Bubble Tree (成業工業大廈)

營業中

休息中

新圍觀塘街坊得閒就要上啲工廈度發掘下有冇好嘢食今日響成業工業大廈就揾到間正嘢～套餐真係超抵食～🍔瘋狂芝士日本飛驒牛肉漢堡🧀個和牛漢堡真係稱得上非常瘋狂！😋！係因為佢用咗好大量嘅熔岩芝士🧀～直頭緊緊鋪滿咗個漢堡包，件和牛漢堡扒十分juice，牛味好香濃，半伴碟除咗沙律菜，仲有好多洋蔥圈，炸得啱啱好～唔會好油膩！🥗三文魚柳牛油果無花果藜麥沙律（黑醋汁）上枱份量嚇我一跳！🤯沙律菜非常新鮮👍🏻而且有好多唔同嘅種類…有半個牛油果～仲有無花果同藜麥，件三文魚煎嘅功夫了得！🥰外皮非常香脆，但係中間嘅肉係剛剛熟，所以好嫩滑，😋配上黑醋汁～酸酸甜甜又開胃又健康！食曬成碟其實非常之飽！🤭😅🧇雪糕窩夫佢個waffle係即叫即整，外脆內軟～配上焦糖同朱古力醬，簡直係我味蕾嘅一大享受！！🍮朱古力心太軟配雪糕心太軟都係即叫即整，所以等咗一陣間～熱辣辣好好味！！外面脆脆地，配上留心朱古力醬，再加埋cookie and cream雪糕球，一冷一熱，完美嘅句號！！

早排去咗觀塘區搵食，大家都知嗰度嘅嘅工廈入面隱藏住好多出色嘅小店。今次我去嘅呢一間就係有好多年歷史，喺觀塘區屹立超過10年嘅Cafe。一試果然覺得名不虛傳，入面款式夠多，又唔少fusion菜都令人眼前一亮。🤩**照燒鰻魚滑蛋蓋鐵板拌飯**上枱嗰陣，個賣相真係幾吸引，鐵板滋滋作響，熱辣辣嘅感覺，即刻令人食指大動！鰻魚燒得啱啱好，外脆內嫩，照燒汁甜甜哋鹹鹹哋，好惹味！滑蛋夠滑溜，蛋香十足，同鰻魚同埋飯一齊食，口感豐富，鹹甜適中，簡直係完美嘅組合！😋**瘋狂芝士日本飛驒牛肉漢堡**食落去真係名副其實！個漢堡真係塞滿晒芝士！芝士拉絲嘅畫面，簡直係藝術！飛驒牛肉嘅質素都唔錯，肉味濃郁，唔會太韌，juicy 程度亦都恰到好處！🍔**紫薯湯****蕃茄甘筍湯**紫薯湯味道香甜，口感幼滑，紫薯嘅味道好突出，飲落去有種溫暖嘅感覺，啱晒冬天飲！ 番茄甘筍湯就比較開胃，番茄嘅酸味同甘筍嘅甜味互相平衡，味道唔會太單調，而且營養豐富。🍠🥣🥫Bubble Tree (成業工業大廈) (觀塘)觀塘成業街19-21號成業工業大廈2樓27室

🍽️🍝🥘性價比高工廈西餐🔔qr code落單，先付款🆗雞扒，法蘭克福腸滑蛋蓋鐵板拌飯 -$68呢個餐係會free餐湯及飲品，其他吾會。雞扒煎左好大塊，但係就冇咩味，冇做過調味甘，腸仔界左花整得好靚，雞扒上面嘅芝士如果係熱溶就會好啲。燒汁甜甜地，配埋粟米粒撈飯都好味。個蛋都幾滑。唔太餓嘅可以叫少飯。✅雜肉巴馬風乾火腿伴香辣蕃茄汁 -$68吾太餓嘅話份量剛好，如果想食飽啲或者share嘅話就建議加錢轉大份。個香辣蕃茄汁幾正，辣辣地好惹味，酸辣度都好平衡。面頭有一片巴馬火腿，鹹香十足，而意粉亦都有其他嘅配料撈埋一齊包括青椒粒、腸仔粒、煙肉粒等，都幾足料。✅西蘭花蕎麥薯仔沙律 -$12西蘭花碎同埋蕎麥其實係撈咗喺一球薯仔沙律裏面，味道幾好幾特別，旁邊仲有蕃茄仔，同一啲新鮮沙律菜✅紫薯湯紫色好吸睛，紫薯味都好濃郁，唔會好稀✅炸薯條配黑松露醬 -$55薯條份量都好多，新鮮滾熱辣炸好，十分香脆，薯條係比較粗身嘅直薯條，黑松露醬都幾深色，松露味都算濃，再俾多啲就更好。

