Call Me Chef

營業中

休息中

話說我有粒細細粒嘅為食癦，粒野係神奇到求其揀間餐廳都唔會難食得去邊，所以我一路都冇試過求其揀餐廳會揀到難食嘅餐廳😛點知粒癦嗰日暫時失靈，搞到我食咗兩餐劣食😅午餐再同大家分享，講咗個晚餐先🥲-🐟煙三文魚配青醬意粉 (set $108)煙三文魚唔多，同埋都唔大塊🤔仲有認真覺得食落似炒麵多過青醬意粉😅如果唔講佢係青醬意粉，以炒麵嚟講個味都OK😂fyi同行朋友話似羅宋湯味😓-🍲香煎帶子配野菌黑松露奶油意粉(set $108)帶子食落口幾嫩但係煎得唔夠香，個意粉黑松露味都有但係都俾浸忌廉味遮住晒咁制🥲同埋雖然嗰時好肚餓，但係食落都係覺得幾漏，可能忌廉味太重太厚☹️而且份量偏少，帶子都幾細粒🧐-🥗是日沙律 (set)一拎上枱，浸沙律醬嘅味聞落就有少少酸酸縮縮，抱住唔浪費食物嘅精神，我食咗兩啖，只能夠話真係唔好食😅同埋食落偏酸，份量亦唔多，用麻醬可能會好食啲😅😅-🥣南瓜餐湯 (set)呢碗湯嘅味道正正常常，飲落幾甜，唔會太稀，好似係成餐飯我覺得最好食嘅野😛-🍊特盛水果茶 (set drink)飲落少少淡但係都有水果味，不過係普通size嘅杯，唔知邊度特盛😅杯茶唔多水果，有薄薄地嘅兩片橙，一片蘋果，同一

觀塘區美食多到食唔哂! 今次就去工廈搵食, 呢間餐廳地方唔算好大, 但坐得舒舒服服, 簡約工業風裝修😃美國安格斯M7西冷扒配紐奧良風味粗薯條 set dinner $288 “配(是日)好濃蕃茄味既雜菜湯, 幾醒胃既蟹柳蘋果薯仔沙律, 意大利雪糕球&飲品” 肉眼扒order 5成熟, 食落有驚喜, 肉質軟硬度剛好, 夠肉汁, 工廈都食到咁正既牛排確係抵讚👍🏻香煎法式鵝肝配經典忌廉磨菇芝士意大利飯 set dinner $168 “配(是日)雜菜湯, 蟹柳蘋果薯仔沙律, 意大利雪糕球&飲品” 鵝肝幾大塊厚身而煎得幾靚, 食落唔會到喉就唔到肺咁~意大利飯creamy得黎好rich, 幾好食又滿足😋伯爵茶千層蛋糕 $32綠茶千層蛋糕 $32一去到舖門, 對眼已經描準左甜品櫃, 即刻order hold起我餐dessert先, 千層蛋糕係有啲吸引力既😏2件食落第一啖~好香好重味既伯爵茶同綠茶蛋糕, 皮薄每層皮都唔會好硬, 每層啲cream薄薄地好平均, 滑而唔會好膩~性價比高幾好食!

去開觀塘又突然想食千層蛋糕，就會諗起駱駝漆4樓2間既千層蛋糕店。今次就訂左個比較小有既蜜瓜味千層蛋糕。平時原個千層蛋糕望落好單調，因為冇裝飾，而呢間會預設送埋鮮果裝飾，比起其他千層蛋糕更花心思，而且望落會靚好多。蛋糕上既水果雖然唔係係好食，但蛋糕總共有15層，又只係$200，都算合格！可惜蛋糕既蜜瓜味比起蜜瓜味既日東卷冇咁香，冇咁濃，比較似雲呢拿味，如果蜜瓜濃的應該會更好味！另外蛋糕都唔太甜，岩曬鐘意小甜既我！

肚餓，但又比較接近晚餐時間，想食少少嘢頂一頂。行街見到call me chef嘅門口，擺咗啲千層蛋糕好似幾靚，一於試下。原本想試伯爵茶味，但賣哂，於是我揀咗海鹽焦糖味。隻叉吉落個蛋糕度嘅時候覺得算鬆軟，但食落口嘅時候蛋糕質素地比較結實，鬆軟感覺主要來自啲蛋糕與蛋糕中間啲cream。再加上食落只食到海鹽味，食唔到焦糖味。所以感覺麻麻地。但有機會的話都希望食多一次千層蛋糕，會試下伯爵茶味。再叫咗一杯鮮奶咖啡。一上枱就見到無拉花，當然有啲失望啦，哪怕係一個普通嘅拉花，都可以提升下個享受吖...但無。不過值得一讚嘅係個奶泡，非常綿密，飲落脹卜卜好立體。整體嚟講唔算好好食，但見到舖入面入好多人嘅，而且唔少人係食緊set，睇嚟下一次都應該試下。

