Burger Shot

營業中

休息中

牛頭角呢間漢堡專門店$68就有交易午市12點至兩點仲包有薯條/粟米杯同飲品外賣仲有九折添CP值好高👍🏻-2人餐（$248）包括2款漢堡/意粉/熱狗2款飲品1款小食大薯條🍟-🔸薯條自選兩款醬汁配搭黑松露醬同芥末醬都非常好好味薯條香脆新鮮大推！🔸雙層手打牛肉芝士漢堡漢堡包非常巨大手打牛肉漢堡扒又香又有肉汁夾埋生菜芝士同蕃茄非常之解膩好味🔸烤汁手撕豬肉蒜爆漢堡手撕豬肉份量超豐富每條豬肉絲掛滿香甜醬汁配搭埋洋蔥同乾炸蒜入口味道同層次感都非常豐富🩷🔸炸魷魚鬚魷魚鬚酥脆有咬口唔會太韌

呢間位於牛頭角嘅高質漢堡店，出咗新嘅期間限定🤩！無論係附近返工嘅人，或者住喺觀塘、牛頭角附近，我哋都好推介嚟試吓😋。.🐷期間限定：德式豬手洋蔥拼腸堡又特別又高質！德國豬手配埋洋蔥同埋腸，超級有風情🇩🇪，一啖裏面食到好豐富嘅味道同埋口感。而且餡料超澎湃，好滿足💕。.🐮雙層手打牛肉芝士漢堡嚟得呢度，唔少得要食佢哋嘅招牌雙層牛肉漢堡！漢堡扒超級厚🤤，而且夠晒香口又Juicy，配埋芝士真係勁邪惡。.🍟炸薯條我哋仲加配埋薯條，一齊share住食。薯條新鮮炸起，夠晒香脆💥，配埋舖頭自家調製嘅醬汁，好好食。.🫧荔枝爆爆荔枝爆爆珠配埋梳打，感覺好清爽。仲可以自己斟同埋自己shake添。.🍑白桃爆爆我哋好鍾意白桃嘅甜香味。清新嘅感覺，好夾食住味道濃郁嘅burger咁樣飲。

去開牛頭角探朋友，誤打誤撞去左一間手打漢堡店食野，鋪頭有室內室外座位，而家陣陣秋風，坐係戶外都會好舒服🍂 餐廳位置距離地鐵站都唔會太遠，步行約5-6分鐘就到～烤汁手撕豬蒜爆漢堡Burger非常足料，一拎起上手一絲絲嘅手撕豬肉都差啲跑出黎😂豬肉用慢煮方法烹調，甜甜酸酸嘅烤汁幾開胃，煮到焦糖化嘅洋蔥再加埋炸蒜粒粒，幾有口感不得不提嘅漢堡嘅包都好好食，經煎香後牛油味更突出，包質好軟熟，後尾先知原來鋪頭嘅麵包係由牛頭角嘅地道街坊麵包店供應，怪唔之得咁新鮮🍞BeFrezh 涼茶 - 洛神花 除左一般汽水之外，餐廳仲有其他特飲，包括香港製造嘅有汽涼茶系列，食野飲涼茶正好一解熱氣，清新潤喉送薯條 配 蜜糖芥辣醬 🍟原來任何時間加左飲品嘅話都會送薯條或粟米，薯條炸得金黃香脆，而且仲有好多款醬汁選擇，好有心思野菌派對用左胡椒炒香嘅雜菌，非常香噴噴

其實由牛頭角地鐵站行8分鐘左右已經到，係一個好方便嘅路程，只係因為唔係觀塘市中心而係比較接近民居所以有種隱世嘅感覺。樓梯隔離就見到，工業風裝修，有室內同室外座位，好型。推門入去就見到店員係現場手打緊漢堡﹗叫咗二人餐，包兩個漢堡/熱狗/意粉、一個小食、一份大薯條仲有兩杯飲品。漢堡種類有好多款，每樣都好想食又開始選擇困難，當然點都試咗TOP 1推薦嘅霸氣雙層安格斯芝士漢堡。而因為太想食炸雞，但又想食芝士條，所以就小食叫咗芝士條，而漢堡就揀咗炸雞蒜香野菌芝士漢堡。芝士條同薯條都好快就送到，襯住仲熱果陣即刻食會有拉絲，芝士份量好多，可以拉到好長都唔斷。薯條可以自己揀醬，除咗常見嘅茄汁之外有好多種揀，而且其他地方都好少見。最後揀咗甜酸沙津醬，食落清新可以中和薯條嘅熱氣感，薯條炸到超脆，係厚藉條所以食落好開心。兩層牛肉漢堡上面都有熱熔芝士，極邪惡。而牛肉漢堡都預設7成熟，所以外層已經煎到好香口，而內裡仲係軟熟。肉味好濃厚，連蕃茄都好新鮮好甜﹗好厚身要兩隻手先拎到XD炸雞啱啱炸起，熱焫焫香噴噴。首先先咬一啖炸雞，雞肉好滑又夠味，炸粉適中啱啱好，好似咬緊炸雞脾咁開心。而醬料入面混合咗炸蒜，連埋香口嘅炸

