Burgeroom (Fashion Walk)

營業中

休息中

中午在港島區搵食真係有點艱難，還是快快脆脆揀一些快速便利的食店完事，節省時間吧。路過近維園的此條百德新街街道，見到有很多食肆便揀了這間食漢堡包的食店，店內不算太大，但也很舒服，最重要是中午時段不太多人、或太嘈吵，可以好好享受個人me time。選了一支石榴味樽裝飲品、一個鵝肝漢堡包，小食選擇了蜜味辣雞翼。食店主要以漢堡包為主打食物，漢堡包的類別有很多款式，喜歡重量級的可以選擇重量級的漢堡包，如：黑松露芝士大烤菇煙肉牛肉漢堡、特量芝士牛肉漢堡之類；較為輕食的朋友也可以選擇輕量版的漢堡包或小食，這裏也有提供漢堡包套餐，悉隨尊便！餐廳內提供的樽裝飲品，之前在日式超市內也曾買過其他味道，石榴味是第一次選擇，味道不錯，下次有機會會再試。鵝肝漢堡包，雖然個人認為價錢略貴，但鵝肝的厚度也算值回票價。鵝肝煎得甘香，入口軟腍，配上Juicy的牛肉漢堡，完全沒有違和感，口感豐富。蜜味辣雞翼共有六隻，甜甜辣辣，炸得剛好，入口仍充滿肉汁。一個人的午餐，食物不須太複雜，最重要令人感覺享受便足夠了！

下晝係銅鑼灣見完客差不多入夜, 就打算係附近隨便搵間餐廳食埋dinner先歸家。專程走到餐廳集中地嘅百德新街, 就比我發現到間有唔少配搭嘅burger餐廳, 吸引咗我入去一試。餐廳設有室外同室內座位, 安排入座後自行scan QR code落單。呢度供應嘅burger款式應有盡有, 豬、牛、雞、海鮮、素食都有, 滿足不同食客口味, 另有多款小食、coffee、果茶、啤酒等等….【Café Mocha】HK$38面層奶泡打得幼滑, 幻得幻失, 咖啡同朱古力味同樣濃郁而不澀。【單骨雞翼 配蜜糖芥末醬】HK$65炸得金黃而不油, 炸皮香脆微辣, 肉嫩多汁, 沾蜜糖芥末醬食, 好味得忍唔住一口接一口。【鵝肝牛肉漢堡】HK$168Burger size同質素對比大型連鎖快餐嘅真係冇得比!首先食材配搭好豐富, 疊得高高的, 仲要用支竹簽固定, 食材有新鮮生菜、清甜多汁蕃茄片、千島醬、厚厚又多汁嘅牛肉同半溶芝士溶為一體, 再有熟度做得剛剛好兼入口即溶嘅鵝肝, 脂香味濃; 而漢堡包內側亦塗上了薄薄牛油再輕輕烘過, 外層微脆內軟熟, 整個包製作用心有誠意, 對得起個價錢! 伴碟有少少加咗黑醋嘅爽脆沙律菜

香港地有多間美式漢堡店，Shake Shack、Five Guys、Triple O’s係google搜索下都好易搵到，但咁多間黎講個人最鍾意都係Burgeroom，漢堡界黎講佢真係算最多唔同款式漢堡嘅餐廳，有多達六七十款，牛肉當然係最出色，亦有雞、海鮮、魚、素食等，小食和飲品種類亦非常多，一定會揀到你嘅心頭好🤭 最令人surprise嘅係佢仲有沙律可以揀！沙律仲有鵝肝、帶子、漢堡可以揀，滿足到唔想食麵包嘅人。飲品方面，真係我見過最多選擇嘅Burger店，有汽水、果汁、梳打、咖啡、朱古力、茶、酒精。🍔大烤菇芝士牛肉漢堡 Burgeroom必定要試佢個大啡菇🍄烤菇味道剛好，唔會烤過火牛肉多汁一啲都唔乾柴柴漢堡包烘到有啲乾，可能係想突出牛肉夠晒JUICY另外配上新鮮番茄🍅同蔬菜，增加口感同減低油膩漢堡包超大個，可以兩個人share一個🍔牛油果芝士牛肉漢堡漢堡包的包係比較厚身漢堡扒、蕃茄和芝士加埋牛油果幾款食材配搭在一齊係無得輸由於太足料我拎起都唔知由邊到食起好🤣🤣好彩係有分開一半咁我同朋友可以交換兩個口味食兩款漢堡大致相同，但是牛油果🥑漢堡比大烤菇芝士牛肉漢堡較fresh🐟鱈魚手指鱈魚手指

