Call Me Chef

營業中

休息中

見到報道年輕藍帶女廚師加上覺得佢個奶蓋珍珠奶茶蛋糕好吸引，所以決定趁着朋友生日試試！已經五六日前WhatsApp佢哋話想訂蛋糕，十問九唔應，問訂蛋糕詳情，比錢方法...等一兩日都只係一兩個字或者一個emoji. 終於晚飯前兩日忍唔住問係咪真係confirmed 訂咗？如果唔confirm我要即刻改訂第二間架嘛！先至話confirm, 再比入數資料我。到晚飯當日，攞完蛋糕行到去晚飯嘅餐廳，佢哋先打俾我話原來比漏咗珍珠，OK啦...佢哋亦都有即刻攞去餐廳比番我！蛋糕亦都尚算好食。兩個星期後，另一位朋友生日又去同一間餐廳食晚飯，貪近又同佢地訂生日蛋糕。見到IG佢哋話有一款蛋糕可以有八種唔同口味，於是就訂左呢款！WhatsApp/IG 一樣係十問九唔應....IG上寫明24小時內回覆，完全冇咁嘅事！所以如果趕時間真係唔好同佢哋訂！要佢哋覆message起碼等36小時！！好啦，終於成功訂到蛋糕，過埋數。晚飯當日上到去門市攞，一睇個蛋糕竟然上面嘅裝飾乜都冇！有個中年女士都有講唔好意思，即刻打俾蛋糕師傅上去砌番D裝飾比我！因為我趕住去第二度，所以就叫工人姐姐幫手等個蛋糕，順便check清楚蛋糕先攞走

今日終於都唔駛OT嗱，好滾動呀😭😭😭放工就同同事去左工廈食飯，鬆一鬆✌我地揀左Call Me Chef,因為在公司附近，同埋之前在某周刊已見到介紹，一直都想去，今日終於都有時間去食了🤟呢到環境唔算大，燈光微暗~Call Me Chef 個Logo好得意呀，係一個熊仔頭帶住廚師帽~是日套餐睇完餐牌後，決定叫2個套餐套餐包括湯、沙律、主菜、甜品和餐茶都幾多野食餐湯係雜菜湯，裏面有蘿蔔、洋蔥同西芹清清地，夠熱又好飲薯仔沙律就正常沙律味，底下都係新鮮既蔬菜~三色有機凍蝴蝶粉雜菜沙律配炸蒜香雞粒 $98成日出街都叫意粉，今次就食蝴蝶粉，d粉有綠有黃，唔同顏色，感覺冇咁悶，同埋佢唔係熱盤，食落去係凍凍地的沙律醬又唔漏，不錯BBQ豬仔髀配香甜蕃茄燴飯 $128呢個都好好味，d飯酸酸甜甜，夠晒開胃，豬仔髀好香bbq味主菜份量就唔算太多，但加埋之前d餐湯同沙律就剛剛好~食完之後仲會有甜品特盛水果茶水果茶入面有蘋果、橙和哈蜜瓜飲到果味之餘仲飲到茶味芒果雪糕係勁香濃既芒果味，食完好冰涼總結: 不錯的餐廳，性價比高~

之前睇唔同雜誌同媒體都介紹呢一間係觀塘工廈入邊嘅西式餐廳因為廚師佢係藍帶畢業所以我哋就決定嚟朝聖下咁首先我哋都要左兩個唔同嘅套餐咁佢頭盆就會每人有一個沙律沙律菜新鮮而且仲有小薯就襯托都幾開胃主菜我哋首先要做一個鳳尾蝦明太子忌廉意大利粉首先蝦新鮮而且夠大隻 咬落去都夠爽口明太子忌廉汁佢都整得幾好 忌廉同奶油味都幾香 而且意粉軟硬程度適中配合晒成個就好適合女仔食 而另外一個南瓜燴飯配BBQ豬仔脾首先豬仔比佢燒得好香有一大層BBQ醬味好好食而且佢將南瓜整成茸配合埋燴飯都唔錯唔會過諗而且餐湯都唔錯 , 杯嘢飲係佢哋特色嘅水果茶入面會有唔同嘅水果都幾清新到最後我哋每人都會有精美雪糕做返個perfect ending

