Cafe Bauhinia (已結業)

今日同兩個好姊妹相約試下呢間上環cafe既tea set，去到門口已經覺得好relax，入到去見到好多花花及一些悠閒音樂加花香味，感覺好似係鬧市中花店裏tea一樣由於我地三個人，所以點咗一份新tea set加店員話既新菜式 - 黑松露雜菌意粉，另外飮品方面，我地點咗玫瑰花果茶，凍花果茶同藍蝶花苿莉花茶飲品好快就到了，玫瑰花果茶一壺上，玫瑰花又香又優雅，而且仲貼心咁上埋蜜糖，店員仲話可以免費加水，啱哂我呢類長舌婦 ，凍花果茶唔太甜加上有果肉食，算唔錯，但藍蝶花苿莉花茶一上，嘩，隻色好特別好靚呀，味道上同賣相一樣，有不同層次，有淡淡花香味，有奶香加茶香，值得推介傾咗陣，tea set到了，店員細心介紹亦解開我地最大疑惑，就係相中既盆裁，原來真係食得架，哈哈，其他食物都好有水準，不過我最想講既係黒松露雜菌意粉，黒松露味好出，配上雜菌好有素食feel，小妹如果係呢頭返工就好啦，可惜我唔係orz時間過得好快，當我叫埋單上洗手間既時候，發現樓上另有一片天地，問返店員，佢話呢度有保鮮或鮮花插花班，仲要4個人就可以開班，聽完呢句，我馬上whatsapp另一姊妹約日子加我地今日3人，下次再嚟開班先!!

上次過來呢度就係星期日但係人唔算多 但起旁邊既cafe少人但反而可以同男朋友享受靜靜地既中午見到裏面有賣永生花既 設計都好靚有minimum charge 既果日就(唔清楚平日)每日要點一個蛋糕同野飲咁我地就點左呢個柚子芝士蛋糕幾特別 估唔到芝士同柚子會夾到 清甜綿花糖呢個蛋糕呢就覺得d綿花糖唔夠淋好似都有d seasalt既配上黑朱古力 好夾野飲方面就叫左杯奶昔 花味無好重(唔記得左個味 係櫻花味定玫瑰)比較推介咖啡 幾soft 裏面仲有大熊仔公仔比你影相

原本一心想試野餐tea不過過左新年之後就轉左呢個情人節《浪漫戀人》tea set就咁聽有咩食物已經覺得好吸引賣相都幾靚所以決定黎cafe Bauhinia呢個tea set全日供應Book左星期日中午一點去食Cafe環境好靚好舒服老闆娘同店員都好有禮貌等緊果陣聞到好香好香流晒口水啦坐左大約半粒鐘老闆娘奉上大大盤既tea set好吸引人既眼光呀送上tea set時亦會介紹有咩野食影左好多相終於開始食啦樣樣野都好鍾意食好好味幾乎冇一樣唔岩食未試過食一個tea係全部咸甜都岩食架珍寶帶子,玫瑰花碎雞,煙三文魚忌廉芝士餅法式焦糖燉蛋同埋士多啤梨芝士餅呢五樣係我最鍾意食架！係個朱古力醬唔知點解硬晒點唔到黎食飲品愛是不保留(玫瑰花釀韓國檸檬)好好味甜甜地又有口感有野可以咬下咬下咁食完個tea仲有禮物收又有得抽獎,希望抽中啦！整體而言好鍾意呢到呀不論食物,環境,服務都非常好呀！價錢我覺得都可接受！希望暑假可以再出靚靚tea等我生日可以返黎慶祝！