最近起屋企樓下商場消費，滿左指定金額送咗張Fashion Walk電子餐飲劵，琴日咁岩有事要出銅鑼灣，晚餐時順便使用埋呢張劵（最尾唔記得用🤭）香港地有多間美式漢堡店，Shake Shack、Five Guys、Triple O’s⋯起google map搜索下都好易搵到，小妹都食過以上三間，各有特色！而Fashion Walk咁啱有間美式漢堡店符合到小妹要求，就係《Burgeroom》❣️睇OpenRice 先知原來Burgeroom 起尖沙咀美麗華商場都有分店，多數網民介紹Burgeroom既漢堡包款式選擇多及好大份，即使素食者都適合，餐廳有提供IMPOSSIBLE Burgers 及沙律🥗。另外餐廳除咗有室內座位，仲有室外雅座添，就算落大雨都唔怕淋雨架❣️店員安排我哋坐室內，小妹決定只點一份漢堡同朋友分享，再加份小食同兩杯飲品，份量足以兩位女士完食🤭🤭🍔 大烤菇芝士牛肉漢堡+菠蘿🔸🔸牛肉同菠蘿果然係絕配，牛肉多汁一啲都唔乾柴柴；菠蘿及烤菇味道剛好，唔會烤過火；漢堡包有啲乾，可能因為小妹分開逐件食，如果一次過咬一啖應該係啱啱好😉可惜小妹個口唔夠大🤣🤣🍟 芝士旋風薯條🔸🔸薯條有分直薯條及旋

一直都想試呢間～好鐘意呢條街既環境方便就腳又有outdoor坐 熱鬧得黎又幾靜最近天氣好好 坐室外都好涼😗超愛牛油果既我😙簡左兩款都係牛油果牛油果醬芝士牛肉漢堡牛肉好juicy 牛油果醬好足 芝士味唔太濃 食晒成個都無覺得漏 推介👍牛油果醬芝士薯條薯條好脆 都係新鮮炸起 牛油果醬都係好fresh不過要快食完 唔係啲醬會整淋啲薯條但成個配搭都係好好食蜜味辣雞翼份量有6隻 岩岩炸起夠熱 面好脆 入面夠味 唔錯 唔係好辣 岩岩好👌蜜桃冰茶🍹陣味唔會好假 飲落仲有少少蜜桃果蓉 好飲奇異果汁🍹係鮮榨～

BurgeRoom開業已超過10年在港九均有分店，食物品質一向有保證。其中有招牌鵝肝漢堡、軟殼蟹漢堡、大烤菇漢堡及龍蝦漢堡，平凡中帶點不平凡。店內時尚設計是那種輕工業風 ，帶給人一種輕鬆又有格調的感覺，現在全日指定飲品$39起，太優惠了吧！銅鑼灣分店有一排室外的座位傾偈飲嘢非常chill ～大啡菇芝士漢堡- 如果你正在生酮飲食，還可以選擇走包，新鮮又充滿水份既生菜取代減去碳水化合物～牛油果芝士漢堡加菠蘿牛肉 juicy，加上菠蘿的甜酸和牛油果的自帶香味，簡直絕配！

