Burger's Friend Forever (MONTEREY Place) (已結業)

BFF❤️ Burger's Friend Forever🍔💫..有時想快快吃個Burger🍔，係Donki 附近諗起呢間BFF，漢堡種類選擇多，店內播住twins 年代青春既歌🎶🎵，成個感覺好青春啊。今次快快試左佢2款即製Burger。ll $76Houston BBQ Burgerll $74Buffalo Chicken Burger包皮烘脆帶鬆軟，Houston🐮 肉厚Juicy；唔食牛，雞🐥 係另類既選擇，Buffalo 口味帶辣🌶 食落更惹味。仲可以自由加配extra toppings，選擇麵多呢。Burger 店環境舒服又寧靜，呢區真係好舒服。..×××××ש將軍澳唐俊街23號MONTEREY Place G/F G22A..

將軍澳南岸開咗好多新餐廳 今次就嚟到呢間漢堡小店🍔 環境唔算好大 不過係pets friendly🐶餐廳 餐牌burger款式都有好多選擇🤩—🐟漁夫之寶 $78呢個魚堡好有驚喜☺️ 平時出面食嗰啲炸魚多數都會好乾好硬 但呢間嘅肉質好嫩滑😋 炸漿亦都唔太厚👍🏻他他醬係自家製 加咗檸檬汁🍋 酸酸地食落冇咁膩😌.🍔經典芝士漢堡 $70牛肉🥩煎得啱啱好👍🏻 中間呈粉紅色 咬落都有肉汁 入口juicy😋麵包用咗黑白芝麻包🥯 烘得好香脆😌.🥔薯格 +$20另外加錢跟餐要左一份薯格 新鮮炸起熱辣辣 加咗好多辣粉調味🔥 食落好惹味😋—評分📈味道 7/10環境 7/10性價比 7/10—Rating 📈Taste 7/10Environment 7/10Worthiness 7/10

趁放假 同屋企人去咗將軍澳海濱公園旁邊Monterey 去到發現原來亦都係最新Donki開嘅地方第一次嚟呢度 發現原來都有好多好多餐廳😍云云餐廳入邊 我哋今次揀咗食burger見到門口寫住 ✅ 100% HAND MADE BEEF手打牛肉漢堡 裝修幾有外國工業風feel 🤪系我既style10種唔同種類既burger入面 我地揀左⋯🍔Trucker Burger $98侍應哥哥一放上枱 我哋即刻心心眼望住呢個漢堡一層層叠得好高 完全吸引住我地既眼球除咗兩塊牛肉之外中間仲夾住一隻煎蛋、脆脆煙肉🥓juicy嘅蕃茄同新鮮嘅生菜牛肉超級多汁 一咬落去啲汁吱晒出嚟💦💦少少可惜牛香味唔算好出 呢個漢堡食完真係飽一日🍔Danish Blue Cheese Burger $85第一次食漢堡包加藍芝士侍應哥哥推介左俾我 話呢個係佢最經常食嘅一款我試左亦都幾鍾意 藍芝士係一款未必每個人都會鍾意嘅味道佢哋用緊呢一款唔算話太臭(發酵味) 個人覺得啱啱好最頂層有焦糖化咗嘅洋蔥 甜甜的 令個包增加左多一種層次想食埋薯條嘅朋友仔 可以好似我地咁另外加$20就有埋薯條同飲品 變成一個套餐薯條🍟炸得外脆內軟 有驚喜👍

將軍澳海傍附近真係越黎越多餐廳😍😍今次同朋友黎到呢間Burger's Friends Forever～～想試佢地既burger好耐架啦😋😋🍔至尊漢堡 $98✨呢個burger好足料，見到有兩層肉已流哂口水🤤🤤裡面有2塊漢堡扒、蛋、芝士、蕃茄同煙肉～～漢堡扒好厚身，煎得啱啱好，好有牛味仲好juicy😋😋麵包有烘過，外脆內軟，仲甜甜地👍🏻👍🏻另外我地仲加左$20要薯條&可樂～～薯條好香脆，同burger係perfect match❤️❤️🐥煙薰雞翼(5pcs) $42✨除左burger，呢度仲有幾款小食，我地就叫左雞翼～～雞翼望落大大隻，外皮香脆，食落好香口😋😋另外仲有水牛雞翼可以揀～～下次黎會想試埋其他burger❣️❣️

聽朋友講將軍澳donki附近新開咗好多餐廳，所以我哋特登去搵吓有咩正嘢🤪最後揀咗呢間食burger嘅小店，可能因為地方偏僻少少，所以價錢真係幾抵！如果差唔多水準，開喺銅鑼灣/尖沙咀應該可以賣百幾蚊一個burger🤣
▪️漁夫之堡 $72 + 套餐 $20▪️
（有炸魚柳、芝士、洋蔥、生菜，配沙律醬）
見到IG有人話呢度嘅漁夫之堡係最好食嘅魚柳包，所以我哋都叫咗嚟試吓，試完真係有驚喜！個包外脆內軟，咬落好鬆化！新鮮炸嘅魚柳特別厚肉同好食😍，配埋溶溶哋嘅芝士好好食，同埋呢個醬有少少酸，食落好fresh～加$20轉套餐有薯條同汽水，薯條係我哋最鍾意嘅粗薯條🍟，食得出係新鮮炸好💯▪️候斯頓漢堡 $76▪️
（有煙肉、芝士、牛肉漢堡、蕃茄、洋蔥、生菜，配BBQ醬）呢款配料勁豐富，嘴刁仔🙍🏻‍♂️咁大食都夠飽🤣 牛肉漢堡用料都幾高質，係用咗100%全天然美國安格斯牛肉及澳洲和牛，手打而成！同埋煮到7成熟左右，唔會太熟太乾身🤤 另外BBQ醬甜甜哋都幾開胃！