同兩個朋友去咗食夜晚飯本身睇到menu 覺得一百蚊左右偏貴 但係啲嘢到咗之後覺得幾抵食 有齊前菜沙律 湯 主菜 嘢飲 甜品😍自己就嗌咗個三文魚番茄意粉 份量岩岩好 味道都唔錯 不過就無話有咩特出嘅地方中意佢個雪糕 兩隻味都好香好滑嘅整體都係抵食！

呢間除左千層蛋糕出名之外，原來野食都勁高質🥰係由沙律到湯到主食到雪糕都好好味！！非常推薦，完全值得係咁encore🙆🏻‍♀️-講下前菜先，沙律好fresh好開胃🥗，有薯仔、蘋果同粟米等。個湯甜甜地，南瓜味夠濃🎃🥣又好creamy-✨封煎北海道帶子配黑松露奶油意粉帶子煎得好香，表面金黃，咬落去軟嫩鮮甜💯黑松露好香夠濃！😋意粉軟硬度適中，掛汁度雖然唔算高，但啖啖都好入味👍🏻-✨經典卡邦尼意粉配63度慢煮溫泉蛋及香脆煙肉溫泉蛋既蛋漿令意粉食落更加正更加creamy😍仲要creamy得黎唔會膩 (我全部清曬🤣)。煙肉煎得好香，份量亦岩岩好，增加左整體口感☺️同另外個碟一樣咁出色😎-跟餐仲有意大利雪糕球，我揀左蜜桃🍑雪糕！連雪糕都完全冇令人失望🤣🤣🤣🤣桃味好出，勁滑😚～

中午時間book左枱所以一去就有得入，我哋一行五個人被安排喺最入面嗰兩張枱。長話短說，湯同沙律都OK，算係唔錯。水果茶一般發揮，不過多水果有得食吓咁。主菜叫咗溫泉蛋卡邦尼意粉同黑松露帶子意粉，卡邦尼意粉味道偏淡，建議大家可以食其他，反而黑松露幾香，同底嘅卡邦尼醬配合得啱啱好，強調到黑松露嘅味道。飯後仲有一球雪糕: 黑芝麻味或者荔枝味。荔枝味非常普通，黑芝麻味還好。總括黎講，普通行街經過可以一試，如果專登黎試就唔好抱住太大期望啦。

觀塘工廈有好多網店🤣依間出名千層蛋糕今日特登過黎試！要左件tiramisu味千層蛋糕同芋泥罐罐蛋糕但個人比較鍾意罐罐蛋糕！有好多層！上面oreo碎下面有拉絲麻糬再下面有芋泥最下層係奶凍一啖食落口好開心好好食！好食到我對tiramisu千層無乜記憶…而食物方面個lunch set幾抵食呀有湯有沙律有餐飲有雪糕！另外再叫左個薯條好有驚喜~下次再黎食lunch會淨係食罐罐蛋糕😆ps.想讚下侍應好溫柔好有禮貌

主打係千層蛋糕，但我覺得mains 好似值得多啲🙈千層蛋糕（岩鹽栗子、baileys、tiramisu）同樣嘅問題就係成件cake 都偏乾，一黎佢哋crepe 本身乾，二黎cream 唔算多🙈另外其實啲味都係偏假唔出🙈Dinner set 真係幾抵食，<$100 有湯 沙律 野飲同雪糕👍今日係羅宋湯同薯仔蘋果沙律，兩樣都比足料唔係hea👍水果茶都多水果係入面，雖然未至於好出味XO 醬手撕雞意粉幾得意嘅fusion 意粉，XO 醬都重意粉煮得啱啱好，但偏油同雞肉唔多煎大蝦忌廉意大利飯蝦得2隻唔算多肉，好細心咁起咗殻👍意大利飯都ok，但有粟米喺入面就覺得有啲奇怪🙈Bbq ribs算多肉同唔乾，但啲肉太痴住骨，同無乜嗰種grill 過嘅味🙈炸飯球幾得意！同埋唔會回唒油欣賞雪糕個味就有啲假

-第一次嚟呢間食晚飯，佢同apm都好近，呢個質素嚟講平靚正，包沙律、餐湯、雪糕、水果茶🍖煙燻燒烤豬仔骨 配 特色芝士炸飯球 $188 (8.1/10)豬仔骨勁大嚿、淋身，好好食同夠飽肚，本身揀呢個餐係因為見到炸飯球幾特別，不過覺得佢冇芝士味，但入面真係好多飯😂🍝封煎北海道帶子 配 黑松露奶油意粉 $108 (7.8/10)帶子有3大粒，煎得香口，個意粉勁濃黑松露味🤤🤤🤤，好鍾意🥗紅菜頭沙律 (6.4/10)幾清新，不過覺得太多醬🫕餐湯 (6.8/10)南瓜忌廉湯，有啲南瓜渣，濃度啱啱好🍹特盛水果茶 (6.5/10)好多生果，佢似一芳嘅水果茶，個人覺得略甜，下次要叫少甜😌🍧意大利雪糕 朱古力味（6/10)雪到好凍嘅普通雪糕-📍Call Me Chef 觀塘開源道60號駱駝漆大廈3座4樓T號舖🕑Mon to Sun 12:00～22:00-

