Call Me Chef

營業中

休息中

注意大伏🤢牛油果奶昔見到咁特別嗰menu又有個like，就即刻叫杯嚟試下，點知係個大伏🤡🤡自問平時都幾鐘意牛油果。雖然佢杯野又真係幾足料，但係就衰在太原汁原味，真係淨係得牛油果味，好似食緊生果咁😂咁大杯真係飲兩個鐘都飲唔完

同朋友想揾間坐得耐少少的餐廳食飯傾下計，揾咗呢間，比佢門口啲千層蛋糕吸引咗但今日試佢嘅special menu set!💂🏻‍♀️《烤釀明太子無骨雞翼 配 明太子白菌奶油意粉》$108成個套餐好抵，有沙律、餐湯、餐飲同雪糕球！真係好抵食雞翼炸得好脆好入味，入面釀咗明太子的餡，所以更加惹味，配埋個creamy意粉真係好夾好好食，意粉煮到掛哂汁好正！💂🏻‍♀️️《香草封煎廣島蠔 配 青醬忌廉芝士意大利飯》$168廣島蠔煎得好香，唔會好腥同香草味都好夾！意大利飯都做得出色，但個青醬忌廉汁食耐咗會有少少膩，2個人share食會好啲！當日雪糕有幾個味可以揀，兵仔揀咗芝麻味，好好食！成餐飯最後有甜品埋尾真完美頒發軍階:上將🎖🎖🎖🎖

觀塘駱駝漆大廈 --- 餓虎, 呀唔係, 卧虎藏龍之地, 間中就要過去 explore 一下。 其實頭幾層已經超多正餐廳同舖頭, 既然佢架 lift 咁難等, 都市人日日坐咁多, 不妨試下行樓梯上去1-5樓, 除咗當做運動, 實情係: 唔使等佢啲 lift , 人生浪費少好多光陰! 😂 成日都試唔同餐廳, 呢間位於四樓 Call me Chef, 本來都係諗住試下, 但食完覺得佢啲食物, 飲品, 甚至送嘅沙律, 都真係落足心思, 未食完已經諗緊下次再嚟試邊樣好, 要再 encore 懲罰佢。見 google 有人寫話服務麻麻, 我認為其實只係因為老闆 (之一) 唔係果啲好cheerful嘅人, 好安靜, 不擅言詞咁, 但傾落其實都好好傾, 好 nice。 而家疫情咁嘅環境, 希望佢地可以捱到落去啦, 好值得支持的一家餐廳, 希望大家多多懲罰! (btw, 喜歡水彩畫朋友可以欣賞下佢地牆上面啲 photo frames, 畫得好靚, 睇得出佢地真係好喜歡烹飪)

💕個人分享😋~主食篇🍝~SET: 🍝 +🍲+🥗+🍹+🍨🍝經典卡邦尼意粉 $88黑松露並沒有腥味，但忌廉味不太出，整體較普通===========================🐔XO醬拌手撕雞炒意大利粉 $98也是較普通，不太吃到XO醬的味道===========================🍅煙三文魚配香草鮮茄意粉 $108煙三文魚感覺太咸，鮮茄味還好===========================🥣南瓜湯+沙律+雪糕+飲料(跟餐)🍲南瓜湯較甜，像南瓜糖水🥗沙律不錯👍🏼🍨雪糕可選荔枝味、芒果味🍹飲料我們選了特盛水果茶🍎🍊、柚子蜜🍯；水果茶有新鮮水果粒，但對我們來說，有點太甜===========================🙆🏻‍♀️憑良心說，一個套餐有主食、湯、沙拉、飲品、雪糕，性價比很高，而且份量很足夠☹️但有點失望的是，本來看了大家的評價，說小店由藍帶廚師主理，但今次未能食得出來。💛但有機會會再光顧，希望會有進步，支持黃色小店👍🏼～～～～～～～～～😋美味指數：5.5/10🧼環境衛生：7.5/10👼🏻服務態度：6.5/10💎性價比：8/10💰人均消費：~$98

💕個人分享😋~蛋糕篇🍰~🍼香芋奶蓋千層蛋糕 $32香芋味是香芋雪糕的味道🍨奶蓋非常柔滑，奶味濃郁帶點咸味🍼甜度剛剛好，餅皮厚薄均勻，而且有香芋粒(圖片都影到😍)食到最後也不會覺得膩👍🏼===========================🍵培茶千層蛋糕 $32相較香芋味，培茶帶點清新的感覺🌿入口有很香的培茶味🍵===========================店內還有其他口味的千層蛋糕✨會再去嘗試!👍🏼💛～～～～～～～～～😋美味指數：7.5/10🧼環境衛生：7.5/10👼🏻服務態度：6.5/10💰人均消費：~$32