最近常去駱駝漆大厦買野，發覺多咗好多餐廳，其中經過Call me Chief 幾次都見到好多人，心諗應該吾差，今晚就去試下。晚巿只供應套餐，包餐湯沙律、主菜、餐飲及雪糕。主菜選擇都算多，而且比較偏向日式西餐口味。先黎餐湯係洋蔥紅蘿蔔清湯，幾清甜，飲完吾會好口渴。主菜要咗廣島蠔意粉同埋咖哩牛肉香草飯，前者的意粉軟硬度剛剛好，白汁汁料吾會好傑好漏，吾錯!咖哩牛肉都炆得好淋，因為偏向日式咖哩所以有咖哩香但吾辣。兩樣主菜味道都吾錯，係份量比較少，男仕可能吾夠飽!

Call Me Chef 既Crepe Cake每天人手製做，足足有二十層而且好工整，忌廉都好幼滑！喜歡佢皮薄得黎有口感，唔會好似Lady M咁好似剩係食緊cream咁。店主最近係觀塘開左實體店，除左千層蛋糕仲有主食。紅酒燴牛肉配法式香草飯($108)牛肉份量多，燴到好淋，個汁好好送飯，紅酒味都幾岀！鳳尾蝦明太子奶油意大利粉意粉淋左少少，奶油忌廉汁沾滿每條意粉，好creamy仲有洋蔥同蒜香既味道。總括黎講好抵食，set dinner ~$100，包沙律、餐湯、主食、雪糕同飲品。味道中規中矩，會想黎再食甜品既。

之前睇報導介紹過呢間餐廳既年輕老闆係法國藍帶畢業~今日專程慕名而來, 一試藍帶既高水準餐廳位於觀塘既工廈, 地點都好易搵~餐廳設計舒適簡潔, 好適合情侶約會, 朋友聚餐6點幾去到都有唔少人, 想黎食都係BK定位穩陣D~~餐廳有售賣千層蛋糕, 多種口味~堂食外賣均可~~~仲有得訂蛋糕添喔晚餐餐牌~選擇唔多, 但都揀到岩食想食既SET包湯, 沙律, 主菜, 甜品, 飲品價錢經濟實惠沙律菜好新鮮, 薯仔沙律幾好味~南瓜湯味道濃郁, 每啖都係綿綿既南瓜蓉, 真材實料特盛水果茶好FRESH好清甜, 甜度剛剛好~有幾款水果粒, 好方便食紅酒燴牛肉配法式香草飯整得好出色既紅酒燴牛肉!!牛肉炆得好淋, 入晒味, 個汁又好好味看似好簡單既菜式, 難得如此特出冇得頂! 必食鳳尾蝦明太子奶油意大利粉鳳尾蝦新鮮, 爽口彈牙!奶油又香又滑~ 一D都唔膩配明太子味道好夾!每條意粉連汁一齊食, 大大滿足賣相吸引甜品係一球雪糕~冰凍既朱古力雪糕, 朱古力味好濃, 雪糕好滑!!一球話咁快就食完, 好想再食丫

終於有機會去呢一間ig實體店黎試下佢嘅千層蛋糕。 其實本身淨係諗住試佢嘅千層蛋糕，點知嚟到見到佢有個好抵食嘅套餐。套餐有主菜，有沙律，有湯，有意大利雪糕，都係百幾蚊，非常之抵食 講返個主角千層蛋糕先，我試咗最穩陣嘅伯爵茶味。茶味突出既，唔會太甜。可惜個皮好似雪左一段時間咁，有少少硬。

是日搵觀塘上班的朋友作友誼之聚，在OP搵到哩間在駱駝漆大廈入面的Call Me Chef ，大大的熊仔LOGO牌在出面，真的好有特色，餐牌上系一張很簡單的套餐menu，有六款選擇，由$88-$188.套餐都有，當中包括是日沙律，餐湯，意大利雪糕球及特色飲品。因為見到有水果茶，我同朋友都點了一杯飲，點了一個BBQ豬仔脾配南瓜飯，明太子蝦奶油意粉，南瓜湯，薯蓉沙律，南瓜湯味道香濃，薯蓉沙律味道唔錯，好幼滑的沙律，水果茶，有不同水果粒既水果茶，真的飲下有清新的感覺，最開心系唔駛加錢，真的好超值BBQ豬仔脾配南瓜飯BBQ豬仔脾配南瓜飯，南瓜飯真的好重南瓜味，仲要系我最愛的意大利飯，BBQ豬仔脾啖啖肉明太子蝦奶油意粉明太子蝦奶油意粉真的好開胃，奶油唔會太HEAVY，加埋明太子真的好百搭，好CREAMY~開心時間，甜品系朱古力雪榚，真的好有驚喜，朱古力雪榚好滑，有質素的朱古力雪榚!!因為太飽無試到佢出名的千層蛋糕，下次有機會再來要嘗試下先!

