Cafe Charm's (已結業)

今日去左黃埔探朋友個BB, 朋友話附近大部份都係D連鎖餐廳, 小妹對果D又無乜興趣, 友人就放低BB同BB爸爸喺屋企, 再帶左小妹去一間佢都想試嘅新餐廳. 試新野呢D啱哂我啦haha~~原來呢度好似只開了兩個多星期, 佢就喺正poly 個hall對面, 比較近紅磡果邊. 如果唔係朋友帶我未必識去, 因為原來openrice 個map唔係好啱ga, 佢其實係比較近半島豪庭果邊~入到去環境好舒服, 簡潔嘅裝修, 枱與枱之間又有足夠空間, 啱哂我同朋友慢慢坐.這是我的美祿恐龍, 賣相不錯, 不會太甜, 不過如果可以有多D美祿粉喺面就好嘞.我地兩個叫左個buffalo wings, 一個burger 同埋梗係唔少得要叫個waffle啦.水牛城雞翼雞翼煎得好脆, 雞肉好嫩滑同埋都幾多肉. Buffalo d sauce 係另上, 好貼心呀~ 朋友唔係好食得辣所以佢唔係點好多汁, 我就覺得剛好~ 配菜都好新鮮, 沙律菜上面仲有黑醋吊下味.和牛漢堡因為要留肚食甜品, 我地只叫了一個main dish黎share. 原來都幾大個下, 牛肉好厚好鬆化又無根, 肉汁豐富, 應該是自家製的吧. 漢堡入面仲有

紅磡黃埔花園, 一個離紅磡火車站話遠不遠、話近不近的地方, 但就視乎要去那個方位. 若是去聚寶坊那邊, 就必須坐小巴; 若是黃埔新天地那邊, 倒是10分鐘之內的路程. 就像新開業不久的Café Charms, 坐落於黃埔新天地3期百寶坊地下G27號鋪, 只要在紅磡站B1出口向右轉、行天橋、落斜、過馬路就到, 非常易找. 再說明得清楚一點, café在百佳在翠河餐廳中間.Café以紫色為主, 個人認為選色非常正確及有心思, 因為很多女生都喜愛紫色, 再加上美食, 不難儲到一班粉絲. 店鋪面積算大, 只是略嫌圓枱之間不夠距離. 一路直入走廊, 靠牆一邊是梳化椅.而近門口的這兩張絲絨梳化就夠華麗啦~ 很適合幾個女生圍在一起自拍、影美食等等. (趁沒有人, 我也試坐了一會, 挺舒服的!)在追求美學及「相機食先」的風氣下, 一杯有精美拉花的咖啡能令客人留下良好印象. 而Café Charm’s 更有熊仔畫花呀!!! 一般來說, Green tea latte和rose latte都有畫花的, 但客人較多時就要等等啦~ 而我, 慶幸在10分鐘內就跟熊仔會面~ 顏色對比鮮明, 拿起手機瘋狂拍照實屬正

紅磡,總是覺得規劃有點古怪加複雜的小社區,有新住宅,也有舊式樓宇,這邊有書卷味濃的大專院校,那邊每晚都五光十色的體育館,當然少不了充滿眼淚的大酒店,也有直通車的上落客點......星期六,探完BB, 見時候還早,就去了舊區附近找吃,熱死辣辣,我只想找一個地方偈腳,無意中見到一間新的Cafe,陽光晒進來感覺開揚舒服,況且,的確我落地玻璃一向零抗拒的,見門口附近的大梳化還空著,就決定推門一試~~近黃昏時,天色淡黃不刺眼,感覺幾舒服,隔著一片玻璃就好像到了另一個世界.....餐廳大概可以坐到40-60人,桌子的空間感也足夠~~扒海蝦凱撒沙律 $68天氣太熱了，忽然對意粉類興趣缺缺，最後點了清爽沙律，海蝦爽口，質感有點像刺身吧，沙律菜挺新鮮，沙律這件事，沒大驚喜，但求無過就好～鮮奶抹茶我是見到隔離位那杯Latte 拉花拉得勁靚靚,先叫杯來試試,至少唔好味相機都食左先吧!拉花的熊仔好可愛,望住真係有唔捨得飲,奶泡打得好企身又綿滑,影左好耐相都無塌下的感覺~忍痛飲了一口,好飲喎!用正宗宇治抹茶粉沖,那種回甘味一試就分得出......抹茶打得好綿好滑,平時我好少飲到落底,因為總會一堆粉拌不勻在杯底的