上次喺工廈中發掘到正宗台灣菜，今次再發現一間隱世西餐廳🧐 舖面唔係好大，位置都唔算好多，但星期六嘅早晨人流都唔少，為咗食好野真係唔可以懶瞓🤭 ✨All Day Breakfast $78+ 煙三文魚 $25擺盤好靚，連煙三文魚都砌到好似朵花咁🌸 牛角酥熱辣辣，皮脆內軟；炒蛋好香好滑溜；大啡菇當然正啦😆 綿滑嘅薯蓉入面有粒粒薯仔，增加咗口感，仲有西蘭花粒，味道更豐富👍🏻 煙三文魚唔會過鹹，啱啱好😋 一般煙肉腸仔都係會鹹鹹地，配埋沙律菜食剛剛好中和返💜✨藍青口蒜香白酒忌廉汁意粉 $98一上菜就見到一排青口，粒粒都脹卜卜，鮮甜肥美🤩 再配埋香濃忌廉汁同有咬口嘅意粉🤤✨番茄甘筍湯 +$6蕃茄味道濃郁唔會太酸，仲有粒粒甘筍豐富整體口感，酸酸地好開胃😄✨荔枝冰紅茶 +$12茶底唔苦澀，紅茶飲落有淡淡果香，味道幾清新，仲有兩粒大荔枝，滿足我哩個荔枝迷😍🔍整體感覺：餐廳環境都幾乾淨企理，上菜都幾快手，職員服務幾nice。食物味道同質素都幾好，性價比頗高。不過座位唔多，如果想去食嘅朋友建議可以book定位穩陣啲🤭

觀塘公廈出名樓上多cafe&餐廳，今日同朋友仔試左呢間西餐廳，味道真係非常好，非常推介大家一試！軟殼蟹·蟹籽·香辣蕃茄汁雜海鮮意粉（$108）上菜時真的被驚艶到，比菜單上的份量還要多，造型也很吸引。新鮮炸起的軟殼蟹酥酥脆脆，好香口。微辣的醬汁配搭着蕃茄的酸甜味，加上脆啵啵的蟹籽，真的很開胃，食個不停。超級推介‼️瘋狂芝士日本飛驒牛肉漢堡（$98）招牌漢堡果然名不虛傳，整個造型都好靚、好吸引。牛肉好juicy、好厚身，加上青瓜、蕃茄、炸洋蔥，還有清爽的醬汁。最特別的是半溶的芝士加在裡面，口感非常豐富。夾着烘了的包皮，真的大滿足😋焙茶鮮奶（$34）香濃的焙茶醬在表面，配上淡淡的latte，茶味濃郁，感覺很舒服，也很解膩，比起某連鎖咖啡店更好飲。玫瑰鮮奶咖啡（$28）鮮奶咖啡加上玫瑰花瓣的點綴，整杯咖啡都添上點點的浪漫，天氣涼的時間飲上一杯真的是一大享受。

