Call Me Chef

營業中

休息中

放工同老公去觀塘工廈食晚餐，去咗之前有雜誌介紹由藍帶女廚師主理嘅西餐廳試下。必食推介-封煎廣島蠔海鮮鮮茄意粉蠔都幾大隻，而且估唔到係咁juicy同埋滑！封煎煮法真係唔同啲！個番茄意粉都係意想不到嘅出色！每一條意粉都可以痴到蕃茄同埋汁，而且佢應該係用新鮮番茄打成嘅汁，而唔係用茄膏，所以有鮮甜嘅蕃茄味BBQ豬仔髀配香甜南瓜燴飯豬仔髀肉係非常嫩滑，而且肥瘦適中。南瓜燴飯真係實如其名好香甜，飯唔會太林，有口感，而每一粒飯都均勻咁樣黐滿左個南瓜汁，真係冇得頂！嘢飲叫咗特盛水果茶同烘焙咖啡，最後仲有雲呢拿雪糕做甜品總括嚟講，我同老公都非常滿意同埋覺得好抵食，CP值好高！餐廳係用有質素嘅食材，而價錢只不過係百幾蚊一個晚餐set，又有嘢飲又有雪糕，真係好唔錯。我見其他人個個都有點蛋糕，可惜我哋今晚太夜去，千層蛋糕已經sold out，下次一定要早啲嚟叫蛋糕！！Menu:

話說之前係蘋果見到介紹尼間既店主係擁有法國藍帶😍決定一試係咪咁正先！夜晚專登約朋友食set dinner！晚上只有set menu可選，價值約百令蚊，包括沙律、湯、飲品不貴啊～沙律有驚喜，唔係只有用上沙律菜，仲有薯仔沙律，面鋪上少少煙肉粒，脆脆地，成個配搭ok！南瓜湯好飲！濃濃既南瓜味，而且好滑好滑，入口飲到少少南瓜絲tim～香烤BBQ豬仔脾配葡萄牙蕃茄燴飯($128)豬仔脾整得好入味，啖啖肉超淋身，而且唔會話痴牙，旁邊仲有bbq sauce，一齊食更惹味。而蕃茄燴飯食落酸酸甜甜，開胃！水果茶，配上西瓜，蘋果同橙，但略嫌唔夠味，普通啦～甜品係雪糕球，雪得硬左d要放置一陣解下凍先食

餐廳響駱駝漆大廈都幾方便同易搵All day breakfast 比較細碟但千層蛋糕就幾好食同埋都幾多味揀個柚子雞扒飯個雞扒幾好意粉就普普通通 間餐廳煮嘢食嘅口味偏淡幾適合減肥人士不過碟頭太細食完都唔係好飽食埋個蛋糕就飽晒

沒想到要為了負評而寫食評中午打電話來訂位食晚餐時，店員只說“你walk in la”，但因為係朋友生日飯，怕因為人氣關係會冇位，再double confirm係訂晚餐，問多次係咪唔需要訂位？店員都係果句“你walk in la"<<<完全冇講話係因為full booking or 不設訂位。咁就以為可能星期一晚所以唔需要訂位。唔緊要，冇問題，照去，約6：45左右到。去到門口蛋糕櫃旁，見到有幾位年青店員用手機中，冇人理，行多幾步，講有幾位。一位話隨便揀位，一位就問有冇訂位，心諗：唔係冇得訂位咩？但眼見只有一枱客人正在用餐，同兩張Reserved。店員然後放低餐牌行開，繼續用手機。唔緊要，入去坐低唔夠5分鐘，就問：叫得野食未？下，岩岩坐低ja wo, 仲商量緊。想點餐時，眼見幾位店員繼續用手機中，結果係廚師出來幫忙落單。餐點到左，唔介意冇問係咪share，只要求俾碟share食，當時唔算太多人，亦未坐滿，而且店面不算大，同埋開放廚房就係一步之隔既背後，但可以拎幾分鐘，原來係因為店員之間的不合作。整體餐點味道正常，但頭盤沙律有點太求其，只有幾片生菜同幾粒有沙律醬既薯仔

