊粉～ 分量大, 要嘅配料都齊曬～ 唔辣嘅, 個汁就偏甜少少, 都係正常嘅做法～ 整體味道算係唔錯, 我哋好快就食完咗個粉🤭▶️ 猪手猪脾 (配白飯, lunch set HK$72)豬手用咗個細砂煲上, 裏面仲有味菜, 半隻鹵水蛋, 啱曬送白飯🍚 豬肉夠淋👍🏼▶️ 三色冰 (午餐加HK$8可以轉特色飲品)▶️ 凍檸檬茶 (跟午餐唔使加錢)▶️ 餐湯冬瓜湯, 清甜味, 唔鹹, 感覺上無加味精👍🏼▶️ 散叫 • 泰式炒通菜 (HK$62)水準唔錯, 夠惹味, 通菜新鮮翠綠～ 食泰菜真係次次都會叫炒通菜🤤▶️ 散叫 • 活蝦刺身 (HK$99)生蝦彈牙, 調味亦做得好好, 我同朋友一致都覺得好食, 推介👍🏼🔺🔺🔺🔺🔺🔺🔺🔺🔺🔺🔺🔺🔺 

.#哈比四圍食 #泰國菜 真係好好食，又多選題😋想介紹下尖沙咀The One呢間 地方幾大，坐位又舒服，食物選擇都多☺️呢日就揀咗晏晝時間嚟，都幾多人嚟食😎叫左lunch set去骨海南雞飯，又好好彩有脾位😙正丫，油飯夠香，雞又滑，成個set都只我五十幾蚊👍🏻蝦餅炸到好金黃色又夠彈牙😋串燒仲正，有雞、牛、豬，各有2串，燒到有啲焦香味又惹味，肉質又唔會乾，配埋個沙嗲醬真係冇得頂丫🤤🤤🤤泰式豬頸肉濕炒河，豬頸肉夠爽口就入味，河粉分量都唔少，同埋好多蔬菜，啲蔬菜沾滿哂啲汁😎👍🏻

餐廳雖然細細間, 但係滿滿是客人, 很熱鬧, 點完餐就好快上菜,員工態度有善😊 蒜蓉炒芥蘭 $62炒芥蘭選擇了蒜蓉味所以唔係辣，清甜不油膩， 適合不吃辣的人 😋泰式炒貴刁$69粉質堅韌不會爛 ，酸甜不辣， 有好多花生碎係面 ， 又配有青檸汁， 令味道更加清新😍 有四隻大蝦， 都好新鮮！ 泰式豬手豬脾飯 $72豬手偏瘦，不太多肥肉，豬皮煙韌！ 配有有很多鹹菜，芥蘭，有半隻蛋，所以感覺上不肥膩！ 還配有辣醬，鍾意食辣同埋唔食辣嘅人都啱食！😊 泰式青咖哩軟殼蟹鍋$96配法式長包很有特色！青咖哩偏甜微辣,咖哩很有泰國的風味,適合不太食辣的人士！ 軟殼蟹非常香脆，蟹肉鮮甜可口，配咖哩汁非常惹味🤤咖哩煲有很多泰式蔬菜， 例如有小茄子，水瓜，青豆，配埋薯仔食味道一流！🥰

午餐嘅時候去食泰菜，拎住個餐牌，價錢比我想像中平，因為喺The ONE，基本上冇$100都唔使食到一餐好嘅Lunch。我自己就食咗一個大蝦菠蘿焗飯，$85，半個菠蘿外殼，裝滿勁高嘅飯，焗飯裏面仲有提子乾，雜豆，黃姜，大蝦等等。一路食嘅時候要小心啲，因為每一下用匙羹食嘅時候都會整到成張枱都係飯。食完之後我嘅感覺係，呢個焗飯好夠味，我估計除咗因為係材料夠之外，佢落嘅時候應該仲加咗少量嘅味精，吊香左個味。午餐其實佢會附送埋個餐湯，蘿蔔湯黎嘅。我都覺得幾香幾甜。臨走嘅時候仲叫咗個串燒珍寶大蝦🍤，我記得我等左應該有10分鐘，佢燒出嚟嘅時候這大蝦真係好大隻，應該有手掌咁大隻。佢仲搽咗啲沙律醬落去先，幾香口。龍眼冰亦都唔錯，拎黎清熱氣就一流。