平時經過Café Charms 見到佢間鋪既style 幾elegant, 地方寛敞都想試, 就趁今日放假食番個burger brunch. 本來對食物都無咩特別要求既我志在環境舒服可以relax下就得, 點知原來d野食物都好有水準, 仲播住d好正既Song, 邊食邊聽歌好寫意呀! 我個和牛burger一上枱就比吸引住, 塊和牛好juicy, 配埋d食到唔停得口既French fries. 真系我試過既burger中最岩口味, 系一試難忘個隻. 黎到Café 當然要試番款意粉先得, 蟹肉南瓜忌廉意粉配搭好特別, 食得出真系有蟹肉系度, 個意粉口感仲好creamy, 加埋杯好可愛既熊仔拉花 hazelnut latte, 無得彈呀!話時話, menu上幅相同實際上枱既食物有99%相似, feel 到系有誠意既炮製. 下次要試試個 Fish & chips 同 Caesar salad, 事關見到張相都好吸引, 真正既味道應該都有番咁上下. 仲有樣好重要唔講唔知, 就系Like + Share photo 後就有10% off, 希望個優惠會做耐d, 甘就perfect!

黃埔向來多美食，現在又來一家Cafe新力軍！這裡裝潢華麗光鮮，看看餐牌，食物賣相也花過心思，起初懷疑會不會虛有其表呢？結果，這個意粉絕對讓我另眼相看！不如直接說是眼發光😍！！一般Cafe的價錢，質素卻是五星級水準！意粉煮得剛好，沒有過軟過硬，保留嚼勁。醬汁十分濃郁，比一般意粉更為Creamy，而且Cream不會因太多而造成水浸。賣相討好之餘，味道更是驚喜，值得推介！和牛漢堡扒Juicy鮮嫩，濕潤鬆散，伴以煙肉和芝士。麵包烘得香脆，若能外脆內軟則更好。重點是旁邊的炸薯條，十分好吃！炸得香脆可口而不乾，內裏薯蓉依然軟潤，鹹度控制得剛好！沙律菜的甜醋花了心思，經自家調製過，更為濃稠、更酸更清新醒胃。Waffle七彩繽紛，賣相吸引，外面極脆，內裡是牛油蛋糕的鬆散口感，蛋香跟牛油香平衡。伴着兩球雪糕一起吃，可令窩夫口感濕潤點。薄荷朱古力和玫瑰朱古力玫瑰朱古力比較少見，用力嗅會嗅到玫瑰花瓣的清香。朱古力味道濃郁稠身，所以喝下去會蓋過了玫瑰淡淡的味道。另一杯薄荷朱古力，同樣朱味濃郁，帶點薄荷，涼透心。

平時一講去黃埔都唔知食乜好今日經過見到新開cafe裝修都好舒服就入去試下叫左明太子意粉同黑松露牛角包,再叫多份士多啤梨窩夫同玫瑰coffee同抹茶紅豆樣樣都好滿意平時食d窩夫好怕好硬!但呢度唔會,真心覺得ok.另外黑松露炒蛋個牛角包!好香!好味道!下次同朋友都會再黎,因為d員工都好nice,都細心!因為一食完野,見張台無咩位,都會自動過黎執走多餘既碟.good. 

今晚同老公睇完戲, 佢話黃埔開左間新café格調優雅我應該會鍾意, 一入門口就見到幾張大梳發剛好有位可以坐低, 跟住有個侍應走過黎問我地枱面枝水要唔要轉暧水, 可能佢見出面落緊毛毛雨又涼涼地, 諗我地想飲暖水^^, 好細心. 跟住我地將把縮骨傘放左下地下, 佢有好有禮貌話幫我地放下傘架. 睇得出呢間café好照顧客人既須要.老公order左個卡邦尼意粉+雞扒飲抺茶紅豆牛奶, 我就食明太子煙肉忌廉意粉同飲玫瑰花茶. 我碟意粉撈均後好入味, d忌廉黏住d意粉, 唔會水汪汪甘, 仲有好多我鍾意既紫菜同木魚^^ 系d煙肉就細塊d. 跟住我緊系試埋老公碟雞扒卡邦尼意粉比較下啦! 意粉同我碟一樣都好creamy, 而喜出望外系件雞扒成寸厚切落去仲有肉汁, 食落d肉又好滑, 層皮脆脆地好香. ^^食左個餐老公話想試埋個waffle, 跟住我地問個侍應有無推介, 個侍應話第一次食可以試下Strawberry味, 甘我地就邊嘆花茶同抺茶紅豆牛奶邊等, 老公話杯抺茶紅豆系絕配好好飲, 我當然即刻飲啖試下啦, 味道幾清新, 唔錯播. 等左一陣個waffle黎啦! 賣相好吸引, 緊系相機食先la, 其實我地剛

今日同朋友去紅磡行街, 見到呢間新開既cafe, 決定入去試下, 環境好乾淨又唔迫, 招呼又好, 第一印象唔錯, 開始落單, 叫左牛角飽薯餅, 凱撒沙律, 卡邦尼意粉, 牛油雜菇, 最後~~重磅既雪糕waffle, 因為我對cream敏感, 佢地好好人幫我走cream, 好滿足既一餐, 下次想試埋佢地既咖啡, 我見隔離枱杯咖啡拉花拉得好靚,