Burgeroom (美麗華廣場1期) (已結業)

多年前已經有位住銅鑼灣既老友熱烈推薦佢屋企樓下間漢堡包店，到後來搬埋鋪去百德新街，出名到排晒長龍。但由於銅鑼灣對我黎講太遠啦，一直未有機會去朝聖。而家機會黎啦，尖沙咀都有分店，咁就腳都唔去試下，點對得住老友，點對得住自己。尖沙咀店位於美麗華商場，地點非常方便，而且店鋪面積比銅鑼灣大得多，夠晒寬敞舒適。店鋪設計以黑為主，走美國型格路線，設有bar枱位，枱與枱之間有足夠空間，坐得舒服。炸魚手指，一上枱新鮮熱辣，香氣撲鼻，即刻忍唔住放入口品嚐品嚐，食食下先醒未影相。一入口，可以用四個字形容，外脆內軟，外層夠晒脆，一d都唔油，內層魚肉軟滑鮮味，非常有水準。識得食，緊係食雙層牛肉芝士漢堡，簡直係漢堡中既經典，份量十足，無論個口幾大，都好難一口咬晒。面層漢堡包有烤焗過，又香又鬆軟。果2層手打漢堡厚度十足，5成熟，剛剛好，合埋眼都知自己食緊牛肉，正！炸薯條，絕對係新鮮薯仔即炸，好香薯仔味，炸得夠脆又唔油，好食到唔停得口。牛油果醬芝士薯條，薯條望落唔似以新鮮薯仔製成，但食入口都好香薯味，牛油果醬係以牛油果新鮮磨製，味道清新，加埋芝士，非常惹味，食多幾條都唔覺滯。餐牌選擇非常多元化，估唔到漢堡包都可以咁

銅鑼灣有名嘅burger room終於喺尖沙咀開分店！對於係尖沙咀人嘅我嚟講，實在太開心同振奮，當然要去試試。尖沙咀店座落於mirror mall內，就喺the one附近，十分方便！而新店同銅鑼灣店一樣，採取自助付款形式，先到cashier俾錢，然後就可以返位等嘢食啦～食物方面，友人和我點了兩款小食，分別是他他醬炸魚手指同牛油果芝士炸薯條，主食方面今次就冇點平時食開嘅鵝肝漢堡，而係點咗龍蝦漢堡。至於飲品，我就飲榛子咖啡，佢就飲芒果味snapple啦～準備開動～先上嘅係他他醬炸魚手指，我最怕肥膩又油的炸物，但係哩個炸魚手指炸得剛好，薄脆薄脆的外層咬下去沒有一點的油脂湧出來，點上他他醬，令人吃完一條又一條。而牛油果芝士炸薯條我和友人就更是喜愛，這道偏墨西哥風味的小食將牛油果打溶加上番茄，田園風味呼之欲出，加上芝士的襯托，冇得輸。最後就係主打龍蝦漢堡了，餐廳的擺盤十分有心思，而且仲拆埋肉，拎上手就可以大口大口地吃。驚喜的是漢堡內都鋪了一層牛油果溶，將整個漢堡帶到另一層次。和友人倆就吃到肚皮都快撐開了，而burger room就又加入了我的覓食地圖。

It's not easy to choose a stunning burger in Hong Kong, but here the burger is definitely worth trying. Very reasonable price like around $100 dollar to enjoy this kind of size of juicy meat burger in hk, while the fresh fries are also tempting.

早在多個月前已知道Burgeroom在尖沙咀開設分店，已決心要來一試, 皆因這裡是打正旗號漢堡包專門店，口碑一直唔錯, 而上次吃過後都頗滿意這裡的漢堡包，加上個人對漢堡包極之喜愛, 就在一個下午來會一會。這日大約下午一時來到這裡, 看店子的裝修會知道是走輕鬆而不拘一格的路線, 店內用餐區有梳化座位和幾枱散坐，是日就坐在餐廳內的梳化座位，也甚舒適。看了一陣餐牌, 飲品點了一杯橙汁, 酸酸地又解渴, 配漢堡包也不錯。先來一客粗薯條, 炸至外表金黃色, 外脆內軟, 入口香脆，卻不太油, 因為薯條較為粗身,吃起上來口感較佳, 令人好想吃多幾條。這裡的帶子沙律於我而言是討好的, 亮點在面頭的四隻帶子, 帶子肉厚而鮮味, 口感是彈牙的, 蕃茄也清新富有甜味, 墊底的什菜沙律，用料夠新鮮, 味道清新開胃。再來一味重口味的漢堡, 雙層牛肉芝士漢堡包有雙份的牛肉及芝士, 烘得微焦的麵包入口時脆香同內軟, 最重要是牛肉多汁香嫩，大口吃下，肉味濃郁而肉汁充盈, 牛肉混合了半溶掉的芝士是極之美味, 配合新鮮爽脆生菜和清甜多汁的蕃茄，再加上惹味的醬汁，味道非常豐富, 整個組合，是高水準之作！吃完漢堡包，已覺非常