近幾年，無論係自己定朋友仔生日👑，都選擇左IG shop度訂蛋糕🎂，款式五花八門，種類繁多🙈。觀塘既駱駝漆大廈可以話係IG甜品蛋糕店集中地，係好幾間岀名既蛋糕店的聚腳點🐾今次就試左呢個間店：焦糖脆脆伴海鹽芝士奶蓋戚風蛋糕🎂，7寸既價錢係$300，生日牌需加$10，價錢都尚算合理🍯焦糖脆脆係獨立包裝的，吃嗰陣先灑上去，避免同cream一齊就淋左😌。口感非常鬆脆，味道都真係好甜下，本身唔鍾意吃甜品既人可能未必接受到啦～🎂戚風蛋糕好綿密，中間仲要係流心既海鹽芝士奶蓋🧀，整體都幾邪惡架，不過我又幾鍾意喎❤️店舖除左戚風蛋糕外，有散裝既拉絲麻糬罐罐，都好受歡迎👏🏻，有機會都可以試下🤣

西式餐廳個人好少食因為一般西餐廳都係靚但唔飽(主要係我個人食得比較多野🙈)放工去左觀塘本身想食雞煲邊爐但最後去到發現已full booking(昨晚係未來14日最後一日堂食)有個朋友推薦轉去呢間西餐廳食一開始無咩期待但去到之後，店員一開始就態度好好有禮貌，叫單時感覺唔係個d忙碌重點1: 我唔飲得茶，佢飲品得檸水我可以飲，但我昨日前後已經飲左2杯... 於是我問佢可否水果茶走茶走甜。佢提我咁樣無咩味，我話ok，解釋我唔飲得茶又唔想再飲檸水後，佢話ok整俾我。重點2: 可能因為我叫左杯奇怪野，佢落單野食部分錯左，出到黎發現左之後，佢好真誠地道歉同埋整過俾我地。真心好感受到被重視 (希望d錯左的野食唔係倒左啦🙈)野食幾好食，沙津甜品有花下心思，南瓜湯正常發揮有加忌廉

🍰百利甜酒 💵38🍀🍀🍀🍀🍀🍀🍀🍀🍀 頭大望去甜品櫃，因為有枝細細既擠管，所以第一眼比百利甜酒味既千層蛋糕吸引左，擠管入面係甜甜既汁，份量唔多，覆蓋唔到成件蛋糕，原本滿心期待既蛋糕，食完一啖可以話失望🙍🏻‍♀️成個口感好差，啲皮好厚，切開變左幾塊皮疊埋一齊，成個蛋糕好散，啲cream唔算好滑，無酒味只有甜味，令鍾意食蛋糕既頭大都放棄唔食☹️🌼🌼🌼🌼🌼🌼🌼🌼🌼🌼☀️整體而言，頭大同朋友考慮食邊間千層蛋糕，最後入左call me chef ，老實講，除左頭大揀既千層蛋糕，另外朋友揀左幾款蛋糕既味道都麻麻，又貴又要加一，其實都無咩服務可言🤷🏻‍♀️其實最敗筆係千層皮，太厚啦，希望餐廳可以改善下～

話說我有粒細細粒嘅為食癦，粒野係神奇到求其揀間餐廳都唔會難食得去邊，所以我一路都冇試過求其揀餐廳會揀到難食嘅餐廳😛點知粒癦嗰日暫時失靈，搞到我食咗兩餐劣食😅午餐再同大家分享，講咗個晚餐先🥲-🐟煙三文魚配青醬意粉 (set $108)煙三文魚唔多，同埋都唔大塊🤔仲有認真覺得食落似炒麵多過青醬意粉😅如果唔講佢係青醬意粉，以炒麵嚟講個味都OK😂fyi同行朋友話似羅宋湯味😓-🍲香煎帶子配野菌黑松露奶油意粉(set $108)帶子食落口幾嫩但係煎得唔夠香，個意粉黑松露味都有但係都俾浸忌廉味遮住晒咁制🥲同埋雖然嗰時好肚餓，但係食落都係覺得幾漏，可能忌廉味太重太厚☹️而且份量偏少，帶子都幾細粒🧐-🥗是日沙律 (set)一拎上枱，浸沙律醬嘅味聞落就有少少酸酸縮縮，抱住唔浪費食物嘅精神，我食咗兩啖，只能夠話真係唔好食😅同埋食落偏酸，份量亦唔多，用麻醬可能會好食啲😅😅-🥣南瓜餐湯 (set)呢碗湯嘅味道正正常常，飲落幾甜，唔會太稀，好似係成餐飯我覺得最好食嘅野😛-🍊特盛水果茶 (set drink)飲落少少淡但係都有水果味，不過係普通size嘅杯，唔知邊度特盛😅杯茶唔多水果，有薄薄地嘅兩片橙，一片蘋果，同一