牛頭角定安街嘅漢堡包店叫咗個雙層手打牛肉芝士漢堡同埋烤汁手撕豬肉蒜爆漢堡一定要要雙層先夠飽😂店內可以見到廚房既叫即做所以要等一回兒坐係店内聽到烹調時嘅油脂聲十分興奮兩個包差不多同時上枱包身鬆軟又熱辣辣，雙層牛肉非常足料又厚身，食落勁多肉汁。仲係7成熟。好好味用汁手撕豬肉蒜爆漢堡，咬落一絲一絲肉卻不乾柴，口感軟嫩多汁，醃入豐富蒜香風味，可以一啖咬🫰🏻小食叫咗炸薯條同炸魷魚鬚～分量ok多 炸起嘅椒鹽魷魚鬚係最香脆、最惹味㗎 ！好食到停唔到口！另外飲品係獨立包裝茶類好方便衞生下次會試下hot dog

今日去開牛頭角見到有間好特別嘅工業風裝修風格嘅餐廳，於是就入去試下～一入到去成間餐廳都好多人，喺外面完全估唔到！呢度用qr code落單，店員亦都好有禮貌解釋落單流程畀我哋聽～我哋叫咗個二人餐，有雙層手打牛肉芝士漢堡、安格斯牛肉芝士漢堡，我哋兩份都揀咗牛肉七成熟，咬出嚟超有肉汁！亦都相當豐富！係成個包基本上一啖都咬唔曬呀！每個漢堡都係新鮮整，包亦都好新鮮好軟熟，畀其他漢堡店更加特別嘅地方就係，佢哋個漢堡包面會煎一煎，所以有啲脆脆crunchy感～小食我哋叫咗炸大薯條，食落熱啦啦，仲有好多醬揀，我哋就揀咗黑松露醬，大份到我哋兩個人其實都食唔曬！另一個小食我哋就揀咗咋洋蔥圈，配千島醬，洋蔥圈都幾好食，新鮮炸真係好脆呀！飲品方面呢呢個都幾特別，有時食咗熱氣嘢會想飲涼茶，呢度嘅飲品竟然仲有有氣涼茶，我哋叫咗有氣嘅竹蔗茅根同埋有氣嘅羅漢果茶，仲要係香港製造，支持呀！

Burger Shot 地址: 牛頭角定業街2A號地舖電話: =====================為何burger 一直被人視為fast food?但把burger 分層拆開成麵包、生菜、蕃茄，芝士及肉patty 就變成健康？我真的不懂啦，但只要是美味可口，食完再做運動抵消吧雙層手打牛burger 雙層牛肉patty 大大個好大個，7成熟中間粉紅嫩嫩，另外有洋蔥生菜，非常滋味。$58 烤汁手撕雞洋蔥hotdog , 熱狗大大條，配上甜香手撕豬肉絲在面層，張開大大口吃。炸雞蒜香雜菌芝士漢堡，雞好多汁大大塊雞肉，好嫩滑呀，好食！試了個蕃茄濃湯#keto#lchf #生酮 #好去處 #igable #假日好去處 #life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介

如果係呢頭搵餐廳想食burger，搵依間試下未嘗不可。安格斯牛肉芝士漢堡（朋友食，我咬咗一啖）牛肉好咬唔乾身，再加埋芝士、生菜同充足嘅醫料，應該每一啖都好好味。烤汁手撕豬蒜爆漢堡豬肉好大塊！唔算太濃蒜味～粟米杯都係係唔錯嘅小食，甜甜地正正常常。仲有蕃茄湯，熱辣辣咁，好多蕃茄蓉，幾好飲。薯條食漢堡點可以冇薯條！佢有幾款醬揀，我今次食配埋蜜糖芥末醬/黑松露醬都幾夾！整體而言都係幾足料、幾值得一試嘅晚餐！我仲好鍾意佢哋播嘅歌唯獨是覺得堂食唔太多位同埋環境有啲黑暗，可能都幾多人係外賣為主⋯P.S. 星期日去食，由於店員話外賣接左好多單，堂食要等十五分鐘，好彩果然真係等得十五分鐘，事先單聲嘅做法非常可取最怕等得耐又唔知等到幾時呢。