今日出開尖沙咀做野，諗緊食咩好，朋友仔提議burgeroom。之前係港島返工，的確成日去銅鑼灣個間，而家轉左地點，又真係好耐無去！可能我地去得比較早，人唔太多，但裝修好得喎！我地兩個人，一人一個burger加飲品，再加個芝士旋風薯條share。朋友仔知我之前生日，話今餐佢請，叫我豪一豪佢，咁我就恭敬不如從命啦。Lobster Burger上網見人食得咁過癮，我又叫個黎試下先。一上台果然氣勢磅礡！大大個龍蝦頭打頭陣，側面就放左個大burger，上面鋪滿蕃茄粒同埋勁勁勁多牛油果醬，我至愛呀！burger兩側為左加強氣勢，插左兩支龍蝦拑，上面就放左一舊龍蝦肉。一開始的確係無從入手呀，但為左要食好野，「呢hea」d都無辦法。龍蝦肉唔算大舊，反面個人鐘意龍蝦拑啖啖肉d，再配埋上面滿滿既蕃茄牛油果醬，酸酸地夠清新而且超開胃。芝士旋風薯條呢個基本上係每次黎都必點的。雖然lunch有得跟餐要薯條，但無得轉呢個芝士旋風薯條，所以都係要散叫了。旋風薯條本身已經比普通薯條更有口感，再加埋一大堆芝士真係無得輸。而且唔會炸得太油，兩個人絕對可以輕易KO!Snapple雖然snapple周圍都有得賣，但唔知點解，

姐妹生日 佢最鐘意食junk food, 漢堡薯條佢最鐘意。Burgeroom地點方便 burger又多款式 係我一向食burger的好地方。龍蝦漢堡～兩個女仔一個漢堡夠曬數 好大好有睇頭。龍蝦肉幾彈牙 配上半溶的芝士 牛油果醬 鮮甜蕃茄 一口真是食唔到 要慢慢切黎食。漢堡包有芝麻 塗上牛油焗到香脆 yummy!炸洋蔥圈～炸漿好薄 洋蔥又夠甜 即叫即炸 份量幾大！帶子沙律～大大隻4隻帶子 雖然係急凍 但又幾鮮甜喎 而且有咬口唔會淋patpat。沙律菜頗新鮮 配上黑醋汁 酸酸地 同漢堡都幾match其實叫左3樣野已經好飽 但薯絲蝦食過幾次 我覺得係必吃小食。蝦球被熱辣辣脆口薯絲包住 兩重口感 正！Happy hour啤酒特價 嗚～可惜今日揸左車 唯有飲女士至愛既唔肥有汽水。哈哈姐妹生日大滿足 我個肚都好滿足～

尖沙咀出名有好多大商場，不過通常大商場嘅食店都係連鎖店，所以都冇乜大特色，不過美麗華商場開咗一間漢堡店，所有漢堡都好有特色，所以我哋揀咗呢一間！炸洋蔥圈非常非常喜歡呢一間餐廳嘅炸洋蔥圈，因為炸粉好薄好脆，洋蔥非常之香洋蔥味，完全唔覺得好肥膩，一口氣可以食六、七件炸薯絲蝦薯絲炸到非常非常之脆，有啲似薯片咁脆，薯絲內嘅蝦彈牙鮮甜，而且唔係好多餐廳有呢一道菜點，都幾特別鵝肝牛肉漢堡包個鵝肝牛肉漢堡非常之大，而且塊鵝肝好厚大，一食落口，好香鵝肝味，口感一流，鵝肝拼牛肉漢堡，味道出奇地夾，兩種不同既味道同口感拼埋，一流！漢堡包外脆內軟，芝麻味又好香，生菜好新鮮，好清爽，清甜既生菜配上鵝肝牛肉，可以中和一下，濃郁既鵝肝味加上清新既生菜，非常之夾，呢個漢堡既好味又特別，like 估唔到呢間漢堡店有咁大既驚喜，味道好味，而且又特別，Good~