約了朋友銅鑼灣見面，朋友想食burger，第一時間諗起位於Fashion Walk的Burgeroom，人流較少較靜，可以慢慢邊食邊傾計。餐廳設有室內及室外座位，環境舒服，如不吃煙建議坐室內，室外煙味較重。入座後自行scan QR code落單，午市設lunch combo，加多$35配直薯條及飲品。Menu簡直花多眼亂，淨係漢堡款式都令人選擇困難，除了經典牛肉burger，仲有雞、海鮮、素食等，小食及飲品種類亦非常多，樣樣都想試，落單都用了10分鐘以上(笑)值得一讚是餐廳事先將burger貼心切半，容易與朋友share，亦較方便進食，麵包亦經過烘烤，外脆內軟，份量亦足料，如果是較細食的女生，建議share一款burger再揀小食飲品已非常飽肚。芝士蛋牛肉漢堡餐 $145牛肉Juicy多汁，非常厚身，配濃濃芝士及蛋非常夾。菠蘿燒烤醬雞柳漢堡 $135香烤雞肉香口多汁，口感豐富，加上清新開胃的厚切烤菠蘿，上面塗上秘製燒烤醬，一食難忘！蜜桃冰茶解渴又開胃，熱玫瑰鮮奶咖啡則充滿淡淡玫瑰香味，拉花亦加了分。

今日要同大家分享一間位於銅鑼灣嘅漢堡店——burgeroom。首先，我要講下佢哋嘅「Jalapeno Chicken Burger」。呢款漢堡有獨特嘅墨西哥風味。佢哋將多汁嘅雞肉夾入麵包，再加上墨西哥辣椒和芝士。每一口都帶有辣椒嘅香辣味道同雞肉嘅鮮嫩口感，非常開胃。雞肉味道稍微淡咗少少，味道更突出會更好。另外一款特別推薦嘅菜式係「Soft Shell Crab Burger」。呢個漢堡以軟殼蟹為主角。佢哋將脆口嘅軟殼蟹夾入麵包，再配上新鮮蔬菜同特製醬汁。每一口都帶有蟹肉嘅鮮甜味道同麵包嘅口感。軟殼蟹超大隻。另外，我亦試咗佢哋嘅「Fish Fingers with Tartar」。呢個菜式係一個經典嘅小食選擇。佢哋將魚柳炸至金黃酥脆，再配上特製嘅塔塔醬。每一塊魚柳都帶有鮮嫩嘅魚肉味道同濃郁嘅塔塔醬，非常夾。

餐廳喺Fashion Walk 有室內或者室外座位，環境好舒服☺️當日天氣唔算太凍，所以有好多人都選擇坐喺出邊同朋友飲番杯吹吓水餐廳主打食burger，我同朋友都叫咗一個嚟share🔸芝士煙肉漢堡🍔漢堡非常大份😍餐廳已經將佢一分為二方便同朋友share👍🏻漢堡包非常鬆軟，漢堡肉juicy每一口咬落去都有煙肉嘅煙燻香味漢堡裡面仲有新鮮蔬菜🥬，蕃茄🍅增加咗層次感同口感🔸芝士旋風薯條加咗芝士，所以比起普通旋風薯條貴$30不過芝士份量真係好足2-3人share啱啱好，薯條炸得金黃酥脆非常香口😋🔸爆谷雞配蜜糖燒烤醬炸雞炸得好酥脆🤤🤤 熱辣辣，相信係即叫即整入面嘅肉質都好嫩滑多汁配上特製嘅帶蜜糖燒烤醬，非常美味😋

🍔Burgeroom (銅鑼灣)📍今次嚟到銅鑼灣食burger🍔，佢啲burger會好貼心咁樣幫你分開咗一半🫶🏻，令到可以好容易share 👯‍♀️，同埋食嘅時候冇咁遴迍。🍴牛油果醬芝士雞柳漢堡 $100佢個包好鬆軟🍞，而且有烘過個底👍🏻。而個雞柳，係成塊雞扒咁放上去🐥，幾大塊吓，唔會食到最後淨係得返啲包。🍴鵝肝牛肉漢堡 $168個鵝肝煎到勁香🪿，而牛肉勁Juicy💦，同埋都幾厚吓📏，不過略嫌有少少搶咗鵝肝陣味🤌🏻。我像佢拆裝再組件⚙️，齋嘅夾鵝肝先，食完再夾牛肉，嗰味即刻出晒嚟😽。📍Burgeroom (Fashion Walk) (銅鑼灣) @burgeroom_cwb

牛肉勁細，又硬，冇汁。個包好咪。下午5時到，都多人係出面happy hour.之前食過burger都ok,今日就嘛嘛地。fashion street 都小人。佢出色都有素漢堡，下次都試吓。