▪️水牛城雞翼 $60/8隻▪️
呢個雞翼勁抵食💛！全部都好大隻，同埋啲汁唔會太酸／太辣，調味啱啱好～

今日行完Donki，超級肚餓，就係附近搵嘢食，朋友就提議係呢間burger’s friends forever食晚飯。叫左佢個至尊漢堡，同新鮮菠蘿蝦堡，另外加咗個薯格，原本想再加d小食，不過朋友話份量好大，想食完先再決定，咁就算喇。等左一陣，食物就上黎了，首先係至尊漢堡加薯格，無諗過個漢堡咁高，份量好足。叫朋友切少少黎試下，好熱，應該係剛剛做起食入口，濃濃嘅芝士味，加埋佢塊蛋既配搭落過漢堡同埋煙肉上面剛剛好。跟住就迫不及待咁試吓個薯格，前段時間因為美國嗰邊冇薯格運黎香港，所以某連鎖餐廳冇得食。今日終於可以食到。質素明顯俾某連鎖餐廳好好多，大塊，完整，香脆，再加埋地捫牌茄汁，一個字——正另外如果鍾意食辣野嘅人，佢仲有Tabasco辣椒醬俾你加，不過我唔鍾意食辣野所以無試到。話口未完新鮮菠蘿蝦堡，佢塊菠蘿係凍凍地，塊蝦堡就好熱，一冷一熱既口感，非常之有衝擊力。而且菠蘿嘅酸酸甜甜，配合蝦嘅鮮味，真係非常好食。最後兩個人，食咗兩個漢堡再加一份薯格，飽到要去海邊散步，消化下先返屋企。今次個體驗真係好正。

第一次食係同朋友去海濱坐唔知食咩好，於是就叫咗個外賣一齊食一試又幾好味所以想每一款都試吓個包好多汁 味道啱啱好配料都好多 其實我冇記住個包叫咩名😂淨係記得個friend叫嘅裏面有少少藍莓芝士我擇左洋蔥圈後來過左兩日唔想落街又叫咗個外賣揀咗個番薯薯條之後會再試其他味

今日又去海濱搵好西。將軍澳既Burger店唔多，今次俾佢吸引左入去。🍔丹麥藍芝士漢堡 ＋ 蕃薯條漢堡扒超juicy，多到一路食一路滴落個盤，調味適中。Blue Cheese分量好足，每一啖都食到，好香啊。鐘意食Blue Cheese既話推薦一試。上面仲配左少少焦糖洋蔥。不過包既比例上就略嫌差啲，肉細過包唔少，夾埋之後就縮左入去，個邊位得返包同生菜。好在肉夠厚，應該係犧牲左個闊度，令到煎完面頭夠香入面唔會乾哂。蕃薯條係正常水平，有蕃薯香同甜，仲要脆既，咁點都好食啦。食完好滿足。PS 佢本身係有蕃茄睇下啲Blue Cheese🤤🤤

同朋友一齊黎食晚上落雨冇乜客人，只有一個外場StaffBurger不過不失不過配菜要加錢覺得有啲不值餐廳指示並不是好清晰餐具飲管去邊度拎全部都要問staff先知/冇擺係明顯位置個staff好hea, 當晚冇milkshake, 問佢有冇冰又話冇冰冇咩服務可言唯一好處就係幾乎包場，同埋可以問佢拎手套/蕃茄醬/Tabasco點薯條之類冇咩特別都係唔會再黎

試新嘢。堂食。食品一般般過得去，叫咗黑松露和牛漢堡$108, +$20 轉餐(汔水同薯條)；肉醬意粉$68；另加1罐可樂$10。堂食4人卡座位有兩組都有冷氣機滴水，無人理會。我轉咗3次枱。旁邊2人高椅地下有隻好大隻反咗肚死曱甴，無人理會，即時影響胃口，不過已經點咗餐比咗錢，完全唔敢同屋企人提，費時影響埋佢。服務也超奇怪，上完餐無餐具，只有刀，無叉，放低餐就不聞不問。又唔上汽水，要自己去櫃檯問，罐裝汽水近乎室温，又無冰提供😑😑😑。第一次幫襯，感覺唔好，無下次。