同先生嚟一個簡單嘅二人晚餐, 我哋叫咗BBQ豬仔脾南瓜燴飯同卡邦尼意粉😋首先上枱嘅係好fresh嘅沙律, 加入咗薯仔同煙肉脆脆, 好match! 南瓜湯略嫌稀左少少, 但南瓜味好香濃豬仔脾烤得剛剛好, 肉質好嫩滑😋BBQ sauce 好香濃, 襯埋清新嘅南瓜燴飯, 剛剛好👍🏻唯一美中不足嘅係啲飯淋咗少少, 如果有咬口少少會更好意粉煮得剛剛好👍🏻必須要讚, 唔係間間餐廳都做得到, 卡邦尼醬汁鹹淡亦拿捏得非常適中, 配上明太子同蝦嘅鮮味, 非常唔錯飲品方面我哋叫咗水果茶同柚子蜜, 水果茶幾足料, 但味道偏淡, 而柚子蜜則中規中矩晚餐以一球朱古力雪糕作結, 雖然食得出唔係咩大品牌雪糕, 但好有心地將放雪糕嘅容器雪過, 所以食嘅時候雪糕係keep住咁凍👍🏻

在外表殘舊的工廠大廈裏面，隱藏着內置藍帶廚師的愛！這裏有吃不完的隱世餐廳，位於駱駝漆大廈,行完outlet去食就剛剛好!前菜沙律夠晒fresh!雜菜湯同南瓜湯係清新和濃郁的！明太子鵝肝帶子意粉鵝肝煎得10分香脆，帶子鮮甜，配明太子醬意粉，軟硬度適中！溫泉蛋煙肉意粉最好食係隻溫泉蛋，活在半熟之間，恍如半醉人生！今次太飽，食唔落，下次一定要叫！最喜歡週末，四周圍食下不同餐廳！食到好食的餐廳就像看到一本很喜歡的書，驚喜快樂原來就在身邊！值得推薦的小品！

Call me chef約左朋友去觀塘食野，仲要去工廠大廈搵食就更少啦。都知工廠大廈都多好食阿，今次朋友介紹依間餐廳走簡約風西餐當然要試試。經典卡邦尼意粉配63度慢煮溫泉蛋及香脆煙肉，賣相精美，份量頗大，意粉煮得剛好，好咬口，配上大量蘑菇及香脆煙肉，配撘很好，香脆煙肉令整體增添咸香，將溫泉蛋戳開，令蛋汁跟卡邦尼醬拌勻更好味，平時的卡邦尼意粉食完會感覺比較膩，但這裡卻沒有這個感覺。Set dinner跟餐有沙津同什菜湯，沙津既醬汁用上凱撒沙津醬 完全係薯仔沙津crossover凱撒沙津跟餐除左檸茶檸水仲可以揀水果茶或者柚子蜜，識揀當然係揀水果茶啦水果茶有橙,西瓜同哈蜜瓜茶味清香飲得出有茉莉茶既香味意大利雪糕雪糕又凍又大球 配上靚靚既陶瓷餐具，賞心悅目總結 食物份量唔算好多 但重質不重量 整體味道係好食既 去開駱駝柒唔知食咩好的話絕對值得一試推介⭐️⭐⭐️⭐⭐