Call me Chef, 笑話啦！其實是call me 遲到女皇. 看過媒体報告店主是一位對食物好有熱誠的㕑師. 抱著支持小店心理，今天提早十分鐘到達（店開12:00pm是open rice 及各大媒體放上的開放時間). 到達店時大鉄閘開了大半，內裡有位女同事正忙著準備食品.見到我們在門外等就招呼我們入店裡坐着等，十分有禮！12:05pm 才有一位男廚師到趕達。立即趕入開放厨房繼續準備食物。當然兩人不停準備，就算有新客人進來也不理會，由得客人自己找位入坐，店內燈光照舊黑暗，為了支持小店也繼續静靜坐下來等。到了12:15pm 開燈了，還是只得兩個人在開放厨房 內低頭努力凖備中，女同事也打電話找幫手下单，但似乎沒有找到幫手！最後12:30pm 終於開鉄閘, 可以落單. 當時餐厅還是只有兩個人開工！5分鈡后有位女主厨行色匆匆到達，開始做餐，5分鐘後第一份餐到，之前店女同事有給沙律及湯給我們，普普通通！叫了燒豬脾葡萄牙番茄燴飯。猪脾肉煑得太老，飯太淋及軟身。友人的意粉在我吃完豬脾後才到. 吃完對這店十分失望,食物出品只是一般.但在行政及服务十分差劣！如果未能在12:00pm開舗就不要讓客人等

今天下班後逛完駱駝漆附近的outlet,順便在裡面找了一間餐廳吃晚飯 - 據說這一間餐廳的創辦人是一個在藍帶廚藝學校畢業的90後女生🤫餐廳主打千層蛋糕,$32不算貴,但我大約七時抵達餐廳時已所剩無幾😂看來如果要吃到熱門口味的千層蛋糕便要提早預訂了~我們叫了兩個set dinner,包餐湯和沙律♥🌟香煎柚子雞腿肉南瓜意粉柚子醬和雞肉出奇地配搭😍煎雞腿肉嫩滑香口,南瓜汁亦非常濃稠~~🌟芝士白菌黑松露忌廉意粉看起來比較素的主菜,但濃厚忌廉汁配意粉其實很飽肚🤫套餐包雪糕作飯後甜品🙂十分滿足!!

餐廳：Call Me Chef (觀塘)地址：觀塘開源道60號駱駝漆大廈3座4樓T號舖觀塘工業區出名有唔少隱世嘅餐廳同美食，駱駝漆大廈亦都係唔少觀塘友經常去聚居嘅地方，今次就去到駱駝漆大廈三座4樓嘅一間餐廳叫Call Me Chef餐廳細細，大概有15枱，七點幾去到都爆哂棚，仲有唔少人專誠過嚟排隊買cake添餐廳只有是日套餐6款野食嘅餐牌，不過都吸引左唔少人黎幫襯，無論後生仔定上咗年紀嘅人都可以喺餐廳度見到，甚至乎中學生都有香煎柚子雞腿肉配南瓜意粉 $118柚子雞腿肉甜而不膩，亦都有柚子肉同皮係煎雞上面，啖啖肉加上微脆嘅雞皮配搭埋南瓜汁煮成嘅意粉真係夠哂creamy，好濃好滑呀香烤BBQ豬仔脾配葡萄牙蕃茄燴飯 $128豬仔脾原隻上，加上BBQ汁色澤更鮮明，蕃茄燴飯甜甜地好易入口，碟嘅裝備同擺設都好吸引同南瓜意粉形成左一黃一紅嘅配搭套餐仲包括餐湯、沙律、雪糕同一杯飲品，唔洗怕唔夠食

之前睇過介紹話本身整蛋糕網店，而家開埋餐廳，一直都想試下，支持小店💪🏻。既然地鐵壞車就落車上黎食個晚飯。門口有個蛋糕🍰櫃放是日蛋糕是日晚餐選擇🤔沙律 - 蘋果薯仔沙律雜菜湯 - 蔬菜切到細細粒， 但係唔會煮到一pat 野👍🏻👍🏻我揀左香煎柚子雞腿肉配南瓜意粉 - 呢個有驚喜， 味道好新，柚子主要係面，但係混合意粉又會食到淡淡的南瓜🎃味，幾特別，值得一試。最後是日晚餐仲有雪糕，好多野食，份量岩岩好👍🏻👍🏻👍🏻👍🏻餐茶 （飲完一半先記得影🤦🏼‍♀️）由於係本住食蛋糕而黎，梗係要叫件蛋糕啦！ 海鹽焦糖千層蛋糕 - 千層數量應該有20 層左右，cream 好滑， 混合海鹽味道，焦糖味其實淨係上面薄薄一層，所以整件cake 食落去唔會太甜，而且食完一d 都唔覺漏👍🏻👍🏻👍🏻👍🏻