同朋友係附近行完街經過食街想食burger就入咗去餐廳餐廳店舖好大室外室內都有好多位置自助型式加水、拎餐具、醬汁Lunch set 軟殼蟹漢堡 $150哇 職員送上餐嘅時候真係嚇親勁大份軟殼蟹 蟹腳凸晒出嚟唔將個漢堡包解體，根本就一口食唔到🤭軟殼蟹炸到鬆脆，但食落唔會覺得好油膩脹卜卜嘅蟹肉唔會炸到乾晒身香脆鱈魚柳蛋漢堡 $100鱈魚柳唔會有雪藏好耐嘅雪味魚柳一條條魚肉好嫩滑唔乾身表皮炸到好香脆配埋蛋食好夾飲品我揀咗荔枝冰茶朋友揀咗蜜桃冰茶今日天氣好熱，飲一啖冰茶身心舒暢好鍾意呢個冰茶好好飲飲到底仲會有好幼細嘅果肉絕對唔係假甜嘅水果茶推介大家一試冰茶有多款味道選擇我同朋友都好鍾意佢嘅冰茶！

銅鑼灣超高質重料漢堡包 無誤！全部食物都係熱辣辣，新鮮做！新鮮嘅話薯條都特別好食㗎。龍蝦同鵝肝都做得剛剛好，原先唔知道咁大份，仲叫咗兩個漢堡，兩個小食，真係食到飽一飽😆😆

🍔🍟😋 Burger Room 廣東話食評 😋🍔🍟📍 地點：銅鑼灣正中心，方便到爆啦！💡 氣氛：呢間餐廳有種悠閒嘅美式風格，令人感覺好舒服。🍔 主菜：黑松露芝士大烤菇煙肉牛肉漢堡 🍄🍔🥓呢款漢堡真係叫人目不轉睛！牛肉煙燻得好香，加埋黑松露同芝士，一口咬落去，肉汁滿溢，味道濃郁。大烤菇帶嚟啲口感彈牙，令呢款漢堡更加豐盛。真係好飽肚又好過癮！🍔😋👌🍔 主菜：牛油果醬芝士牛肉漢堡 🥑🍔🧀呢款牛肉漢堡真係好特別！牛肉煎得剛剛好，咬落去多汁多肉。牛油果醬加埋芝士，好creamy同埋濃郁。再配上鬆軟嘅漢堡包，真係一絕！食完之後我就愛上牛油果啦！🥑🍔😍🍟 小食：芝士旋風薯條 🧀🍟呢款芝士旋風薯條真係好吸引！脆脆嘅薯條配上濃郁嘅芝士醬，一口咬落去，口感酥脆同埋味道好滿足。真係一啖接一啖停唔到口！食完漢堡之後食返杯杯薯條，真係正！🧀🍟😋🥤 嘢飲：菠蘿梳打 🍍🥤我叫咗杯菠蘿梳打，真係解渴又開胃！新鮮嘅菠蘿汁同氣泡水結合，味道酸甜爽口。飲落去好涼爽，好適合喺呢個天氣飲！🍍🥤🌞Burger Room係一間值得一試嘅美式漢堡店！佢哋嘅漢堡好豐盛，口感出色，加埋啲特色嘅小食同飲品，真係令人意猶未盡！不過要記得預留

試咗呢間嘅鵝肝牛肉漢堡同牛油果芝士薯條，味道幾好。鵝肝牛肉漢堡，真係一個超豪華嘅漢堡選擇！鵝肝蓋喺嫩滑多汁嘅牛肉漢堡上，帶出一種濃郁嘅奢華感鵝肝同牛肉嘅結合真係絕配，鵝肝嘅濃郁味道同牛肉嘅肉汁交融喺口中。加埋啲新鮮蔬菜同特製醬汁，味道更加豐富，仲要超多汁！而牛油果芝士薯條，薯條炸得金黃酥脆，每一條都外脆內軟。而上面再加上牛油果同芝士，非常好食，牛油果帶嚟嘅奶油味同滑順口感，同芝士嘅鹹香完美交融。每一口都係一種滋味嘅享受。總括嚟講，呢兩款美食真係好出色。