新春過後，約人食lunch , 過節吃得太多糕點及中餐，想食啲開胃酸味嘢，所以想起食泰國嘢，諗起他的冬陰功湯、木瓜沙律、鳳爪。在OpenRice booked 咗The One 4樓的Cambo, 好方便！因為本來之前想另一間泰菜，不能經OpenRice book, 打電話去book，又話full, 要試walk-in , 好冇癮啫。12noon 去到，坐低就被set lunch menu的價錢吸引了，平宜抵食約＄80/set 包普通茶啡，特飲加$8。而A la Carte menu 價錢貴好多，可能預俾晚市，但已經兩個幾月冇咗晚市～我哋兩個人都選了蝦冬陰功湯河。我認為，湯底比較甜，但朋友覺得剛好，我覺得加多少少辣，減少少甜會比較適合我自己口味。餐廳裝修OK，其實座位不算多，亦全部坐滿，咁嘅價錢，不能有太多要求。

約左朋友黎e到食午餐吹下水，環境幾好，比左4人粒我地坐，所以都幾闊落，店員都好有禮貌，我地坐多過90分鐘都冇人趕我地走。叫左2個combo set，有餐湯，仲有野飲，午餐份量都好大。個餐湯幾好飲，午餐叫左炒金邊粉，有4隻蝦到，味道幾好的，另外叫左個菠蘿炒飯，有3隻蝦，入面有好多菠蘿粒，粟米粒，紅蘿蔔粒同青豆，2個午餐都好大份，加埋一我地食左170蚊，平均每人85蚊，都ok，吾算太貴，話晒都係the one入面ma。

之前都食過好多次呢一間泰國嘢😂今日約咗媽咪出去食晏,就嚟望一望,原來lunch有好抵食嘅set,60幾蚊左右已經包埋嘢飲!!我哋叫咗一個豬髀飯,一個pad thai~原來豬髀飯係成煲仔咁,都幾多肉,炆得超林好好味！Pad thai酸酸甜甜好開胃,不過乾身啲就好啦!另外梗係要加埋我最鍾意嘅泰式拼盤,因為有我最鍾意食嘅炸蝦餅！呢度有分大同世size因為我哋得兩個人食,所以加咗個細嘅!每人有三粒全部都炸得好好食😍

講起泰菜 我最鍾意就係青咖喱軟殼蟹鍋 微辣又清新至於傳統菜式 就係泰式燒烤 講起都想食🥲記起之前食過呢間餐廳 原來未出postcambo座落喺the one 不過價錢合理 性價比幾高有齊大廚自創嘅新派菜式同傳統美食-🍲泰式明爐大蜆煱 $96大蜆肉厚又彈牙 味道鮮甜 數量都幾多酸辣泰式湯內面有粉絲 吸收咗酸酸辣辣湯汁 爽口開胃加埋湯底嘅泰式香料 非常惹味-⭐️沙嗲串燒 $56雞牛豬各一串 雞肉嫩滑 豬肉淡淡蜜糖味牛肉就香脆肉嫩 齌食唔會太乾點沙嗲醬就更加層次豐富 好有水準-⭐️泰式炒通菜 $62啲菜夠嫩 吸收了醬汁清新惹味唔太辣 夠鹹香同鑊氣-🍤炸蝦餅 $68有四件 外層炸到金黃酥脆 內面嘅蝦肉彈牙-⭐️椰青 $42熱柚子蜜 $28每次食泰菜都要飲我最鍾意嘅椰青 天然又清甜-📍Cambo尖沙咀彌敦道100號The ONE 4樓L403舖

早幾日約個朋友係尖沙咀The One食lunch點知去到個fd要開會 無得出黎食lunch收左做一個人的午餐🥲🥲🥲🥲🥲心情唔好 要對自己好d😂😂😂去骨鳳爪沙律我好鐘意食雞腳無骨好方便👍👍👍👍😋😋不過幾spicy要係咁飲椰青格外清甜👍👍👍👍👍😂😂😂😂😂燒大眼雞啖啖肉配個汁幾好食清哂成條表皮濃d都無問題 無影響內肉意外👍香芒檽米飯👍👍👍My favourite as always