之前睇新聞得知，呢間餐廳係由一對情侶💑瑋一腳建立，其中女廚師更加係藍帶畢業番黎既，食物應該有番咁上下水準👍餐廳位置都算易搵，唔會太易miss。座位係工廈餐廳黎講，都算做得鬆動舒適。Menu方面比較簡單，主要係幾款set meal。首先黎左知沙律🥗，味道不過不失，唔算太特別。跟住黎左個湯，呢個做得👌幾好飲仲有一杯飲品，我選左特盛水果茶，佢真係有加新鮮水果。芝士白菌黑松露忌廉意粉 - 意粉唔會煮到無哂口感，白汁調味岩岩好，唔會太heavy creamy，但亦唔會太淡，呢個菜式好多地方都有，但呢到真係做得唔錯👍朱古力雪糕 - 食唔出咩brand 但幾濃朱古力味

原本滿心期待一頓豐富的西餐，但吃得失望。訂了檯但仍要等位，侍應一臉茫然，談話閃縮，後來揚手叫侍應只見他們顧著聊天毫不留意店面情況，反應慢。店面狹窄但上一檯客人未起身已經叫我們入座，弄得兩組客人及收拾的侍應擠在座位旁一陣狼狽。看菜單見道道都吸引，叫了百餘元中價位的西班牙蛋批配薯菜及柚子雞腿肉南瓜意粉，套餐全部奉送沙律、餐湯、義大利雪糕球及冷熱飲品。上完洗手間回來看見前菜已經心知不妙，沙律一小碗，份量可以，但竟是玉米粒配切好後放到邊緣發黃的生菜，沙律只靠大量醬汁調味，菜不新鮮根本沒有味道。羅宋湯不合我口味，醬汁味濃，沒有蔬菜精華，西芹和紅蘿蔔切得太細但還是硬的。柚子忌廉汁酸酸甜甜清新，意粉和肉份量足夠，但雞腿肉沒有味道，肉質老。蛋批中規中矩，批皮不覺鬆脆。配蛋批的沙律又是玉米粒和打橫切到像黃芽白的生菜，伴幾粒隨便炒過也沒有味道的西蘭花，煎過的車厘茄才總算新鮮吃到食材味道。飲品選了水果茶，茶本身不太甜，水果合時令，哈密瓜、西瓜、蘋果等口味都好，只是西柚、檸檬和橙皮多於肉。最後上雪糕球，沒有選擇只有巧克力口味，是一早盛好雪藏過的，但稍融化後質地也軟滑，似Dreyer’s。整頓飯吃完後飽是飽，但

1）環境差，開放式廚房，非常熱且不通氣，最尾個場有部冷氣機，唔想開，叫先開，未走叫埋單即刻係你面前熄左佢，明顯比面色你睇。2）全店只有抺枱同清潔姐姐最用力，其他員工服務奇差，個男waiter不是拎盤食物，而是「拋」過來，埋單亦是這樣。3）沙律及湯都極一般，蛋餅質素如星巴克，沒有香味，個餅皮又韌，連上面既芝士都未熔，好明顯火喉唔夠。杯latte成杯奶咁，早知就去返星巴克啦。 4）其實見果個女店主著住紗裙都知佢唔會入廚房，所謂藍帶都係gimmick野，食物同服務都差，仲要佢自己都黑口黑面，成間餐廳都勁無Heart，本身想叫多件蛋糕，不了，而且永遠都不了。

家庭式經營，但樓面的男員工服務超差，黑口黑面，沒有禮貌，態度惡劣。反而女員工的服務態度良好，有禮。千層蛋糕水準一般，超級甜，沒有推介的那麼出色。另外，燒雞薯條的味道還不錯。