食過cwb 間burgeroom，回味難忘，原來tst又開左新舖，今日出開尖咀，緊係去試下啦。入到去，環境型格，放左車軚做裝飾，又有個好大bar，幾好feel，呢間應該新開未有咁多人知，所以吾洗cwb 個間要等位。我嗌左double mushroom burger（$88）同牛油果醬芝士薯條（$62）。先講個burger，見到佢好高身，應該都有成20cm，好細心咁幫我地切成一半，仲吉住放便我地食。入面有好大塊蕃茄同好厚嘅菇，菇最正，因為仲好濕好重菇味，菇應該仲會烤過？所以好香，仲有菜同牛油果醬，增加左吾同口感同味道更多元化。整體個包都好正，好好食，好岩素食者。另外牛油果醬芝士薯條，呢個係第一次咁食，牛油味醬都幾特別，加埋芝士都好甲，熱辣辣上碟，薯條不太粗不太幼，薯仔味好重，而且都好大碟，店員都好細心，會另外拎埋蕃茄醬俾我，不過其實都好夠味道，吾洗再加蕃茄醬了。呢間店仲免加一，百多元食得超飽，我覺得下午茶可以帶多個朋友一齊share 嚟食，係個吾錯傾計優閒嘅地方。

來吧！張開你的口！挑戰厚厚既雙層芝士牛肉漢堡，可唔可以一啖咬得落喇😂漢堡份量超多，同當當記既簡直冇得比！宜間餐廳既雙牛芝堡勁大份，岩哂食肉獸！牛肉勁厚，牛味濃，加上蕃茄、生菜、芝士，令整個漢堡層次同口感都非常豐富！包身質感鬆軟，吃到甜甜的蜜糖味芝士旋風薯條，聽到個名就知邪惡喇！熱辣辣既薯條，沾滿香濃既芝士汁，簡真係perfect match!薯絲蝦口感同味道都攞滿分！金黃香脆既幼細薯條左原隻既蝦去炸，外脆內彈牙，超好食！食炸野，最岩飲啤酒！Happy hour 時段，酒精會有優惠，抵呀！唔飲得既朋友仔order了果汁，是出名的snapple果汁唷！

無論有幾苦惱，有幾憂愁，有好姐妹陪食飯傾訴，就已經好好多了！Lobster Burger龍蝦漢堡$198，本來都覺得有D貴，唔捨得叫黎食。但一吃解千愁，就豪一次吧!!!龍蝦漢堡以原隻波士頓龍蝦上檯，霸氣十足，單係瘋狂自拍都已經開心了!麵包兩邊仲插左兩隻蝦鉗，而且拆埋殼，岩哂愛吃不愛動手既懶人呀! 龍蝦頭入面仲有少少蝦膏，原來唔只係裝飾咁簡單!! 令我最開心既係芝士蓋著既係厚厚既龍蝦肉!入口每啖都係鮮甜微鹹既龍蝦肉味，同時又食到牛油果醬既果香，肉質富有彈性，非常新鮮，估唔到平民化既漢堡包都可以有咁高質既享受!大大個龍蝦漢堡好難一啖咬得哂，為保儀態，同朋友將漢堡分層慢慢吃。一般單吃麵包時就會覺得唔好食，但龍蝦漢堡烘過，而且搽左蜜糖，非常香脆滋味呀!再加上配有番茄、生菜同醬汁，口感唔會好乾!嚐試美味既龍蝦漢堡，絕對值回票價!Crab on green 軟殻蟹沙律($112)，以蔬菜、洋蔥、蕃茄做沙律，面層再放上原隻既軟殻蟹，很有意景唷！軟殻蟹入面竟然有豐富既蟹膏，太邪惡了！唯一不足既係粉漿略厭厚左啲！但整體都不錯，蟹夠大，啖啖肉！沙律加入醋汁，開胃爽口！