難得跟好友出嚟見面，去享受一個下午茶。大家決定來這間新的餐廳去試一試。一入去聞到陣陣嘅香薰味， 帶點薄荷。加上當天是平日，所以沒有其他客人。一坐下，我便給那在旁邊的花擺設吸引著了我已經忍不住想走過去跟那些擺設影相了， 有各種嘅鮮花，假花及蠟化了的花，很美。不經不覺，食物已在我前面了. 很多東西吃, 首先有Sumore, 店員說要快食，因為冷了，棉花糖會變硬，所以我先吃了。 一啖放進口，感到軟軟, 但很甜, 相信很愛甜的一定很喜歡.之後其他的食物主要是甜點為多. 兩個人可以靜靜的談談心。一杯冷，一杯熱的果蜜，很滋潤。另外，驚喜是他們都整好多蠟化的花，這個tea set會送兩個，只要不要接觸陽光，水，就可以放數個月。很美呀～ 

I went through here today as want to try high tea set with my dear friend.However, she've been got something urgent to complete so couldn't join me, I have to eat by myself.Changed my mind why I didn't get a nice drink with some snacks?I found here is a pretty comfortable place for me~Here all around with beautiful flowers, feeling relaxAlso inside very greatHere what I have:Looks nice!Quinoa salad with sweet purple potato HKD108Healthy food Taste is good as not oily or greasyYou can taste it fr

”High Tea”呢件事對女仔黎講係一件好夢幻既事，充滿期待，尤其星期六下午tea一tea，直頭係一星期最美好既moment，所以食tea既環境、氣氛、食物種類、質素等等都係要考慮既重要因素，而呢間café既high tea set，就完全滿足女生種種願望。事關呢間café亦可以話係一間花店，店入面放滿各式各樣既花種，感覺就係一個花海，加埋d擺設令人好悠閒寫意。一個tea set入面就可以歎齊蛋撻仔、厚醬多、木棣布甸、飯團小卷、花枝丸、沙爹雞串、泰式珍寶蝦、蝴蝶酥、烤棉花糖，迷你Pizza共十款美食，兩人份量，再一人配返一杯滋潤花果茶，絕對係呢個冬天既high tea首選。特別深印象係蛋撻仔既酥皮相當鬆化，花枝丸口感鮮嫩，珍寶蝦蝦肉入味，烤棉花糖外酥內軟…擺得靚靚也是整個tea的亮點之一！

試問有邊個女仔唔鍾意花呢？五顏六色、形態各異，睇到人心花怒放~雖然小女子無男朋友，但咁樣絕對唔代表就要同”花”斷絕關係，好似黎到呢間花店咖啡室，就可以一邊食野一邊賞花，心情自自然然就會變得好好，仲會坐到唔捨得走添！是日我的lunch是這個藍青口意粉，藍青口肉厚嫩滑味夠濃， 鮮甜味美，混入左好多洋蔥同切碎蒜增強口感，意粉亦好香口入味，一個女仔食黎講份量相當充足。靜靜地一個人置身好似花園咁既餐廳好好享受一個悠遊午餐，絕對係忙裡偷閑好地方。

女生就是這樣，吃一餐要講究環境，又追求食物賣相和味道，價錢反而是其次，最重要是整個體驗和享受。今天跟好姊妹來到這家花店CAFÉ，見到漫天都是花已叫人心花怒放，見到枱上的佈置擺設和其他食客的美食賣相，就對這次TEA滿是期待。我們叫了兩款美食一起分享，其一是煙三文魚配上兩大個芝麻牛角包，三文魚色澤鮮豔，口感肥美；牛角包表面非常脆，還有不少沙律菜伴碟，食得出好新鮮，整個來說剛好是下午茶的份量。 另一個是九成女生都愛的士多啤梨窩夫，那種粉紅甜心賣相很美，香甜士多啤梨大大粒，忌廉甚幼滑，輕輕試一口窩夫，充滿蛋香，鬆軟香口，外脆內綿，帶點甜蜜的感覺。其實還有其他食物想試的，現在打食評才後悔我們食得太少，唯有遲些再來吧 XDDD!!

