影片
更多
2014-10-20
2312 瀏覽
其實有開飯acc好多年, 但從來都無寫過野8月第一次食呢間「首爾」果時, 見到openrice直頭都無佢既資料果時諗住自己第一篇食評就做佢既第一篇食評點知拖拖下, 已經有其他識食之人搵到佢, 不過既然都決定左, 就繼續將第一篇送比「首爾」啦係得寶呢個線細細既商場, 好似愈黎愈多食肆進駐除左「殺你呀」、松記之外, 其他都係小店, 感覺非常良好作為一個非九龍灣人, 黎到九龍灣行街又多個食野既地方, 唔洗下下幫襯連鎖餐廳對九龍灣人黎講就梗係更加好啦, 多D選擇, 而且得寶呢邊既食店普遍都比德福/淘大相宜前後食左呢間「首爾」兩次, 但只係得一次有影相ja新裝修的店面乾淨, 闊落, 木造屏風加少少梨花圖案, 有別於一般港式餐廳點解有別於一般港式餐廳? 因為真係有韓國人係入面做野HAHA我黎親都見到有兩個阿珠媽出入廚房, 而且成間舖分左兩邊左邊係普通韓國料理; 右邊係韓式燒肉!!!!! (未有機會試, 試左一定再分享!)一坐低就一人一杯麥茶, 茶味夠又解渴, 好飲第一次去叫左拌飯, 上菜見到用普通碗裝有點失望,但又見到有其他客人有熱辣辣既石鍋wo, 咁梗係問下d服務生點解啦原來係有分拌飯 vs 石
8月第一次食呢間「首爾」果時, 見到openrice直頭都無佢既資料
果時諗住自己第一篇食評就做佢既第一篇食評
點知拖拖下, 已經有其他識食之人搵到佢, 不過既然都決定左, 就繼續將第一篇送比「首爾」啦
係得寶呢個線細細既商場, 好似愈黎愈多食肆進駐
除左「殺你呀」、松記之外, 其他都係小店, 感覺非常良好
作為一個非九龍灣人, 黎到九龍灣行街又多個食野既地方, 唔洗下下幫襯連鎖餐廳
對九龍灣人黎講就梗係更加好啦, 多D選擇, 而且得寶呢邊既食店普遍都比德福/淘大相宜
前後食左呢間「首爾」兩次, 但只係得一次有影相ja
新裝修的店面乾淨, 闊落, 木造屏風加少少梨花圖案, 有別於一般港式餐廳
點解有別於一般港式餐廳? 因為真係有韓國人係入面做野HAHA
我黎親都見到有兩個阿珠媽出入廚房, 而且成間舖分左兩邊
左邊係普通韓國料理; 右邊係韓式燒肉!!!!! (未有機會試, 試左一定再分享!)
一坐低就一人一杯麥茶, 茶味夠又解渴, 好飲
第一次去叫左拌飯, 上菜見到用普通碗裝有點失望,
但又見到有其他客人有熱辣辣既石鍋wo, 咁梗係問下d服務生點解啦
原來係有分拌飯 vs 石鍋拌飯, 咁當然石鍋拌飯又會貴少少啦
普通拌飯都好味, 自己決定醬既多與少, 配料又足夠,
但第二次食我就叫左*石鍋拌飯, 石鍋有飯焦嘛 香口好多, 更加好味哈哈
韓式拌飯 - 上菜先知有分''普通拌飯''vs''石鍋拌飯''
跟住黎一個我最喜歡既KIMCHI PAN, 好多泡菜仲好似有少少魷魚粒少少辣又煎到好香脆, 好味道!
再黎一個炸醬麵, 麵質彈牙好好味, 但個醬同想像中有點出入, 甜甜地幾得意同之前係韓國食既味有d唔同, 我諗係唔同韓國人做既都有d唔同掛
另外無影相既仲食左韓國紫菜卷(kimbap), 呢個真係好好味, 同係韓國街頭食既一樣味食得好開心, 不過飯呢樣野真係好飽肚, 一定要同朋友share咁先可以食多D唔同款
仲有個牛助骨粉絲鍋 (確實既名唔記得, 個鍋有牛助骨 有粉絲, 個名應該都不遠矣haha)
牛助骨雖然有少少少少un, 不過真係好入味, 加埋D韓國粉絲, 索晒味,
真係好好食好味到用D粉絲送飯食, 就知幾好味
------------------------------
燒肉未試但一定係to eat list~
韓國料理方面性價比極高, 得寶人流無咁多, 一定唔洗好似TST咁排晒隊
韓國人韓國野唔係得尖沙咀至有既
唯一要數既就係始終都係新新地, 樓面都唔係好熟手, 但好在態度OK
打食評原來是好攰的hahahaha
張貼