瘋狂芝士日本飛彈牛肉漢堡🍔$98飛彈牛肉漢堡扒有牛肉味，咬落都算係juicy既，尼度所有漢堡都配咗炸薯條🍟同埋沙律🥗，如果想叫飲品加$6就可以啦～個人覺得都幾抵食！日本飛彈牛漢堡滑蛋蓋鐵板拌飯🍳🍚$89見到呢度好多人都嗌咗滑蛋蓋鐵板拌飯，賣相幾靚，所以我哋都決定嗌一個試吓～呢個價錢已經包咗餐湯🥣同埋飲品🍹，加$12仲可以加配沙律🥗，我哋就揀咗西蘭花藜麥薯仔沙律🥔，份量都比想像中大兜～仲可以用優惠價加配甜品添，我就揀咗朱古力心太軟配雪糕🍫$32，心太軟真係做到蛋糕外皮香脆，內裏流心，比起好多餐廳/甜品店做得更好！

我今日約同好友去位於觀塘成業街19-21號成業工業大廈2樓27室的 Bubble Tree 食午餐，環境舒適，坐得舒服。我點左個 新鮮雜菌配松露忌廉汁意大利飯（素）$68，配紫薯湯 $6，田園素菜沙律配牛油果$12，未古力心太軟配雪糕 $32，凍檸檬茶 $6；好友點左個 照燒鰻魚滑蛋蓋鐵板拌飯 $108，配南瓜湯（跟餐），田園素菜沙律配牛油果 $12，及凍檸檬茶（跟餐）。新鮮雜菌配松露忌廉汁意大利飯的松露香濃，雜菌已混在飯中；照燒鰻魚滑蛋蓋鐵板拌飯賣相不錯，鰻魚好大條，燒得香口，魚肉結實彈牙，好味！

Happy Friday lunch去咗Bubble Tree食好西餐廳型格工業風 乾淨光猛依家仲有Halloween decorations 好有氣氛QR code落單好方便蕃茄甘筍湯 紫薯湯出面好少有得飲呢兩款湯兩款都好特別好香濃蕃茄甘筍酸酸地好開胃紫薯湯好濃稠 仲飲到啲粒粒感煙肉白菌卡邦尼意粉 $68Carbonara好creamy 口感好香滑一上枱就見到面頭有大量嘅芝士 撈埋一齊之後芝士味好香濃 而且仲可以拉絲仲有啖啖嘅煙肉香味吉列豬扒 大啡菇滑蛋蓋鐵板伴飯 $85用鐵板上 真係超大份芝士好足料 大啡菇夠晒厚肉 咬落好Juicy 滑蛋都好厚身 金黃色望落好有食慾 仲用咗紅米飯另外仲有粟米 車厘茄伴碟雪糕窩夫 +$32 甜品即叫即整 窩夫外脆肉軟配埋半溶嘅Vanilla雪糕好有口感玉桂蘋果烤批配雪糕 +$48玉桂味好香 面頭有鋪上滿滿嘅蘋果 蘋果烤得好軟熟 批底厚薄適中 面頭都配有Vanilla雪糕抹茶鮮奶 +$17抹茶味好香但又唔會太濃 唔會搶咗奶味啱啱好凍檸茶

又嚟bubble tree食 dinner 😋😋 食物選擇豐富高水準，價錢好抵，成日都同同事嚟食～今晚都係坐滿晒人，好熱鬧🥳All Day Breakfast賣相超吸引🤩 結合了多種美味配料，包括煙三文魚、沙律菜、滑蛋、芝士大啡菇、司華力腸、煙肉、牛角包和薯仔沙律。每一口都帶來豐富的口感與風味，仲營養豐富😚 值得一試！香煎三文魚扒滑蛋蓋鐵板拌飯 配南瓜湯三文魚好大件！鮮嫩多汁，滑蛋滑順，與熱騰騰的鐵板拌飯完美結合。南瓜湯清甜順滑，增添了一份暖意，美味又滿足朱古力心太軟配雪糕必點！濃郁流心巧克力醬令人無法抗拒😍😍 搭配一球雪糕，完美的飯後甜品組合