Here is a very nice place for lunch, because you are surrounded by many  flowers. The overall atmosphere is relaxing and full of harmony.My colleague ordered a Blue Mussel Spaghetti, he said the mussels are delicious and fresh, plus onion and chili, make a perfect accent for pasta, it's a real Italian treat and a really great combination.I had a Spaghetti Carbonara: pasta, eggs, cheese, and bacon come together in the ultimate Italian favorite. A luxuriously creamy sauce which isvery tasty and th

前排見朋友黎呢度high tea時擺相上面書得到爆多like，係咁洗版真係畀佢燒到埋身，齋睇相完全引死人，所以今日都忍唔唔住同家姐黎食下，成件事好夾我地呢亭文青，入到去好似置身小花園咁，枱枱凳凳都用上earth tone，感覺好舒服好relax~毫無疑問當然要叫返朋友放閃果個tea set啦，入面有十個地方各地既特色美食，好啱我地呢d心多多既人，可以一次過食到多國菜咁~最重要係成個presentation好靚，所有食物細細件好精緻咁擺喺野餐籃入面，可以係城市感受野餐feel真係開心死~好鍾意個泰式珍寶蝦，幾鮮味；仲有個好香口既綠茶厚醬多士及蝴蝶酥，一口pizza又係好惹味，整體上夠食又滿足到味覺享受~歎埋杯花果茶，傾下計、睇下書，呢d就係文青既日常喇，haha~最有趣係呢度有game玩，每人有兩次擲骰仔機會，只要停喺果個國家咁啱又係個tea set入面有既國家，就可以免費贏到果個國家既extra美食，so nice~

幾年前同男朋友去塔門野餐好難忘，而家拍耐左佢就無左呢D心思喇~~唔知係咪比我投訴得多，今日竟然揸主義帶我黎呢度high tea，重溫一下野餐時嘅溫馨嘅時光咁話.呢個tea set可以話係十分豐富，叫"奇妙之旅"，有齊十個地方既十款代表食物，日韓台都有，仲跳出亞洲伸延埋去意大利、法國同美國等等，完全滿足心多多嘅人.好欣賞佢個setting，用格仔籐籃及花花枱布盛載住，入面有迷你沙嗲雞串、迷你港式蛋撻、泰式珍寶蝦、綠茶厚醬多士、木槺布甸、韓風飯團小卷、台式花枝丸、兩味蝴蝶酥、一口pizza及烤珍寶綿花糖，再一人配一款特飲，我地都揀左熱綠茶奶昔.入面每件小點都好精緻，mini size作為下午茶非常適合，店內環境以花為主題，絕對可以幻想自己正在郊遊野餐。我地先食鹹點再食甜點，我都鍾意台式花枝丸，金黃酥脆好好味；男朋友最buy沙嗲雞串，甚為香口嫩滑。杯綠茶奶昔好出色，濃郁香氣令人心情愉快，微甜中嘗到綠茶味，口感亦特別好。就係咁樣，兩口子度過左一個溫馨嘅下午，好舒服。

估唔到身處繁忙鬧市，竟然都可以有身心回歸大自然嘅快感！日前無意中途經呢度，見到店內外都放滿好多好靚嘅花花，但又見入面放左啲餐枱，原來呢間花店入面有得食嘢，認真夠晒特別！呢度嘅擺設同裝飾都令人睇得好心曠神怡，簡直係城市中入面一個小花園、小綠洲，絕對可以洗滌心靈，所以都揀左款比較健康嘅LUNCH去襯返呢個環境。叫左一客黑松露雞肉，有好多沙律菜加兩粒車厘茄，感覺好fresh，配埋個全麥包，健康到不得了！至於主角雞肉就走左皮，全是偏瘦的雞肉，蛋白質超豐富，感覺更健康，加埋黑松露汁嘅獨特天然香氣，令人食得好滿足，食晒全碟都唔會怕唔健康怕肥。