今日約左friend係官塘工業大廈食返個早早地嘅dinner，我地分別叫左2個餐。餐湯係蔬菜湯，好清，同香料味好夾。沙律係蔬菜薯仔好好味，沙律醬係整個嘅靈魂，而灑係面嘅係炸過嘅煙肉碎，帶出鹹味同脆脆嘅口感😋😋鳳尾蝦明太子奶油意大利粉 $98本身我好怕白汁嘅奶香味，但呢個意粉嘅汁溝左明太子后反而唔重奶味，而係多個個鹹鹹地嘅香味😄意粉係幼身意粉，比較容易掛醬汁。鳳尾蝦球好大隻，彈牙、鮮味。BBQ豬仔脾配香甜南瓜燴飯 $128豬仔脾應該係慢煮，好嫩滑，配上甜甜地嘅BBQ醬，一流👍🏻南瓜飯仲正，甜得黎味道好清、口感creamy😋整個飯感覺好清新，一啲都唔膩。餐飲都好多選擇，我哋今日分別揀咗一個特盛水果茶同烘焙咖啡。水果茶係用新鮮水果配上清香嘅綠茶。朋友叫左杯走甜嘅烘焙咖啡，佢話飲烘焙咖啡最好就係咩都唔落，咁先飲得出咖啡嘅香味！我試左一啖....嘩！香味真係有層次嫁喎😱我開始明白點解啲人鍾意飲齋啡🙈除此之外套餐仲包一個雪糕球。咁嘅價錢食有齊5樣嘢，真係好抵呀😆😆雖然我地2個已經好飽，但入門前見到門口嘅蛋糕櫃好吸引，一場黎到無理由唔試返件🤔所以決定叫一件兩個share黎食。最後我哋揀咗件比較特別嘅

以前從來都未試過去工廈內的餐廳今次因爲看到雜誌上的介紹所以來一試🍽香芋奶蓋千層蛋糕每一層都做得夠哂薄忌廉軟滑 有濃濃的芋頭味面頭的奶蓋cream 有少少芝士咸香甜度剛好 唔會有太漏的感覺🍽香煎帶子明太子忌廉意粉帶子大粒彈牙 意粉軟硬適中 明太子醬夠濃郁又creamy 醬汁量適中 每條意粉都能沾上醬汁🍽香煎柚子雞腿肉配葡萄牙蕃茄燴飯雞腿肉很大件厚肉 煎得剛好肉質嫩滑 有淡淡的柚子香蕃茄飯酸酸甜甜 令人愈食愈開胃🍽餐湯和沙律餐湯是椰菜西芹湯 非常清淡薯仔沙律味道不錯🍽凍特盛水果茶用上四季春茶底 味道軟淡加入了西瓜香和香橙等感覺清新健康 很適合夏天🍽芒果味意大利雪糕頗香滑 不是那種很假的芒果味餐廳頗有名氣 繁忙時間座無虛席廚房是開放式 會有少少油煙味食物質素中上 價錢合理

同朋友去觀塘工廈搵好嘢食呢間小店聽聞係藍帶女廚師開設,見到價錢亦都相當抵食,去試下先。我哋叫咗兩個dinner set, 好快就嚟咗兩份沙律,係我鍾意嘅薯蓉沙律,簡簡單單味道不錯好快都有兩款餐湯,南瓜湯味道比較濃,好幼滑,而雜菜湯味道就比較淡,個人就建議南瓜湯多啲。主菜叫咗帶子意粉同埋豬髀意大利飯,帶子意粉好好食,大大粒帶子好彈牙,食得出係新鮮帶子。豬髀意大利飯相對用左味道比較淡嘅蕃茄source,我就鍾意帶子意粉多啲,不過risotto其實都唔差而個芒果雪糕真係值得一讚,一食落口我同朋友都覺得非常之滑,好味過 haagen-dazs好多,香濃嘅芒果味,令到整個晚餐都加咗好多分好耐冇食過評價咁高嘅雪糕最後我哋叫咗兩杯餐飲,一杯係有生果粒既水果茶,另一杯熱茶飲就用左大品牌茶包,相當唔吝嗇見到佢餅櫃嘅千層蛋糕都只係三十幾蚊,CP值幾高。最後一提,如果呢度改善埋服務就更加好,暫時好似冇乜train過嘅侍應,希望呢一點會之後改善。

網上介紹呢間蛋糕舖係由一個藍帶女㕑師開既，而且呢間舖係ig熱店，所以就特登黎試下。當日下午五點去到，店內半滿。佢每日都有唔同款既千層蛋糕。我買左一件 奶蓋芋頭 返家食。期望太大，有少少落差。唔知係咪雪得太耐，個餅皮有少少硬。d奶油甜度適中,唔會太漏。整體嚟講，32蚊一件都算抵食嘅，不過唔係超級好食。🤣