今日路過觀塘，通過openrice揾到這間人氣很🔥的cafe～ 日本飛驛漢堡滑蛋蓋鐵板拌飯菜式精緻，滑蛋嫩滑，厚身牛漢堡，還有車打芝士條、玉米、聖女果，燒汁拌紅米飯非常好吃😋紫薯湯🍠第一次在餐廳見到紫薯湯，很順滑，濃濃的紫薯味道，保留原味，唔會好甜南瓜湯💓這裏的南瓜湯更香濃，還能吃到南瓜小塊，綿密絲滑👍🏻軟殼蟹、蟹籽、香辣醬、茄汁海鮮意粉🍝軟殼蟹我的最愛😍 ，算時令菜品，➕6💰加大份量😆，意粉上鋪了大量軟殼蟹、蟹籽、魷魚、蜆。軟殼蟹大大隻，熱辣辣，炸的香脆，意粉味道酸酸辣辣，惹味十足😋😍🥰玉桂蘋果烤批配雪糕本人十分鍾意玉桂口味食品，這個中和了香甜雪糕、奶油、蘋果片以及酥脆烤批的口感😋，必點🫶🏻餐廳沒有加一，性價比不錯～ 👏🏻👏🏻👏🏻

芝士日本飛驒牛漢堡:  漢堡的牛肉質地細膩，肉汁豐富，搭配濃郁的芝士，口感滑順。麵包充滿牛油香氣，外脆內軟，整個漢堡味道係完美配塔。軟殼蟹, 蟹籽, 香辣蕃茄汁雜海鮮意粉:這道意粉色香味俱全，軟殼蟹外脆內嫩，意粉既香辣蕃茄汁酸辣平衡搭配新鮮鮮甜既海鮮，增添了豐富層次。青檸薄荷梳打:  清新的青檸與薄荷的搭配，提供了絕佳的解渴感，特別適合炎熱的天氣。氣泡的清爽感使整體更加提神。焙茶鮮奶:焙茶的香氣濃郁，與鮮奶的滑順結合，讓這款飲品既有深度又不失柔和，適合在餐後慢慢品味，帶來滿滿的幸福感。

今晚同朋友食飯 佢帶我去左間觀塘工業內的一間西餐廳 叫bubble tree📍-餐廳裝修行簡約風，亦設自助區，方便客人使用✅我地都叫左主食加湯同前菜📝我點左蕃茄甘筍湯🥣材料足，不過我略覺得偏酸😆朋友點左南瓜湯🎃南瓜味濃，口感幼滑，暖胃之選-Dinner set 會有前菜，我叫左田園素菜沙律配牛油果🥑蔬菜份量多！ 朋友點左墨汁包多士🍞多士脆口，好香口！ 如果有埋蒜蓉仲正😂-主食我點左芝士蕃茄肉醬燴意大利飯🥣意大利飯濕潤有咬口，芝士味香🧀不過偏濕 食落會有少少膩-朋友點左雜肉巴馬風乾火腿香辣蕃茄汁意粉🍝火腿鹹味適中，呢個乾身，我更鍾意😆-飲品點左荔枝冰紅茶 正常發揮！ -最後甜品點左朱古力心太軟配雪榚🍧甜度討好，配上雪糕，一凍一熱食， 正！ -抵食晚餐！ 不過因為在工廈內，環境相對比較靜同難搵！ 要留意👀

今日約咗朋友去觀塘食lunch，雖然係工業大廈，但位置都好方便，喺地鐵站行幾分鐘已經到！Menu選擇都幾多，有拌飯set，有pasta，Risotto，漢堡包，沙律，all day Breakfast等….雞扒、法蘭克福腸滑蛋蓋鐵板拌飯$68： 熱辣辣鐵板上，最上面有塊大雞扒，煎得好香好入味好嫩滑，再有滑蛋蓋住糙米飯，另外仲有粟米加燒汁，腸仔煎得幾香脆跟餐有湯同飲品， 湯我哋揀咗紫薯湯，好滑好creamy,甜甜地，幾香濃紫薯味，幾推介呢個👍🏻飲品揀咗mocha，拉花好靚！跟餐追加咗個墨汁包多士$12，呢個幾抵食，三塊大大件，見佢黑蚊蚊，原來好香蒜蓉味， 多士又烘得脆蟹籽，蘆筍，煙三文魚伴香蒜橄欖油意粉$65： 卷起嘅煙三文魚呈花形狀好靚，上面舖咗勁多蟹籽，意粉有蘆筍、蒜片加橄欖油一齊炒，好香好彈牙，而且橄欖油都好健康👍🏻跟餐叫咗個 田園素菜沙律配牛油果，跟黑醋汁，酸酸甜甜，健康美味之選。蘋果汁加$12肉桂蘋果烤批配雪糕$48：暖暖蘋果批配雪糕真係好夾，平衡返蘋果酸味，焗到少少焦脆，好香好滿足。可以選擇餐後上👍🏻