去左尖沙咀食飯，朋友帶我食呢間burger 店叫burgeroom。其實未去到前，我同個朋友已經選了要食佢嘅双鵝肝牛肉漢堡，因為我朋友同我都未食過，只係聽朋友講話好食，又出名，未食嘅我地今次約埋一齊食。一上碟，估吾到咁大份，分好一人一半，塊鵝肝好厚身又好大塊，煎過下，好香，一咬又好軟好重味，好好食。而再食下面就係牛漢堡，超級厚身，一咬好juicy，連埋蕃茄，不過嘅醬汁咁食，好好食。但真係太大份，最後食吾晒，塊包都冇食到，呢個包價錢都合理，$238，食兩人食得都幾飽，想平d都有一塊鵝肝的，都係百多元。下次想再食下其他，因為見都好多特別嘅，例如有軟殼蟹等。

以往一直幫襯開銅鑼灣嗰間，知道佢喺尖沙咀開咗分店好耐，一直未得閑過去食，今日朋友一齊去開尖沙咀，朋友又話叫我諗食咩，於是乎就食漢堡包啦！芝士牛肉漢堡漢堡包超級軟熟面頭香脆，搽滿牛油入口勁軟熟，牛肉成串厚，勁juicy!!如果女仔食嘅話兩個人share一個包其實都夠飽！芝士旋風薯條你一個小食真係超級超級邪惡！每一cm嘅薯條都沾滿左勁濃嘅芝士汁，薯條又香脆有惹味，真係食幾多次都覺得呢一個組合係超級夾！

台灣有朋友來了香港說話想食d好味的burger,於是就帶左他們去尖沙咀搵食! 見到個餐廳門口都好靚又多人排隊！聽人講口碑都唔錯!我地叫左d小食share同埋自己叫左個burger!我地叫左個薯絲蝦、洋蔥圈！首先小食全部熱辣辣送上，而且薯絲蝦外皮好脆身，而且薯絲倍添囗感！另外叫左個炸洋蔥圈，味道不過不失，我覺得食burger配洋蔥圈係一個典型美式配撘，所以唔可以唔叫,食BURGER配炸洋蔥圈是常識吧! 哈哈！我叫左個Double decker,其實好難一口食哂個burger,因為個size都幾大個,大過我個拳頭!所以都係用刀叉食會方便，牛肉質實，食落口唔會軟身，加埋配菜同cheese一齊食的確唔錯！味道幾濃沃！ 基評分: **味道(基基基基基)**外貌*(基基基基基)*抵食(基基基基)**服務(基基基基)**最後基言:下次可以再試!

最近老麥又番炒將軍漢堡，見身邊好多朋友都蠢蠢欲動。而我？雖然不是將軍漢堡迷，卻將我的漢堡癮喚醒。云云咁多漢堡餐廳，我最愛這家。年中光顧不少的是銅鑼灣店，今次決定衝出銅鑼灣，來到尖沙咀的新店。這裡比銅鑼灣店大得多，餐廳以車軚為主題。餐牌其實和銅鑼灣是一樣的，同時又設有自助區，水，醬料，一應俱全。鵝肝牛肉漢堡 $158最鐘意食既漢堡，每次來到都只揀它。鵝肝配牛肉已經冇得輸，兩大片入口即溶既鵝肝，加上厚厚的牛肉，十分juicy。就連包的裝作都十分認真，又熱又脆口，難怪可以百吃不厭。芝士薯角 $50薯角炸得外脆內腍，非常香口，熱辣辣。芝士醬十分多，緩減左薯角熱氣的感覺，同時令薯角變得更芝味。Ginger Tea $30天氣凍唔太想飲凍野，呢度都有熱茶可以揀。飲完成個人暖番晒。雖然食過幾次這裡的漢堡，但至今仍未找到可以取代它的。

今晚同男朋友去尖沙咀食飯，佢帶左我去食最鐘意的漢堡包。早知銅鑼灣總店非常出名，試過之後好掛住，今晚可以再食一次，非常興奮。餐牌。奇異果汁。果香濃厚清甜，多啲冰會更清涼解膩。芝士旋風。薯條炸得香口香脆，薯味濃厚，芝士醬汁咸香，岩哂鐘意薯條的粉絲。燒烤醬雞翼。雞翼炸得香口香脆，雞肉嫩滑多汁，鐘意燒烤醬汁帶點煙燻味。鱈魚漢堡加雞蛋。鱈魚的確一讚，魚香肉嫩滑溜，鮮味突出，他他醬滋味香口，鱈魚炸粉不厚不油膩，非常出色。雞蛋是食漢堡包的必須品，雞蛋煎到半熟，蛋味突出。