觀塘區美食多到食唔哂! 今次就去工廈搵食, 呢間餐廳地方唔算好大, 但坐得舒舒服服, 簡約工業風裝修😃美國安格斯M7西冷扒配紐奧良風味粗薯條 set dinner $288 “配(是日)好濃蕃茄味既雜菜湯, 幾醒胃既蟹柳蘋果薯仔沙律, 意大利雪糕球&飲品” 肉眼扒order 5成熟, 食落有驚喜, 肉質軟硬度剛好, 夠肉汁, 工廈都食到咁正既牛排確係抵讚👍🏻香煎法式鵝肝配經典忌廉磨菇芝士意大利飯 set dinner $168 “配(是日)雜菜湯, 蟹柳蘋果薯仔沙律, 意大利雪糕球&飲品” 鵝肝幾大塊厚身而煎得幾靚, 食落唔會到喉就唔到肺咁~意大利飯creamy得黎好rich, 幾好食又滿足😋伯爵茶千層蛋糕 $32綠茶千層蛋糕 $32一去到舖門, 對眼已經描準左甜品櫃, 即刻order hold起我餐dessert先, 千層蛋糕係有啲吸引力既😏2件食落第一啖~好香好重味既伯爵茶同綠茶蛋糕, 皮薄每層皮都唔會好硬, 每層啲cream薄薄地好平均, 滑而唔會好膩~性價比高幾好食!

去開觀塘又突然想食千層蛋糕，就會諗起駱駝漆4樓2間既千層蛋糕店。今次就訂左個比較小有既蜜瓜味千層蛋糕。平時原個千層蛋糕望落好單調，因為冇裝飾，而呢間會預設送埋鮮果裝飾，比起其他千層蛋糕更花心思，而且望落會靚好多。蛋糕上既水果雖然唔係係好食，但蛋糕總共有15層，又只係$200，都算合格！可惜蛋糕既蜜瓜味比起蜜瓜味既日東卷冇咁香，冇咁濃，比較似雲呢拿味，如果蜜瓜濃的應該會更好味！另外蛋糕都唔太甜，岩曬鐘意小甜既我！

肚餓，但又比較接近晚餐時間，想食少少嘢頂一頂。行街見到call me chef嘅門口，擺咗啲千層蛋糕好似幾靚，一於試下。原本想試伯爵茶味，但賣哂，於是我揀咗海鹽焦糖味。隻叉吉落個蛋糕度嘅時候覺得算鬆軟，但食落口嘅時候蛋糕質素地比較結實，鬆軟感覺主要來自啲蛋糕與蛋糕中間啲cream。再加上食落只食到海鹽味，食唔到焦糖味。所以感覺麻麻地。但有機會的話都希望食多一次千層蛋糕，會試下伯爵茶味。再叫咗一杯鮮奶咖啡。一上枱就見到無拉花，當然有啲失望啦，哪怕係一個普通嘅拉花，都可以提升下個享受吖...但無。不過值得一讚嘅係個奶泡，非常綿密，飲落脹卜卜好立體。整體嚟講唔算好好食，但見到舖入面入好多人嘅，而且唔少人係食緊set，睇嚟下一次都應該試下。

同兩個朋友去咗食夜晚飯本身睇到menu 覺得一百蚊左右偏貴 但係啲嘢到咗之後覺得幾抵食 有齊前菜沙律 湯 主菜 嘢飲 甜品😍自己就嗌咗個三文魚番茄意粉 份量岩岩好 味道都唔錯 不過就無話有咩特出嘅地方中意佢個雪糕 兩隻味都好香好滑嘅整體都係抵食！

呢間除左千層蛋糕出名之外，原來野食都勁高質🥰係由沙律到湯到主食到雪糕都好好味！！非常推薦，完全值得係咁encore🙆🏻‍♀️-講下前菜先，沙律好fresh好開胃🥗，有薯仔、蘋果同粟米等。個湯甜甜地，南瓜味夠濃🎃🥣又好creamy-✨封煎北海道帶子配黑松露奶油意粉帶子煎得好香，表面金黃，咬落去軟嫩鮮甜💯黑松露好香夠濃！😋意粉軟硬度適中，掛汁度雖然唔算高，但啖啖都好入味👍🏻-✨經典卡邦尼意粉配63度慢煮溫泉蛋及香脆煙肉溫泉蛋既蛋漿令意粉食落更加正更加creamy😍仲要creamy得黎唔會膩 (我全部清曬🤣)。煙肉煎得好香，份量亦岩岩好，增加左整體口感☺️同另外個碟一樣咁出色😎-跟餐仲有意大利雪糕球，我揀左蜜桃🍑雪糕！連雪糕都完全冇令人失望🤣🤣🤣🤣桃味好出，勁滑😚～

中午時間book左枱所以一去就有得入，我哋一行五個人被安排喺最入面嗰兩張枱。長話短說，湯同沙律都OK，算係唔錯。水果茶一般發揮，不過多水果有得食吓咁。主菜叫咗溫泉蛋卡邦尼意粉同黑松露帶子意粉，卡邦尼意粉味道偏淡，建議大家可以食其他，反而黑松露幾香，同底嘅卡邦尼醬配合得啱啱好，強調到黑松露嘅味道。飯後仲有一球雪糕: 黑芝麻味或者荔枝味。荔枝味非常普通，黑芝麻味還好。總括黎講，普通行街經過可以一試，如果專登黎試就唔好抱住太大期望啦。