隱世漢堡包，係街坊先知道呢個小社區裏面先有呢個漢堡包店有時經過佢門口都會想食，所以上OpenRice search吓佢咩料，見到佢唔止有漢堡包，仲有熱狗同意粉因為朋友唔鍾意食漢堡包嘅關係，佢就嗌咗個熱狗我哋嗌咗個二人餐，都幾抵霸氣雙層安格斯芝士漢堡呢個包超大個超多汁，佢煮得個牛生熟啱啱好，完全冇諗過佢1塊牛已經好厚辣辣雞肉芝士熱狗朋友誇張或食到童年回憶，佢話佢辣個醬汁唔算好辣，但係又味道啱啱好熱狗有雞肉仲有腸仔加芝士大薯條小食蘑菇派對蘑菇又係超誇張，勁大兜嘢飲我哋嗌咗個無糖可樂同白桃爆爆（初初以為呢款飲品要加錢，原來都唔使加，勁抵）佢所有嘢都係啱啱整起，熱食一流

最近試咗一間牛頭角的隱世漢堡店 🐾佢特色在於burger係用手打牛肉同埋餐廳提供八款醬料for 薯條🍟😜😜包括有茄汁、甜酸沙律、蜜糖芥辣、日式芥辣、辣辣白醬、黑松露、芫荽白醬、千島醬選擇多元化💖朋友叫咗✨雙層手打牛肉芝士漢堡（$88）漢堡的牛肉餡料真係好Juicy✨✨手打的質感令人滿意包超級軟熟 有牛油香🥯芝士融化後真係好好食 同漢堡好夾~~另外我就試咗✨他他吉列魚柳芝士漢堡（$68）魚柳外脆內嫩 味道都好香吓搭配芝士更加提升了口感 蕃茄同洋蔥增加口感✨粗薯條配上黑松露醬汁 味道獨特口感偏乾同埋好脆蜜糖芥末醬汁甜甜地都幾易入口!!黑松露醬汁帶有濃郁嘅感覺✨牛油粟米🌽+加入牛油同埋香草 香草味好濃郁份量都好多下!! 邪惡感十足😈無糖可樂（$12）+ 草莓爆爆（$22）甜甜的草莓味道soda非常fresh ~~~ 任何時段漢堡加飲品送薯條或粟米架配上薯條或粟米的優惠，真係超值！有機會都會泥再幫襯，支持一下小店 🐾

位於牛頭角的漢堡店，地點位於身處樓梯的下方、惠康超市旁，即點即做，有室內室外的座位。由於堂食也是外賣包裝，若臨時趕時間、吃不完，也可以轉軚拎走。 先點了二人套餐，包二款漢堡/意粉+1主食+1份大薯條+2杯飲品。我哋選了滿肉煙煙牛牛芝士漢堡及霸氣雙層安格斯芝士漢堡。二款漢堡都是雙層牛肉，安格斯牛肉質素高，這不在話下，二者相比，我更愛滿肉煙煙牛牛芝士包，佢的醬汁滿滿，而且煙肉有先煙薰過才放入包內，特別香口，及令整個包昇華。包亦有牛油🧈 非常香滑主食選了魷魚及洋蔥圈，炸粉少，食材新鮮亦足料，二款都非常滿意粗身薯條也大份，夠3人份量👍飲品即點了二款爆珠飲品，配burger 一流

個friend話想食漢堡，見到公司附近有間評價唔錯，就去咗試新嘢。舖頭名叫做Burger shot。見其他人都係推介burger，咁我哋就嗌咗個burger，仲嗌咗一個意粉同埋幾個小食。burger個名叫做霸氣雙層安格斯芝士漢堡，見到個外型就知幾有霸氣。成個burger大過隻手掌，大到唔知點咬。漢堡扒夠晒Juicy，咬落去啖啖肉汁，滴到成隻手都係。同埋佢個醬都好滋味，好有層次感。之後黎咗第二個主食係明太子溫泉蛋雞肉意粉。個意粉做得幾好，啲韌度啱啱好，同埋佢啲醬汁唔咸同好入味。我哋將個溫泉蛋撈埋落個意粉度，層次提升哂。意粉入邊啲雞肉唔會太柴，應該係雞髀肉咁上下，啱晒食肉獸朋友。另外有三個小食係洋蔥圈腸仔同埋炸雞。最鍾意個炸雞，炸嘅時間啱啱好，外脆內軟，又冇雪味，正。腸仔都好Juicy，不錯。洋蔥圈食落口唔會太油，幾好食。最緊要最緊要，食小食記得點醬，幾鍾意嗰個辣辣白醬。蜜糖芥辣都唔錯。嘢飲方面，店員介紹咗個有汽涼茶，味道清新，消暑解渴，仲可以清熱氣添。