今晚和老公到Bubble Tree吃晚餐。餐廳位於工廠大廈之內，地方不是太大，但非常企理乾淨。餐廳食物選擇頗多，而且價錢合理。有各類的鐵板、意粉、意大利飯和漢堡包等。還可搭配餐廳、小食和甜品等。日本飛驒牛漢堡滑蛋蓋鐵板拌飯配番茄甘筍湯、凍檸檬茶：最驚喜的是飛陀牛肉漢堡上的芝士，厚厚的一層車打芝士，焗得很香且滑。牛肉漢堡肉質鮮嫩，油脂分布均勻，口感滑順，搭配著厚厚的滑蛋蓋，蛋黃的濃郁與牛肉非常夾，形成絕妙的口感層次。滑蛋下面的拌飯十分好吃，帶有微微的焦香，飯粒分明，吸收了肉汁、秘製日式燒汁和蛋香，使每一口都充滿驚喜。蕃茄甘筍湯酸酸甜甜的，十分足料，還有粒粒的蕃茄蓉。雞扒法蘭克福腸滑蛋蓋鐵板拌配南瓜湯、凍檸檬茶：雞扒煎得外脆內嫩，醃製得入味，肉質鮮美。法蘭克福腸則帶有香腸特有的煙熏味，搭配滑蛋蓋，口感豐富。鐵板拌飯的米飯軟滑，一樣吸收了蛋汁和秘製醬汁，讓人吃過不停。南瓜湯則味濃帶甜，也十分Creamy。Kara-age 日式唐揚炸雞：Kara-age 炸雞外皮酥脆，內裡卻意外地嫩滑，雞肉的鮮味透出，醃製得很入味，蘸上秘製的法式醬汁，嫩滑美味。我們套餐加配了朱古力心太軟配雪糕：套餐加錢換購了

食過唔同觀塘餐廳，Bubble Tree餐牌款式多，價錢親民，食物仲好高質😍朋友話之前佢都食過，非常滿座，大家如果夜晚嚟食一定要book位✅西蘭花蕎麥薯仔沙律清脆嘅西蘭花同綿密嘅薯仔食落口感非常豐富，蕎麥有豐富嘅纖維，仲好健康✅番茄甘筍湯非常濃郁，番茄嘅酸甜同甘筍嘅自然甘甜完美結合，飲落非常開胃✅日本飛驒牛漢堡滑蛋蓋鐵板拌飯飛驒牛漢堡肉質鮮嫩，非常厚身，流心香濃滑蛋、車打芝士、香甜粟米和燒汁，提升了整體風味✅焙茶鮮奶焙茶的微苦與鮮奶的自然甜味形成平衡，使這杯飲品充滿層次感✅煙三文魚、雞蛋沙律意大利軟包三文治意大利軟包質地柔軟，完美地承托了煙三文魚、雞蛋沙律的味道，煙三文魚的鮮美與雞蛋沙律搭配得好好，夾在鬆軟的意大利軟包中，帶來豐富的口感。✅抹茶鮮奶抹茶的香氣濃郁，配上香滑牛奶味道好夾✅玉桂蘋果烤批配雪糕烤批酥脆、蘋果的酸甜、玉桂的香氣完美融合，味道和諧，雪糕同烤批一冷一熱，帶來極致的口感對比，食完令人覺得非常幸福感 這些菜品和飲品各具特色，推薦大家嚟試下☺️Bubble Tree📍觀塘成業街19-21號成業工業大廈2樓27室(港鐵觀塘站 B2 出口, 步行約5分鐘)