Cafe&Meal MUJI

營業中

休息中

收工落黎試新野😊第一讚👍🏻等位時間有位坐，有書睇，重可以shopping下⋯時間變得好易過第二讚👍🏻店內環境靚！好MUJI😍第三讚👍🏻食物選擇多！好想下次過黎hi tea由於新店開張～滿$200重有野送tim😚我揀左個扮晒健康既漢堡包🍔波菜牛蒡漢堡包！佢d薯條意外既脆！重有薯皮嫁🤗第四讚👍🏻 熱茶重會配兩件餅~好貼心👍🏻

一向係muji cafe 嘅fans , 知道又一城開左新店所以約埋屋企人一齊去食。又一城呢間就係自己出去落單（同銅鑼灣一樣），我同2位家人一齊出去買，正常落單模式係職買會順住客人排隊次序逐一問要咩，但今次呢位戴眼鏡嘅女職員明顯好混亂完全冇程序，見到邊個客人喺佢面前最近就幫嗰個落單，突然問排第3嘅客人要乜，但明明前面仲有我地2個客人排先佢就完全當睇唔到，咁排隊嘅意義何在呢？我問嗰位女職員：我排先喎但你未幫我落單？佢輕描淡寫答：轉頭幫番你啦小姐...其實佢應該先道歉講唔好意思, 唔係話一陣幫番我，因為錯嗰個係你，你有責任維持條隊點落單，但反而你搞亂曬但又冇歉意咁..佢嘅態度同一向嘅muji 有距離，比較銅鑼灣分店嘅效率同禮貌明顯都有大分別，明白新開張係會生手D呢點絕對包容，但態度係更重要...至於食物方面，我點左all day breakfast , 露荀食落去比其他分店"鞋"口，冇光澤，穀物亦冇其他店咁好食，偏乾，整體ok但希望可以做番其他店嘅水凖...

行過見到有新餐廳開咗，梗係第一時間去試啦！諗住都應該會幾好味，但係等位就要等好耐，價錢亦不菲。食物方面：我嗌左個三道菜，埋單每人約＄100。有個飯＋3款餸。餸嘅份量比較少，而且都唔係好熱。嘢食味道OK，但係分量方面真係要改善一下。食物嘅溫度其實都幾重要，上到枱食嘅時候已經唔夠熱！真係希望佢哋改善一下！冷盤嘅選擇比較多，反而熱盤嘅選擇比較少。而且熱盤好多時都會缺貨，要等下一輪，而下一輪又起碼要等20分鐘，先可以有嘢食。另外，要題一題嘅，就喺呢度要自己出去買飛俾錢，仲要自己捧餐。餐具其實都幾重。。。

抹茶味重芝士味一般質感比較像紐約芝士蛋糕味道不過不失$45 一件不設加一好像有套餐$68包括餐飲已堂食蛋糕來說不算太昂貴環境尚算舒適服務一般再去又一城的話可能有機會再食

放工過來行下，見到勁靚又有嘢食買左li杯藍莓(唔記得左個名)奶昔酸酸甜甜幾開胃，不過都4X幾蚊的真材實料，即叫即做，等左10分鐘左右飲落有粒粒細果溶，面頭有片薄荷葉杯size就細杯d, 飲幾啖就冇，但全杯都係汁，唔會有淨左嘅冰厄位幾refreshing嘅，得閒當下自己