位於牛頭角既「Burger Shot✨」，主打手工漢堡，另外仲有意粉及不同小食，款式多樣化又好味，而且外賣自取仲有七折，非常抵食。佢哋嘅手工漢堡非常好味,必食佢哋嘅「霸氣双層安格斯芝士漢堡」🍔,兩塊厚厚嘅牛肉餅,配埋濃郁嘅芝士,超級滿足!加埋特製嘅醬汁,簡直回味無窮。另外,「千島脆脆蝦漢堡」🍔同樣係佢哋嘅招牌之一。炸蝦夠脆多汁,非常好味。意粉方面,佢哋嘅「明太子温泉蛋雞肉扁意粉」🍝非常不錯,嫩滑嘅水波蛋加埋咸香嘅明太子醬,真係好好味!

今日嚟咗試呢間位於牛頭角嘅burger店 我同朋友就揀咗個2人餐 可以自選2款漢堡/意粉/ 熱狗 1款小食 大薯條同2款飲品 感覺性價比幾高安格斯牛肉芝士漢堡 (走蕃茄)麵包好鬆軟 安格斯牛肉厚身得嚟仲好juicy keep到肉汁食落唔會乾爭爭 配埋洋蔥 芝士同生菜 增添咗個層次感烤汁手撕豬蒜爆漢堡手撕豬啖啖肉 燒烤汁食落就甜甜地 入面有炒洋蔥而且完全吸收晒醬汁嘅味道 仲有d炸蒜同生菜係入面炸粗薯條薯條份量好多 仲有成8款醬汁可以揀 最後我地就揀咗甜酸沙律 蜜糖芥辣 黑松露同千島醬 呢度嘅醬汁比起外面食嘅杰身 最鍾意係黑松露醬 味道好濃郁炸魷魚鬚魷魚鬚炸到好酥脆 面頭灑上咗紫菜粉 唔洗點醬都已經好夠味飲品方面叫咗芒果同荔枝爆爆 梳打水混合埋爆爆珠 飲落好清爽!

呢度附近都比較多小店嘅食肆，今日揀嘅係burger🤭🤭餐廳做緊嘅lunch set都望落幾吸引，但我哋因為晚市，所以選擇咗叫咗個二人餐。我哋揀咗煙肉千島芝士熱狗，安格斯牛肉芝士漢堡，薯條配蜜糖芥末，再加個吉列炸蝦。熱狗嘅包超級軟熟，而且芝士拉晒絲，佢嘅醬汁都好多。之前我都喺其他熱狗專門店食過，但我幾鍾意依一間嘅熱狗唔會太過鹹，食落去個調味啱啱好。再加埋千島醬有少少酸酸甜甜咁，都好開胃。安格斯牛肉芝士漢堡嘅份量都唔細，但係因為我鍾意一啖咬落去就可以食晒咁多種配料，所以唔會揀啲太巨型嘅，佢呢個嘅size就啱啱好。塊牛肉又厚又爆汁，真係值得一試。因為漢堡都幾驚喜，所以我另外叫多咗個炸雞蒜香野菌芝士漢堡。佢嘅配料好豐富，外脆內軟嘅炸雞配埋啲生菜絲都幾正。炸物全部都係即刻炸出嚟，上嚟嘅時候超級熱。薯條外脆內軟，配埋個蜜糖芥末，都幾好食。佢嘅醬都幾多選擇，下次都想試吓其他味。嘢飲我哋揀咗個白桃爆爆同埋梳打水。白桃爆爆有爆爆珠，白桃味有少量糖漿，加埋啲梳打水落去，特別清爽。如果想飲冇咁甜嘅人可以唔使搞咁均勻。如果餐廳有位嘅話都建議大家可以堂食，畢竟熱辣辣整出嚟一定係最好食。