斑蘭千層蛋糕🌱($34)斑蘭戚風蛋糕就食得多, 但係千層蛋糕就比較少有🤓 一般斑蘭口味既野都係偏淡, 因為原材料始終都係偏清淡😌 估唔到呢個千層蛋糕居然每一啖都可以食出斑蘭既味道, 絕對值得一讚👍🏽檸檬芝士千層蛋糕🍋($36)冇諗過千層蛋糕都可以食到咁開胃💁🏾‍♀️ 鐘意食酸野既人絕對唔可以錯過, 每一啖都好衝擊, 酸酸甜甜真係正到爆🤤 罐罐蛋糕🎂($48)聽個名係咪覺得好吸引呢😎 唔好睇佢個樣平平凡凡咁, 食落完全係我杯茶😌 總共有4個layers, 分別係面頭既oreo 餅碎, 跟住係煙韌既麻薯, 再黎就係蛋糕同埋最低既custard, 四樣食材加埋真係冇得頂🤩 個麻薯係最有驚喜, 煙韌得黎又唔會好難咬開, 好正😉呢間餐廳既甜品真係好值得大家去試, 因為真係食得出佢係自家製同埋係用心製作😊 上次買過既蛋糕都勁濃味, 夠曬真材實料🤗

駱駝漆出名多野食今次就去左呢間試下 星期六下午近5點都仲係好full佢千層蛋糕有好多個味道選擇困難下揀左好耐終於都揀左trimisu千層再加個芋泥oreo奶凍麻糬罐罐味道方面trimisu千層比想像中淡味一啲少少俾佢外表扼左既感覺🙃有啲後悔無試班蘭味之後到芋泥oreo奶凍麻糬罐罐個全名其實好長唔記得咁多🤣呢個好出色！所有野撈埋一齊好好味～ 唯一奶凍有啲唔夠滑 少少似燉奶多啲但整體都ok, 好食過千層～

駱駝漆每逢假日都大排長龍，早就已經係一個行街嘅熱門地方，我自己間唔中都會同家人朋友去行吓。而家夏天熱辣辣行街行得耐都會想坐吓飲杯野食個小食，所以去咗CallMeChef食個下午茶☕️一去到係比門口嘅蛋糕櫃吸引咗，千層蛋糕嘅款式有成十幾二十個味道，生果款又有、特別啲成熟啲嘅口味好似咖啡/茶/酒嘅都有今日見佢仲有個乳酪脆脆杯，見未試過就揀咗嚟食。入面有哈密瓜同密瓜，塞滿咗隻杯，基本上每筆一啖都有兩三片瓜，好爽甜👍🏻啲脆脆同蛋糕片普通，但每一啖都筆齊所有配料同時放落口個層次係幾豐富嘅小食叫咗個蕃薯條，係即製好脆唔油膩，調味ok，呢個值得推薦🐽叫咗個意大利雪糕 單球芒果作結 好滿足❤️

同朋友一行4人食中午飯 其中2人 食完 一齊肚痛左10日 大家有食意大利飯 同食雪糕 味道可以 也有一齊飲熱嘅柚子蜜 吾知道上面那一款食物出現問題 最大機會可能係雪糕 2人食嘅亦都係同一款 和朋友雙雙都肚痛肚痾 連續持續左十日 中間睇過2次醫生 食咗止痾藥 其實食物味道是沒有大問題 只係不是太凸出 甜品味道亦可以 呢次寫食評 亦都係人生第一次 只係希望 大家要留意 我也會打電話俾呢間食店 希望佢留意一下 很可惜 之前留言沒有被刊登 所以希望再sent 一次 叫大家小心

喺觀塘整完d野，見駱駝漆喺對面，就想去挑機吓d千層蛋糕，但得呢間係有得坐所以幫襯。 香芋奶蓋千層蛋糕 ($34)想揀吓'M女士'冇嘅口味所以先揀。蛋糕本身唔太甜，d皮夠薄，每層都平均。d cream 都夠芋頭味又有d細細粒芋頭嘅咬口，個奶蓋有少少椰奶味，但可以再挺身d。 Cappuccino ($32)d奶泡係幾綿密，但d咖啡真係好淡，雖則算平，但無謂嘥錢叫啦 蛋糕算幾平，但冇記錯呢間d千層蛋糕出名，比坊間其它嘅更加多層，但目測呢個蛋糕就冇乜分別喇。而飲品就唔好叫Cappuccino 喇🤣