好開心呀！同個同事OT左成個月，終於完成左個大project喇！yeah! 阿頭好好人好識做，叫我地兩個lunch去食好dd，返黎比張單佢claim錢，仲叫我地慢慢食唔洗急，我地咁辛苦都係值得既!於是我地兩個就黎左呢間一直都好想試既café，之前經過係完完全全被佢d花吸引，知道呢度係花店crossover café，覺得好有新鮮感，不過礙於我地之前日日打仗咁，食lunch都係得15分鐘度，邊有咁閒情逸致黎賞花丫~今日就唔同喇，可以放慢節奏慢慢食，感受下置身花海食lunch嘅滋味.翻開menu，我一見到”鮑魚”呢兩隻字即係雙眼發光，嘩，lunch食鮑魚喎，夠晒串咀咁晒豪~兩隻鮑魚連海蝦加入烏冬入面，鮑魚好入味同腍，蝦就夠鮮，而個烏冬就好清，完全無加入多餘嘅調味料，就係想你食到食材嘅原汁原味!同事就叫左個藍青口意粉，睇落青口都相當飽滿肥美，佢用一隻青口換左我一隻蝦，藍青口口感較一般青口creamy，而意粉帶微辣，刺激味蕾又開胃.呢個lunch食左超過個半鍾，大滿足也~!!!

今日去左上環果邊見客, 幫公司簽左張大單真開心! 我都即刻決定要食返餐好D既獎勵下自己,當我周圍遊遊盪盪之際, 就比呢間花店吸引住, 原意係過去睇下D植物同盆栽, 睇睇下先知原來係花店+Café,咁就一於入去一邊食嘢一邊賞花啦!坐低左感覺係置身係花園, lunch time可以喺咁relax嘅環境鬆一鬆, 絕對可以幫人快速充電, 我兩頭望望, 睇下其他食客食緊D乜, 然後畀我望到個Carbonara好似幾好樣喎, 於是就點左Carbonara試試.呢個Carbonara份量都好充足, 煙肉同菇都有唔少, 望落好豐富, 本身諗住大啖大啖食落去, 不過喺呢個環境入面, 人自自然然都會斯文左, 所以就細細啖咁食, 唔好破壞人地氣氛呀嘛!味道方面, 個蛋黃芝士汁夠味又濃郁, 而意粉又好掛汁, 所以食落好juicy,煙肉嘅咸香同埋香菇味道, 令人越食越開胃.

女仔不嬲對"花"呢樣野都係難以抗拒架啦，就算個口話送花好浪費呀...不過收到果陣仍然都係咁令人心花怒放~我同個好姊妹暫時就未有有心人送花喇，不過唔緊要，女仔最緊要識得愛自己、對自己好，所以呢個和暖又悠閒嘅下午，我地就黎左呢間"花店"慢活同hea喇~呢度裡裡外外都被好多唔同種類及顏色嘅花花包圍，心情真係會一秒間變得好relax，果然店入面嘅食客都係以女仔居多，成件事好girly又好fancy~坐低望望menu，其實都唔洗點睇，因為見到好多枱面都係放左個high tea set，咁梗係跟大家啦，所以我地都order左個set~呢個set可以話係極有心思，佢叫做"奇妙之旅"，心諗下午茶可以幾"奇妙"先？原來入面10款食物係代表10個地區嘅美食，香港、日本、韓國、台灣、泰國、美國、意大利等等都有，好少餐廳有呢種玩法~講返個十款食物先，有迷你港式蛋撻、綠茶厚醬多士、木槺布甸、韓風飯團小卷、台式花枝丸、迷你沙嗲雞串、泰式珍寶蝦、兩味蝴蝶酥、烤珍寶綿花糖同一口pizza，然後一人揀一杯特飲，可以揀綠茶奶昔或者滋潤花果茶，我地就點左一人一款，可以share試飲對方果杯丫嘛~個tea set一上枱就令人