🙋🏻‍♂️餓底探員今日去咗將軍澳調查呢間漢堡包店🍔鵝肝安格斯漢堡 $140📸表示見到嚿厚切鵝肝已經流晒口水，仲有塊安格斯牛肉俾啲芝士fully coated，好期待想快啲食🙋🏻‍♂️表示鵝肝入口即溶，如果可以再煎得焦香啲會更好，安格斯牛肉俾溶咗嘅芝士完全覆蓋住，食落juicy又夾雜芝士嘅鹹香，真係不得了，其實安格斯配鵝肝呢個組合嘅burger已經無得輸，食到㡳層仲有清新嘅溫室豆苗配胡蔴醬，減膩之餘又將個burger提升到另一個層次，值得一試📈吃貨指數😋好味度 8.5/10🔙返啅度 8.5/10

將南越開越多餐廳真係要逐間試，今次就試咗Donki附近嘅漢堡包店🌟 水牛城雞翼漢堡$74俾我感覺似雞扒漢堡包，而且又比較乾，唔會再食🌟Houston BBQ burger 侯斯頓漢堡$76以$76來講我就覺得個漢堡扒比較細咗啲，做嘅手法都比較普通，肉亦唔算Juicy!但係比水牛城雞翼漢堡好食🌟番薯條$28嗰日食唔係好夠熱🌟一口芝士三粒$28感覺我自己用氣炸鍋都做到， $28得3粒會有啲貴🌟薯格$20薯格都係唔夠熱嘅問題！🌟薯條$20薯條熱辣辣最好食，呢個薯條係四個小食入邊最好食嘅✨應該唔會再食，成件事好普通，有進步嘅空間😅

呢家小店主打手打牛肉漢堡包，亦有供應意粉、沙律和小食。我覺得佢哋嘅手打牛肉漢堡真係幾高質，所以想介紹一下！鵝肝安格斯漢堡 $140呢個包應該係成間餐廳最貴，因為入面有鵝肝，鵝肝煎得表層香脆，入口融化有油脂香味，配料用咗翡翠苗，食落去更加清新減輕鵝肝嘅油膩感。安格斯牛肉煎至7成熟，仍然呈微微粉紅色，肉質juicy唔鬆散，亦可以食到細微的肉粒，牛肉味香濃，同半溶芝士配搭得啱啱好。麵包烘至外脆內軟，包上面有黑白芝麻令味道更香。丹麥藍芝士漢堡 $85 以前未食過藍芝士，所以諗住試吓，呢個包嘅牛肉質素一樣咁好，配料有洋蔥圈和生菜 (如果多啲配料就更好喇!) 丹麥藍芝士味道獨特，非常之濃郁強烈，係重口味之選。我就麻麻哋啦！+$20 加配套餐有薯條/薯格/田園沙律+罐裝汽水粗切薯條和薯格新鮮炸起，熱辣辣鬆脆有薯仔味。總括而言：呢度嘅漢堡包價錢雖然唔算好平，但係真材實料。仲可以加錢自選一些特別啲配料，例如牛油果、煙肉、大啡菇、鵝肝等等，啱晒想食得更豐富嘅朋友。

跟餐飲品一味叫人轉milkshake奶昔，收費又唔講清楚，原來要加$48，轉烏龍茶又話要加$8，其實都唔緊要，但係呢啲全部冇寫喺餐牌。食$4xx 都唔可以簽card，要夠$500先得。講番杯價值$48 既milkshake，仲衰過mcdonalds 果杯，我理解既milkshake 係杰杰地，唔係好似茶餐廳奶茶咁好似水既狀態。食物黎講ok 既，係個size 有啲細，塊肉有啲似Ruby Tuesday 既mini burger 個size 咁。

將軍澳都有burger食呀！突然心血來潮想食burger可以去將軍澳海濱坐低慢慢食🥰不過餐廳內裏空間超細，而且價錢吾算平，價位拍得住平時中環銅鑼灣尖咀果啲，不過叫做方便囉如果將軍澳人想食下有質素嘅burger又唔想食M記又唔想去太遠。⭐️平日openrice指定款式外賣自取有8折⭐️出示Monterey住客證可享9折.👓漁夫之堡 $72漢堡size唔算大個，食完唔會話非常之飽，可能跟套餐食埋炸物會再飽肚啲。個魚炸得好香脆，尤其新鮮熱辣辣好香脆可口軟熟，冇雪藏味，有蕃茄洋蔥生菜芝士。個包皮鬆軟，不過唔算好重牛油香，亦比較薄唔夠厚身差少少口感。整體都好食嘅，不過都唔平，性價比其實唔算高，不過純粹多個漢堡包店選擇如果心血來潮想食漢堡包。評分：7/10👓水牛城雞肉漢堡 $74(外賣自取 $雞扒都幾厚身，吾乾柴，有芝士蕃茄生菜，不過醬汁真係非常輕微辣咪，冇乜水牛城嘅酸辣味，所以唔好expect係好辣。評分：7/10➡️+$20配薯條/薯格/沙律及汽水➡️+$25配蕃薯條/洋蔥圈/一口芝士及汽水向來鍾意食薯格洋蔥圈多過薯條！薯格香脆可口好食，沈有調味粉。洋蔥圈係比較細嘅圓圈，粉漿有少少厚，不過都香脆好食。