一向都知觀塘工廈多好嘢食，今次同朋友喺party room散band之後嚟咗呢間call me chef食👅出面望入去已經覺得個開放式廚房好靚，而且啲餐桌餐櫈一字排開咁擺，好有高級私房菜嘅感覺😳 佢每日個餐牌都唔同，睇得出廚師好俾心機!沙律坐低5分鐘就有嘢落肚，沙律主要用薯仔同煙肉碎撈成，唔會好大浸草青味，加上啲酸酸地嘅沙律醬，即刻令我開哂胃🤤經典卡邦尼配63度慢煮溫泉蛋及香脆煙肉($88)隻溫泉蛋真係好大隻，而且入面啲蛋汁撈埋出面啲忌廉醬嚟食係超級香！啲意粉嘅軟硬度適中，不過不失😌 最抵讚嘅就係啲料好多，啲煙肉同蘑菇粒充滿住每啖意粉，用料好過啲連鎖店多多聲👍🏻煙燻燒烤豬仔骨及紐奧良風味薯條($188)嚿骨燒得又靚又香，裏面嘅肉質啱啱好，少少脂肪香得嚟又多肉食，配住佢特製嘅燒汁，甜甜哋咁，惹味之餘又唔會膩😙 加上啲粗薯條係新鮮脆炸出嚟，上面仲落咗啲啲辣粉，搞到我又食唔停，勁邪惡啊😖特盛水果茶茶入面有好多新鮮生果，包括西瓜、番石榴、蘋果，估唔到個味道咁refreshing咁特別，消暑解渴之外，又幫我下返頭先食薯條嘅火，健康之選~韓式柚子蜜又清甜又清新嘅柚子蜜，簡直係沙漠中嘅綠洲咁，好爽口

好耐之前睇報導介紹，一心諗住過黎試下d蛋糕。講到咁鬼勁。同老公大約四點多黎到，因為唔肚餓，打算坐底飲杯野食件cake就算。因為唔係繁忙時間，得幾枱客食緊野。一入去，咩招呼都無，個侍應求其指左張枱叫我地坐底。但因為想坐入面，因為涼d。點知個侍應勁晦氣咁講，「你鍾意啦」。頂你，咩態度。咁都算，我地坐底左之後，想叫蛋糕食。因為見佢無蛋糕餐牌，就叫咗個侍應過嚟，問佢有冇蛋糕餐牌。佢又勁晦氣咁講，無餐牌，你自己出去睇。Ok, 咁老公就出去諗住落order，點知啲侍應好似睇唔到，完全冇人招呼。之後老公返埋位，個侍應先走過來問我地要啲乜。我哋最後落咗一個伯爵茶蛋糕同埋一杯凍咖啡。個蛋糕嚟到，個味OK啦。但咁既服務態度已經大打折扣。之後等左一陣，杯凍咖啡先黎。個侍應竟然將杯凍咖啡倒瀉左。咩事呀你？！！心入面真係勁嬲，但忍住左無鬧佢。最後我地好快手食完就走左。🤬🤬🤬🤬🤬🤬 發誓唔會再黎。題外話：同一時間隔離都黎左兩位中年女性，佢地都係同一感覺。d服務差到......

友人最喜歡留意網上介紹新店的報導，她近期發現到一間有位90後藍帶廚師製作千層蛋糕的小店。她當然第一時間帶愛好甜品的我去。門面招牌是一個小熊廚師logo，好可愛，但最吸引我還是門口的餅櫃，放了我喜歡的千層蛋糕。走進內裏，大型的開放式廚房可清楚看到各大廚們正忙過不停地為客人準備。靠牆設有兩排二人枱，再走一點有一小排沙發座配二至四人枱，座位不多，裝潢簡約。相信是新店的關係，所以菜式選擇不多，只有一份Special Menu，共六款套餐，而每份set均配是日沙律、精選餐湯、意大利雪糕球和特色冷熱飲品，定價由$88-$188。*************************先上是日沙律，雜沙律菜新鮮，配上薯仔甘荀粟米沙律，淋上芝士碎和脆煙碎，味道不錯！*************************緊接是精選餐湯，是日是雜菜湯，湯身呈鮮橙色，稀稠度適中，味道濃郁。內有多款雜菜粒，有蕃茄、甘荀、青瓜、洋蔥、西芹等等，用料豐富，酸度十足，越喝越開胃，很適合悶熱的夏日。******************************主菜選了一客芝士白菌黑松露忌廉意粉 Classic Wild Mush