好耐無食泰國菜，想食d抵食而質素又有保證既，不如就黎The ONE既泰越Fusion Cambo啦，上次黎過好正啊！Cambo Set 午餐照舊抵食，好似同上次黎一樣。價位由$62到$85不等，另收加一，配檸檬茶，奶茶，咖啡。款式選擇唔少，有飯有河粉有湯粉，咖喱串燒海南雞等等。凍咖啡另加$5，特飲另加$8。飲品選擇可不少。我地每人叫左一份午餐，再加兩份泰式燒烤分享。串燒雞牛豬半打 $89上次食左Cambo Set既串燒，包三串雞牛豬，泰式炒飯同野飲賣$69，但係主餐牌半打只賣$89，今次決定轉戰主餐牌。六大串串燒，啖啖肉同熱辣辣。雞肉去左皮，豬肉皮脆肉香，牛肉大大舊。三款肉都有炭火香同蜜糖味，沾d甜甜地既沙嗲醬仲正。沙嗲醬食唔哂，仲可以同下底既梛菜絲同食。香茅烤豬頸肉 $76我地兩個食肉獸仲想食多d肉，所以叫多份泰式燒烤既香茅烤豬頸肉。有九塊豬頸肉，全部都係燶邊，外脆內嫩。外皮黑椒味好重，入面食落唔覺肥，沾甜酸醬食好味。下面墊底既梛菜絲都好新鮮，位量亦多，仲有蘿蔔絲同青瓜兩塊。泰式豬頸肉濕炒河連餐湯 $69+10%第一次試呢個Cambo Set，份量幾多。豬頸肉有六塊仔左右，超淋，食落

見到 Cambo 泰國菜館午餐時份居然罕有的沒人輪候座位，選擇咗幫襯這間聞名已久、間隔闊落、味道和店內設計都走簡約、雅緻風的餐廳！😋😋😋Order 咗串燒沙嗲 (雞、牛、豬各一串)配泰式炒飯連餐湯的套餐，啲串燒好有水準，不會烤得太硬，每樣一串，直情係為我哋呢啲食物選擇困難症人士而設！ 😆😆😆 個泰式炒飯雖然貌似糯米飯，但味道反而近似印尼炒飯！相當不錯！ 👍🏻👍🏻👍🏻這𥚃有通菜可點，當然毫不猶疑 order 來吃，可是就著通菜的味道又在內心掙扎咗一遍， 因為可選有點辣的泰式炒法、蒜蓉炒法、咸魚炒或清炒，由於食慣濃味，點咗泰式炒通菜，啲菜好嫩而且很惹味，但不太辣！ 本來 order 那杯菠蘿梳打是用作解辣的，但就咁飲杯梳打都幾清新呀！ 🍸🍸🍸

放假周圍食系列😋😋😋趁住放假， 選了中午比較人少的時段， 到了喜歡的the one商場， 選擇喜歡的泰國菜。 沒有堂食晚膳的日子， 只好把握機會在午膳時間 盡情地放縱 。去骨海南雞飯🥄幸運之神的眷顧， 可以吃到雞髀位，雞肉嫩嫩的，配搭海南雞飯辣汁， 非常惹味。 油飯煙煙靭靭夠曬鹹香。泰式鮮蝦炒金邊粉🦐泰式金邊粉 夠曬鑊氣， 金邊粉質地煙韌吸收了醬汁， 加埋青檸同埋花生碎， 清新又美味。泰式明爐大蜆鍋🍲大蜆數量頗多， 肉質鮮甜美味， 配上大量泰式香料， 酸酸辣辣 ，粉絲吸收咗湯汁精華， 又爽口又夠辣。彈牙炸蝦餅 🍤炸蝦餅都幾抵食六十幾蚊已經有四件， 外層金黃酥脆， 蝦肉彈牙鮮甜。龍眼冰🍹菠蘿冰🍍🍍🍍當然 每次都要飲最鍾意嘅 泰式冰冰， 滋潤解渴， 減低油離感。

之前已經同朋友食過一次咁岩行街經過要食野，大家都想食泰越菜就入左去，今次好多人食，餓餓既我地，快快點餐就食泰式青咖喱軟殼蟹配法包🦀軟殼蟹愛好者，見到點會放過，佢就算放耐左都唔會油，而且有肉食。個底仲有啲薯仔，我覺得可以再林啲，青咖喱我以為佢係會唔水，但原來內有乾坤，點過法包嘅時候，呢個水度係可以令到個法包好入味，水都做到咁入味都幾正菠蘿海鮮焗飯🍍已經好耐冇食過呢個飯，成日同朋友講笑女仔要食多啲菠蘿，味道唔錯，肉鬆絕對係精華柚子茶唔知係咪太好賣，我哋想要第二杯嘅時候已經冇晒，我唯有叫普洱茶，係呢間餐廳有普洱茶我覺得好得意，又啱晒去油，然後最後覺得唔太夠，叫多咗個菜椰菜苗雖然個樣俾我哋想像中有出入，但個味道係唔錯，我哋都成碟食晒